نعنبو بليسك أجل سمبوسه و فيتمو في فمي ,,
كنت البس ثوبي ألحق على الصلاة أجل مثلك لا فطور ولا عبادة هههههههههههههههههههههههههه

مره ثانية خلك على التقويم و ما جاك عندي ,, مذننا يتعازمون كل واحد ينتظر الثاني يذن عشان يذن معه ,,
الا أهل المناطق الثانية كيف و الأذان 6 الا عشر ,, <-- ما يقصد ابو يزيد أبد أجل تفطر مع طاش ما طاش ,,


أبو سلطان كان ودي أضيفك شاهي و قهوة بس ما عندنا سكر ولا قهوة الله ياخذهم الفرنسيين محجرين لنا
<-- معتز

طبعا كلنا استأنا من خسارة المنتخب الا بطاش الزعيم ما ادري ليه فرحان ض1

وش رايك في المباراة ولو أنت كان لك من الأمر شيء و هذا بعدك طبعا بس مثلا وش تسوي ,,

تقوله صادز مير عبها ماعاد احتري خلاص وش مكتوب بالامساكية
ست الا عشر خلاص ست الا عشر
ياخي من جد لازم يصير فيه رقابه شوي مهب كل دقيقه يأذن واحد
على الاقل برمضان يوحد اذان المغرب
بس المغرب على الاقل واعتقد انها تجربة جربتها اذا ماخنتني الذاكرة مصر والامارات
اقصد توحيد الاذان



ابو يزيد مسكين يارجال داق عليه وحنا طالعين من التروايح الاسبوع الماضي
اقول له وش تسوي يقول بروح اصلي العشا
اللي بيروح هناك ولا تأقلم احسه بيموت اول اسبوع


المهم معتز جب لي شي اشربه قمت أفح

معليش نقطة المنتخب ما انتبهت لها

تبي الجد انا من الناس اللي فرحت لهالخسارة مهب لشي ولكن لسبب جوهري

ياجماعة الخير من كأس اسيا الاخير وحنا في انحطاط فني
نفس الاخطاء نشوفها في كل مباراة
نفس التخبط الفني
نفس التخبط الاداري على جميع المستويات
ياخي حتى اللعيبة مافيه استشعار مسؤولية وبالمناسبة انا ضد
اللي يقول ماعندهم وطنية ماعتقد فيه انسان ولد على هالارض ومافيه ذرة
وطنية وغارية على اسم ديرته

الخلاصة من آسيا وحنا نمشي بدعاء الوالدين
والا خذعندك من المحسوبيات وتكميم الافواه
وتلميع الصور وتضخيم المكتسبات التافهة وتهوين المصايب الفادحة


انا بس بضرب مثال
اذا منتخب بلدك من مباراة العراق ( باخذها مثلا ) كرات عرضية وهجمات مرتدة
مايتعامل معها صح واذا الكابتينة رضاوة
كل مباراتين مع لاعب
يعني حسين وش يحس به في مباراة البحرين
تزوي لي زوية بأخر دقيقه أنت كابتن انت ؟
وين ثاقة تضيع الوقت وين خبرة المبارايات الدولية وين الاشياء اللي تعلمتها في تجربتك اللي خلنا نقول احترافية مع نيوشاتل

بصراحة بصراحة ولو كلامي زعل ناس كثير

السعودية قبل ماتخسر اسياء والخليج وكاس العالم

خسرت

ســـــــــــــــــــــــــــــامــــــــــــــــي

اقولها بكل حيادية واللي يعرفني يعرف زين اني ضد سامي في بعض الاشياء
لكن سامي ماراح يتعوض كقائد اسطوري قبل مايكون لاعب وهداف وحاسم
فعلا سامي شفنا نتخبط بعدك مثل ماتتخبط فرنسا بعد زيزو



ياشيخ رووح خنقتتني العبرة وخر

الله يسلمك ويسلمه
ياخي مشكلة ابو البزارين
الله يعينه
من هنا حنا ومن هنا بزارينه الله يستر عليه لا ينجلط الضعيف

رقدت يالحبيب

ورانا خط الله يجزاك خير
هههههههههههههههههه

يا علي كيبورد
متخلف

إيه أبو عبدالله ما يعوض ,,

تعال بالحضن يا أخويا

يا رجال وسـع صدرك أنا أفكر في لعبة إنا متصدرين فيها ,,
تهقى لو فيه منتخب للعبة عظيم ساري نفوز بكأس العالم ,,
و الا بنجيب العيد كالعادة ,,

أبو سلطان على طاري السمبوسة و الفيتمو ,, أذكر إنك في الجامعة من عشاق الفول
مدري الى الحين الفول حاضر على مائدة فطورك و الا لأ ,,, وش مائدة فطورك ,,

و على طاري الفطور بما انه اليوم او بالأحرى قبل ساعه كان يوم ميلادي الكريم
و كان بتصير فيه احتفالات و مهرجانات بس يوم وافق العشر الأواخر قالت أمانة الرياض
بنأجله للعيد ههههههههههههههههههههههههههههههههههههههه و مواعديني إنهم ثلاث ايام يطلقون ألعاب ناريه


أنت من حبك لي كل ما مر عيد ميلادي تكرشني ولا تبارك ولا تجيب لي هدية
الحين نقدر نقول تغير الوضع و تبجيب لي هدية ,, ايه وين سحبتي الي جبتها من مكة

شفت انا بطمر على فقرتك حقت عيد ميلادك وبعود لحقت الفطور

شف يا محمد <-- يتخيل انه قربه له وقام يطق على كتفه بشويش

شف يابوي حنا يالنجادى هالخرابيط ذي مهب لنا
عيد ميلاد ومدري وشو وبرابيس والله لو وش مانسوي
ياخي قسمن بالله ماتركب علينا
وش عيد ذا الميلاد اللي عزيمة ومفطح صاحي انت ؟
والا تروح تفصل له ثوب جديد
محمد صاحي انت يومك تفكر كذا !!
استغفر الله بس
ياخي اذا عزانا وعرسنا وعيدنا كله واحد تبزع لي انت بتسوي حفله
كني زبدت لك شوي صح !

بعدين ماتعقل يا امانة الرياض محمد حنا متفقين بدون ذب
لكن معليش تدل الامانة وينها فيه يومك تهايط علي
لاقيني انت
ههههههههههههههههههههههههههههههههه
يارجال ان كانهم صد بيحتفلون بك بيعطونك مسدس ماء وبيجلسونك بزاوية
في ساحة الصفاة بيقولون لك العب به لين تقضي مويتك واقضب الباب


المهم بس انضبط لا اكلم عبدالله <-- يمون !


بخصوص عظيم ساري ابطت والله نفوز به
وصلني علم ان البنقاليه هالحين ابد مثل البرازيل
حنا الله واعلم الله واعلم حدنا كيرم وتخب


بعدين ياخي انت نقاطك واجد ولا فيه بينها علاقة
ياشيخ من الف ريال لو جبت لي علاقة بين الفول وعظيم ساري وامانة الرياض

رح ياشيخ


ايه صح الفول جتني عين عليه
صرت اقدر الفتوش ذا الحين

<- لاحظ انه متعمد يسحب على فره الهديه

فيس يقول لا تطمر لي برد تقول تراك ناسيها

خلل فني

احتراما لنعمة ربي ما أبي اعلق عليك يا باخص المجدرة :

شف يبو عبدالله هالتخمة مو جديدة يمكن صارت ظاهرة تعودنا عليها
والسبب الأول والأخير القنوات الفضائية التجارية اللي بعيدة كل البعد عن مقص الرقيب

تعال ناخذ لها نظرة اقرب ولعلي ابدا من مداخلة كانت للاستاذ عبدالعزي جاسم ببداية رمضان
على احد الاذاعات وكان نفس السؤال مطروح
فقال في مختصر المقال ان العمل الجيد يفرض نفسه ولو كان بين ألف عمل انتهى كلامه

وهذا الكلام ظاهريا صحيح ولكن وش ذنب الاعمال الثانيه الجيدة اللي تنظلم بحكم
الحملة الدعائية اللي تخدم عمل عبدالعزيز او سعاد او حياة الفهد او سعد الفرج
ما ننكر فنانين كبار لكن ضاعوا في معمة الأعمال التجارية الصرفة
اعتقد من سن هالسنة في عالم الدراما العربية هم الخليجين ولحقهم المصريين ومن ثم السوريين هالسنة

ارجع و اختصر لك السر وراء هالظاهرة هي ضحالة مستوى الوعي عند المتلقى والانتاج التجاري
و عدم استطاعة مقص الرقيب ان يطال ماتعرضه قنوات " الجمهور عاوز كده "

واذا هي على ابن العنرندلي فهي بسيطة ولنا في هوامير الصحراء خير مثلا على الانحطاط
بكل انواعه اللي ممكن يتخيلها انسان
مجموعة سفهاء لا تراعي الامانه والمصداقيه في الطرح ولا تراعي جمهور ولا تراعي شهر فضيل
تطرح فيه مثل هالسخافات

بخصوص اللي اتابعه يكاد يكون محصور بين الهدامة وام البنات وباب الحارة
مع طاش على استحياء