ياقو قلبك

على الصّـده و يـا صُـــبـرك

ويا وسع صدري

على صدك و يا صُبري

ويا طول عمـرك بذاكـرتي

و يا كُبـرك

ويا شيب عيني بشيّب
عـاد ذا كـُبري

والله لون حمل صبري فوقـك..

ان تبرك !

والله ولو تعتذر منـتبـ علـى خـبري

أن ما جبرك الغلا

ما اقدر على جـــبـرك

ياللي على ارض الوفـا ما شبرك بشبري

تـــزعل وترجع

وتـلقانـي على خبـرك

و أنا انكسر لك
و اجيك أدور لـ جبري

طـيفك وذكراك

طـيلـة غيبتـك سبـرك

وشوقي لشوفتك طيلة غيبتـك سبـري

امـــــحق وليف ومحبه

و إلاأقول ابـرك !

حسبي عليك : أعشقك و أنت تحفر قـبري

ليالــي نجد

ما مثلك ليالي
غلاك أول وزادالحب غالي
ليالي نجد للمحبوب طيبي
أمانه نور عيني ياليالي
- حبيبي

ليذكرت انه حبيبي

دريت انى حظيظ وزان بالي
على شانه
تهاونت المصايب
اذوق المر لاجل رضاه حالي
والى من الزمان اشتد حره
لقيت بقرب مظنوني ظلالي
عفا الله
عنه ما جاني أول

غسل حبه جميع الهمّ تالي

بنادق مهجتي معبأ

فشقها و الغلا نيشان
أبا طلق روحي في قلب القصيد وأنبض أبياته
أبذبح حزني من أقصى الشعور لأول الإخوان

وأسيل عمره

وتشرب عيون العمر دمعاته
وحيد ولا معي إلا أخوي بـ داخلي غفيان
ترفرف ضحكته وأطلق نعاسي لـ صبح ضحكاته
في بالي أرقد وأدري
حزين وشارد و بردان
وأنا أنثر برده من فوق الخيال وجمر سجاته
ينام
وأعقد بعين الأغاني جمرة التحنان
ينام
وأعقد بعين البداية كل نهاياته
يدور قلبي تتفتت ضلوعه يطحنه حرمان
يجوع القلب
يحضني في جوعي وأكل فتاته
وأطل من الألم
أحضن حياة الشارع الولهان
يلملم حسرتي ويكسر وجودي بشوق إضاءاته
تعبت
تمليني طعون تصب من خنجر الخلان
تعبت
تستنزف عيوني دموع العين طعناته
ياخي أقعد الدنيا رمت من تحتي النيران
وهذا العمر
ما يحمل بجوفي إلا انكساراته
ياخي ...
ليه تغيب وليه تتركني وأنا شقفان ؟!
لقر من يقلب جبال الهموم بعزة إثباته
أعرفه لا وصل كنه صقر من صفوة الويلان
يكش جلد السما
إن شافت مخاليبه وهداته
رجالاً تربط حزام القبيلة وتنفلت شجعان
وأخوي
يربط رجال القبيلة حزام هقواته
كريم(ن) ماهو من يبني فعايل صيته بديوان
في صدره
دلته وهيله وفناجيله وتمراته
إذا كان الكرم حمس الهلا في مهجت الضيفان
أخوي
من حمس قلبه لضيفه وصب فزعاته
وكم تكف كرمت بين البشر ممزوعه الوجدان
أخوي قبل لا ترمى عليه تقط نخواته
حزين السيف
بكفوف الأوادم طافي ذبلان
بعد ما نام دم اللي سقى فعله وومضاته
ياخي أقعد وقعد خضوعي بداخل الشريان
تنام
ولا بقى هم(ن) قطف من دمي غفواته !!
غريبة و شلون يكسرك الغياب
ويغلبك نسيان
ودفتر جيتك ياخي طوى من عمري صفحاته
يجيني مدري
ولكن أعرف لا وصل جيعان
قسم وإن جاني لأنحرني لجوعه تحت خطواته
وصل زواله هذاك اللي وصل
ما يشبهه إنسان
هذاك اللي وصل شايل عذاب العمر وآهاته
وجيت ألحين ياخي بعد ما شالتك أمتان
بعد ما ودهم غسل الجسد عن كل نزواته
ابد لا ينغسل هذا الشهم
مغسول بالفرسان
أخويه من غسل روح الجسد في طهر نياته
أيا دفان ...
- دخيل الله - لا تدفنه يا دفان !
دخيلك خلني أدفن في بالي جمر بسماته
وهف بسماته
من هذا المكان لأخر الأحزان
وأنا أطحن موته في جوع الكلام وأخبز سكاته
أنام و شلون لا صار الإخو جايع : وأنا شبعان
أخوي اللي كسر قلبه
لـ جوعي وجاع لحظاته
أخوي اللي يمزمزني معاليقه إذا عطشان
أخوي اللي ثنى عمره
من أجل أطلع مسافاته
يدين القـــبر ضمني ـ
وسط حضن الأخو نعسان
أبرقد دام لي قلب(ن) دفن وياه نبضاته
أكيد أنه وسط قبره سمع طق الخطاوي ~ الآن
ألا ياليت أنا المدفون
وأنا أسمع طق خطواته !!

* أحبك
كذبة بيضا عشقتك عشق بعد وقرب
وغنت صوت قلبي لك
شفاه تجهل اسبابه
اموت بنظرة منك

وينبت في دروبي عشب

إلا منه شربني صوتك الفتان و احيا به

عظيمه هـ القلوب اللي تحب وخافق ماحب
حياته وش حياته لو يموت فراقها ولابه
أدور لك كلام أجمل
ولا أجمل من كلام القلب
وعمر القلب ما يكذب نهار يحدث أحبابه !

أطير لك حمام البال

وافقد كل ليله سرب
يمسيه الورق في حضنه الدافي و يدفابه
شعوري لو نثرته للـ هبايب كل جرح هب
وعنيت الهوى
وأهل الهوى والحب متشابه
حنين وشوق و أحلام كثيرة
و الحقيقة عذب
حلاته في عذابه من دخل دنياه يشقى به
عظيم الحب :

ـو أنت أعظم و أنا أعظم من جرحه الحب
حياتي عطرها نزف الشعور اللي من أسبابه

أنا مقدر
أكون إني حبيب في بعض أحوال
أنا كلي أجي
وإلا أروح بعزتي كلي
تخيرت الفراق
وما دريت إن الفراق وصال
أقول إني نسيتك
بس مدري كيف تاصل لي
خذاني لك سؤال في عيونك و الجواب محال
خذاني منـــك

دمع في عيوني مارضى ذلي

رحلت أنت
وتركت بداخلي طيفك وصبر طال
غدت ذكراك شمس ما تغيب و صورتك ظلي
حكيت و مالقيت من الحكي
إلا الـندم موّال
سكت ومت بالحسرة
ولا ادري وشهو أحسن لي
- أحبـــك
كل ما فيني يحبك يا خلي الـبـال!
تخيلتك دواي
و صرت جرحي الصعب يا خلّي
تعبت أرحل مع وجيه البشر

بانساك بـ الترحال

و لا ادري وش يجيبك
في وجيه الناس : و اهلّي

يا هوه
يا كشخة
دموعـك زادتـك عنـدي وقـار

أدخل على الله

من دموع العيـن و اللـي صبهـا ..

تعال

و أضحك و اترك العالم

ورى سـور و جـدار
و ان سالت الدمعة من عيونك غصيبـه .. غبهـا
تكفى فديتـك ..
قـل لدمعـك لا يزيـد الأنهمـار
تراه يجرحني و لـو طـاول ضلوعـي ..

شبهـا

خل البكـاء لـ عيونـي الثنتيـن
و أشعلهـا شـرار
و ان كانها ما ترضي غرورك ..
تعـال و عبهـا
حرام تبكي !!
و أنت في قلبـي لـك أقمـار و مـدار
و أغصان روحي كل ما ذعذع نسيمـك .. هبهـا
في كل حاجه لي قرار ..
إلا أنت مالي بـك قـرار
أفرغت لك قطعة من أقصى الـروح محـد ٍ طبهـا
غصب ٍ على قلبي ..
بلا تفكيـر و بـدون اختيـار
أصبحت تسكن داخل ضلوعي كـذا .. مـن ربهـا
فأن شفت روحي تنتظر لقياك ..
و تمـوت أنتظـار
خذهـا بيدهـا و اقفـل عيونـك علـيّ و خبهـا
ما اعاد ابي من لذة الدنيا ..
بيـاض و لا سمـار
غير أنت يا أخـر مـن تعـدى فالحـدود و نبهـا !!
شلت البيارق ..
و انتزعت الفوز ..
و أجتحت الديار
و العالـم اللـي تنتحـل فعلـك خفوقـي كبـهـا
أغليك من قلبي
و أحبك و أعترف سـر و جهـار
و محبتك تكبـر و يصغـر
مـن ظلمـك و سبهـا
هاك المشاعر
و القصايـد
و الموانـي
و المنـار
و الروح
و ايتام الخفوق اللـي تشوفـه ‘ربهـا
تدري من المسكين في هالكون كله ..
بأختصـار:

اللي تحبه روحك العذبـه ..
و هـو مـا حبهـا !!

لا تكّدر خاطـرك
ضيقـة حبيبـك يـوم قـال :
أيه أحبك يا بعدهم بـس أنـا ويـن آغـدي
ضيقتي ماهيب بس اليـوم
يا بنـت الحـلال

ضيقتي

لها ثلاث سنيـن تاكـل مـن يـدي
ضيقتي
ما في وفاهـا يا بعـد عمـري جـدال
كل ليلـه تبسـط يديهـا وتفـرش مرقـدي
ودي أسكت
بس أعرف الحظ لا من مال .. مال
لي متى والصمت ينهش في ضلوعي وجسدي
شوفة عيونك..
هموم وضيق خلق وقل حـال
وش أسوي دام حظـي يا بعـد عمـري ردي
هي كذا عيشة حبيبك
لـو تظاهـر بالكمـال
أقرب أيامـه سعادة بعدهـا بعـد الجـدي
هي كذا وأنتي بكيفك ..
ما بقى فيهـا سـؤال
فيه دمعه في عيونـي تنتهـي أو تبتـدي ؟!
كلهـا مابيـن كلمـة روح
أو كلمـة تعـال
كلمةٍ فيها أضيـع ..
وكلمـةٍ منهـا آهتـدي
هذا كل اللي بقوله..
وأعـذري قـل الوصـال
والله أدري بك زعلتي بس أنا ويـن آغـدي