|محتاج لك حيل
|للشاعر / ثامر شبيب الدقباسي
محتاج لك حيل..
و الله يقطع الحاجة..
حدتني و جيت أداري دمعه عيوني..
باين علي التعب
.... و الضيق و إنتاجه..
منهار لوني متغير ما هو بـ لوني..
لقيتك اللي يصد معقد أحجاجه..
و أنت اقرب الناس والغالي و مــضنوني..
لكن على الله بــديه الضيق وافراجه..
والا انت [ الله معك ]
خابت بك ظنوني..
بــلاش منك !
ومن موقفك واحراجه.. !
رح واتبع اللي خذوا مني و خلوني..
من صد عني ترى مانيب محتاجة..
من دونه اعيش
...... دامه عاش من دوني..
- ان قدر الله مع الأيام نتواجه..
تمر مثلك مثل ناسً يـــمروني..
بعيوني تصير ما تسوى ولا حاجه..
من عقب ما كنت تسوى الناس بـ عيوني
|تسع سنين
|الشاعر / ضيدان بن قضعان
على عيد انكساري
في غرامك قبل [ تسع سنيـن ]
تذكّرتـك وقلـت آكلّـمـك والنـيـة النـيـة
- آلو
- لبيه يـ أغلى من ذبحنـي قبـل عـام ألفيـن
و مِـت ولا حييـت إلاّ علـى ذكـره وطــاريّـه
أحبـــك
وين ما سجّت عيوني في الزمـان الزيـن
وسجّجنـي الزمـان إللـي متاهاتـه خياليـة
ولا سجّيت عن آخـر لقـى
عطّـارة البحريـن
ودهن العـود وأشيـاء الشيـوخ الارجوازيـة
[ رعى الله ] كل يومٍ مرّنـا مـا قبـل ذاك الحيـن
على زمّـة صُفـى الأيـام والأحـلام ورديـة
يوم إنك تستحي تذكر إن عمرك وصل ‘ عشريـن
وأنا ما طاب لي إلاّ ما ورى العشريـن بشويـة
ياحلـو أحلامنـا
ومراهقتنـا والبـلا بعـديـن !
كشفنـا ضحكـة أول حلمنـا ودمـوع تاليّـه
ولكن ما ندمنـا،
ليـه؟ لأن العالـم الحلويـن
يعيشـون الغـلا وفـق القوانيـن السعوديـة
عفا الله
عن ملذات الهوى والعشـق والتخميـن
وسجّـات الغـرام
ولـذة الـحـب الحقيقـيـة
فديتك
يوم تاخذني على كيفـك ولا أدري ويـن !
معك من وين ذعـذع هـواك ومالـت الفيّـة
غدينا كنّك الشاعر وأنـا واحـد مـن الغاويـن
نهيـم بكـل واد مــن العلـيّـا للــ عزيـزيـة
وبعد ما فاتنا ركب الحياة
وشفت شـوف العيـن
مسـارات الطريـق والاتجاهـات المصيـريـة
عرفت إن كل شيٍ لـه نهايـة
والنّيـا والبيـن
مصير الشاعر إللـي خانـت أوزانـه قوافيّـه
خلاص اعزم على الفرقى
ولا لك في رقبتي دين
تـرى حنّـا تعدّينـا الخـطـوط الاستوائـيـة
تفاهمنا على حسـم الأمـور وكلّنـا راضيـن
وتوادعنا
مـا كـن قلوبنـا خضـر و هواويـة
ومع هذا عجزت أسج وأنسى وأتـرك المقفيـن
أغصـب القلـب
لكـن الغـلا قـدرة إلهـيـة
أعن لكل ما في نجـد حتـى شـارع الستيـن
وأحن إلا ذعذع الغربي على أهل الشرق عصرية
وإلا منّه سرى من كـل ليـلٍ حـروة الثلثيـن
عرفت إن نسبة النسيـان دون اثنيـن بالميـة
وفكّرت آتبدوى مع أهل البل وأترك أهل الضيـن
يجوز البل تنسّي مـن تبعهـا عـن مشاهيّـه
وشريت الوضح لعل
وعساي أسلى مع السالين
وقعدت أشـد وأنـزل فـي التهاتيـه الخلاويـة
ولكن ما تغير حال هـذا أنـت اتحدانـي ليـن
نويـت أتـم نصـف الديـن
والنيّـات مقفيـة
وخذيـت مـن البنـات الغيـد وحـدة وثنتيـن
عساي أسج عن طاري الهوا وطيـوف غاليّـه
لكن الوضع هو هو
ما تغير والزمـان يشيـن
وحبك كل يـوم يزيـد فـي العيـن الشقاويـة !
عسى ربي يعافينـي
ولا يبـلاك قـول : آميـن
تراني كنّـي إللـي واطـيٍ لـه جمـرةٍ حيّـة
وتراني يوم أكلّمك فديتك عقـب [ تسع سنيـن ]
ما غيـر أهيّـض العبـرات ولاّ النيـة النيـة !
|من بادي الوقت
|خالد الفيصل
من بادي الوقت
وهذا طبع الايامي
عذبات الايام ما تمدي لياليها
حلو الليالي توارى مثل الاحلامي
مخطور عني عجاج الوقت
يخفيها
أسري مع الهاجس اللي
ما بعد نامي
و أصوّر الماضي لنفسي و أسليها
أخالف العمر أراجع سالف أعوامي
وأنوخ ركاب فكري عند داعيها
تدفا على جال ضوّه
بارد عظامي
و الماء يسوق بـ معاليقي و يرويها
إلى صفالك زمانك علّ يا ظامي
..... اشرب قبل لا يحوس الطين صافيها
الوقت لو زان لك يا صاح ما دامي
يا سرع ما تعترض دربك
بلاويها
حتى وليفك و لو هيّم بك هيام
سيّور الأيّام تجنح به عواديها
|الاخـــتيار
| للأمير / بدر بن عبد المحسن
ودي اختار.. الليلة درب ..
ما تعرفه ..
ودي اجلس في مكان ..
ما يذكرني بصدفه ..
أو وعد ..
ودي أحكي يا حبيبي .. مع احد ..
غيرك احد ..
لجل النهار .. وحريتي ..
أعطيني .. لحظة اختيار ..
وحدي و غديت أنت الزحام ..
وحدي أبد ..
و انت الكلام ..
نورك وما غيره .. ظلام ..
عذب الحروف .. طاغي الطيوف ..
أبعد عن عيوني .. با اشوف ..
لجل النهار .. وحريتي ..
اعطيني .. لحظة اختيار ..
ابي درب .. مايوصلني لدارك ..
ابي وعد .. ماحتمل فيه انتظارك ..
و أبي ليل .. ما يجي بعده نهارك ..
ودي ادري ..
هي حياتي ..
اختياري .. أو اختيارك ..
ودي انسي .. ليله وعدك ..
أنسى وعدك .. ما أجيك ..
وش يضرك ..
لو أخونك .. مره واختارك عليك
|للشاعر / محمد ابن فطيس المري
ما هـو بـ كفـو ‘ الوقـت
- حبـك يمحيّـه
يا للي تخـاف صـروف الأيام تمحـاه
ارتـاح ..
مـادام المواصـل يقـوّيـه
أنت أنت..
و أنا أنــا..
و [ قلبـي ] هـو إياه
حتـى ولـو بتغيـب ذكـراك تكفـيـه
....... يا واحـدٍ تكفـي عـن النـاس ذكـراه
حُبك على رملة خفوقي مواطيه
ورياح عذلي عَنك ماتمسح خطاه
واللي يعذل القلب عن درب غاليه
( يالله عسى اللي يبلا المواليف يبلاه )
اخفيه يابلفيت والحال يبديه
ادناة واحد ينظر الحال يقراه
اخفيه فيه ومعتنيٍ به وحاميه
عن كل عينٍ ودها تنزل حماه
(قلب ٍ يحبـك)
والهـوى الـذرب ماليـه
- كانـك مكذبنـي؟؟
بـ عيـنـك تـحـلاه
| وبتشوف به تمثـال والوقـت هاريـه
| وبتشـوف زرع ٍ ميـت و واقـفٍ مـاه
وبتشوف جرحٍ فيـه سكيـن راعيـه
راح ونسى السكيـن| ـو الجـرح ينخـاه
وبتشوف حصنٍ عجّ الاقدار سافيّه
وبتشوف باقي بيت . راعيه خلاه
لا تنزعـج هـذا خفـوقـي و ...... .| باقـيـه
ولا تضايـق مـن تـصـدع زوايــاه
قـد زلزلـه ×فرقـى وهـزت عراويـه
والله ستـر والحـظ عانـه وعـافـاه
و كانه صلح لك و أعجبك
زيـد تبنيـه؟
ابـنـه وجـهـز للـ مقابـيـل مبـنـاه
- أبغيك بـس
مـن المفـارق تداريـه
ـو ازهل من يـداري / شعـورك و يـدراه
وحلل وحرّم فيه يا أبرك بــلاويه
وحله وراع ارضاي ورضاك و ارضاه
جعلك بعد بعض الوجيه
امحق وجيه
ناسٍ مراتعها الرفيق بتقفاه
انواع واخطر نوع مانيب ناسيه
نوعٍ على تفريق الاثنين مسعاه
تلقاه دوم
وكل يومٍ تلاقيه
واذا بغيت الصدق ما عاد تلاقه
وإلا انت
ردك كُل مادعيك [ لبـــيه ]
انشهدٍ أن منتب في عيني اشباه
منت بمعى العالم ولا تقولي ليه
انت ادرى مني وش جوابي وفحواه
كذيه ومن الله يا زين وإليه
واغلى طروش القلب ودواه من داه
الحلم ياتيني بزولك و اراعيه
وفي كل حلم اقوم قبل اتحفاه
واعشق ‘ سميك في البزارين وادعيه
واقبل خطاه الا اخطى
واتلقاه
واسمك يروعني اذا مرّ طاريه
واحب ملقوفٍ يسولف وطراه
وامرّ بيتك من بعيدٍ ولا اجيه
وانا لو انه في يدي ما تعداه
حتى تواير موتري تلتفت فيه
تبغي تلفّ ويستحي العقل والجاه
- وصلك يخيط الصدر والبعد يفريه
ويا بري حالي كان صديت برياه
ويلي على ادري حبنا ويش تاليه ؟؟!
وويلي على ادري وش ورى الغيب ويلاه ؟؟
عشان اشوف اذا محبتك ترفيه
والله لاقفي عنك
- استغفر الله
| ما جيتك
| لـشاعر / مساعد الرشيدي
لا عــاد تـــنشد ما بـقى عـــــندي علوم
كـــــل العلوم المبـــــطيات
تــخبرها
ما جــــــــيتك ..
اشكي ميلة الوقت مزحوم
نفســي ليا ضاق المدى ما اخسرها
يا صاحبي ..
كنت امس كنت امس محشوم
واليــــــوم هــج بجيتك واختصرها
خـلــك بعيد
ابعد من العــــــــــام للــيوم !
و ادنى من أحلام النجوم وقمـرها
بعــض الكــلام
اللي تحــليه مســـــموم
وما كل كـف صافحتك تغــــدرها
كـــم طــيب ســــاقـته الأقدر لـ رخوم
ويا كــثر ناس
تــنخدع في صورها
والحــر ما يشــــره على خـــنعة البـوم
الله رفع شـــانه و وطا قـــدرها !
لــو جــيتني كنك على الوجه
ملطوم
بعــض الخـطايا عذرها مـا غــفرها
عنـــدي تساوت هرجــة العــذر واللوم
هــــذيك ما ابغاها
وذيـــك احتقرها
زلــه وعـــدت ما حدتــني عــــن النوم !
مرت ســلام وبـعد الله كـــــــدرها
انــا اعتبرها كبـــوة حصـــــــان
ويقوم
وانت اعــتبرها زي مــا تـعتبرها ...
| للـحـزن سـاحـاتٍ
| لشاعر / مدغم ابو شيبه السبيعي
للـحـزن سـاحـاتٍ بـصـدري مـثــل سـاحــات الـقـتـال
فـيـهــا الاصــيــل مــــن الـمـهــار تــعـــوّد بـخـيـالـهـا
ولا يـطـفـي حـــر مـابــي مـــن حــرايــق وأشـتـعــال
الا الــدمــوع الــلــي مــــن عـيـونــي يــهــل هـلالـهــا
لازال فــيــهـــا دمـعــتــيــنٍ لــلــفـــراق ولاتــــــــزال
ذكــــرى هــنــوفٍ كــــل يــــوم أحـطّـهــا وأشـتـالـهـا
راحـــت عـســى الله مايلحـقـنـي مـشـاريــه الــرجــال
تــقــول كــنّــي مـاخـلـقــت مـــــن الــتـــراب الاّلــهـــا
عـــزّ الله أنّـــي مانـسـيـت أفـعـالـهـا بــنــت الــحــلال
لـــعـــل ربــــــي مـايـجـازيــهــا بـــســــو أفـعــالــهــا
أكـبـر جريـمـه ترتكبـهـا فالـهـوى مـــن وســـع بـــال
هـــــذي ضـحـايــاهــا بـقـلــبــي شـــيـــدوا تـمـثـالـهــا
وشلـون تهجرنـي وأنـا مـالـي عـلـى الهـجـر أحتـمـال
وشـلــون تهمـلـنـي وأنـــا مـانـيـب أطــيــق أهـمـالـهـا
وشـلـون تقطعـنـي بسـيـف الـبـعـد قـطّــاع الـوصــال
وأنــا لــو أقـطـع عــرق قـلـبـي ماقـطـعـت اوصـالـهـا
وشـــلــــون ماتشتاق,,ماترحـم,,مـاتـذكـر,,مـاتـسـال
وشــلـــون مـاتـطـلــق يـــديـــنٍ كــبــلــت بـأغـلالــهــا
وشــلــون مـايـطــري عـلـيـهـا لاتـفــيــت فـالــظــلال
مـتـشــبــثٍ لاوقـــفـــت جــنــبــه قـــعـــد بـظــلالــهــا
مكسـور خاطـر والسـوال أعـووووذ مـن ذل السـوال
يـامــا أنـتـظـر مـــن بـــرج هاتـفـهـا يـبــث أرسـالـهـا
لـكــنّ مـــال الآدمـــي حـيـلــه لامــــن الــحــظ مــــال
المـيـلـه الـلــي فـــال ربـــي خـيــر لــــه مــــن فـالـهــا
هــي افقدتـنـي مــن هـنــا .. وأنـــا فـقــدت الاتـصــال
مـــــن يـــــوم راحـــــت لارسـايـلـهــا ولا جــوالــهــا
يـاقــســوة الايـــــام والــحـــظ الـــــردي والاتـــكـــال
عــلــى مـقـولــة ( لـلـمـواقـف والــلــزوم ارجـالـهــا )
يالله دخـيـلـك مـــن تـردّايــة نـصـيـب وشــيــن فــــال
مــن حـيـرة آمـــري لـيــت عـنــدي حـيـلـةٍ وأحتـالـهـا
أن أرخصـت قـدري وطاحـت قيمتـي والهـجـر طــال
قـولـولـهــا تـــتـــرك مـكـابــرهــا وتـــاخـــذ بــالــهــا
أنا من اللي فوق .. فوق و فوق .. فوق و عال .. عال
تــركــد ويــركــد عـمّـهــا مـعـهــا ويــركـــد خـالــهــا
لاوصــلـــت لـلــحــد هــــــذا لانـــقـــاش ولاجــــــدال
تـبــعــد وتـنــكــف الامــــــور دقــاقــهــا وجــلالــهــا
لـو المفـارق صعـب والنسيـان ضــرب مــن الخـيـال
ارخــــاي راســــي لايـــــروق الــهـــا ولايـحـلالـهــا
احـفـظ لـهـا قيـمـة غـلاهــا وأنتـظـرهـا مـــن شـمــال
ـوإذا نـسـتــنــي هــــــذي الــدنــيــا وهــــــذا حــالــهــا
أمّـا أنـي أنساهـا .. نـسـى الله مــن نـسـى ذاك القـبـال
يـاااااصــبّ روحـــي صـــب دلـتّـهـا عـلــى فنجـالـهـا
قـولـولـهـا لاسـتـخـسـرت فـيـنــي ريـالـيــن أتــصــال
تـهــدي عـلــى ( جمـعـيـة الــصــم الـبـكــم ) جـوالـهــا
| أسبوع مر !
| للشاعر / محمد جار الله السهلي
أسبوع مرّ !!
و لا وصل منك مرسـال
يا قوّ قلبك كيف تقطعنـي أسبـوع ؟!
الجوع كافر !
و أنت ما ترحـم الحـال
و انا عليك من الولـه
ميـت ٍ جـوع
ياللي غيابك صعب يطري على البـال
تركتنـي ضايـق و حايـر و مفجـوع
ماكنّـي الا: شايـب ٍ فاقـد عـيـال
وماكنك الا: محرّم ٍ حـق مشـروع !!
بيفوع لـك قلبـي ليـا مـر الاطـلال
ياليت مالـي قلـب
يشتـاق ويفـوع
حسبي عليك
شلـون قطّعـت الآمـال
بآآموت لاصار الامل فيـك مقطـوع
ياصاحبـي ماكـل نــزّال رحّــال
انت الحيّا من وين مارحت متبـوع !!
نسيانـي لـزول ٍ بالاعمـاق يختـال
اصعب على صاحبك من حبة الكـوع
لو الثمن في شوفتـك عمـر رجـال
كان الثمن من يوم ما غبت
مدفـوع !!
ولو القدر مـا تـم قولـه ليـا قـال
ماضاق صدر ولا انحنى راس مرفوع
يا صاحبـي ..
عشقتنـي فعـل وخصـال
وانا عشقتك شعر واحساس و طبـوع
وشلون تتركني كذا
لا اشهـب الـلال
وقدّام عيني تجف ينبوع .. ينبوع !!
بوانا عشانـك جيـت والغيـم همّـال
اسيّـل الوديـان واداحـم جـمـوع
ماردّنـي عنـك سوالـيـف عــذّال
تزعل عليّ ربوع وتقـدّر ربـوع !!
كان المهم ..
اعيشـك جنـون ووصـال
ويكون لي كلمه ولـي راي مسمـوع
واليوم ضاقت بي مـن الجـال للجـال
فرقاك تقصـم ظهـر
وتحـز وتلـوع
لو جيت شفت الحال ماسـرّك الحـال
في غيبتك ضايـق وحايـر ومفجـوع
هذا غياب اسبوع
وشلون لـو طـالطالبك .. لايطوّل غيابك عن اسبوع !!
| يا هــيه !
| للشاعر / محمد بن فطيس
ياهيه
إلتفت لي و إسمع دعاي لك : يـاهيـه
ترى عادتك تشبـع مـن البعـد واتواجـه
دعيتك بصوتٍ ياصلـك ليـه
مـا توحيــــــــه
وأنا أسمع ضلوعك من صدى الصوت لجاجه
عليـك الفـؤاد إخلاجـه مصمـخ راعيـــــــه
خف الله في راعيـه
مـا تسمـع إخلاجـه
ترى العفو
قد جـاك أولـه وإغتنـم تاليــــــه
وترى الحلم
بحرٍ غيـر لا تامـن أمواجـه
وترى الـود
ليـلٍ مظلـمٍ جيتلـك ساريـــــه
سراجه وصالـك والجفـا ينفـخ سراجـه
وترى قصرنا
اللي كم سنة نجمـع ونبنيـه
هوى العذل طيـح بابـه العـود وسياجـه
لي أيام
مـدري ويـن دارك ولا أدري ليــــه
وأنا خابـر إنـي بـاب شفـك ومزلاجـه
غيـابٍ بـلا سبـة هجـــــــادٍ بـــــلا تنبـيــــــه
وجفا أغلى العرب نارٍ على الكبـد وهاجـة
نضج قلبي
من البعـد وش حاجتـك تكويـه
جفاك الجمر
والصبر فـي بعـدك الصاجـه
وطبع حبـك بقلبـي والأيـام مـا تمحيـــه
هـذا هجـرك يحـاول يموجـه ولا ماجـه
يموت الأمـل
لكـن ظنـون الغـلا تحييــــــه
وعروق الوفـا فالـروح والقلـب وجاجـة
خبرتوا حدٍ
يبكـي علـى واحـدٍ يبكيــــــه
وخبرتوا حدٍ
مسجون ما يبقـي إفراجــه
أحبـه ولا أبغضتـه علـى شـيٍ يسويـه
ولا زالـت رقـاب الرجـا فيـه منعـاجــــــــة
عسى منزلٍ ضمه حقـوق الوسـم تسقيـه
وتضحك له الدنيا وهـو يضحـك حجاجـه
فقد خاطـري شـي مـن الضيقـة مسليـه
وغدت روحي من النـاس والليـل هجاجـة
أروح لمكـانٍ خابـره ..
خابـره يأتـيــــــــــه
أسوق القدم صوبـه وهـي مالهـا حاجــــة
مكـانٍ نزيـه
وأول مواجهـي لـه فـيــــــــه
وأنـا خابـرٍ مـا رجـل مثلــه بـــدواجــة
لعل وعسـى
مـا حدنـي للمجـي يدعيـه
وأشوفه وأنـا مـا ودي أسبـب إحراجـــــــه
يحب الجريح
آخـر دروب اللقـى و يجيــــه
وتحـب القـدم جيـة مكـان أول مواجـــــــه
| طيور الصــبح
| لــ/ عنفـــوان
طيور الصبح بجـروحي تـغـني
.................................لحنك اليوم يطربني سماعه
عقبها يا طيور الصبح ثني
............................... سلامً لي على الغالي وداعــــه
حبيبي اللى جرحني ماعتقني
......................... ...متى ناوي يجي لو ربع ســــــاعه
ابي ادري وش اللى جاه مني
...........................عقب ذاك الوصــــــل صرنا قطاعه
حبيبي ليا متى دمعي فضحني
................................ تعال أطــرد هواجسي بقناعه
حبيبي لا ذكرتك قمت اغني
................................. بكيت وقلت يا غيابه أشـــاعه
أمانه لو نويت تغيب عني
.................................... ترا لك بين ضلعيني وداعه
حلف ماينبض لغيرك ذبحني
...................................تعال وصونه لا تلوي ذراعه
حبيبي بسألك ياغايبً عني
...............................مشاعرنا متى صارت بضاعه !!
تراك أنت الوحيد اللى سكـني
.............................. علي الرب يشـــــهد والجماعه
<< ميب عاقله اللى حاشرتن عمرها بين بدر بن عبدالمحسن وخالد الفيصل 
04-09-2009, 01:12 AM
- لبيه يـ أغلى من ذبحنـي - مشارك -
رد: - لبيه يـ أغلى من ذبحنـي - مشارك -
رد: - لبيه يـ أغلى من ذبحنـي - مشارك -
رد: - لبيه يـ أغلى من ذبحنـي - مشارك -
..
كلك ذوق والذوق كله ياسر 
العرض العادي
