قصه هيا وشيخه
صديقتي خانتي ام انا الي خنتها
انا هيا
تعرفت على شيخه كان عمري 12 سنه
اول سنه لي بالمتوسطه

بسم الله
بداية القصه ,,,,,,,,,

اول يوم الي بالمتوسطه كنت شبه خايفه ومتوتره وخليت امي تجي وياي
مع انا اختي الي بالصف التاسع معاي
بس اصريت انها تجي وياي ودخلتني صفي هههههه (( كني بالرووضه
ودخلت الصف مع امي وخلتني اختار لي مكان زين والصف كان في قليل من البنات
وتعرفت على وحده اسمها ساره كانت قاعده جمبي على اليمين
اما اليسار لطيفه
في البدايه حبيت لطييفه حيل وبعد اهي جمبي
يمكن تتطور العلاقه
اما ساره كنت ما اطيقها اكرها
من اول نظر لووووول
كنت بالصفه الثانيه
اما الصفه الاخيره كانو بنات اشكالهم رفيجات من قبل ومنهم شيخه ونوف وخوله كانو جمب بعض
خوله رفيجتي من خمس سنوات واعرفها
ودايم تقول تعالي اقعدي وياي انا ما ارتحت لللطيفه
خوله تكرها لطيفه حيييييل
صار لنا اسبوع من المدرسه
وصارت لي هوشه ويا لطيفه
اختي الي بتاسع متهاوشه ويا اختها و اختي دايما تنصحني منها وانا اقول اختها غير
بس طلع نفس شي كلهم انانيات ومغرورات
وهديتها
وماحبيت اقعد وياها قلت برجع ورا
عند نوف وشيخه وخوله
تصدقون صرنا رفيجات حيل ونحب بعض
ونوف نفس عيدي ميلادي نفس التاريخ
وصارة علاقتي معا شيخه ونوف حيل اكثر من خوله
وتعرفت على وحده اسمها انوار حبيتها حيل هالبنت
وكلنا قعدنا جمب بعض
لدرج كانو حيل شطار
بس انا كنت ما اهتم بالدراسه اهم شي عندي ووناستي ووبس

شيخه الاولى ع الصف والثانيه نوف اما الثالثه وحده مو من رفيجاتنا والرابعه خوله والخامسه انوار
اما انا خخخخخخ ما احب اادرااسه
مع انهم حيل مشددين علي خاصة ابوي
كنت اجيب 82 او 83 (( الحمدلله في غيري ما جابها
شيخه شوي صارت تقعد ويا لطيفه ( المغروره)
وبصراحه انا اموت حره لما اشوفهم مع بعض
حتى ادور الهوشه واتمنى انهم يتهاوشون مع بعض امنيتي
في يوم كنت قاعده انا وشيخه ولطيفه (( قاطه وجها اوف منها
واسولف واهي تقاطعني وانا اقاعها خخخخ
ما نحب بعض ابدا
وحتى نوف شوي كانت ويا لطيفه مو حيل علاقتهم مع بعض
تسولف وياها مو واجد حتى نوف تكرهاااا
المهم
شيخه كل سبوع تغير طاولتها تحب التغييييييييير خخخخ
وطلبت من لطيفه تروح وياها
وهم اهم طلبو مني اروح بس انا رفضت
مالي خلق اتمشكل(اتهاوش) ويا لطيفه
ذاك اليوم كنت حيل طفشانه من حركات شيخه
كل ما اكلمها تلف وجهها عند لطيفه
كنت زعلانه منها وخوله تخفف علي
ويوم جات شيخه وكانت حيل معصبه
ما حبيت اكلمها لان ادري راح اتهاوش وياها
وقالت لــــي

شيخه + هيوون شفيج ليكون زعلانه علي
احاول اسوي روحي زعلانه
هيا+ امممم اي زعلانه منج ومن حركاتج البايخه
شيخه+ خلاص هيون اسفه
وكان شكل شيوخ زعلانه واهني انا سألتها
هيا + شيوخ شفيج ؟؟؟
شيخه+ لا بس كنت متهاوشه ويا لطيفه
انا اهني قلت اشوه واهي طالعتني
شيخه + ليش ؟؟
هيا + كل هاذا وتقولين ليش بعد شوفي غرورها مالت عليها ولا بعد شنو سالفتج
شيخه+ لابس رحت انا وياها انجيب الطاولات وكشتت فيني وراحت وخلتني ويوم كلمتها تقول مالي شغل فيج
وتهاوشنا
هيا+ شفتي غرورها وين وصل وانانيتها اوف من هالابنيه متى تجي السنه الجايه وانشالله مااشوفها بصفنا
شيخه+ امين انشالله
وانا وشيخه كل يوم اندق على بعض بشكل مستمر حيل
وتعرفون سوالف المراهق اعجاب وسخفات
وانا وشيخه كنا حيل انقص على البنات ونقول انا معجبين فيج وبالنهايه انجذب عليها خخخخ ( صج مجانين)
ومره يوم كنا بالامتحان الانجيلزي
كان حيل سهل بس في سؤال مو عارفه احله وعليه 3درجات وما ابيها تروح علي وشيخه كانت وراي وتحط ريلها عند كرسيي وادزه
وانا ابين لها انا هاذا السؤال مو عارفته
ودزت لي مساحه ( محايه)
وكتبت الجواب
ودايم اول ما نخلص الامتحان تجي عندي وتسألني عن الامتحان
ومره كان علينا انجلزي ابلتنا اختارت بنات حق مسابقه عشان بيجونا الشيوخ مدرستنا والمدرى الي بالمدارس الثانيه
كنت انا وشيخه دورنا ومعا بنات واجد وللسف ويانا لطيفه انرحب فيهم بعدين ابله جاتني قالت وين هيا
قلت نعم
قالت ابيج وياي بالرقصه
انا اهني وافقت بس شوي استحيت لانا كلا رجاجيل بس الحمدلله صارت الحفله ورقصت اهناك وكل شي اوكي
وشيخه كل دقيقه تقول شكلي وتقلدني شلون رقصتي
وتعيب بعد بس تقول احلا وحده فيهم
وصارت لي مواقف منها عبط

ومره اذكر ابله طردتني من الصف عشان صرخت خخخخخخ
مرت هالسنه يمكن تقولون احسن سنا لي وحبيت رفيجاتي
يمكن تقولون على صغر سنا بس والله جننا الابلات وخبلنا فيهم

وجا جم يوم لنتايج
كنت حيل خايف وادق علي شيخه وتقول ما باركتي جبت 97
استانست حيل والله كني انا الي جايبتها
والي يجي ولد خالي ويقول حصه جبتي 82
بجيت كنت اتمنى اجيب امتياز بس شسوي !!!!
حاشتني الغيره من رفيجاتني بس دايم اقول السنه الجايه اجيب اعلا انشالله
امي عصبت وهم ابوي
زعلو علي كانو متوقعين اجيب اكثر لاني دايم اجيب امتياز
قلت حق امي انشالله اعوضها بسابع
سافرت لبنان وكانت شيخه ونوف وخوله وانوار كلهم في بالي
رجعت الكويت واول اتصال جاني من شيوووووووووووخ حبيبتي
كنت حيل مستانسه ومكالماتنا ما تخلص كل يوم صبح ليل عصر مغرب
كل الاوقات
قربت المدارس وانا الصراحه مالي خلق لها ابدا
وبدخل الصف السابع
كنت مستانسه لان الي قبل بسابع يقولون سهله
قلت انشالله اجيب الي امي تبيه
:::::::::::::::::::::::::::::::::::::::

اول يوم بالمدرسه هالمره لحالي لقيت رفيجاتي ضميتهم ومستانسين حيل
بس جا الوقت يحطون البنات بالصفوف
انا مع لطيفه بصف اوف
اقول بقلبي هاذي ملاحقتني وانا بسابع
شيخه وخوله بصف
نوف بصف لحالها
انوار هم بصف لحالها
الصراحه رفيجتي حيل شيخه ونوف
وعادي تعودت على الصفي
ولا دايم شيخه تحن علي انتقل
بس انا مرتاحه ويا صفي والله ما عندي اي علاقه بالبنات بس مرتاحه مع الابلات
وهم ساره الي اكرها كانت وياي __ سبحان الله كل الي اكرهم وياي اوف شالحظ

كان كل ما يدق الجرس القى شيخه عند الباب
الكل يحسدنا على صدقتنا
واذا شافوني مو معا شيخه يسألوني انتي متهاوشه وياها
مرت الكورس الاول بسرعه نفس البرق
وجا الكورس الثاني
وتجيني امي تقول زهبي شنطتج بنروح السعوديه لان عرس بنت خالتج
بس للاسف كان امتحانات
وابوي عنده واسطه لي ولخواتي
رحت السعودي وكلمت نوف وشيخه اسولف لهم
رجعت الكويت ما بقى هديه ما شريت لهم
كلهم سوارات وعقد على اعرفهم
وجا ذاك اليوم الي تهاوشت ويا شيوخ كنت بصراحه غلطانه بس ما حبيت اراضيها قلت بعدين
وكلمتها وصارت هوشه بيني وبينها
وبعد خمس دقايق قاعده اذكر الكلام الي قلت لها ودقيت عليها من نقال امي
هيا الو شيخه موجوده
الخدامه اي موجود منو يقول
انا اهني خفت اقول اسمي وترفض قلت لها
هيا قولي نوف
الخادمه اوكي
شيخه الوو
هيا هلا والله بزعلانه
شيخه هلا فيج
هيا انا اسفه وحقج علي ادري اني غلطانه بس كنت معصبه س وبس شسوي
شيخه خلاص اوكي راضيتج
وقعدنا نسولف وبعدين سكرته تقريبا صرفتها كان عندي شغل
والله لو على شيخه ما تسكر التلفون خخخخخ
جيت الصبح وتراضينا كان بالرمضان انا كنت بالصف
بنيه قاعده تتحرش فيني وانا مو معطتها وجه اسمها دانه
بعدين قلت لها تعالي وصارت هوشه والبنات يهدونا والدش شيخه ما تدري شسالفه بس شافت رفيجتها متورطه معا بنات صفها والطالع دانه نظره خلتها اتنزل راسها
وقالت بصوت عالي تبي تنرفز دانه
هيوووووووووووووون حبيبتي وينج فديتج
وانا اقول بقلبي توني شايفتج بالشلاخه

جات الهده ةالحين كل واحد ينطلق الي بيته سايقنا تاخر وهم شيخه
واطلع من شنطتها صندوق
حبيت اعرف شنو فيه
بس انصدمته يوم عرفت وتحسفت يوم قلت لها شنو فيه
الجوااااااب
قالت تتذكرين يوم تهاوشنا
قلت اي
قالت هذول الهدايه الي هديتيني اياه كنت بعطيج اياه بس يوم دقيتي نسيت اشيلها من الشنطه
انا تقريبا انصدمت منها
والله لو شنو ما اسويها برفيجتي اقط هداياتها اصلن الهديه ما تنرد
تصدقون من حبي لها مشيتها وجنا مو صاير شي شتسوي من حبي لها بس لو شيصير ما اقط الهديه بوجه صديقتي
يوم قلت حق امي قالت والله انها مو كفو
عصبت على امي بعد
ومرت الايام بسرعه والامتحانات
وكلها سهلات هل المره مو بصفي عشان تقششني
شيخه انعجبت باابله وصارت كل يوم توقف عند مكتبها عشان تروحلها
وتجيب لها الهدايه
انا مليت من تصرفها حبيت اواجها واقول هاذي مو سوالف بنات الي تسوينها
بس خفت ترد وتقول نفسج بس انا اذا سويت استعبط على البنات!!!
وصارت ايام شيووخه تغيرت علي وعلى رفيجاتي ما صارت تقعد ويانا
وكلنا نقول شيخه تعالي اقعدي ويانا تقول برووح عند حبيبتي
( تقصد الابله)
وكل ما ادق على شيخه تقول انا مشغوله
وفي المدرسه لما اجيها تصرفني تقول هيا مشغوله
وكل مره تقول نفس الحاله
مو بس انا كل رفيجاتي
جاه ذاك اليوم دقيت عليها
شيخه الووووو
هيا هلا والله بالقاطعه
شيخه هلا فيج (بدون نفس)
هيا شيوووخ شفيج
شيخه مو فاضيه حدي مشغوله باي
سكرت السماعه قبل ما اسكرها
ومرت الايام بدون ماادق
تصرف بشي جنوني
تدرون كل ااكلمها تقول انا مشغوله بس للاسف كانت تكلم نوره اخت نوف
لان نوره تعرف الابله الي تحبها زيين وياها بعد عشان تتعرف ع الابله عدل
ونوره تكلم الابله بالفون الي تحبها شيوووخ
انا اهني دريت من نوف
حتى نوف مقهوره يعني تبيع رفيجتها عشان ابله تروح وتجي منها
من اول ما دريت دقيت على شيخه
وكلمتها ونفس الاسلوب تكلمني اخر شي قلت لها
شيخه قولي انج ما تبيني وفكيني
قالت هيا لا تصيرين جاهل
وانا اهني ماابي اطول السالفه قلت لها يلا يلا بااااااي
وسكرت التلفون ومت قهر منها
وزعلانه على الي سويت فيها يمكن استعجلت
جيت المدرسه لا كلام ولا شي
مرت الايام بسرعه
تقريبا صارت عدوتي
صار تكره وحده اسمها هيا وانا بنفس الشعور
تمر من جمبي كني ووحده مااعرفها اف مليت
اتذكر اول ما يدق الجرس القى شيخه موجوده
كانو كل رفيجاتي واقفين وياي
بس يكلمونها
وجاني خبر من وحده من البنات انا تقول شيخه بوووووويه
انا اهني انصدمت ورحت ركض عند نوف وخوله وانوار
قلت لهم
بس وحده من رفيجاتي قالت كلام غير
تتوقعون شنو قالت ؟؟؟؟؟؟؟؟

شيخه ترا هيا تقول انج بووويه
انا اهني كنت ماادري انهم قالو هالكلام

ويوم ورا يوم واسبوع ورا اسبوع
الحين شيخه حاقده علي لانها تفكر اني انا الي مطلع الاشاعه
جاتني بنت تقول انتي هياا
قلت لها اي
اها سمعنا انج توزعين ارقاااام صبيان عاد ضبطينا
قلت شنووووووووووووووووووووووووو
انا اهني انصدمت من هالخبر
قلت منو قالج قالت شيخه رفيجتج
اهني شوي اطيح غشيانه
رحت البيت وانا افكر بكلامها
اقول مستحيل شيووووخ تقول جذي
نو وي
قلت يلا بكره برووح المدرسه واصالحهم
ونرجع نفس قبل
رحت والا القى بنات جاييني يقولون شيخه مشتكيه عليج عند الوكيله انج انتي مطلعه حليها اشاعه
قلت اكييييييييييييد مقلب
سكت
كانت الحصه الرابعه وجات بنت تقول وين هيا قالت الابله كاهي تقول الوكيله تبيج
انا رحت وحدي خايفه
وصلت تتوقعون منو شفت

شيخه ونوف وخوله وجم بنات اعرفهم قبل بس يكرهوني
اما انورا ما رضت تروح
يا حبي لها ما تبي تخوني

يوم شفت شيخه ورفيجاتي انصدمت
مستحيل رفيجاتي كل يوم وياهم وكل يوم ندرس وياهم ونضحك وياهم ونستهبل على البنات ومرات نتفطر ويا بعض اخر شي القاهم عند الوكيله
يشتكون عند الوكيله
على
منو
على اعز صديقه عندهم
على صديقه تعتبرهم نفس خواتها
على صديقه ما فكرت تكرهم
وتخاف على مصلحتهم اكثر من نفسها
اخر شي
يضلموني عند الوكيله ويتهموني اني مطلعه على بنات اشاعات
وغير شكثر
زفتني الوكيله قدامهم
انا اللساني انمسك ما قدرت اتكلم
كنت احلف عند الوكيله اني مو مطلعه الاشاعه
وقاعده احلف عندها
واصيح
ناديت البنيه الي قالت لي انها بويه
كذبت عند الوكيله وقالي هيا الي مطلعه الاشاعه
قالت الوكيله كتبوها تعهد واستدعاء ولي امر
طلعت الوكيله ورفيجاتي ما بقى الا انا والخصاىيه ووانا ميته صياح
واسمع رفيجاتي مستانسين حيييييييييييل
انتقمووووو من رفيجتهم
وانا ميته صياح
وخايف من امي وابوي نفس الوقت
طلعت من الغرفه واتجهت لي صفي اشوا انا مالقيتهم بالصف
صحت لما قلت بس
اسمع بنيه تقول وين هيا وخوله تجاوب وتضحك تقول تصيح نفس الجانين
سكت
وقلت خلاص انا بصوب واهم بصوب
انتهت صداقتي معهم
مع كل يوم بليل اصيح واذكر كل يوم شنسوي وشنخطط
ونسوي مقالب ويا البنات
تذكرت انا شيخه مره عصبت علي لاني جبت بالامتحان الاجتماعيات 4 ونص من عشره
هاذي معا رفيقت دربي مع اعز انسانه حبيتها من كل قلبي
مابي اودع الحياه قبل مااشوفها
تعرفت على سااره
تذكرونها
كنت قبل اكرها اذكر اول يوم بالمتوسطه قاعده جمبي
بس الحين صارت رفيجتي حيل انقلت من الصف السابع الى الصف الثامن
بس انتقلت لي مدرسه ثانيه
اقول لكم ليه
ماابي اتواجه وياها وتصير مشاكل
كل هاذا عشان انحاش من المشاكل
وياها
مابي اتضررمنها
مابي انجرح منها عقب جرحي الكبير
وجاة العطله وهم سافرنا لبنان ديرتنا الثانيه بس هالمره برجع لبنات ثانين مو لشيخه ورفيجاتي و
الحمدلله دخلت الصف الثامن واحلا سنه
مرت بدون مشاكل ولا شي
اهم شي وناستنا
ومره كنا قاعدين والبنات يقولون هيا دايم انشوفج حزينه ليييييييش اضحكي ترا الدنيا ما تسوى
كل هاذا تفكيري بشيخه رفيجتي
قلت لهم السالفه قالو حقيييره هالبنت عصبت على البنات حييييل
وطلعت وسكرت الباب بقوه
بس اتصدقون اطيب بنات على وجه الارض ركضو وراي وتأسفو لكنهم ما سووو شي
عاد هالسنه تفوقت وجبت 93 ونص بالكورس الاول
والحمدلله
فرحت امي رجعت لها البسمه مره ثانيه
يوم كنت بسابع كنت جايبه 84 ما فرحت امي بس كنت مواعدتها بس الحمدلله رديتها بثامن
وجاه الكورس الثاني احس انا رفيجاتي يعوضوني عن شيخه بس والله كل ماابي استانس اذكرها
وجات حفلة التفوق تمنيتها وياي
بس الحمدلله على كل حال
تعرفت على بنات قلبهم مثل الورق الابيض ياحبي لهم
لدرجه صارت المدرسه تعرفني كلهم وحتى المعلمات صرت مشهوره محد ما يعرفني حتى سوادس يحبوني لدرجه انا في بنات معجبين بشخصيتي
بس يالحظ انا لطيفه وياي بالمدرسه ربي كاتب لي وياها بكل مكان اخاف بعد عند قبري لوووول
بس هالمره ما صارت وياي ويا لطيفه اهواش بس الي اشوفه انها ما عندها رفيجات ولا احد معبرها غرورها شوفو وين وداها
خلصت الصف الثامن وانا ماابي اخلصها
الحمدلله جبت 95
شوفو فرحت اهلي فيني
كلهم مستانسين وانا بعد رجعت فرحت امي وابوي
رحت للعطله وهل المره ما سافرنا ولا رحنا لبنان
رحنا البحريييين
استانست اهناك حيل
وكل يوم اكلم ساره
ياسبحان الله قبل اكرها والحين اطير لما خواتي ينادوني سويره ع التلفون
حبيت هالابنيه
حسيت غير عن شيخه
بس والله شيخه ليلحين في بالي واحبها حب جنوني بعد
تواعدت انا ورفيجتي في مكان وشفت دلال زميلتي واول ما شفتها ضميتها
دلال هيووووووووووووون وعلى طول ضمتني
هيا هلا والله
دلال مغبره وينج
هيا انا الي مغبره
دلال وشلونج شخبارج
هيا تمام الحمدلله
على فكره دلال من رفيجات شيخه
هيا انتي شلونج شخبارح
دلال الحمدلله بخير
دلال شكلج جايه ويا احد
هيا اي والله مع رفيجتي ملاك
دلال اها اخليج وياها
هيا مع السلامه
دلال باي
وتمشيت مع ملوك تقريبا ملال نفس سالفتي مع رفيجتي وانا دايم انصحها
ومره قالت لي
ملاك هيون استانس لما اسولف وياج
هيا يا حياتي
ملاك انتي غير قلبج كبير حيل ما تشيلين على احد
انا اهني سكت من كلامها
واذكر قبل يوم كنت بثامن كانت وحده من رفيجات ملاك معجبه فيني (( سوالف المراهقه
وكانت اهي الواسطه الي بيني وبينها
واذكر انا الي معجبه فيني وهم بنت عمهامعجبه فيني لوووووول العايله الكريمه
المهم
مرت دلال اهي وبنت عمها ويانا بالمدرسه وتجي
دلال هيوي هيون
انا التفت عليها
هيا هلا
دلال شلونج ويا شيخه
انا اهني ضيقت خلقي
ارد عليها وانا مكسوره
ماااكو من العام لا حس ولا خبر
دلال تصدقين انا من تعرفت على شيخه دايم تسولف عنج وكل تمدحج وتقول مشتاقه لج حيل
ملاك اهني اطالعني تبي اتشوف ردت فعلي بس كنت بارده
هيا صج عاد سلمي عليها
دلال يوصل
بعدين رجعت البيت
وتمت العطله
كنت قاعده في البيت انا وابوي اما خواتي طالعين (( على فكره ما عندي اخووو
وابوي يناديني
ابوي هيووووووووووووووووووووون
هيا هلا يبا
ابوي تعالي صديقتج خوله تبيج
انا اهني انصدمت شلووون راح اكلمها اسكر التلفون بوجها ولا شنو قاعده افكر
قلت
هيا خلاص يبا سكر بكلمها تحت
مااقدر اكلمها وامي وابوي عندي
نزلت على طول خفت اطيح من الدرج لاني حيل مسرعه وكنت اتمنى خواتي ما يجون امبجر
هيا الوووو
خوله هلا والله
هيا هلا فيج
بسوي روحي اني مااعرفها
هيا منو معاي
خوله ليكون نسيتي صوتي
هيا امممم منو خوله
خوله اي
انا اهني سكت قلت اهي الي الداقه خليها تتكلم وابشوف اخرتها وياها
على فكره شيخه تسامحت ويا لطيفه تبي تحرني
المهم هاذا الكلام قبل مو الحين
خوله شلونج هيا والله اشتقت لصوتج
هيا الحمدلله تسلمين
خوله بصراحه انا اسفه على الي صار واللله عفست البيت عشان اجيب رقمج والله ضميري ما ارتاح هيون انتي رفيجتي مو شهر ولا سنه خمس سنين ويا بعض اانا داقه اتاسف وخفت تسكرين السماعه بوجهي بس ما توقعتج تردين والله انج اطيب انسانه
اهي طول الوقت تتكلم وانا ساكته ما رديت
هيا مــــــســــــموحــه يا الغاليه وانتي نفس اختي وادري انج رفجتي من جم سنه ودخل بينا الشيطان وفرقنا
خوله والله يا هيا الحين ارتاح ضميري
ادري انج قلبج كبير وعارفتج زين ماادري شنو الي خلاني اصدق شيخه ومااصدقج تذكرين يوم تهاوشنا ويا لطيفه وسوت النون وما يعلمون واخر شي سامحتها وانتي يا هيا سوت فيج والله ما تستاهلين واخر شي تقول انها تبي ترجع لج شيخه تجرح وبعدين تسامح اخاف يجيني ادور بعد انا
هيا لا ماعليج شيخه قلبها كبير صدقيني
خوله انا مستغربه منج يا هيا كل الي سوت فيج وادافعين عنها
هيا اي بدافع عنها وماراح اسكت هاذي رفيجتي
خوله انا مصدومه هيون انتي حيل طيبه ياليت اناس مثلج او ياخذون ربعج بعد يا حظ رفيجاتج هالسنه لانهم املكو اكبر قلب
هيا تسلمين
انا اهني بصرفها
هيا خوله حبيبتي بطلع الحين بعدين اكلمج
اول ما سكرت رحت دقيت على سارره وكلمتها
هيا سااااااااااااره
ساره ها بطيتي اذني
هيا هههههه احسن المهم تتوقعين منو داق
ساره امممم ماادري يلا عاد
هيا يلا توقعي
ساره امممم شيخه
هيا لالالالالالالالالالالالالالالالالالالالالالالالا
ساره ها
هيا خـــــــولــه
ساره شنو شنو !!!!
هيا اي والله
ساره شتبي داقه
هيا تتأسف
ساره انشالله سامحتيها
هيا امممم اي
ساره مالت عليج على كل الي سوت فيج واخر شي قطتج على صخر بعدين اتسامحينها عطيني رقم تلفونهم ابي اذق عليها وتبتعد عنج هيون هالاشكال مو كفو نسيتي شنو قالو لج انج توزعين اارقام شباب هيون اذا ما تخافين على مصلحتج في غيرج يحبج ويموت فيج ويخاف على مصلحتج
انا الحين انزلت دمعه من عيني
ساره هيوووووون لا تصيحين ما عليج
هيا شنو الغلط الي سويته عشان سامحتها
سويره انا مو ضامنه روحي يمكن بالساعه اموت واهي تتعذب لانه كسرت فيني خلينا انسامح بالعكس الحين حسيت في احد يحبني
ساره هيون والله ما في احد ما يحبج بالعكس كلهم يتمنون يصورون صديقاتج اتصدقين انا اتعلم منج كل شي
هيا الله لا يفرقنا
ساره امين

ومرت سنه واهي ما شافت شيخه
وقلت لازم انساج
وكنت اتمنا اني اشوفج يا اعز صديقه
على الي سويتيه بس ما انساج
من صديقتج المخلصه ( هــيــا )
كنت اتمنا ان تكون صداقتنا نهايتها حلوه بس النهايه فرااااق
يمكن شيخه نستني بس انا والله اني ما نسيتج
يمكن جاه هذاك اليوم الي كهرتج بس رجعت لي حبج وزاد لليحين
احاول انساج قدام اناس بس من وراهم قلبي وياج
انتو المشاهدين ما حسيتو اني بالغت شوي بالكلام
لا تلوموني عشت فتره لحالي صرت معقده
كرهت شي اسمه صداقه اذا نهايتها فرااق
ما انسى صديقتي سويره الي ما نستني واسماء وفاطمه هم وقفو وياي يوم خسرة اعز صديقه
وقالولي انسي ولا تفكرين
حاولت ابعد عنج بس عقلي وقلبي وياج
رحت لابعد مكان عشان انساج وتنسيني اريحج وتريحيني
بس للاسف زاد الشوق وزاد حبج
اقول بكره راح انساج
بس يجيني الشي واقول
راح نرجع لبعض !!!!
بس ما توقعت الموت راح يجيني واروح واخليج بالدنيا
شيــــــــــــــــــــــــخـــــــــــــــــه
الي كل رفيقاتي وكل احباىي
احبكم !!!!
امــا شيخه
اتركت لج العالم
وانشالله تكونين سعيده فيه
واذا عني انا مسامحتج لي يوم الدين
وانشالله نتلاقى بالجنه
اهتمي بصلاتج
وابتعدي عن طريق الشر
شيخه بالدنيا
وهيا لحالها بالقبر
انتهت القصه
تعرفون انا منو انا ساره
قبل ما تموت هيا عطتني الفلاش وقالت وخليه عندج
واهي الي كاتبه كل شي
انا كملت النهايه بوافاتها
توفت عمرها 15سنه
وهاذي نهاية الطيبه
هاذي قصه حقيقه ونوع بسيط من الخيال

رووووووووووووووووووووووووووووعه بجد..
والله يكفيناشرهالصداقات اللي كذا..
وتسلمين اختي ع هالقصه..
تقبلي مروري..

مشكوووووووووووووره على القصه الرااااااائعه

مشكوووورة علىا القصة الحلوة وانشالله في جنات النعيم

بجد القصهـ مرررهـ رووووعهـ يسلموو

لاليش تموت ولله ماقدرت استحمل وانا قاعده اصيح احاول اقرى بس مااشوف شي الدموع ماليه عيني
حـــــــــــــــــرام راحت وهي توها صغيره
ولله مافي مثلها بـ الطيبه

الله يسكنها فسيح جناته
ويجزيها على طيبة قلبها

يسلمووووووووووووووووووووو

قصه في قمة الروعه
الله يعطيك العاااافيه
يالغلاااااا

قصة جميلة جداً مثلك , يسلمو والله