السلام عليكم ..

نتجدد معكم أخواني ..

ما نستغني عن ردودكم ..

ياصاح تكفى لايجي وجهك الباس
وان كان ذس دنياك ماهي بخبرها

اللي بيقطع شجرة الصبر بالفاس
لا هو تهنّى .. فظلّها وفثمرها

كل(ن) وله ثوب(ن) مفصّل بمقياس
ليه تخسر نفسك ؟؟ ودنيا تخسرها

تعالي الأنفس معَ عناد الراس
بيلين معْ جبر الليالي وامرها

******

البارحة والليل ساهر بهوجاس
في ليلة(ن) تبطي على اللي سهرها

أنا .. وشعري .. والمكاتيب جلاّس
ماغير ناظر حال ناس وصبرها

أقول .. يوم تهاب ألصوت الأجراس
ماهوب منها .. من غلا اللي نطرها

تشوف لمع النظرة .. ولهف الأنفاس
والوقفة اللي.. حدّ سور(ن) جبرها

وانا اللي من عقبه.. وذا حالي محتاس
هاجتني ذكرى بحر عمري غمرها

تسقيني الذكرى من فراقها كاس
وسقيها حبّ اللي تعنّى لذكرها

افرقها ماثور في قلبي أتعاس
مثل الجريمة اللي تبقّى أثرها

معي معي.. من وين مارحت باحساس
كنها على الممشى توزّع .. صورها

بيني وبينه بحر ولانيب غطّاس
وان كنت اقاوم .. ما اقاوم بحرها

لأن السفينة ان كان ربّانها انجاس
لو تامن الأمواج .. يبقى خطرها

تخالطت فيني عزايم معَ ياس
عزومي تصغر .. لاتزايد كبرها

ماعاد لي في خافقي عرق حسّاس
مثل اللي متأمل فحاجة ... وخسرها

أستغفر الله.. ياوساويس خنّاس
ما عادني زايد بنفسي كدرها

بقولها مرّة .. وبكتب فكرّاس
بحضر شهودي .. وبنسخ سطرها

الخطوة اللي ماتماشت على ساس
الله يسامح كل درب(ن) .. هجرها

ماكل من يقطف من الثمر .. غرّاس
وماكل أرض(ن) فيه ينتج بذرها

مادامهم زادوا معَ القوس أقواس
بكتب نهاية حيرتي معْ عبرها

عشنا معَ الطيّب .. ونعرف للاجناس
أنّاظر العالم .. بمبدأ نظرها

واللي ماهو بكفو.. لمقابل الناس
بيعيش ما بين الجهالة وحفرها

من لا خذا الدنيا معرفة وتدرّاس
ماعاد يفرق كبرها .. من صغرها

يبقى ذكي من هو عرف قدر هالنّاس
وأذكى .. لو يعرف لنفسه قدرها

وسلامتكم

أعذروني عالقصور والإطالة

ما نستغني عن ردودكم

ياقرني انت مبببببببببدع مببببببببببببدع والله وتقدمك ملحوووظ


بس تكفى تجتاز بعض الاخطاء الوزنيه تكفى تكفى تكفى

تدري ليه اقولك تكفى ؟



لان اللي قرأته بالفعل ابداااااااااااااااع لذلك كمل جماله طالبك وانت تقدر