أختي حبيبة قلبي .. أخي الغالي ..
إليكم يا أغلى جواهر في الدنيا .. إليكم يا أعذب فتىً و فتاة
إخوتي ..
أطرح عليكم هذا الموضوع والله اللي شفته قدام عيوني هو اللي خلاني أتجرأ و أطرح هذا الموضوع الحساس ..
أدري .. كم رأيتم و سمعتم من قصص تتكرر من ذئاب بشرية وللأسف..
هذه فتاة تقول لصحباتها شوفوا هذه الصورة ( وسيم)
صحبتها تقول يا حظك وين لقيتيه أو بالمفهوم من فين صدتيه ( هو اللي صادك إذا كان على الرجال ما أحد يقدر يصيده) تقول والله في الشلال ..وهذا أكيد عارفينه .. الثانية تقول.. لا أنا عندي واحد دائماً أقابله في آي سلاند
(سبحان الله ) (نظرة فسلام فكلام فموعد فلقاء ) وبعدها فضيحة والله يستر..
والله يا عمري مافي شيئ يستاهل تخسري شرفك عشانه تذلي حالك علشان يعطيكي جوال ( لعنة الجوال) إذا تخليكي تعملي كذا ..
محتاجة لحب و إنتي في سن المراهقة وما تقدري تسيطري على حالك قولي لأهلك زوجوني بدل ماتطيحي في الهاوية .. لا تقولي أستحي ما أستحيتي لما إتعرفتي على شاب..
يتعرف عليكي و يقولك أحبك وهو كذاب .. يتحايل عليكي بكلام تافه .. وبعدها يطفش يبغى شئ (special)
يقولك أبي أقابلك في المكان الفلاني علشان نتعرف على بعض أكثر و الهبلة تصدق ..
تتزين و ريحة العطر ياساتر تقتل الواحد من الفجيعة .. الله لا يبلانا ..
تقابله يقولها هذا المكان فيه ناس كثير و أنا أخاف يطلعوا عنك كلام ..( والله آخر واحد يفكر في شرفك إبليس بهيئة إنسان )تعالي معايا في بيت صديقي و نتقرب من بعض أكثر .. ( ياقلبي والله البنات تسحرهم بكلمتين) وهذه الحقيقة .
و النهاية .. فضيحة .. جابت العار لنفسها و أهلها وكل اللي يحبوها ..
يا عمري ما يفكر فيكي ولا في شرفك .. همه كيف يذلك .. ما يهمه شئ .. إنتي اللي تتضرري ..
ماعنده شئ علشان يخسره إنتي اللي عندك ..
سمعتك تجر سمعة أبوك و أهلك تخسريهم علشان إنسان حقير تافه .. ضحك عليكي ..
والله ياقلبي هذا لأني أحبك ..
( لا تصدقي كل من قال أحبك ) ترى كذاب و مليون كذاب ( إلا زوجك وحبيبك هو اللي يستاهلك )
و إذا تبغي تتأكدي قوليله تعال أخطبني من أهلي ..
كان إنك تبيني يا فلان تشرف ....... وكان ودك اللعب ماني بفاضي
ما حيطالع في خلقتك ..
يخلي زيك زي ( الزبالة )..
حيكون رده( هذه الأشكال ما تشرف إني أخذها )
ولا ( أنا مجنون أخذ وحدة خانت أهلها تراني بعقلي ولا إستخفيت ) .. حبيبتي .. الرجال يبغى حرمة تخاف عليه وتهتم فيه ما تتصيع في التليفونات وتتعرف .. لأنك مثل ما إتجرأتي وكلمتيه أكيد حتكلمي غيره ..
و إذا في يوم ذلك قوليله أنا بنت رجال ما تهزني ريح سوي اللي بِدالك ما أهتم ..
نصيحة وإحتفظ فيها قصر معك الزمن أو طال ...... أبي تسمع كلامي زين وتحطه على بالك
إذا حبك هبال أطفال إلك عندي هبال أطفال ....... لا وإبشر بعد بهبال حبٍ ما هو بهبالك
و إذا قصدك تهين إسمي علشان تشمت العذال ....... حشا لا أنت ولا غيرك ولا عشرة من أشكالك
روحي خبري أبوكِ أو أمك أو وحد تثقي فيها و تقدر تحل الموضوع ..
خايفة أبوكِ يضربك .. أحسن تستاهلي هذا قدرك أو أقل من قدرك ..
يا قلبي .. يضربك أبوكِ أو أخوكِ ولا تنهاني طول العمر ..
غير كذا تخسري دينك ..
إنتبهي من هذا الطريق .. و إبعدي عنه مايجي منه إلا الهم و العار ..
أحبابي ..
سامحوني إذا كنت إشوي جريئة أو كنت وقحة في بعض الكلام .
و أنا أدري .. إشوي قسيت على إخواني وحطيت السبب عليهم ..
و في الأخير البنت تبغى رجال يحميها و يحبها .. تبغى سند يصون كرامتها ..
و إنت يا أخوي ..
ما ترضى أختك تكون في هذا الموقف .. كيف ترضى على نفسك إنك تلعب في بنات الناس ..
والله إذا لعبت في وحدة .. حيجيك يوم تندم عليه .. سواء فيك ولا في أختك أو أحد من أهلك ..
ربك ( يمهل ولا يهمل )
في الأخير ..
بكم تبيعي شرفك .. وأنت هل مستعد أن تدفع ..؟!
02-02-2006, 07:15 PM
بكم تبيعي شرفك .. و أنت هل مستعد أن تدفع ؟!
العرض الشجري
