بسم الله الرحمن الرحيم
..
مسائكم / صباحكم راحة بال ..
.
مدخل ..~
يابنت بعد الستر صْرتي تعــّرين ... لاهوب ذا فرض ولا هوب سنـّـه ..!
لاتلــبسين الثوب العلاّق تكفين ... أمـــي وأمــــك قبـــلنا مالبسنـّه ..!
.
بيوم من الأيام قابلت وحده أعرفها وهي تلبس عبايه سودا من القماش الثقيل وفضفاضه
تفاجئت شوي لأني ماخبرت هالبنت من قبل بهالأحترام..
لانها بالأول كانت تلبس عباية مخصره مطرزه اللي كانها فستان ..!
وكانت تكشف وجهها وتحط شوي ميك اب خفيف ..
بعد حديث مطول بيني وبينها ..!
سألتني : باين عليك انك مستغربة من عبايتي لأن مو بالعاده اللبس كذا ..!
قلت لها : بصراحه ايه بس ماحبيت اسألك ..
ابتسمت بوجهي وقالت: الحمدلله الي هداني الى طريق الصح والله يوفق ويصلح اللي كان السبب
انا استغربت شوي قلت لها : أي سبب ..!
قالت لي اسمعي السالفة : في يوم كنت رايحه مع صديقتي السوق وكنت لابسه عباية ملونه ومطرزة وشك من فوق لتحت
والطرحه شفافه وتلمع وكنت كاشفة الوجه وحاطه لي كريم اساس وكحله وماسكره وروج وردي ناعم وانا اتمشى بالمجمع
لاحظت ان شاب قاعد يراقبني بنظراته .. وبعدين تطور صار يلاحقني ..!
طبعاً ماهتمينا فيه لأن احنا في مجمع ومايقدر يلمس شعره مني ..!
قلت لها : ايه وبعدين وش صار ..؟
كملت : بعد ماوصلنا مكان شبه معزول بس كان فيه ناس وقفني
وقال لي : حرام عليك اللي تسويه فيني .تبغيني ارتكب الحرام غصب..؟
تقول البنت / انا انصدمت من كلامه وقلت له: وش تقصد؟؟
قال: انتي مو شايفه شكلك مو شايفه عبايتك مو شايفه مشيتك ..!
والله حرام عليكم تلفتون انتباهنا وتخلونا نرتكب الحرام ..!
بعدين رفع ايده للسما وقال : يارب ضاعف لها العذاب ضعفين مثل ماعذبتني وعذبت غيري ..
تقول البنت وبعدها رجعت البيت وانا افكر بكلامه ..!
طول عمري اتزين واتمكيج .. بس كنت اتوقع اني بحمل سيئات نفسي
مو سيئات كل شخص الفت انتباهه ..!
يعني اذا لفت انتباه مية شاب بكره يوم القيامه ربي بحاسبني عليهم اكثر مما بحاسبني على نفسي ..
وقعدت ابكي وابكي وابكي واستغفر ربي على جهلي وقررت اني اللتزم بعباية محترمه واغطي وجهي عسى الله ان يغفر لي ذنوبي ..
..
سالفة ثانيه قد سمعتها /
واحد من الشباب يقول : اني ماأحب أروح السوق خاصة بهالأيام من شئ اشوفه من البنات
وأحياناً أروح غصب عني مع أهلي ووالله اني قد ماأقدر احاول اغض بصري واتصدد واتعارك مع ابليس ..
ويحلف بالله يقول : والله مع كل محاولاتي ان طلعتي هذي تأثر علي 5 ايام .. ماأقدر أصلي فيها زي اول ولا أصوم مثل أول ..
(( هذا وهو ملتزم وعنده رادع ديني .. اجل كيف اللي مطلق لنفسه العنان )) ..!!
..
صديقاتي واخواتي .. /
لا تبالغين في زينة عبائتك فحتى لو كانت في نظرك عباءة خفيفة الألوان وزخرفة
والتطريز لكن لاتضمنين نظرة الشباب اليك ..
فلا تجعلي عبائتك وحشمتك حجه عليك يوم القيامه ..!
دعونا جميعاً نتمسك بالعباءة الاسلاميه ولنفتخر جميعنا بخلو عبائتنا من الألوان والزينه ..
قال الله سبحانه وتعالى ..( يا أيها النبي قل لأزواجك وبناتك ونساء المؤمنين أن يدنين عليهن من جلابيبهن ذلك أدنى أن يعرفن فلا يؤذين ..)
نعم أختي المسلمة هكذا يكون الحجاب ساترا غير فاضحا , واسعا فضفاضا غير ملاصقا أو ضيقا ,
مطابقا للشرع وللسنة وخير ما وجد هو عباءة الرأس والتي تستر ولا تفصل الجسد ولا حتى الكتف فيكون ساترا ..
والمرأة التي تستحي من الله تعالى ومن الرجال ستخجل حتما من لبس العباءة المطرزة والمخصرة وما شابهها من العبايات الفرنسية ..
لأنها تعلم حق العلم أنها ليست عباءة ستر بل ستكون عباءة كشخة وزينة وإغواء للرجال والذين لا يصدقون بمجرد مرور فتاة متزينة بالعباءة أمامهم ولا حول ولا قوة إلا بالله
وغالبية الفتيات هداهن الله يلبسن مثل هذه العبايات إلا ما رحم ربي من الفتيات وأسأل الله تعالى أن يجازيهن خير الجزاء ..
في الماضي كنا نرى الفتاه تضع العبائه فوق الراس وكان لا يحصل لها اي مضايقات طالما ماشيه في حال
سبيلها وطبعاً المظهر الخارجي له دور كبير فـ يجعل من يراها يحترمها ولا يتقرب لها أو يفكر أن يغازلها ،
وكان الكثير يتمتع بهذه النعمه وهي عدم الملاحقات من مكان لمكان ولا غزل ولا أذيه ولا مضايقة أبداً ولله الحمد ..
.
فجأه ..!!!!!
غزت أسواقنا عبائات من نوع آخر..!
نوع جديد علينا ..!
نوع اشبه بالفستان ..!
مزركش مخصر ملائم وملاصق للجسم تماماً..!
بدأ الفضول يشغل عقول الفتيات وكل فتاة تريد ان تظهر بمنظر جميل مثل صديقتها والغيرة تشعل النار في قلوبهن للأسف ..
صارت فلانة تقول ابغى مثل فلانه طالعه عليها روعه
ولم يخطر على بالها بأنها بهذه العبائه سوف تغضب الله أولاً ويقل احترامها من قبل من يشاهدها ..
فاصبحت الاسواق تكتظ بمثل هذه الموضات ويزداد عليها الطلب ..
وفي نفس الوقت انفتحت شهية الشباب على الروائع التي يرونها في الاسواق وفي المراكز وفي المنتزهات ..
اصبح شكل البنت واضح امامه
جسمها , قوامها , اناقتها , ويمكن تكون كاشفه أو متحجبه وشعرها طالع ..
يمكن في هذا الموضوع تلومون الأب أو الأم أو حتى الأخ , لكن السبب الرئيسي في ان تلبس الفتاة هذه العبائه
هو ضعف الوازع الديني لديها وكذلك التقليد الاعمي ..
حرااام عليكم يابنات تراك مسؤوله عن كل رجال يشوفك ( وجهك..عيونك..يدينك ) بدايةً من السواق ..
واصحاب المحلات الى المتسوقين والله يوم القيامه بتتعلق برقبتك امة محمد كلهم يقولون:
يارب هي اللي فتنـتنا .. يارب هي السبب وانتي هذاك الوقت محتاجة حسنه وحده ..
حسنه وحده بس ..!
والله اللي ماتخاف بالدنيا .. بتخاف بالآخره ..
وبعدين ذنوبنا اكثر من اننا نتحمل ذنوب خلق الله ..!
تكفون يابنات خلونا قويات .. خلونا نقوى بليس ..
وتذكروا ( من ترك شيئاً لله .. عوضه الله خيراً منه )
..
على العموم انا ما أبي اطول عليكم بالموضوع وبصراحه الموضوع هذا حساس جداًبالنسبه للبنات
وأبيهم يشوفون رد الشباب على الأسئله عشان نعرف السبب اللي خلا البنت تلبس مثل هاللبس في السوق
ووقتها يبطل العجب .. وعشان بعد تعرف البنت وش نظرة الناس لها لما تلبس مثل هالعبايه ..!
وعشان تغير حياتها الى الأفضل والى الشي الصحيح اللي يخليها تشرف ابوها وامها وعايلتها وتكون سمعتها زينه أمام الجميع ..
وهالأسئله موجهه للشباب خاصه والبنات عامه .. /
..
1 / برأيكم هل يحترم الشاب هذه الفتاة التي تلبس العبائه المخصره والتي برأي انها تحتاج لعبائه أخرى فوقها ..؟
2 / مالذي يتوقعه الشاب من وراء تلك الفتاة ..؟ وماذا تقصد من لبس هذه العبائه وكيف تنظرون اليها ..؟
3 / ماهو حجم المضايقات التي تجلبها الفتاة لنفسها ..؟
4 / بعض الفتيات تحتج بأنها ليست مزركشة وتسترها فماذا تقول لها ؟
5 / وما النصيحة التي يقدمها شاب يخجل النظر إلى فتاة تلبس مثل هذه العباءة إلى هذه الفتاة ؟
..
اتمنى إني وُفقت بالطرح وقدرت اوصل مرادي لعقولكم ..
مع العلم اني مو ضد العبايه اللي على الكتف لكن انا ضد العبايه الضيقه والفاتنه والملونه
واللي تبين تفاصيل جسم البنت ..
حبايبي ياليت ماتكون ردودكم ..( يعطيك العافيه - مشكوره - موضوع جميل ..... )
لأن القصد من كتابة الموضوع هو انكم تقرونه وتستفيدون وايضا تتناقشون ..
.
مخرج ..~
كانــك بتقليد الخواجه تبــاهين.! ... وراك يـوم الحشر نـــــارٍ وجنــّـه
وان كان ذي موضـه.! تراكن مساكين ... الكــافرات لباسهن تلبسنـّـه
.
ووفق الله الجميع ورزقنا الله وإياكم الإخلاص
وصلى الله على نبينا محمد وعلى آله وصحبه وسلم ..
روح ..
.