:D يالله حيـه . . .


اخباركم شباب صبايا عساكم بخيـر . . .:p


واخبار الامتحانات معكم انشااء الله كلها كويسـه . . .


ترى الموضوع من زمان مخلصـ بس محتفظ فيه في الورد قلت لين تقضي فترة الاختبارات ونزلـه ;)


با العربي الفصيــح الموضوع بيني وبين الكبتن ياسر القحطاني والمشرف yaaser 20 :D


السالفه ومافيها اني بقص لكم قصتي من سفرتي المشؤمـه برفقة الكبتن ياسر والمشرف yaaser 20 :D


ملاحظه ... ((( الي شابك النت من خط البيت بدون دي سي ال ولا اشتراك ارامكو يفصله عشان يقرا برواقـه )));)


<<<<< ما تلاحظون انه فيلسووووف :D



يعني ادخل في القصــه بدوون اي مقدمات >>>> كل هذا ماسويت مقدماتـ :D


نبدا لكم القصـــه ...


كنا انا الي هو وجه سهامك والكبتن ياسر القحطاني و yaaser 20 نـنـتـظـر سفــرة الـعـمـر :cool:


منذ فتره طويله من شان نوسع صدورنا من جو الدراسه<<<<<< تكفون يا الناجحين :D


<<<<<<<<< توهم مسوين الجوازات فرحانين :D


المكان:مطار مانشتر يونايتد :p


الزمن:قبل غروب الشمس بساعه ;)





وكنا هناك ننتظر متى رحلتنا :rolleyes:


واحنا قاعد نناظر الشمس وهي تلقي اخر خيوطها الذهبيه حتى الكبتن ياسر القحطاني يقوول


بنودعك يا الشمس يظن ان هناك مافي شمس كله ثلج بس ههههههههههههههههههاااي :D


و اراقب الطائرت التي ازدادت جمالا بــ اكتسابها اللون الذهبي حيث كان


هذا اللون يغطي كل انحاء المطار مضيفا رونقا رائعا..


وهكذا الى ان سمعنا اعلان الرحله المتوجهه الى (......) <<<< مايبي اهله يدرون هههههه:D


<<< <<< قايل حق اهله انه بيروح ابها والطائف اووووص لالاحد يدرررري ;)


وقعدنا نستنا الى ان يقولون لنا متى نركب الطياره :cool:


واحنا قاعدين نتأمل وجيه الموجودين وقاعدين نقول في انفسنا :rolleyes:


(انشاء الله تجلس جنبي من ذولا الي شعورهم صفر ) :D


وحنا قاعدين نتابع التامل الى دخلت وحده كنها فقمه باكستانيه متوحشه :D


ممسكه بالموظف البريطاني.. وتساله عن طريقه الذهاب الى الطائره..


هل عن طريق التكاسي ابوثلاثه كفرات مثل دولتها .. او انه بواسطه الفيله المهجنه.. :p


وضح لها الموظف بكل ادب ان هذا مطار مانشستر الدولي.. ومهوب مطار حيدر اباد..


وانااتسائل منهو الي يبي يركب جنبي وخاصة اني مقعدي نافذة . . .;)


هالشقراء .. ولا ذيك الطويله..:rolleyes:





المهم قالوا لنا ادخلوا الطياره (yaaser 20 خالع حذيانه عند الباب يظن نفسه داخل خيمه خخخخ)


واحنا مسوي ثقال ولا دخلنا لاننا مانحب التزاحم خاصه مع الحريم <<< اخـس تعب جيان منـك :D


وبالفعل مادخلنا .. الى لمن جانا المضيف وقالي: يرحم امكم تعالوا ادخلوا طبعا قالي اياها بالانقلش .. :D


( على فكره المضيف له خبرته الكبيره في شوارع منفوحه .. تجلى ذلك من خلال لغته الروديه < يعني الشوارعيه :D



ثمن اتجهنا الى مقعدنا.. والكبتن ياسر القحطاني يموّل مواويل عراقيه .. :o <<< ذب فينا الحزنـ


حتى احسبوو حاتم العراقي خ خ خ خ خ خ خ :p


ويوم وصلت المقعد.. الا القا الفقمه الباكستانيه .. جالسه بمقعدي.. :eek:


وتأمل فيها .. انها بالفعل كارثه.. :D


بختصار: تطق لنبيل شعيل بصبع من خلال الجسم الرشيق :D



وتنافس سعيدان بالسنون من اشين .. لاوالله بحل ياسعيدان.. ذي سنونها تويق وحتى وهي مسكره خشتها :D


ولها شعر يعتبر ثروه لها لو تبيعه لانه بكل حياديه.. ذو فوائد متعدده.. :D


ينفع ليفه مواعين ههههههههههههههههههههااااي :D


ينفع حبال مراجيح.. الخ..


أنا قلت: لا لا مهوب معقووووووول


ابي اكذب الواقع المفجع من خلال التأكد مرتن بعد مره من رقم المقعد..:cool:


وطلع صحيح.. و هي جالسه في مقعدي (نافذة) وتبتسم ابتسامه بلهاء ..


انا اسقط في يدي ولا عاد عرفت اتكلم من هول الصدمة ..


حاولت ابين لها انه هذا هو مقعدي :(


لكن من اشوف خشتها ... تطير اللغه ..


والمشكله.. هي بكراتينها ما تدري وشي اللغه ..


وبكل انواع التحطم الداخلي جلست بمكانها على مضض ..


وانا اسرق النظرات الى النافذه .. وقلبي يتقطر قهرن وحزنن ..


يا حسافة الحجز


والكبتن ياسر القحطاني و yaaser 20 يضحكون علي حسبي الله عليهم :o


بس يوم جا الي الكبتن ياسر وyaaser 20 مت ضحك:D


طلعوا اثنين صوماليـه يصلحون يمثلون في افلام رعب حتى yaaser 20 صرفها قال انا بطني بروح ...


دوره المياه من شان ما يقعد مع الصومالي هههههههههههااااي :D


قعدت شوي ويوم جت تقلع الطياره.. وهي تمسك بيديني.. وتمخشني.. طلعت تخاف من الطياره .. وانا


المنكوب الوحيد بهذه المسأله ..


شغلت التلفزيون اللي قدامي.. وقعد اقلب فيه


يوم بدت تبلشني وتأشر على التلفزيون يعني شغله,



قلت الله يعين.. الوجه ركبه..وخوافه ودبشه بعد.. الله يعدي هالرحله على خير بس ..


واشغلها التلفزيون وتعطي بوسة من بعيد تعبيرا عن امتننانها لي


انا جاني دوار البحر من القرف .. :قرف:


وبين الفينة والاخرى تقولي غير القناة


وهكذا وانا متحطم الفؤاد كسير النفس..جابو لي الوجبة ويجي المضيف ويطلق علي رصاصه الرحمه ويسالني سؤال .. لم اتمالك نفسي تجاهه..


ويقول شف امك وش تبي <-- قايلكم لغته شوارعيه يقصد الفقمه الباكستانيه..


حسيت بالقهر .. سيوف بجسمي.. وانا استغفر .. استغفرالله حاولت امسك نفسي وما اصيح


بس من باب الاخلاق السعوديه ..ومن باب اني سفير لبلدي.. احسنت التعامل معها بهذه الموقف..


وطلبت لها شي مدري وشو ..


وصدز انها فقمه.. ماخلت شي ه.. ماخلت شي بالصحن..


عقب ما اكلت رحت اصلي المغرب والعشاء وممداني اجلس الا هي تقول لي قم ابروح دوره المياه



قفلت معي ليه ما راحت يومني رايح اصلي؟


ليه يوم جيت وتقومني ؟؟


بكل تكاسل ..وبكل نظرات الاحترام قمت (مجبرن اخاك لابطل) ( نفس طريقة القومة اذا طردك المدرس من الفصل )


انا مستغرب كيف ذي الدبه ماتخل بتوازن الطياره خخخخخ..


وتلفت يمين ويسار ويوم شفت محد يناظر .. واعطيه دق صبع ودق رقبه..


ويوم اقبل المضيف سويت ثقل وطلبت هوت تشوكليت.. ابي اروق , بهذه اللحظات .. دعوت ربي صادقن.. انه تجتاحها حاله نفسيه..وتذبح عمرها..


تمنيت يبلعها الضغط الهوائي حق الحمام


ومع رشفاتي الاول لقدح الشكولاته الساخنه


اذا هي مقبله.. جبل الهموم .. جبل من الكآبه ..



واقوم علشان تدخل يوم بدت تميلح وتلزم الا رح انت عند النافذة


قلت:اقول انقلعي بس,ما بقا الا اجلس عقبها :mad:


وهي تبيني ادخل يوم شافت انه مافيه امل بغت تبوسني تحسبني اسوي ذا الشي علشان خاطر عيونها ..من زينها واجرها واقولها ادخلي لا ابوك فشلتينا


وتدخل وانا طاقتني العبره على هالحظ, رحلة طويلة وركبه بعير


واتلفت يمين وشمال.. مير ذا الشقر وذا الزيون .. ..


وانا الي احسب روحي ابنسجم بها الرحلة وتبي تصير رحلة لن تنسى


عندها رددت... المقوله الخالدة: لو ان الحظ رجلن لقتلته


قطع سلسلة تفكيري الكتف الي جاني منها واناظر لها والقاها نامت وسدحت كتفها على كتفي
يا ربي وش اسوي بعمري انا


كرهت كل شي لحظاتها وخاصة عقب ما فتحت مجلة الطيارة اشوف الاعلانات الي فيــه

..
"بديت اتخيل غصب عني انه هالي بجنبي هي حرمتي


وانا واياه تونا جاين من شهر العسل"


انهارت اعصابي عقبها .. :mad:


وعندما وصل امبير احتمالي الى الـ E


سيطرت علي فكرة الانتحار.. واتتني الافكار السوداويه مرتن اخرى


واتاني جنون هستيري .. وانتابني حاله من الهيجان الاسطوري .. وجميع الامراض النفسيه ..


وانا اللي اقرر الانتحار ..



واقوم واحاول افتح باب الطيارة والكبتن ياسر وyaaser20 .. ويشد شعري .. بس مافي فايده


لين فتحه ومع فتحته طارت العالم الي كانت ماسكتني وبدت الحريم تصارخ والبزارين يطيرون اللي بالطياره..



(انا الي قاهرني حزتها ان عقال yaaser 20 ماطار


ودخلت انواع الاعاصير الى الطيارة اختل معها توازن الطيارة ...


وانا متعلق بحدا المقاعد وجسمي يسبح بالهوا عندها .. حطت غيوم من السواد على اعيني ..


.
.
.
.

***

بعد مده ليست بالقصيره ..


فتحت عيناي بتلقائيه..


كانت رؤيتي للاشياء ضبابيه..


كنت اسمع صوت عصافير..


بدت تتضح الرؤيه تدريجيا..


وافتح عيوني ولا هذي هي الفقمه الباكستانيه متربعه عند راسي تناظر فيني وتلامس خصلات شعري لاااااااع يارب وش ذا الكابوس اللي انا عايش فيه


ما صدقت قمت على حيلي


واتلفت يمين يسار ولا مافيه الا انا وهي ؟؟!!


وتشير بيدينها يعني لا تخاف


وانا قاعد ادور ربعي الكبتن ياسر القحطاني و yaaser 20 ليكون ماتوا :o



والتفت يسار الا اشوف ا لكبتن ياسر القحطاني قال الى الحين عليه ماطار)واروح له والا هو عاقد فصفص لا له


ولا عليه وكان عنده جهاز(الباندا) قال لي رح انت شف لنا احد ينقذنا ولا عليك انا الحين عندي مكالمه


<<<<<<<<<< جالس يكلم سامي الجابر يقوله بأذن الله جايكم الخميس لالازم اللعب معه الوحده :D


والتفت يمين الا اشوف yaaser20 وتطمنت عليه وقال لاح انت شوف لنا منقذ دام انا قاعد اجيب لكم


اكل من فووق الشجره <<<<<<<<<< موكلي على غفله :D


والحين انا مجبور اروح ادور منقذ ومعاي هالفقمه


قمت طرحت عليها اسئله كثيره دفعه واحده .. ولا اسئله الوزاره حقت الرياضيات..


اقول وش جابنا هنا ؟وين الطيارة ؟؟وين العالم؟؟..الخ


اشرت لي على مكان اشوف دخان اسود وتقول ذيك الطيارة متحطمه..


وانا الي انقذت حياتك قالتها ممزوجة بضحكة لاتمت للجمال بصله..ومالها داعي يقالها تميلح


سألتها :كم لها الطيارة طايحة..


تشير لي باصابعها اللي يوم شفتها تذكرت ملاس امي حق مرق الباميه ..(6 ساعات)


وكل ما جا موضوع مسكتها الدائري ..


وبكل تصريفه يزداد حبها لي


الوضع زاد مأسويه


غابت كل اطياف الفرح من ناظري


واصبحت هي صخرة الواقع التي تكسرت عليها احلامي الوردية


ولاني شاب طموح ..واحب الحياه واحب العصافير وايضا لاني اكره الفقمات..


لم ارض لاحلامي ان تتكسر بهذه الطريقه فتركتها.. واطلقت ساقاي للعنان..وشغلت البخاخات (التيربو) عشان ماتقدر تجيبني.. :جمس:


وصرت اهيم على وجهي وسط احراش السافانا


وبعد مسيرة يومين من الضنك والتعب .. واكل المنقا بس


لقيت نفسي في ضاحية احدى القرى ..


وفي حي معدم يفتقر الى الانارة الكافية.. يعني بالعربي مدى الرؤيه لايتعدى اصابع اليدين..


وتملاء شوارعه أدخنه بيضاء من فتحات التصريف


وفيما عدا المشاجرات التي تسمعها من داخل البيوت فإن الصمت يسود المكان


ورأيت نور قوي بـــ نهاية الشارع مفرقا سحب الدخان الكثيفة ومتجه الي فأشرت له بالاشاره العروفه (يعني توصيله يرحم امك )


وقف واذا هو جمس اسود


فتح الباب وقال : قو اهيد :


ركبت معه


وكمل طريقة بلا ان يسالني وين ودك تروح.. ياحليل ليموزناتنا ياشيخ..


خفت احتسي .. يصكني بالعجره اللي طالعن راسها من ورى السيت


واستمر بالمشي..الى ان ركن شاحنته بقرب ملهى ليلي


كان اسم الملهى مكتوب بالون الاحمر STFCE BAR وانارتها ضعيفة وبعض اللمبات تشر (تولع مره وتطفى مره)


وترجل من الجمس رجل قوي البنية و يرتدي ملابس جلدية سوداء يشبه اندرتيكر <-- المصارع



ودخل.. وانا مع الخيل ياشقرا .. وراه ..


كانت الاضاءة الداخلية بلون بنفسجي


كان فيه اثنين يلعبون بلياردو..


عندما فاز احدهم على الاخر .. قام المهزوم وطلع مسدس .. وافرغ ثلاث رصاصات في راسه .. :حرب3:


اما الجهه الاخرى من الحانه..


ناس قاعدين على طاولة ويلعبون ورقة..(قمار : ) .. بس هذولا مسالمين .. يعني معلقين اسلحتهم قبل لايلعبون..


وكم واحد صافين على طاولة السيرفس يحتسون الجعه


وتوجه خويي (صار خويي بذا المكان خخخخ) الى المكان الاكثر عتمه..


وطلب له قدحا من النبيذ الرخيص البذيء


ثم تناول قداحته واشعل سيجارته ..قام بلفها بنفسه..(اشك انها زقاره عاديه )


واخذ ينفث ببطء وهو يتأمل الدخان المتصاعد من بين شفتيه


ثم سألني : من وين انت؟


انا وبكل مشاعر الفخر والدلاخه: كينقدوم اوف سأودي ارابيا


الكل رحب فيني يالله حيـه يالله حيـه شكيت اني داخل خيمه في النعيريه







عندها تلاقط خويي هو مع واحد من الرد نك (الي لهم لحية ومعهم دبابات)


وقامت هوشه بالملهى..


في هذا الوقت لم افكر كثيرن .. بل جعلت كل طاقتي برجولي وحطيت رجلي


وركضت ركضن لم يركضها مايكل جونسون بطل الجري العالمي..


وانا الي اطلع وصار نظامي امسك اقرب لفه بس هج.. ويصفر لي عبد راعي كابرس 1989 عنابيه ربع تنده بيضاء جنوط سود ,مرفعه


ويوريني محفظته انه شرطي.. واركب معه


ويشغل ورانا راعي الجمس وراه دبابات الرد نك.. ومغير طردي..


والمجرمين يهجون والشرطه وراهم


ويدز راعي التسعاوي ويطلب بالاسلكي انه يبي دعم..


ويسون بلوك رود (تعرض دوريات فكتوريا)..





ويقفطون راعي الجمس ويناظرني بحقد ويتوعد وهو مكلبش (مقيد = مصفد )ويقعد يبتسي .. ويحلف قسمن ماسويت شي .. طلع نفخه على الفاضي ..(رخمه )..



وانا اللي اجي لمه.. واعطيه كف حلاقة.. واقوله مناك بس



بعدها رحت للخال اللي انقذني :عين: (الشرطي)..قلت:ما قصرت وانا مدين بحياتي لك



قال :انا متابعك من اول ما دخلت الحي



قلت:طيب وراك ما اخذتني



قال: المشكلة ان الشرطة هنا لا تحظى بشعبية,وبفضلك مسكنا راعي الجمس الي شغال بالتهريب ,بس انت لا يصير



خاطرك الي طيب هالحين نوديك لم سفارتك ويتصرفون معك انت وربعك



.بغيت اقوله ان فيه وحدة هناك بس لما تذكرت المآسي اللي حدثت بسببها .. واني اصلن هنا بسببها .. عطيتها خامس ..



رحنا للغابه من شان ناخذ الكبتن ياسر وyaaseer20 حمر وطلعناه بكفاله


yaaser 20ضب صار له يومين خخخخخ



وبالفعل ارسلونا الى السفاره..


وجاني تكفيخ.. يقولون وركم ضيعت جوازاتكم..


بس اشوى قلنا لهم احنا الناجين الوحيدين من الطياره المتحطمه..


عندها عذرونا


وارسلونا بطياره خاصه هليكوبتر .. الى اقرب مطار .. عن بعد 400 ميل ..


وفي صاله الانتظار حقت المطار


سافرنا بذهنا بمعنى اخر فهينا


واخيرن سوف ارجع لبلدنا


وارجع لاميمتي .. وارجع للكبسه الظهر .. وكاس اللبن


يالها من احلام قريبه التحقق


هاهم الان يعلنون عن الرحله



بعد قليل الاقلاع.. لااا ما اصدق..


مالذي اراه امامي الان..


لاااااااااااااااااع .. لا اريد للكابوس أن يتجدد..



هذا الجسم المكور .. هذه الابتسامه الماصله..



لااااااا انها الفقمه الباكستانيه..



عندها .. اغمي علي ..





ولم اصحى الى بمستشفى التخصصي ..





فرحت فرحن كثيرن على الاقل الفقمه لم تكن بجانبي ..


هاهي الممرضه الفلبينيه ذات الخشم المفلطح تفصل المغذي من يدي


وتقول لي : الهين ايزي قدا .. (الحين يجي غدا )


لكن مالذي اراه امام عيني ..


هل انا احلم..


لاااااااااااا انه كابوس طويل المدى


الذي اتى بالغداء الى غرفتي هي الفقمه


فهي تعمل سستر هنا


نزلت من السرير بثياب المستشفى .. واطلقت ساقاي للعنان .. ووقفت ليموزين وقلت له: بيتنا الله يرحم والديك..
ولم أطمئن حتى وصلت لبيتنا



ملاحظه (( القصـه كلها خيال في خيال لالاسفرنا ولا شي مجــرد حلم وخيال وحيبت اطـرحـه لكم ))

دمتم بخيــــررر

صباح الخير " وجه سهامك "

أكذب عليك لو قلت إني قريت القصة

بس لما قريت العنوان وشفت إسمك و خاصة " أرعص هنيا "

ماقدرت أقاوم

حبيت أسجل مروري كأول من رد عليك

ولي عودة

...... دمت بخير .......

" وجه سهامك "

على فكره تراني ما قريت القصة علشان فيني النوم ولا أبغى أقراها إلا و أنا مروقة

...... دمت مبدعا .......

:D
هههههههههههههههههههه
.
.
بصراحة القصة خيااال .. اهنيك اخوي على ابداعاتك اللاواقعيـــة..
.
.

ههههههههههههه

حياك الله وجه سهامك ،،

الله يرجك لو الكابتن ياسر ماسلم منك !!!

عليك قصة شي!!! ياشكسبير المنتدى ،،

أما سالفة الفقمة الباكستانية وش جابها ذي في طريقك ،،

على العموم الله يوسع صدرك بالعافية انا متأكدة ان
اغلب الاعضاء الطلاب اللي عطلوا اليوم مشتاقين لقصصك وخيالاتك اللي مدري وين بتوديك ،،

الله يسلمك على السالفه اللي الى الحين ماقريتها


بس دام الثلاثي المميز فيه فاكيد حلووه

الله يوفقكم

هلا وجه سهامك..

بصراحه القصه متعوب عليها خاصة اللغه الروديه<<عجبتها...

مشكور اخوي...

توته11

مـــــــــاشـــــــــاء الـــــــلـــــــه عليـــــــــــــك خيـــــــــــــالـــــــك واســـــــــــع
عســــــــــــــــا دووووووووووووووم في تميـــــــــــــــــــز
بس الغـــــــــــابه والتحطـــــــم والناجيــــــــــن مابلعتها خخخخخخخخخخخخخخخخ

صباح الخير اخوي وجه سهامك

توني جاية من الاختبار وقلت اول موضوع ادخله موضوعك

يسلم خيالك الرائع وسعت صدورنا بعد ماكانت مقفلة معنا من الاختبارات

ههههههههههههههههاي حلوة منك يالدب هالصة إقلي سوري ههههههههاي

مبدع ياأبو خيال واسع وننتظر جديدك المميز دائما .

وربي عيوني غورقت دمووع من الضحك:D . . ولابالحالي بعد وأضحك مع هالصبح تقل فيني مس :D

ههههههههههههههههههه الله يرجك اخووي عليك تشبيه موب صاحي :D

حالتها صعبه اذا سكرت خشتها بعد تويق ضروسها تهقى ينفع معها تقويم :p

أقتباس

قعدت شوي ويوم جت تقلع الطياره.. وهي تمسك بيديني.. وتمخشني.. طلعت تخاف من الطياره .. وانا


المنكوب الوحيد بهذه المسأله ..

تمخش حشى فعلا ذي فقمه مهيب بني آدم . . حشى قطووه :D

أقتباس

قلت الله يعين.. الوجه ركبه..وخوافه ودبشه بعد.. الله يعدي هالرحله على خير بس ..


واشغلها التلفزيون وتعطي بوسة من بعيد تعبيرا عن امتننانها لي


انا جاني دوار البحر من القرف .. :قرف:

ههههههههههههههههههههههههههه

اجل جاك دوار البحر هذا جزاها ذووق تبي تشكرك :D

أقتباس

واقوم علشان تدخل يوم بدت تميلح وتلزم الا رح انت عند النافذة


قلت:اقول انقلعي بس,ما بقا الا اجلس عقبها

ياحليلها تعرف تميلح :D

أقتباس

وهي تبيني ادخل يوم شافت انه مافيه امل بغت تبوسني تحسبني اسوي ذا الشي علشان خاطر عيونها ..من زينها واجرها واقولها ادخلي لا ابوك فشلتينا


وتدخل وانا طاقتني العبره على هالحظ, رحلة طويلة وركبه بعير


واتلفت يمين وشمال.. مير ذا الشقر وذا الزيون .. ..


وانا الي احسب روحي ابنسجم بها الرحلة وتبي تصير رحلة لن تنسى


عندها رددت... المقوله الخالدة: لو ان الحظ رجلن لقتلته

وربي رحمتك حسيتها صدق من قلبك هههههههه:D

أقتباس

قطع سلسلة تفكيري الكتف الي جاني منها واناظر لها والقاها نامت وسدحت كتفها على كتفي
يا ربي وش اسوي بعمري انا


كرهت كل شي لحظاتها وخاصة عقب ما فتحت مجلة الطيارة اشوف الاعلانات الي فيــه

..
"بديت اتخيل غصب عني انه هالي بجنبي هي حرمتي


وانا واياه تونا جاين من شهر العسل"


انهارت اعصابي عقبها ..

أمـــــــــــا زوجتك :D ليه ضاقت :D

أقتباس

(انا الي قاهرني حزتها ان عقال yaaser 20 ماطار

أما ليه مصمغ بباتكس :D

أقتباس

الوضع زاد مأسويه


غابت كل اطياف الفرح من ناظري


واصبحت هي صخرة الواقع التي تكسرت عليها احلامي الوردية


ولاني شاب طموح ..واحب الحياه واحب العصافير وايضا لاني اكره الفقمات..

حسيتك إنسان متحطم على الآخـــــــــر:(

أقتباس

بعد قليل الاقلاع.. لااا ما اصدق..


مالذي اراه امامي الان..


لاااااااااااااااااع .. لا اريد للكابوس أن يتجدد..



هذا الجسم المكور .. هذه الابتسامه الماصله..



لااااااا انها الفقمه الباكستانيه..

هههههههههههههه وراك وراك والزمن طويل
:D

أقتباس

لكن مالذي اراه امام عيني ..


هل انا احلم..


لاااااااااااا انه كابوس طويل المدى


الذي اتى بالغداء الى غرفتي هي الفقمه


فهي تعمل سستر هنا

المقرود مقرود :D :D


يعطيك ألف ألف عافيه أخووي وجه سهامك 20 وربي قصه إبداع ماشاء الله تبارك الله. .

أسعدتنا بهالصباح الله يسعدك يارب ولاتحرمنا بلييييز من قصصك روووووعه

وأعتذر أعتذر من جد عن الإطاله بس لاشعوريا شي قصتك رائــــــــــــعه ماشاءالله تبارك الله من جد أخووي أنت تمتلك

خيـــــــــــال واسع ومهوب لازم تنمي موهبتك بصراحه . . وبالتوفيق يارب . .

وأعتذر مرره ثانيه على الإطاله

عساك عالقوة

لاعدمناك

يعطيك العافيه اخوي وجه سهامك .........وش هالابداااااااااااااع تنفع وبقووووووه تكتب روايات

صررراحه قصه خياليه وحلووووه وضحكتني على سالفه (((الفقمه )))

ان شاء الله رحلاتك الجايه تكون فيه اشكاااال صاحيه وحلوووووه


رتـــــــــــــــــــــاج