سرى ..

كلن على همه سرى وأنا على همي سريت
يابو عيون تسحره أوصاف مثلك ما لقيت
أفعل بحالي ما ترى خذيت مني ما عطيت
الحب يباع ويشترى قد بعت في الحب وشريت
جرح المحبة ما برى وأن غبت عني ما سليت
والدمع من عيني جرى كأنك على القلب افتريت
ما ظن ترجع للوراء مدام للقمه رقيت
وهذا مثل قبل جرى وأنا على نهجه مشيت
\\

كلمات :عزام
الحان : رابح صقر

اغنيه جلسات بس الم ..
كلمات وصوت واحساس ابو صقر يكفي فيها ..

يادنيا ..

يا دنيا لك جينا وكل الأمل فينا
والحب جمع قلبين وضم الهوى يدينا
شوقي وأمل عمري في عيوني من صغري
حققنا غايتنا وكل البشر تدري
مستقبل أيامي أشوفه بأحلامي
لو غاب عن عيني خياله قدامي
ملكني نور العين بكلمه من حرفين
فينا الوفاء صادق وربي جمع قلبين
\\
كلمات : معاني
الحان : رابح صقر

من افضل اغاني رابح لا لحن لا طرب لاصوت فيها ..
الكلمات مهب ذاك الزود لكن نقازيه بشكل ..
بالجلسات رهيبه جدا لانها دايما تغنى على العود الكهرباي ..

لولاك غالي ..

لولاك غالي ما تغليت يا خل أدريبك أدري يا بعد كل غالي
يا لي حلاك أن جيت غطى على الكل ما قد خبرت إلا أنت شمس الليالي
لي وصلت الهم عني يحول وأن غبت عني صحت يا ويل حالي
وفيك الأماني مشرقه مالها ظل وفيك الأغاني دندنة لالالي
أن جيت ولا رحت بالقلب تنزل مكانك إحساسي وبيتك خيالي
ولو قال قايل خل عنك التدلل قل ما يزين أطباعي إلا دلالي
يا حب من ورد وجاء اليوم تقبل ولصوت همس الحب يا راس مالي
بالبعد لا تبطي وبالقرب عجل مالي بدالك وأنت مالك بدالي

كلمات : نواف بن فيصل
الحان : فلكلور تطوير رابح صقر

الاغنيه ايقاعها خبيتي وكانت عوده جميله ل"اسير الشوق من خلال هذه الاغنيه
التي تفنن "رابح" في توزيعها الموسيقي وفي ادائها

مثل القمر ..

مثل القمر دايم تغير وصوفه مره قمر ومره بدر ومره هلال
دايم تغير في الليالي ظروفه سبحان من حلاه في كل الأحوال
حتى الزعل يحلى عليه بكسوفه يرضى بسرعة والزعل منه ما طال
وليل بلا نوره يروع بخوفه بالوصف دايم ينضرب فيه الأمثال
محدن يقاوم في غرامه سيوفه يا بخت من في الحب من صحبته نال
ولا على من حب مثله حسوفه هذا الحبيب إلي إذا قلت ينقال
والمشكلة إني وين ما رحت أشوفه وأشوف عشاقه يجرون موال
مهما تغير ما تغير طيوفه يبقى قمر ولا بدر ولا هلال
\\
كلمات :بدر المليحي
الحان : رابح صقر

من افضل الاغاني الروعه ..
طبعا لحنها خبيتي وفيه طق موب صاحي ..
لكنها كويسه واحلى مقطع مره قمر ومره بدر ومره هلال ..
تحس بلذة لطعم البوم ابو صقر ..

مابي تشرح

ما أبي تشرح ولا هرجك يطول كل ما قلته سمعته من زمان
المحبة مالها عندها عندك أصول ما يعرف الحب معدوم الحنان
بيني وبينك ترى شين يحول جرحك الأول في قلبي له مكان
ما يطيب القلب جرحك ما يزول ما يعرف الود من بالعهد خان
ماتت الرغبات مالي من ميول يكفي إلي شفت من ظلم وهوان
قلت أو ما قلت أو ودك تقول كل ما قلته سمعته من زمان
\\
كلمات : بلال البلوشي
الحان : رابح صقر

هاذي الاغنيه تثبت ادا رابح بالالحان بشكل كبير ..
وتنوعه بالحن بالاغنيه بشكل كبير ..

احبك ..

أحبك وأحلف أني لك بربي
ولا فكرت أحب إنسان غيرك
مهما كنت عنك أخفي واخبي
أنا في واقع إحساسي أسيرك
ولا غيرك ملى عيني وقلبي
هواك في غربت إحساسي سفيرك
على ما سار دربك سار دربي
ولا فكرت في شرك وخيرك
ولي قلبٍ من الغيرة يشبٍ
على حبك ولا يقوى يثيرك
أنا تحديت الملا وأعلنت حبي
وعمري صار مربوط بمصيرك
\\
كلمات : بدر المليحي
الحان : رابح صقر

الاغنيه الم وكلماته الم واللحن الم ..
وصوت ابو صقر الم ..

وش ملحه ..

وش ملحه إلي ينثر الحسن من زوده
وش عاد خلى للمماليح من بعده
الله عليه أن فتح الورد بخدوده
الناعم الي خفت لا تجرحه ورده
الناعس إلي ريع الكحل في سوده
ودي يعلمني هوى البال وش وده
هو بسمة أيام العمر وأجمل وعوده
يفداه قلبي لو خذ القلب في يده
دامه معي موجود فالروح موجودة
والله مال الروح عن عالمه صده
راضي بتجريحه وعيبه ومنقودة
راضي بناره نور عيني دفى برده
أهم شي أنه معي تصديق عهوده
مدام أنا قلبي معه صادق وده
يا ملحه إلي ينثر الحسن من زوده
وش عاد بقى للمماليح من بعده
\\
كلمات : فيصل بن خالد
الحان : رابح صقر

الاغنيه ذي اول تعاون بين رابح وفيصل بن خالد ..
والاغنيه جدا ممتازه ..
وصوت رابح شي ..

ليتك معي ساهر ..

ليتك معي ساهر ليل الهوى كله ما نوم أنا وأنتي لجل الحب سهرانين
ترى السهر مع حبيبك يبري العلة لا صرت شفقن وهو عليك شفقاني
كلش طراته إذا وافق على حله ولا ترى كل شي يا الغظي فاني
لا عاش خلن تنكر عن هوى خله يوم حبيب ويوم صار قوماني
وشفيك دايم تعصر القلب وتله أخاف يوم يجي ما عاد تلقاني
ليتك معي ساهر ليل الهوى كله ما نوم أنا وأنتي لجل الحب سهرانين
\\
كلمات : خالد الفيصل
الحان : محمد عبده

يكفي الاسمين بالحن والكلمات ..
وتعرف لذة الفن ماتكرر بالاغاني مثل ذا الاغنيه ..

مقصر بسؤالك

مقصر في سؤالك وأنت غالي
لو ما ني أحبك ما أبالي
عسر ما شر في غيباك علينا
زعل ولامع النسيان سالي
توقعتك على بعدي تشوق
مثل مشتاق لك قلبي وبالي
ظروفك الوقت مهما شاغلتنا
ترى المفروض ما ننسى الوصالي
ترى بعض التغلي فيه قسوة
على قلب بحبه لك مثالي
مقصر يا حبيبي يوم شفتك
نسيت من الفرح حلم الليالي
ترى قلوب الحبايب ما تغير
ولو فيها الزعل أكثر وطالي
أنا ما يوم قصرت بسؤالك
ولكنك مقصر في سؤالي
\\
كلمات : بدر المليحي
الحان : رابح صقر

الاغنيه قديمه مره ..
وقبل الالبوم كانت فيه ..
بس نزلها ابو صقر بالالبوم وتستاهل ..

لانها ممتازه ..

شفته البارح .

شفته البارح حكيت وحكالي
واعجبني أسلوبه وصدقه وقلبه
وبعدها مادري وش اللي جرالي
الله يستر قلبي ليكون حبه
الوضع مايطمن وأنا ادري بحالي
الجمر رمد لين جاني وشبه
ياانه نوى يسهر عيوني ليالي
ولانوى ياخذ فؤادي في دربه
راح من عندي ووجهه قبالي
شتت افكاري ولاخاف ربه
طول عمري خالي الفكر سالي
عايش بحالي ماعرفت المحبه
ماكل من شفته اناديه غالي
وماكل واحد ودي اقعد بجنبه
ارتحت له من يوم شفته قبالي
لان الحياه بدون شوفته صعبه
\\
كلمات : مساعد الشمراني
الحان : صالح الشهري

الاغنيه ذي تبكي ..
وصوت رابح شي ..
واللحن والكلمات ..
مدري وش اقول فيها بس ..

عطني امل ..

عطني أمل عطني بصيص من نور ودي أحس أنك تبادلني الشعور
ساعتها بس أنطر شهر ساعتها بس أنطر سنه وأصبر على طبع الغيور
يا هاجري بليا سبب بليا أجابه أو ردود
أعتب ولا يفيد العتب ما ألقى منك إلا الصدود
يا هاجري هجرك ملل ولا دلال
يا هاجري يكفي سكوت يكفي هجر يكفي عناد
خايف على حبي يموت وتفقد غرامي والوداد
\\
كلمات : امير عيسى
الحان : سليمان الملا

اسحب عليها ذا الاغنيه ماتجوزلي ابدا ..
ماحبها لاكلمات ولا لحن ولاحتى صوت ابو صقر يطلع كويس فيها ..
نكسه بتاريخك رابح ذي ..

انا احبك ..
أنا أحبك أنا أعزك أنا باقي على ذكراك
وإذا الله ما كتب تحقق أحلامك ولا أحلامي
صحيح يحز في نفسي بعد ذاك الوفاء فرقاك
ولكن العمر محسوب بأيامك وأيامي
مثل ما كنت تمنى وصالي كنت أنا أتمنى
لكن من ردات الحظ حلم الحب ما دامي
سوالفنا سارت مثل النجوم بدوره الأفلاك
سراب الشوف لكنه ترى ما يروي الظامي
حبيبي أنت بس إلي وسط قلبي أنا أهواك
كثر ما فات من وقت كثر ما باقي أعوامي
ولا دري كان وش بيصير في عمري أنا لولاك
لك أحلى ذكرياتي عشت وأجمل حلم قدامي
ولكن هذا حال الحب والعشاق ما يخفاك
كثر ما فيه من فرحه كثر ما فيه الأمي
أنا أوعدك ما أنسى ليالي حبنا وأنساك
على صدري بعلق يا حبيبي حبك وسامي

الم الاغنيه ..
الكلمات والصوت والاداء ..
من احلى ماغنى رابح ..
واحلى مقطع اذا قال ..
أنا أوعدك ما أنسى ليالي حبنا وأنساك
على صدري بعلق يا حبيبي حبك وسامي

ان شاء الله اعجبكم .. بس الالبوم ..
طبعا الالبوم هذا ماصور رابح ولا اغنيه على طريقة الفديو كليب ..
لذلك ماجبت له صور ..