،..

بصمت ,,
وضعت جسدها المنهك على تلك الاريكه ،,
لم تنطق بكلمه !!
صمتت ،،
لم أتجرأ أن أسألها عن أي شيء ,!
ربما لأنني قرأت في عينيها كل شيء ،،


ظللت ساعات ارقب فقط دموعاً منهمره جرت فوق وجنتيها
سألتها بتطفل : رهام وش صاير بعد هالمره !! ابوك والا اخوك ؟؟
ردت بتنهيده مزقت صمت المكاااان : آآه ياساره آآآه ، ليته ظلم ابوي وإلا قساوة اخوي هالمره غيييييييير.
ودخلت في موجة بكاء مؤلمه أيقنت لوهله أن هذه المره ( غيير ) كما قالت ،




تركتها لتهدأ ،
حتى أستشف منها الامر ،،
لكنها لم تهدأ وظلّت عيناها تسامران دموعها الموجعه.
سألتها بعد ان وضعت كفي على جبينها : رهام حبيبتي انا صديقتك مستودع اسرارك خبريني وش صاير لك ؟؟
أبعدت يدي عن جبينها برفق وهمست بصوت مزقه البكاء : لو قلت لك ياساره بطيح من عينك اكيد ؟؟
تسارعت نبضات قلبي واجبت بسرعه : لهالدرجه الامرخطيير؟؟
اجابت بألم : الأمر حقيرأكثر من كونه خطير ,, القصه ياساره بعد مشكلتي الاخيره مع اخوي ضاقت بي الدنيا ، ابوي تخلى عني واعمامي كلن بحاله وخوالي نفس الشي ، مالقيت ظهر أتكي عليه ضاقت بي الوسيعه الدنيا والناس كلهم ضدي ، حاولت أفرغ شحنة الالم اللي داخلي بأي شيء .
ثم صمتت
اجبتها بسرعه : وبعدييييييييين ؟؟
رهام : رحت السوق مع اختي وصار يعاكسنا واحد ورمى الرقم ، انا اخذته بخفيه بدون ماتدري نوره ودخلته شنطتي ،
ادري غلط وياما وياما هزأت اللي يعاكسوني لكن هالمره كنت ضايقه وحابه افرغ المي باي شيء ، لمى وصلت البيت اخذت الورقه عشان اقطعها ماقدرت قلت يابنت جربي منتي خسرانه شيء اتصلت ورد علي شاب وقفلت بسرعه
ثم بدا يتصل ومارديت وآخر شيء رديت قلت له اسفه غلطانه وقفلت.

اجبتها بملل : وكل هالضيقه عشان هالموقف السخيف زين انك اتعضتي وماكملتي لعبتك الساذجه، رهام انتي انسانه واعيه وعاقله وعارفه نهاية هالاشياء.
اجابت بصوت حزين : المشكله تعدت هالحدود ساره .. الولد ازعجني وبعدين رديت عليه وقال من وين جبتي رقمي وآخر شيء اعترفت له اني اخذته منه بالسوق وبدا ياخذ ويعطي بالكلام ،ارتحت له وحسيت انه غير عن هالشاب التافهيين.
شهقت بصوت مسموع: رهام كلمتيه واخذتي وعطيتي معه؟؟ وين عقلك ؟؟وين الخوف من الله؟وين حرصك على سمعة اهلك؟؟ معقوله مااصدق انتي يارهام توقعت الكل الا انتي ؟؟
بدأت تبكي بحرقه أشفقت عليها رغم عتبي عليها..
ادرت ظهري لها : وش كانت نهاية هالاسطوانه الممله ؟؟ طلعتي معه والا اخذ صورك وهددك فيها ؟؟
ردت بحسره : لا ماوصلت هالمرحله اني اطلع معه بس !!
استدراكها اقلقني
اجبتها : بس ايش ؟؟
اجابت : مرره قالي بشوفك من بعيد لبعيد بس اشوف هيئتك بالعبايه وواعدني بسوق طلعت شفته وشافني ولا قرب يمي
لكن لحقني للبيت بدون ماادري وعرف وين انا ساكنه ،
اجبتها : طيب وبعدين ؟
رهام :عرف اسمي بالكامل وعرف عني كل شيء بقدرة قادر ، تغيرت معاملته لي وصار يلح علي اطلع وانا رفضت وقطعت علاقتي معه لايام لاني ماتوقعت الامور توصل هالحد ,, ارسل لي رسالة تهديد انه بيشهر فيني وبعايلتي وبيفضحني بكل مكان انا مارضخت له وتوعدني انها بيفضحني بالحي وبيشوه سمعتي بين الجيران .. الف تهديد وتهديد جاني ؟؟ انا سفهته ولارديت ،، ساره انا ندمانه بجد كيف هالشهرين اللي راحوا كنت غبيه وساذجه لكن المشكله الى اليوم يهددني ؟؟ وش اسوي ؟؟ لو ينفذ احد تهديداته والله ليذبحني اخوي والا ابوي ؟؟
تناثرت دموعها بشكل مؤلم
اجبتها : رهام انتي اخطيتي ، والحمد لله ان الامور وصلت لهالحد بس ، انا ماراح الومك لان اللوم مايفيد اللحين ،
راح اساعدك بحل مشكلتك؟؟
رفعت رأسها بتفاؤل مشوب بحزن : جد ساره كيف ؟؟
اجبتها : إسفهيه ولاتردين عليه ابد وهدديه انك راح تبلغين عليه الهيئه اذا تمادى معك وهو عارف وش راح يصير ؟؟
رهام بحزن : ساره وش هيئه !! تبيني افضح نفسي بنفسي ؟؟
اجبت : اجل كيف راح تحلين مشكلتك راح تنصاعين له والا تقولين لاهلك ؟؟
اجابت بتنهيده : بفكر وارد لك ،

خرجت من عندي بخطوات مهزوزه ..
اتصلت عليها في الغد لم تجب
كررت المحاوله عدّه مرات ولم تجب
أتصلت على منزلهم وردت والدتها بأنها نائمه ،
أصبحت على هذا الحال مدة اسبوع لاترد على إتصالاتي وتقول لاهلها اذا اتصلت على المنزل ان يقولوا لي بانها نائمه !!


وبعد أسبوعان !!
صوت نغمة رساله جديده يدوي جهازجوالي
فتحتها واذا بها رساله من رهام :
لاعاد تتصلين على هالرقم وامسحيه من عندك ولاعاد تتصلين على البيت فاهمه؟؟

صعقت !!
ذهلت !!
بكيت بمراره !!
لم اصدق هل من الممكن ان تكون مرسلة هذه الرساله رهام !!
لمى إذاً !!
مالذي فعلته سوى أني نصحتها !!

أدلفت ظهري للوراء ،،


سقط رأسي واستيقظت !!
يااااه وش هالحلم وعن رهام بعد لو تدري عني ذبحتن
(الحمد لله انه حلم )
رددت هذه العباره بفرح
واذا بصوت جوال يصدح والمتصله رهام : صباح الخير سارونه ؟؟
اجبتها : اي صباح وانتي حتى بالحلم قاطه معي ياحلمت عنس حلم يخوووف ؟؟
رهام: يماااه وشو سارروه ؟؟
سردت لها الحلم ومع بعض التعليقات الجانبيه منها انتهت المكالمه .




من وحي خيال ( وحده ماجاها نوم )

.

الحين حلم والا من خيالتس
بس تدرين حلو سردك للقصه يمكن احد يتعظ منه
تدرين لمن ارسلت لتس قلت كش عليه فهمتس خطا
وراه ماكملتيه!
الا رهام ماهاوشتس؟ ..
شكراُ نسمة فرح
..
..