السلام عليكم ..
شلونكــم حبـايبــي ..
تقدرون تقولون بإني بنزل هـ الموضوع غيره من
" حـلاهــا " .. اللي نزلت عن نصب الإتصـالات السعوديه ..
...
من الأشياء اللي يرتاح لها الشخص ويفرح كثير , بإنك ترى أقبال من الشباب
على المساجد وعدم هجران القرآن الكريم , وهالشئ ما أعتقد يضيق صدر أحد فينا
لإننا بهالمسجد راح أول ما تجد الراحه النفسيه وفتح أبواب الرحمن لك وإستجابه دعاءك
ولأشيـاء كثيره ..!
ولكن الشئ اللي يحزنـك , معظم أشيـاء وتسبب لك كدر وضيقه خلق لما تشوفهـا
* اليوم في صلاه المغرب ولا بالسطر اللي قدام شخص عادي ولا تحس أن فيه شئ
المهم كبر الأمام وصلينا أول ركعه وبدأ بعدها بالحركه والتلفت والضحك وعرفت أنه
مختل عقلي " الله يرفع عنه ولا يبلانـا " ..
أخذ شوي ولا يتقدم ويأخذ قرآن من قدام ويفتح ويقرأه بالمقلوب ويرجع ويرده ويضحك
بصوت عالي وأشياء كثيره عملهـا وتسبب فيها بالصلاه وأهمها واللي كان أكبر ضرر
" إنه جعل المصلين في عدم تركيز في صلاتهم " ..
كان الأكثر بساطه من أهل هذا الشخص جعله بالبيت أو تحط معاه عامل يقابله بكل لحظه
إذا أنت ما تبى تقابلـه وتهتم فيـه ..!
* وضعت وزارة الأوقـاف ومشكوره على هالشئ ( كتب للمكفوفين ) وهالشئ يسعدنا
كونهـا تحاول أن تجعل المكفوف والغير مكفوف أن لا يبتعد عن نور القلب وهو القرآن
ولكن للأسف في أحدى المناطق ويشكو لي أمام المسجد يقول أصبحنا بين فتره وثـانيه
ننزل عدد من هـ الكتب وأستغربنـا من إختفـاءها , بعد فتره عرفنـا بإن هناك ناس من
أهـالي المنطقه يأخذون هـ الكتب سوا شياب ولا شباب ولا صغار ..!
سـ / أول مره مشيناها وثاني مره كذلك وثالث مره , أعتقد لو كان البيت كله مكفوفين
ما أخذت بهالكميـات , اللي يجي في يوم شخص محتاج للكتاب ما يلقـاه ؟؟
* الضيـق في الصفـوف , يعني الله يهداكم يا شيابنـا ترى السطور كثيره ولله الحمد
والله ما وسع هـ المسـاجد , للأسف هالفكر في بعض شيابنـا شئ عجيـب , يجي متأخر
عن الصلاه ولا شافله ولد قدامه بحدود الـ 15 أو أقل يرجعـه ورا ويسحبه ولو كان
يصلى ..
خير يالحبيب تراه يكون بهالعمر بـالغ , يعني محاسب على كل شئ مجبور يصلى ويعبد
ربه , أوووووما تجي وتسحبه أو تحشره بهالصف لازم تكون بالصف الأول أو الثاني
أجل لا تتـأخر على الصلاه وطاق حنك بهالدواوين ولا أقـام تبي الصفوف اللي قــدام
وتسحب بخلق الله , تراك بكذا تكره هـ الولد بالصلاه ويكره روحات المسجد ويظل مقابل
البيت ويصلى فيه هذا إذا ما تكرهـا ..
[[ عده نقـاط حبيت أذكرهـا , وننصح البعض إن كان يسويهـا حتى ولو كـان شــايب
ترى النصيحه موب عيب , وأدري تبون تتعرضون لإحراجات وبعضهم يجيك مطفئ
النور يقول " أنت هالبزر جاي تعلمني " : )
تحمـل ولك الأجـر .. ]]
إن شاء الله يكون هـ الموضوع بدايه
تواصلي مع قسـم المجلــس , لإني
من فتره طوووويله عنـه ..
..