مدخل)(
غلطانه اللي تعشق اليوم رجال ..
مهما حلف بالود يبقى اناني؛..
وقلب الرجل مابه من الحب مثقال..
والبنت ترفه قلبها مايداني؛..!

كلما قرأت عن قصص ابنائنا الهوجاء

وكلما سمعت عن قصص فتياتنا اللاتي وقعن في مصيدة الذئااب البشريه .. اصااب بالغثيان..

متى سيتعلمن الرجل يعيش لااربع؟..
متى يتعلمن انهن يعشن لوااحد..

::::::::::::::::::::::::::::::::::::::::::::::


كم من بنت ضيعت عرضها ومستقبلها ودمرت نفسها بسبب ثقه وضعتها بغير محلها
لان بطبيعتها قلبها ضعيف واحساسها مرهف
فتصدق كل كلمه يقولها ضعيف الايمان الي لايبحث الى على مصلحته هو وراحته هو وونااسته هو..
احبته..او اعتقدت كذلك..فأعطته كل ماتملك..وضحت بكل ماتستطيع..واعطته كل مايريد..مقابل (الحب)او(لتعلم اني احبك)..
اما هو فأخذ كل مايريد ..وأستمتع بكل مايريد..
وضحك كماا يريد..مقابل (كلمتين معسولتين..وكم وردتين..)

فعلااا..انهن ناقصاات عقل(ن)ودين..
متى سترفقون شبابناا بالقواارير..
:::::::::::::::::::::::::::::::::::::::::::::::::: ::

انا مرواا علي بناات كثييير من النوع اللي الغبي اللي يصدق كل شي..
من النوع السهل اللي يحب على طول..
بس زي البنت اللي اسمهاا عبير والاخ اللي اسمه عزاام ماامر علي ولا سبق وشفت!!!

عزام اخوي الي يصغرني بسنتين بس ماشاء االله كنه ساابقني بعشر سنين عليه ذكاء وتفكير ...واسلوب..حتى من النااحيه الشكليه جسم ..طول.. ماتصدقون انه طالب ثانوي بس!


عزاام ولد لعااب يدخلك من هنا يطللعك من هناك يقول قصه خياليه وبأسلوبه يخليك تصدقين لا وتحلفين انه صدق وبعدين يبين لك انه كذااب ويجلس يمووت عليك من الضحك انك صدقتي مثل ذا الخراافات

بس اللي ضحكت عليه وبكيت بنفس الوقت اني اكتشفت انه لاعب على بنت جامعيه بالمسن وممثل عليهاا شخصيه ماادري وشلون جايه

طبعاا اكتشفت هذا من خلال سجل المحادثات بتاعه
بغفله منه
:::::::::::::::::::::::::::::::::::::::::::::::::: :::::

يوم كنت انا جالسه بالصاله كانت الساعه 2 بالليل تقريبا يوم سمعت صوته جااي تظاهرت اني نايمه مالي خلق سواليفه وبطولاته اليوميه كلش..>>

دخل تفرج على التلفزيون شوي وبعدين اخذ لاب توبه اللي جنبه وفتحه اسمع صوت نغماات المسن بدت تتداخل مع صوت ضحكااته اللي ترتفع كل شوي

الي عور قلبي الضحك كل ماله يزيد وماوقف نهاائي قلت ماوراك الا مصاايب ياعزيم

الموهم شوي ويرن جوالي رديت اثاريهاا وحده من خوياتي تذكرني اجيب البحث حق احد المحاظرات

طبعاا البحث انا مخلصته ومجهزته بس جتني فوكرهـ خونفشاريه وقلت اووه نسيت اووه اللحين اسويه بس المشكله جهازي متعطل ماادري وش فيه خلااص اوكي ادبر حالي واسكر الخط..
والتفت على عزيم هلااا عزوم انت بذا جاابك الله عطني لاب توبك بسرعه ابسوي البحث قبل الصبح عجللل مافيه وقت طبعاا تضاايق وماانع بالاول بس عطاني اياه بالاخير..
يوم شاافني صادقه شوي بقوقل شوي بموااقع الجامعاات وشكلي وانا اتظاهر اني متحمسه وخايفه تركني وراح بعد ماقفل ماسنجره ومسح كلة السر وقال استعجلي طيب قلت اوكي
ورااح..
وانا اللي اقفل كل ذا المواقع واافتح سجل المحادثاات واقرا ..واقرا..واقرا..
احياناا اضحك واحياان اصيح ,,/
وشر البليه مايضحك..

اغلب محادثاته كانت مع بنت اسمها عبير ممثل عليهاا شخصيه ياااجمااعه ...
ان عمره31 صاحب شركاات عالميه..وحاط
لهاا صور ماادري وشي بس من كلاام البنت انها صور بمكتبه الفلاني ومؤسسته الفلانيه وياا حلووك هناا عند مبنى كندا وهذا انا بحدى شركاتي اللي بأسبانياا وخذ من ذاا الفقش....


اللي عرفته من خلال محادثاته ( ان عبيرلها اكثر من سنه علاقه مع التاجر الكبير عزاام!! ..طالبه جامعيه بالمستوى الثامن او السابع على مااعتقد..ذاايبه معه للنخااع>>بعذرها والله من كلامه انا ذبت..ارسلت له اكثر من الف صوره لهاا ومقاطع فديو وماادري ايش..حاولت معه اكثر من مرهـ انهاا تقابله وكاان بكل مره يتعذر انه خارج البلاد الان,او عنده اجتماع مهم, اوبيستقبل وفد خارجي..)طبعا على طول لطشت ايميلها وأضفتها عندي..

بعد المغرب من بكرى اللي هو امس... دخلت لقيتها قابله الاضافه..
و المحادثه (بعد الاختصار) :



انا/مرحبا
عبير/اهلين
معليش برب
انا/بسم الله ماامدانا
عبير/مشغوله شوي
انا/مع مين عزومي
عبير/وش دراك
من انتي
مااحد يعرف بحبنا الا انا وهو
هههههههه أي حب واي خرابيط يرحم امك حومتي كبدي
عبير/ليش من انتي ووش تبين
انا/انا عمتكم او عمت عيالك بالاصح
عبير/وشو

انا/انا اخت المحروس رجل الاعماال
عبير/اخت عزومي
انا/وخخخ وتدلعه بعد يالليل السذاجه
عبير/لو سمحتي احترمي نفسك
انا/اذا عرفتي وش لون الواحد يحترم نفسه احترمت نفسي
عبير/انا عاارفه
انا/لو عاارفه ماكلمتي رجل الاعماال وعطلتيه عن اشغاله
عبير/طيب عزومي قال ماعنده خواات
انا/ايه ماعنده ليش مو واثقه فيه انتي
عبير/الا بس ليش تكذبين تقولين اخته من انتي
انا/انا السكرتيره بتاعه
عبير/اها قولي كذا
صاحبة أي شركه انتي حقت دبي والامصر>>
انا/لالا حقت نيوزلندا
عبير/بس ماعنده هو بنيوزيلندا
انا/الا عنده بس مايحب يقول للنااس يداري العين وبعدين هذي شركه سريه
عبير/بس انا مو أي نااس انا حبيبته
انا/ ياعمري ياحبيبته حب طل والله
عبير/وشو وش قلتي
انا/لابس ولا شي
عبير/كيف جبتي ايميلي طيب
انا/يااختي عزومي قصدي الاستاذ عزام دايم يفكر فيك وحسينا انا والموظفين اللي عنده انه يعيش قصة حب وفيه وحده اخذه عقله وشاغله تفكيره
عبير/يااعوومري علييه
قلنا لازم نعرف من هي
وحاولنا نخترق جهازه وجبنا ايميلك
بس عااد لاتقولين له بعدين يفنشنا ترى ماعنده هو وحنا مساكين وين حصلنا هالوظيفه المرموقه ماكنا نحلم ناخذ بالشهر 15 الف
عبير/15 الف وانتي سكرتيره
انا/شفتي شلون هو كريم وابن اجواد
عبير/اجل هو كم ماشاءالله
انا/ماادري بس اتوقع مبلغ خياالي
هذا غيير الصفقات الخارجيه والاضاافات والاشغال الثانيه وماالى ذالك...
عبير/واي الله يحرسه ..
انا/اقوول برب بروح اسلفه الله يحرسه 50 بيشحن جواله>>حايمه كبده
عبير/وشو وش تقولين
برب بسيط وارجع
^^^^
تبين لي من خلال ذا المحادثه وش كثر مسكينه ذا البنيه وعلى عماها وتصدق كل شي ينقال لهاا اجل سكرتيره بنيوزلندا وتتكلم معها عربي
يمكن عربيه طيب كل شي جايز
طبعا هذي المحادثه الاولى والمحادثه الثانيه ماصارت لاني كل ماادخل احط دون اتصال لان مالي خلق اصدم البنت واتمشكل معه ساعه لين تصدق
عشاان كذا جالسه اجمع صور لعزومي وهو يغسل الحوش!!
وهو منبطح على بطنه يحل واجباته!!
اوهوجالس عند لاب توبه وياكل فشار ابو نص!!
وهو على حقيقته الفعليه يعني ..
:::::::::::::::::::::::::::::::::::::::::::::::::: ::::
وابغي ارائكم كيف اكشف عزومي عندها على حقيقته وكيف اتفاهم معها ومعاه لاني للحين ماسويت شي..

مخرج)(
ترى كل الحلوف اللي عطيتك بالهوى كذبات
وحتى دمعتي يوم الفراق الصعب كذبيه،،
هذاك اليوم ماهلت عيوني لاجلك الدمعات..
لان الدمع ماينثر بقصة حب وهميه،،
انا اضحك معك واضحك منك و(عليك اكثر الضحكات)
تحسبيني ابرضخ لك لان شفاك ورديه
ورب الكون ماارضى فيك لو انك شيخة الحلوات...

^^^^^^^^^^^^

يالله حيهاا

اختلف معاك في هذي المقوله
اللي بيحب اكثر من وحده مب راده ٤ حريم و العكس

اول شي اهلين خخ
يا بنت اسلوبك مب صاحي
ماشالله يعني الله لا يضرك ..
بس من جلست اقراه وانا مستاسع صدري

يسلموو اخجلتي توااضعي واللهي
اناا اللي من شفت يوزرك استااسع صدري لين انشقت بلوزتي >>نصاابه ترى كانت خاايفه

اما اخوك
احب الناس اللي كذا يتخيلون نفسهم شي
و يعيشون الدور

انا يحومون تسبدي

انا اقول انك تعلمينها الصدق يا حياتي يا هي ..
حرام تعلق نفسها و تبني لها احلام واحد ملياردير و ثلاثيني
وآخرتها اخوك خخخخ

من رايي انتس تحجرين له
لين هو يصرفها .. خليه يقول لها امي حالفتن علي تزوجني بنت خالتي
آسف مع السلامه

ترا الصدمه هذي احسن من الصدمه انه واحد صغير و كذا
لانها بتحس نفسها غبياااااااااااه
يا حياتي عليها رحمتها
تبين اقول لها انا ؟

تحس انهاا غبيه احسن من انهاا تجلس تبكي الليل والنهاار

ووش جااه محبوبي مشى وخلاني

,

حرام عليه اخوك

بس بعد البنت معقوله تحب واحد ماتعرفوا الا من النت لازم تقوليلها عن اخوك انوا يكذب عليها وعشان تصدق وريها صوروا

.

.

الى متىوانا اقول ان عقولكن ناقصات الى متى وانا اقول انكن
مخفه مع احترامي الى متىوانا اقول لاتصدقن احد الى متى
وانا انصح ولااحد يسمع الى متى تعيشن بوهم وانتن عارفات
انه وهم الى متى والقلب يحب ويضحي وبالاخير يرجع
مصدوم وملعوبن عليه !؟
..
الى متى وانتو تستغفلون ضعيفات العقل الى متى وانتو
تلعبون بقلوب البني الى متى تعيشون بتسذب ؟
متى تكبرون وتكبرون عقلكم ؟!
الى متى والبني
مااخذينه على انه لعبه ؟!

هلا والله قمر ..
وياقلب لاتحزن على هالاشكال
صراحه هالبنت مخفه عليه قليله يمكن مالقت احد
عطاه وجه الا هالبزر عزام
وقام يفقش عليه من هالتسذب اجل شركات
مالومه يومه تعلق فيه يمكن موب حباً به
حباً بفلوسه
وهالغبيه قامت تبني احلامه على اساس انه غني
وبتعيش معه موب ناقصه شي وياقلب لاتحزن
وانتي ياقمر وش عندتس مشتغله كونان القصيم
على غفله

,
ترى كل الحلوف اللي عطيتك بالهوى كذبات
وحتى دمعتي يوم الفراق الصعب كذبيه،،
هذاك اليوم ماهلت عيوني لاجلك الدمعات..
لان الدمع ماينثر بقصة حب وهميه،،
انا اضحك معك واضحك منك و(عليك اكثر الضحكات)
تحسبيني ابرضخ لك لان شفاك ورديه
ورب الكون ماارضى فيك لو انك شيخة الحلوات...

افهمن ترا مابه حب صدز كله تسذب
الا من رحمى ربي والعكس انه هي تلعب عليه
شكراً سكرتيرت عزوم
........................................بالاخير كلهم يكذوب ومايوفي لي الا واحد!
..
...

^^^^^^^

هلا بالدلووعه

وش بكم على اسلوبي والله احسه غبي وشغل عجل عسى منتب تتطنزوون بس

انا كنت دااخله بنيه ثاانيه بس تفكير البنت الضعيفه خلاان اغير مسااري للضحك فقط ...>>من يقول اني اخت عزام
بجد كانت مصدقه تمثيليه عزام بشكل غير طبيعي

اجل تبين ايميلها
احترت بينكم عنود/اكسجين/وانتي ..من بيمسك السالفه

لا ابدخل اكلمهاا اليوم واشوف وش نهاايتهاا ..واعلمكم بالجديد

[quote=روح المرامـ;2361196]

أقتباس

طيب وش يضمن لك انها صادقة تلقينها بزر بالمتوسطة !

اقولك شفت صورهاا كبر قريح
الطول طول نخله والعقل عقل..ايه

أقتباس

أخوتس انسان عجيب

مطفوق الله يصلحه

أقتباس

لا تتلقفين انتي

وراه ماتلقف بالعكس ودي العنهم اثنينهم

أقتباس

]نوف تذكررين وشسموه ..

وشو>>اتركي اللقافه يابنت

[quote]

أقتباس

علمينا بالمستجدات ]

[quote]

من عينياا اليوم انشاءالله

نورتي روح لاخلا ولاعدم انشاء الله

هههههههههههههههههههههههههههههههههههه
هههههههههههههههههههههههههههههههههههههههههههههه



ياأختي أسلوبك يجنن فطسني ضحك منذو مبطي وأضحك في مواضيعك
وأخوك لايذبحك بس .... يمكن ناوي يعرس عليها
والأخت مصدقه ترسل صورها
حلوه مالي أخوااات يبيها تشفق على التاجر الثري الوحيد
والله صدق أن بعض البنات مخفات

.......................

تصدقين تذكرت اخوي خخخخخ

هو بالمتوسطه قالي مره ابدخل شات على لابتوبك عيني عينك ماأستحى مني

قلت بشرط أنا أكون معك .. قال طيب
وأنا اللي أكتبلك لان كتابتي أسرع منك ولأن فيك من الأخطاء ماكفى.. قال طيب
>>>>>>> عقدت الولد >

المهم دخل باسم "فارس الحب " ياعيني ض1تخيلوا وهو بالمتوسطه يعني اللقب أكبر منه بمراااات ض1
المهم في وحده اسمها ملاك
وكل شوي فارس كم عمرك ,,,, قال : 28
قالت هي 26
والبنت كل شوي فارس ... فارس ,,,,,,,, وفارس .....وشوي ,,,,تعال أبيك عالخاص يعني
أنا وصلت حدي ....قلت ياقليله الأدب ياللي ماتستحين مصدقه أخوي يعني ذا البزر يلعب عليك يالمخفه

الا تجيني ذيك الضربه على يدي للحين أذكرها >
وخلاااص لعاد تكتبين ومدري وش

قلت خلاص بتأسف لها حرام على أساس أني فارس الحب
وعلى طول البنت رضت وفرحانه بعد ...>
شفتوا وشلون سماجه البنات

.....


قمر ... بالله علمينا بالجديد

لك >

مع أحترامي
الشديد لكم ....ما خذين الموضوع
تريقه ....وهو ما يتحمل الضحك
ولا الاستهبال .....
لكن ما أقول غير الي ايده بنار مو مثل
الا ايده بالماء......
ما فكرتو بالبنت ومشاعرها
حتى لو صدقت هذا حب ...
يعني تمكن من قلبها ,,,,,
حتى لو كان وهمي
او ما هو صح
الموضوع خطير ...
مدري شقول بس لا تستخفون
بالموضوع ....البنت صدقت أشياء
مماتتصدق ..,.,.بس لازم نحمد الله على نعمت العقل
أمكن ربي معطيها عقل صغير أو تفكيرها
ما هو ذاك الزود ..,.,.,الحب أعمى
بعدين لية التريقه لو وحده ربي باليها منكم
كان تبكي دم الحين ما هو دموع.,.,,.,
أخوكِ أدبيه وصارحي البنت وأنهي الموضوع
لو تسوي مشكله بس المهم البنت ما تقعد عايشه على وهم
.................................................. .......
.........................


سبحان الله وبحمده
سبحان الله العظيم