.
.
اعضاء الاداره
محمد الجهيم مدير المدسه
ابو يزيد وكيل المدرسه
ابو طلال المدرسه الطلابي
قمر القصيم المسؤوله عن الحضور والغياب
(جدول الحصص يوم الاحد )
الحصه الاولى / كيمياء
الحصه الثانيه / نحو وصرف
الحصه الثالثه / تفسير
الحصه الرابعه / رياضه
الحصه الخامسه / انجليزي
الحصه السادسه/ تعبير
الطلاب الجدد في فصل المجلس :-
هلالي الى الصميم
ابو نجوى السهلي
بيبرس
O X Y G E N
حمـــq8ـــزه
«•мάiόόsнε~
سحابه
ورده الهلال
وقت الطابور :-
محمد الجهيم : خلصتوا من حضور الاساتذه يابو يزيد ؟
ابو يزيد : قمر القصيم مافيه احد من من المدرسين او المدرسات متأخرين ؟
قمر القصيم : لامافيه الحمد لله كل شي تمام اليوم
ابو يزيد : ابو طلال انشالله الطلاب الجدد مايتأخرون
ابو طلال : الجدد لاتخاف عليهم مراح يتأخرون
ابو يزيد : استاذ NEZAR جهز نفسك تعاقب الطلاب المتأخرين عن طابور الصباح
استاذ نيزار : زي العاده ابو نجوى وهلالي الى الصميم وبيبرس وأحيان يكون فهد معهم 
ابو يزيد : المدرسه كلها شغل لحالها والثلاثي هذولي شغل لحالهم
ابو طلال : تعالوا نشوف الطلاب المتأخرين
ابو يزيد : هلا هلا الثلاثي المرح موجود ابو نجوى وهلالي وبيبرس 
هلالي : هلا والله ومرحبا منور المدرسه اليوم عشانك موجود يابو يزيد 
ابو يزيد : لا والله وقفوا على الجدار لين اجيب العصا واجي 
نيزار : ابو يزيد اذا سمحت لي ابغا اخليهم يهرولون يعني يركظون في الملعب شوي نوع من العقاب
ابو يزيد : ايه يكون احسن بعد ياستاذ 
ابو نجوى : وين هروله على الصبح في العسكريه حنا 
نيزار : اقول هرول انت وياه ولي معاجبه يروح للمدير
هلالي : فيها اجل مدير احسن نهرول
بيبرس : اجل زيا لعسكريه ياشباب نهرول ونغني عشان ننسي التعب
ابو نجوى : والله جبتها يابيبرس قدام اجل
هلالي : ونا معكم على العهد باقي
بيبرس : هرولوا يالله
هلالي : رددوا وراي هذي الاغنيه عشان ننسي التعب 
ياصباح الخير يابلادي ... يابلادي يا سعودية
نحمي حماك يابلادي ... بسيوفنا القوية
بيبرس وابو نجوى :
ياصباح الخير يابلادي ... يابلادي يا سعودية
نحمي حماك يابلادي ... بسيوفنا القوية
ابو يزيد : حلو والله تهرول وتغني بعد انت وياه 
ابو نجوى : وش نسوي تبغا ندبك ونعلب جوبي
ابو يزيد : ولاكلمه تفهم انت وياه لازم نظربكم على يدينكم عشان معد تتأخرون
بيبرس : تأخرنا على الطابور بس لاكن بسببكم تأخرنا عن الحصص اليوميه
ابو يزيد : لا والله مسوي محامي انت وجهك لاسمع منك كلمه
هلالي : معليه الحصه الاولى كيماء صعبه لاتقول زرقاء اليمامه تري والله صعب شرحها احس هي من كثر ماتشرح لنا تظيع الدرس ههههه
بيبرس : حرام عليك والله هي تتعب في تحظير الدرس لنا بس حنا مانحب الدراسه 
طبعاً بعد ظرب بيبرس وابو نجوى وهلالي على اليدين
قال ابو يزيد : روحوا للفصل انت وياه 
وقبل مايروحن للفصل شافوا شي جديد وغريب اعجبهم يمكن طارت عقولهم
شافوا «•мάiόόsнε~ لابسه العبايه ومتلثمه وكان معها ملفها وشافت الشباب ومعهم ابو يزيد ومن شافوها كلهم خذوا وظع الثوبت هههههه <<< الي يشوفهم يقول عسكر في لين الحين في الدوره
وجتهم «•мάiόόsнε~وسألت وين مكتب المدير عشان تبغا تسجل في المدرسه
«•мάiόόsнε~: هاااي صباح الخير ابغا اسجل في المدرسه وين اروح بظبط لاني معرف شي عن المدرسه
هلالي : افاا عليك وحنا وين رحنا تعالي انا اقولك
بيبرس : ونا بجي اعطيك نبذه مختصره عن المدرسه
ابو نجوى : انا بجي اعطيك نبذه عن فصلنا عشان تجين عندنا في الفصل
ابو يزيد : ارجع انت وياه
ابو نجوى: معليكم منه بس اسحبوا عليه اهم شي هذي البنت نوصلها نمشي معها موكب حمايه ههههه
وصلوا عند مكتب المدير ودخلت وقالوا تعالي عندنا في الفصل ظحك واستهبال وكل شي حلو هههههه , وراحوا للفصل عشان يحظرون الحصه
بيبرس ابو نجوى وهلالي : صباح الخير يستاذه 
زرقاء اليمامه : صباح النور انزوا جيبوا ورقه من ابو يزيد يسمح لكم بدخول الفصل
هلالي : تعالوا ننزل عن ابو يزيد نجيب لنا ورقه عشان نعطيها
ابو يزيد : الحين انت وياه مسوين فزعه للبنت ورحتوا معها مامليت عينك انت وياه يعني <<< حاقد عليهم
بيبرس : ليش مافزعت معنا للبنت
ابو يزيد : ولا كلمه لظربك الحين بدباسه على وجهك
ابو نجوى : هد اعصابك ابو يزيد مايسوي ترفع ظغطك والله
هلالي : حنا جاين لك نبي ورقه لنا عشان ندخل ندخل الفصل بس
ابو يزيد : انت ليش متأخرين على الحصه
هلالي : انت الي موقفنا بري وتعاقبنا ومدري ايش بعد
ابو يزيد : ودي نفسي اقوم الحين واقلب المكتب عليكم عشان ارتاح منكم ومن افعالكم هذي الورقه وفكوني من شركم
ابو نجوى هلالي بيبرس : هذي الورقه ياستاذه
زرقاء اليمامه : ادخل انت وياه ولااسمع كلمه منكم فاهمين
ابو نجوى : وشفيهم حاقدين علينا اليوم كلهم
بيبرس : والله مدري عن الناس
هلالي : شف حمزه وين جالس قدام وش عنده الدافور
ابو نجوى : معليكم كم حصه ويرجع وري عندنا حمزه
ابو طلال : السلام عليكم ياستاذه زرقاء اليمامه
زرقاء اليمامه : عليكم السلام ياستاذ ابو طلال
ابو طلال : فيه طالبه جديده ونشالله تكون اخت لكم
زرقاء اليمامه : هلاوالله فيها
هلالي : انشالله تكون الي شفنها اليوم الصباح بس 
بيبرس : حمزه راح عنا انشالله تجي عندنا في اخر الصف بس
ابو نجوى : شكلها ممتازه مررره لاتحلم تجي عندنا بس اخر الفصل
ابو طلال : تفضلي الفصل يــ«•мάiόόsнε~هذا فصلك الجديد
هلالي : هلا هلا هلا ترحيب لك خاااص من خلف الفصل بأصاله عن نفسي وبنيابه عن اخي بيبرس واخي ابو نجوى 
«•мάiόόsнε~: شكراً على الترحيب الحار
ابو طلال : هلالي ولاكلمه فاهم ولا انزل في لمكتبي
هلالي : لالالا مراح اتكلم ابدن
ابو طلال : حمزه اجلس مع الشباب اخر الفصل
حمزه : انا مشوف اذا جلست وري اخر الفصل
ابو طلال : طول السنه مكانك وري اخر الفصل واليوم تجي قدام راح اجلس وري
«•мάiόόsнε~: لالالاانا ابغا اجلس وري اخر الصف 
ابو نجوى : هلا والله بتجي «•мάiόόsнε~ احسن من التمساح هذا حمزه
ابو طلال : لا انا اعرف مصلحتك واخاف عليها اجلس ياحمزه بس وري وخلصني
حمزه : طيب بجلس وري
ابو نجوى : انا قلت كم حصه ويرجع وري عندنا متوقعت من حتي حصه كامله ماكملها بس لو جت «•мάiόόsнε~احسن لنا والله نحس بدافع قوي
ابو طلال : اذا اجتجوا شي انا في المكتب موجود
سحابه : اوكسجينه شوفي دلوعه البنت مررره ومايعه هذي «•мάiόόsнε~وداخله لابسه لثمه بعد
اوكسجين : معليك انا الحمد لله احلى منها في كل شي
سحابه : والله اليوم اليوم كحلك حلو مره مشالله
اوكسجين : والله اختي سويته لي اليوم الصباح لانها تعرف للكحل مرره مشالله عليها
زرقاء اليمامه : طبعأ نحي الاخت «•мάiόόsнε~ في الفصل الجديد
ابو نجوى : احلى تحيه من قائد قوات خلف الفصل
هلالي : احلى تصفير لعيون الضيفه الجديده
بيبرس : احلى تحيه مني
زرقاء اليمامه : ولد انت وياه والله ولاكلمه
ورده الهلال : استاذه خليهم يفرحون شوي
زرقاء اليمامه : أي فرح بس هذا استهبال وجنون 
اوكسجين : سحابه معليك من احد بس انا حلوه وكل شي فيني حلو <<< طلعت الغيره القويه القاتله 
سحابه : الحمد لله انك عارفه نفسك
ابو نجوى : الحمد لله خلصت الحصه تعالوا بنقعد عند الباب شوي نغير جو لين تجي بيلسان
هلالي : عاد بتجي بيلسان وتعلب فينا لعب المشكله تشرح بصوت عالي مانقدر نرتاح او ننام شوي 
حمزه : نستفيد شوي من حصه النحو نقدر نناقش فيها العالم الخارجي
ابو نجوى : حمزه والله انت فيلسوف كبير بس الهستره تغلب على الفلسفه وتخطط لنا هههههه
بيلسان : ليش واقفين هنا عند الباب هاه نبغوني الحين اخليكم عنده لين نهايه الحصه
هلالي : استاذه شكلك تعبتي من الكتاب الي معك انا بشيله لك <<< مصلحه بس
بيلسان : والله صادق ياهلالي والله شوي وينقطع قلبي ثقيل مره كله عشانكم بس عشان اقدر اوصل المعلومه لكم
ابو نجوى : استاذه كني لاحظت تقدمنا في المنهج شوي 
بيلسان : لامتقدمنا ولاشي ولااسمع ولا كلمه وبعدين اوكسجين وش عندك فاكه شعرك اليوم اربطيه
اوكسجين : اليوم الصباح استشورت شعري
بيلسان : اقول اربطيه ولا شوفي له حل الحين
اوكسجين : طيب برفعه بشباصه عشان مايخرب
بيلسان : هلالي لاتنام اخر مره اقولك
هلالي : مراح انام خلاص
بيلسان : مشالله عندكم طالبه جديده متعرفنا عليها بعد
بيبرس : هذي الطالبه اليوم جتنا واسمها «•мάiόόsнε~
بيلسان : احد قال انت المتحدث الرسمي عنها اترك ليش ملقوف انت اسكت ولا كلمه
«•мάiόόsнε~ : اسمي «•мάiόόsнε~
بيلسان : انشالله تكونين مرتاحه في الفصل انا مربيه الفصل المسؤوله عنه يعني
«•мάiόόsнε~: انشالله اكون عند حسن ظنك وظن الجميع
اوكسجين : سحابه شوفيها تبي تقهرني والله مدري ليش 
سحابه : لاتغارين منها ولاشي بلا دلع
اوكسيجن : انا مغار منها بس تبي تقهرني كذا بس
بيلسان : الجميع هدوء خلاص اليوم الدرس طبعن راح اطلب اقول لكم جمل عشان اكتبها في الصبوره ونشرحها ونعربها . من يعطيني جمله ؟
هلالي : قوم درجني وامش قدامي
بيبرس : الاماكن كلها مشتاقه لك
ابو نجوى : في غربتي تغرب النوم عن عيني
بيلسان : انت وياه مجاكم دفتر التحظير يمشي مليون على وجهك اقولكم وقفوا على الجدار انت وياه
بيبرس : الحين فيه تطورات الحمد لله اول ترمي علينا بيلسان طبشير والحين اقلام صبوره ههههههههه
ابو نجوى : شي حلو انشالله بعد الاقلام مدري ايش ترمي علينا بعدين في المستقبل
بيلسان : اقول انا معرف اشرح الدرس وانتم موجودين في الفصل اطلعوا بري لاتخلوني اعصب ونا مروقه
هلالي : حنا جينا ندرس ولا عشان كل شوي نطلع بري
بيلسان : اسأل نفسك ولا احد يناقشني منكم واطلعوا بري انا مابيكم في حصتي
بيبرس : خلاص الي مايغنا مانبغاه خلاص
بيلسان : اطلع انت وياه واسكتوا
ابو نجوى : وشرايكم نروح للمقصف نشرب شي بارد لين تخلص الحصه وبعدها نرجع
بيبرس : وشي الحصه الي بعدها طيب ؟
ابو نجوى : تفسير الاستاذه ملك روحي
هلالي : لا تقول ملك روحي عندنا والله تقول سمعوا الدرس كله الماظي مدري ليش
بيبرس : ياخي عشان ماتبغنا في الحصه تقول انتم مزعجين
هلالي : نسيت اليوم اجيب الجريده الرياضيه الصبح عشان نشوف اخبار الهلال
بيبرس : افا عليك وهذي تفوتني جبتها لاتخاف وجبت جريده الجزيره وجريده الرياض
ابو نجوى : كفو والله تعجبني يابيبرس انت 
هلالي : ياعيال تري خلصت الحصه تعالوا نروح الحصه قبل تجي ملك روحي بس
بيبرس : كيف المكان وري اخر الصف ياحمزه ؟
حمزه : حكم القوي على الظعيف
ابو نجوى : جت ياعيال ملك روحي خلنا نشوف وش عندها اليوم
ملك روحي : السلام عليكم ورحمه الله وبركاته
الشباب والبنات : عليكم السلام ورحمه الله وبركاته
ملك روحي : حمزه ممكن تقول لي ايش الدرس الماضي ؟
حمزه : والله انا راجعت الدرس بس مني متذكر زين شوي مشتت فكري
ملك روحي : يامشتت اجل خليك واقف لين تتذكر الدرس ولا تفتح الكتاب , خلونا نسمع هلالي كني اشوف عيونه وده يقول ايش الدرس الماضي قل ياهلالي عنوان الدرس الماضي
هلالي : والله ماده التفسير حلوه بس مشكلتي مع عنوان الدرس الماضي متذكره زين
ملك روحي : انا عارفه انك ياهلالي تحب توقف شوي في الصف بس يمكن نسمع من بيبرس عنوان الدرس الماضي
بيبرس : والله الدرس رائع لاكن مانتبهت للعنوان لاكن انا بوفر عليك واوقف احسن
ملك روحي : فرت علي الكلام يابيبرس لاكن نشوف السنيوره اوكسجين ودها تقول لنا عنوان الدرس بس مستحيه قولي لنا
اوكسجين : والله انا اعرفه بس نسيته وهذي مشكله النسيان عند جمع العالم
ملك روحي : من بقي اجل ماسألته الفصل كله والكل مايعرف انا ليش اجل اشرح واتعب نفسي
هلالي : طيب سوي مراجعه من اول وجديد
ملك روحي : هذا دينا متعرفنونه
بيبرس : وش دخل الدين في عنوان الدرس
ملك روحي : هذا مرتبط بدين يعني لازم تكونين عارفين الدين
هلالي : وشرايك اليوم مانخذ درس انتي عارفه تعب علينا وعليك
ملك روحي : ولايهمكم اليوم انا بعطيكم اجازه
هلالي : بيبرس اقول الدخان نزلته من السياره ولالا ودي بزقاره بعد الفطور تروق المزاج شوي
بيبرس : معي وحده بس حاطها تحت براده المويه الي تحت عند المقصف
هلالي : كفو والله تعجبني هههههه
ملك روحي : باقي 5 دقايق وتخلص الحصه احد عنده أي سؤال ؟
الشباب والبنات : لا معندنا أي سؤال
بيبرس : وشي الحصه الي بعدها ؟
هلالي : علينا رياضه الحين ياخي بيجي نيزار الحين وينزلنا تحت في الملعب وتعب وقلق
بيبرس : بس فيها ظحك شوي
نيزار : السلام عليكم
الشباب والبنات : عليكم السلام
نيزار : انزلوا تحت في الملعب وشوفوا فيه كوره العبوا فيها لاشوف أي احد في الفصل
هلالي : تعالوا نلعب بلكوره شوي نناقز وري الكوره شوي
بيبرس : عطني الكوره ابو نجوى والله مخليك ياهلالي ابي اشوتك بلكوره شوته تنسي الدنيا كلها
هلالي : لا مالك داعي والله
حمزه : خلونا نلعب فرقين احسن
طبعن شات الكوره بيبرس بس ماجت في هلالي جت الكوره في اوكسجين وكان بيبرس شايت الكوره بقوووووه وتعالوا شوفوا ايش سوت اوكسجين
اوكسجين : حرام عليكم جت الكوره في ظهري
وحاولت ماتبكي عشان الكحل مايسيل على عينها ويخرب هههههه
اوكسجين : من الي شاتني بكوره ابي اشوته وينه المدرس هذا جالس عند ابو طلال متكي تحت المكيف وحنا جالسين في الحر نيزااااااار
نيزار : خير انشاالله ايش صاير
اوكسجين : خير من وين يجي الخير ظربوني بلكوره الشباب وانت جالس عند ابو طلال وتاركنا لحالنا انا ظربوني بلكوره مع ظهري وتعورت
نيزار : هدي اعصابك ولا يطول صوتك علي
اوكسجين : انا الحين تعورت وتقولي هدي اعصابك
ابو يزيد : ايش صاير ؟
اوكسجين : تاركنا لحالنا في الملعب في الحر وجالس هذا نيزار عند ابو طلال تحت المكيف ونا تعورت شاتوني الشباب مع ظهري ونا تعورت
ابو يزيد : ياستاذ نيزار اذا خلصلت الحصه تعال عندي في المكتب
سحابه :الحين انتي ليش عصبتي علينا ياوكسجين ؟
اوكسجين : انا عصبت لاني حسيت حقي ظاع بسبب الشباب ظربوني بلكوره وكحلي خرب علي وحالتي حاله وهذي الطالبه الجديده «•мάiόόsнε~ هذي اناحاسه انها تغار مني اول مدخلت علينا
سحابه : معليك اهم شي انتي بخير ياقلبي
اوكسجين : الحمد انا بخير بس انا حبيت اعطي مدرس الرياضه نيزار درس شوي
سحابه : الحين تعالي وين ورده الهلال ؟
اوكسجين : استاذنت وبتجي ودي تجي عشان تشوف المغروره هذي «•мάiόόsнε~ بس شكلها بتجي بكره
ابو نجوى : حمزه ايش علينا الحين ؟
حمزه : علينا الحين انجليزي
هلالي : لاتقول والله شايفها نفسها علينا عشان منعرف انجليزي
بيبرس : معليك ابو نجوى عندنا مافيه أي مشكله
ابو نجوى : مافيه مشكله عندكم
حمزه : انا صديق لكم لانتسوني
ابو نجوى : افااا عليك حمزه انا صديق واخو بعد
GivenChy : هاااااي السلام عليكم
الشباب والبنات : عليكم السلام
GivenChy : اليوم مافيه عندنا درس لاكن انا عندي قطعه ومعها اسأله خفيفه راح نحلها مع بعض
هلالي : هذا كله درس ويمكن اطول من درس بعد هههههه
بيبرس : كل هذا والله شي خفيف لاميصير كذا
GivenChy : اقولك انت وياه مو عاجبك انقلع بري الفصل قلت بعد انا محب اتناقش مع ناس اقل مني مسوي تفكير وعلم
ابو نجوى : مو كل شخص يقاس او بشهاده الي معه
GivenChy : انا معي شهاده جامعيه وانتم باقي ولا حتي النص وصلتوا لمستوي انا
هلالي : خلينا المستوي هذا لك مانبي نشوف الناس زيك
اوكسجين : كلام الشباب صحيح حنا يمكن بعد نصير احسن منك في المستقبل
«•мάiόόsнε~ : لاتشوفين الناس كلهم اقل منك متسوي فيه ناس احسن منك بس مافيهم كبير زيك
GivenChy : انا الحين انادي لكم قمر القصيم تطلعكم بري الفصل
ابو نجوى : لااحنا نناديها لك عشان تاخذك عنا
GivenChy : انا مراح اجلس عندكم في الحصه انتم ماتبغوني
سحابه : لاوالله احنا ماقلنا منبغاك بس انتي من زمان تبغين تظعين الحصه وتبكين شوي
ابو نجوى : دايم تسوي لنا اكشن في كل حصه
بيبرس : الحمد لله خصلت الحصه بس وراحت عنا ايش الي بعدها بس
هلالي : عيلنا الحين تعبير الاستاذه بيلسان
ابو نجوى : الحين بتسوي لنا قلق وترفع صوتها على اخر اليوم الله يعينا عليها
بيلسان : السلام عليكم
الشباب والبنات : عليكم السلام
بيلسان : مابي اسمع نفس على اخر حصه فاهمين
هلالي : هدي اعصابك مافيه شي ستاهل
بيلسان : نفسي امسك وارميك مع الشباك والله كل المدرسه ترتاح 
هلالي : الله يستر بس من اخر حصه
اوكسجين : اليوم عندنا طالبه جديده تبغا تعرف عن الحصه
بيلسان : حصه التعبير معرفه مايحتاج لها شرح
«•мάiόόsнε~ : انا اعرف مايحتاج لها شرح ولاشي بس لنها ماده تعبر عن طاقه داخل الانسان
بيلسان : كلامك صحيح عشان كذا انا ابغا اعطيكم الحريه الكامله ابغا كلواحد يعبر عن الي داخله 
هلالي : اما انا معندي اعبر فيه
بيلسان : لا مافيه لازم تعبر أي شي في داخلك اكتبه
هلالي : انا راسي الحين مافيه شي فاااااظي
بيلسان : اذافكرت اكتب بس لازم الحصه الجايه تكون جايبه لنا
هلالي : مظن والله اني اكتب لانه بكون راسي فاظي بعد
بيلسان : حتي انا مظن تجلس عندنا في الحصه
«•мάiόόsнε~ : ولايهمك ولايصير خاطرك الا طيب الحصه الجايه نكون جهزنا لك الي طلبتيه اليوم منا
اوكسجين : تكلمي عن نفسك انا احتمال اسافر بري المملكه
«•мάiόόsнε~ : تروحين وترجعين بسلامه انشالله
سحابه : اشفيك ماسكه على البنت كل هذي غيره منها
اوكسجين : هههههه انا اغار منها مستحيل هي تغار مني وشفتيها تكلمت بنيابه عني انا محب احد يتكلم عني
سحابه : هي تكلمت عن الفصل كله مو عنك بس
اوكسجين : ولو المروض تستأذن مني
سحابه : الكلام ظايع معك <<< تعبت من النقاش
بيلسان : الحصه خلصت الحين اشوفكم الحصه الجايه
حمزه : ابو نجوى ايش رايك نروح نتغدا بمطعم مع هلالي وبيبرس
هلالي : والله فكره حلوه انا معندي مشكله
حمزه : بس لو سمحتوا التدخين انا محبه يظايقني
هلالي : اذا جيت ادخن بفتح قزاز السياره ولايهمك
حمزه : انا اقصد لاتدخنون الا لين انزل من السياره
بيبرس : لا والله معد بقي الا تخاذ منا الدخان وترميه بعد
حمزه : انا مقصد كذا انا اقصد انا اتظايق من الدخان بس
هلالي : كم حمزه عندنا ولايهمك ولاندخل الا اذا نزلت من السياره
ابو نجوى : طيب ايش المطعم الي تبغونه ؟
حمزه : وقت الغداء اكيد لازم ثقيل
بيبرس : كلامك ياحمزه صحيح ايش رايكم في رز مندي
ابو نجوى : والله الصراحه اني افكر من اليوم في مندي بس قلت يمكن الشباب عندهم رأي ثاني
حمزه : اقول نبغا مندي حلو
هلالي : بسررررعه لانيمن الجوووع بدوخ عليكم
بيبرس : وقف عند هذا المطعم وبس هذا حلو بعد
ابو نجوى : ولايهمكم وصلنا المطعم
طبعن وصلوا الشباب المطعم ونزلوا وتغدوا غذاء ثقيل وخلصوا وبعدها راح كلو واحد بيتهم عشان يرتاح بعد هذا التعب .
بقلم / ابو نجوى السهلي
27-05-2009, 12:28 PM
مـدرسـه مـنـتديات الـقنـاص ( فـصل المجـلس ^ فصل المشاغبين ^ ) االيوم الثاني !!
رد: مـدرسـه مـنـتديات الـقنـاص ( فـصل المجـلس ^ فصل المشاغبين ^ ) االيوم الثاني !!
!
العرض العادي
