بسم الله الرحمن الرحيم ..

أول شي .. وبعد قراءة الموضوع وقراءة ردود أخواتي واخواني اللي ما ادري وش لهم بالموضوع .. حسيت جتني حرارة واذوني بتنفقع من الجهل المطبق " مع احترامي للكل " والزاوية الضيقة اللي يتكلمون فيها و"" وهذا شامل أختي كاتبة الموضوع " ... معليش باتكلم بصراحه .. تاخذون كلامي بروح """" رياضية """ ولا لأ . عاد هذا راجع لكل شخص و شخصيته ....

نجي من الأول .... فكرة اقامة نوادي نسائية ميب جديدة .. وعندنا في الرياض ما يقارب المية نادي معروفة كانت أو لا .. على الشارع ولا جوا مراكز خاصة ... وبعضها تابع لمستشفى ما ..

ثاني شي : انه مجلس الشورى يسن قرار زي كذا ويأمر بتطبيقة راح يكون أكيد قرار " مدروس " وليس قرار سيء مثل ما قالت بعض الردود ..

أما انها نادي رياضي وفيه منافسات داخلية وخارجية .. أنا أشوفها احسن شي بعد .. واحث البنات اللي عندهم ميول رياضية يروحون يتسجلون .. موب عشانك عشتي تجربة "سيئة" في نادي" سيء" مدري وينه فيه .. (( ولا حتى ذكرتي اسمه )) انه هذا يعني ان هالقرار رح يجيب مصايب وان كل النوادي و الفكرة بأساسها ميب زينة ..

أختي .. وياللي رادين .. "" ما تلاحظون انكم تشوفون الموضوع من رأي اختنا كاتبته """ ... رؤيتكم للموضوع من محور ضيق جدا هي اللي ضايقتني .. وحسيت انه مهما كان ماراح ننهض بمجتمعنا اللي بعد سالفة المكينة وانا غاسلة ايدي من جهله ..

عشان كذا اكثر الأهالي يشوفون النوادي فكرة سيئة لأنهم بس يسمعون هالتجارب .. وانتي مثل ما " أخذت من موضوعك " انه صاحبة النادي أو مشرفتنه مو سعودية.. لأنه لو أنها سعودية والنادي مأسس تحت اشراف رعاية الشباب صدق ما كان جاتك هالأشكال وتجمعوا حواليك " الشواذ " وصار اللي صار .. روحي شوفي من وين جايبين ترخيصهم ولا ايش كاتبين عن انفسهم وبعدين اكتبي ...

والمشكلة ولا حد منكم عرض " حل " للمسأله هذي .. ولا احد تكلم عن ليش كانت فيه نوعيه معينه من البنات فيه .. ولا ليش أصلا عندنا هالنوعية من البنات !

ليش ما اشوف المشكلة هذي بأندية جيراننا المدن الخليجية ؟؟

لأن ناسها يفكرون بالايجابيات اول بعدين السلبيات ... عرفوا انه لو بنتهم ميولها رياضية وحرموها منها بدون لا يدلونها على بديل ، راح تنفسها بشيء ثاني يمكن مو زين .. وعارفين انه كل شخص يقدر ينجز مهما كان بنت ولا ولد .. الولد هالحين لي قالوا عنه رياضي وماشاء الله ماخذ كأس برياضة معينه يستانسون اهله واللي حواليه ولكن لو قالوا بنت بيستغربونها وبيتصورون مباشرة انها موب سعودية ميه بالمية ؟؟ طيب ليش ؟؟؟ لهالدرجة الأندية الرياضية والمنافسات الداخلية على كأس أو شي للبنات فكرة سيئة و " فاسدة " ؟؟

*نجي لردود الأعضاء :

هذا ,, ما عايشته
وهذا ,, ما قرأت
وهذا ,,ما كتبت

-- ايه صادقة .. هذا اللي عايشتيه انتي بس .. أنا ولله الحمد تجربتي بالنوادي الرياضية من اجمل التجارب وأحمد ربي اني دخلتها لأنها وسعت نطاقي وصرت ابرع في اكثر من رياضة .وهالشي لا نقص مني ولا من سمعتي شي ..

- لو تم إنشاء الأندية الرياضية النسائية ولو كانت تحت اشراااف تربوي ... سيحدث مالا يحمد عقباه .** ستكون هذه الأندية مرتع ومكان للكلاب الضالة .(( الشواذ )) ..

غزيل منوّره

مااتوقع خيتو رفض اي شخص لاي أمر مع احترامي لك يعطينا الحق بنعته بالجهل

أقتباس

لأن ناسها يفكرون بالايجابيات اول بعدين السلبيات ... عرفوا انه لو بنتهم ميولها رياضية وحرموها منها بدون لا يدلونها على بديل ، راح تنفسها بشيء ثاني يمكن مو زين .. وعارفين انه كل شخص يقدر ينجز مهما كان بنت ولا ولد .. الولد هالحين لي قالوا عنه رياضي وماشاء الله ماخذ كأس برياضة معينه يستانسون اهله واللي حواليه ولكن لو قالوا بنت بيستغربونها وبيتصورون مباشرة انها موب سعودية ميه بالمية ؟؟ طيب ليش ؟؟؟ لهالدرجة الأندية الرياضية والمنافسات الداخلية على كأس أو شي للبنات فكرة سيئة و " فاسدة " ؟؟

مع احترامي لك
ماوقفت مشاكلنا على ممارسة النساء للرياضه هذا جانب
الجانب الثاني اوكي بتصير رياضيّه باي رياضه بشكل رسمي معناته بتمثل المملكه معناته كثير من التساهل باللبس والحجاب لاتقولين لي تقدر تمارس رياضه وهي بكامل الحجاب لانه مستحيل

أقتباس

-- يعني حنا البنات محصور علينا بس نوادي التخسيس ؟؟ ... مو من حقنا ممارسة الرياضة يعني ؟؟
وفريق كرة القدم اللي تتكلم عنه فريق ان شاء الله راح يلقى من يرعاه غير الأمير وليد بن طلال الله يجزاه خير..واذا لهم راعي رسمي فأقول اللهم زد وبارك ..ولا ننسى الفارسة السعودية اللي أخذت المركز السابع في مسابقة القوة على التحمل في الامارات واللي المفروض كلنا نفخر بهالشي --

الله يجزاه خير الوليد
احنا مثل اللي خاسر خمسه صفر وبالدقيقه تسعين يبي يفور موب بس يتعادل
منظور للحضاره انه رياضه نسائيه وتحرر لبنات البلد وووو مستحيل نتقدم خطوه لقدام ..

لو اهتمينا بالاساسيات ببلدنا وحلها مثل العطاله والجرائم ووو قائمه طويله قبل نهتم بامور ثانويه ماكان هذا حالنا






بكل روح رياضيه اقولك غزيل نصيحه وياليت تقبليها
اقتباسك لردود العضوات والكاتبه والتهكم عليهم بشكل او بآخر شيء غير مقبول رغم انك منووهه بالبدايه روح رياضيه ووجهة نظر ماشفت اثر للكلمتين احنا مجبرين نحترم اراء الكل مهما كانوا اعضاء صغار اوكبار ..


وجهة نظر اتمنى تقبلها واخذها بروح رياضيه ..


إلكـ

أخت سحايـــ 20 ـــب :


ايه بيفقد هويتنا ..السعوديه..

وانتىقلتى 100 عام ...هل في المائه عام ظهرت المراه السعوديه رياضيه ؟؟

لا ماراح يفقدنا ..

هل في المائة عام ظهرت كنائس عندنا ؟ هل في المائة عام تحول الحكم عندنا رئاسي ؟ هل في المائة عام قامت المرأة بقيادة السيارة ؟ هل في المائة عام استطاع الغرب أن يجعلنا نعترف باسرائيل ؟ هل في المائة عام تمكن أحد من مشاركتنا نفطنا ؟؟؟ ............................. الخ ...

لم نفقد هويتنا ...

ظهرت خلال المائة عام السابقة قرارات ومناقشات وضغوط خارجية أقوى بمائة مرة من الرياضة .. ولم أرى أي تأثير ولو صغير في هويتنا السعودية ... حصلت أشياء وسنت قوانين فرضت وبكل قوة على السعودية تغيير هويتها ( الثقافية – الدينية – الاقتصادية ) ولم يتأثر منا أحد ولله الحمد ..

فأنا أؤمن بأني ووطني أقوى من أن تهزنا تلك المسائل .. فما بالك بمسأله بسيطة كالنادي الرياضي ..

100 عام عشنا ع مبادىء وتربينا عليها .... وصارت لناهويه احتفضنا فيها ..

قصدك عادات و تقاليد متحجرة لا تمت للدين بصلة ... وهويتنا لم ترتبط ولله الحمد فيها ..

الدوله الوحيده الى احترمت المراه .. دون ظهور رياضي او سياسي ..

ظهور رياضي : ها نحن ننقاش الموضوع الآن ... والسبب كما ذكرت .. غياب الموضوعية و غلبة التحجر والأعراف البالية ..والظهور سيكون مسطورا وليس بصورة .. وستكون معروفة وسط مجتمع نسائي هو الوحيد الذي سيراها .. كما في أي مناسبة أخرى .

ليه نغير ذى المبادئالحين ؟؟؟

لأنه حان الوقت لنرتقي و نتطور .. على الأقل بالتفكير ..

تطور مثلاً ... من وجهه نظرى مو تطور انالمراه تطلع رياضيه ،، وايش خلت للرجال ؟؟؟

خلت له : الشغل الاداري – السياسة – الانتخابات – العمل الميداني – الجيش – الدفاع المدني – الطب : لاني سمعت من بعض زميلاتي ان الطبيبة هنا ما تتزوج !!! ولا استطيع وصف الصدمة ,,, .......... الخ ..
مافي شي اسمه عمل رجال ولا مرأة ... كل واحد وله قدراته .. ربي خلقنا ببنية مختلفة .. يمكن الاعمال اللي ذكرتها "" قد "" واشدد على " قد " يكون الرجل أكفأ من المرأه فيها (( لانه له السبق والخبرة )) وليس لأنه أفضل منها ... والرياضة ليست اقل من ذلك ..

الحينالرياضه ،، ايش تبعاتها،،،

عالم صحي نشيط .. خالي من الأمراض – العاب القوى والدفاع عن النفس تبعاتها : قدرة الفتاه على الدفاع عن نفسها في أي ظرف كان وضد من يكون وليس بالشرط " رجل " .. وكاذب من قال انها تفقدها انوثتها .

تغطيه كامله من الاعلامالمرئي والمقروء،، لقاءات ،وووووو

المرئي : نعم سيذاع (( الخبر )) وليس الحدث ... والمقروء : لا أرى عيبا في ذلك أبـــــــــــدا .. ولا اعلم للآن ما هو المزعج فيه ... فأنا أقرا الخبر .. لا أرى صورة " ذكرت للأخت مريامة ان النوادي ستكون مغلقة منعا لأي تصوير " كما يحصل في الملاهي والاسواق النسائية ..


وظهور المراهرياضياًً يتبعه نزع الحجاب ...

وهذا 100%

لاتقولين ..تلف الشيله وتلبس اللبس الرياضي وتحطعبايه!!

نسبة خاطئة جدا ... بل ستكون 0 % .. فلماذا تخلع الفتاه الحجاب ان كانت لن تلبسه اصلا ..فهي بين نساء فقط !!! ولا وجود لأي رجل ...


وايش بقت من هويتنا !!!!
بصيغه اقرب / بماذا يتميز النساء في السعوديه/ بلد الحرمين؟؟؟

لم نتخل شيء ليبقى أخر ... وان كنت تريدين التكلم عن ما يميزنا وما " سـ "ــيميزنا .. فأختي .. علي فتح موضوع جديد .. لأني ولله الحمد أعرف نفسي .. واعرف بنات وطني .. مميزات .. وليس لأحد فضل على أخر .. الا بالتقوى ...

الجهل هو عدم الرؤيه الصحيحه للنتائج المستقبليه، من اتخاذ القرار!!!

نعم صحيح .. انا متأكدة من أن " مجلس الشورى " (بمن فيه من شيوخ وعلماء ووزراء) يعي ذلك تماما ,,

حلاها سعودي

ردك جميل .. واضافتك في الطرح موضوعية ورائعة .. وليس لأنك أيدتيني .. بل لأن رؤيتك شملت ما اتكلم عنه ..

شكرا لك ...

اوللا الرسول صلى الله عليه وسلم قولو عليه الصلاة والسلام قال لو دخخلو جحر ضب لدخلتموه والحين صار فينا ماصار تقليد الغرب بالانديه والعياذ بالله هاذا والسعوديه فيها اطهر بقاع الارض مكه ولكن قالها الرسول عليه الصلاة والسلام

أخت :: نسمة فرح ....


غزيل منوّره

منورة بوجودك ..

مااتوقع خيتو رفض اي شخص لايأمر مع احترامي لك يعطينا الحق بنعته بالجهل

انا ما قلت للجاهل .. جاهل .. الا لأني لمست الجهل " حقيقة " في ردة .. وما كان حكم ولا شي .. وانا ابديت رأي ولم اعط نفسي الأحقية ..


مع احترامي لك
ماوقفت مشاكلنا على ممارسة النساء للرياضه هذاجانب
الجانب الثاني اوكي بتصير رياضيّه بايرياضه بشكل رسمي معناته بتمثل المملكه معناته كثير من التساهل باللبس والحجابلاتقولين لي تقدر تمارس رياضه وهي بكامل الحجابلانهمستحيل

رح اكرر نفسي في حال رديت على كلامك .. ولكن ما من مشكلة .. هناك تلميذات مثلوا المملكة بمؤتمرات في كوريا و الصين ولم يخلعوا حجابهم ولم يساهلوا فيه .. الهيئة المنظمة لذلك تمنع اصلا خلعه لبناتها حفاظا على الهوبة " الاسلامية " .. وكان المؤتمر مختلط .. وعن الاختراعات .. وهو مختلف . فالرياضة سوف تكون ممثلة في حال أردنا تمثيل المملكة في النوادي الخاصة لذلك البلد .. وقد حصلت من قبل و لا أرى أي مشاكل او صعوبات في ذلك .. فمجلس الشورى بكل تأكيد فكر بالشيء هذا .


الله يجزاه خير الوليد
احنا مثل اللي خاسر خمسه صفر وبالدقيقهتسعين يبي يفور موب بس يتعادل
منظور للحضاره انه رياضه نسائيهوتحرر لبنات البلد وووو مستحيل نتقدم خطوه لقدام ..

لو اهتمينا بالاساسيات ببلدنا وحلها مثل العطاله والجرائم وووقائمه طويله قبل نهتم بامور ثانويه ماكان هذا حالنا




لسنا خاسرين .. واذا خسرنا فنحن نخسر لمن هم أفضل وأحق ولسنا من يريد الفوز لأجل الغرور ولتحقيق غايات النفس ..
والوليد بن طلال قدم للملكة مالم يقدمه رجل أعمال من قبل لنا كمواطنين ومؤسسات ومشاريع صغيرة ..
كل شي بهالبلد الغالي متروك بإيد المسؤولين عنه .. الاستخبارات والشرطة بالجريمة و " البطالة " اذا تقصدينها تهتم فيها وزراة العمل وكثيييييير من شركات التوظيف والفرص متوفرة بكل مكان ولكن العيب بالناس اللي ما تبي تشتغل واذا تبي تبيه براتب فاحش و بفوائد عمل عجيبة !! والقــــائمة مثل قلتي تطول ... واحنا مالنا دخل في هالمسائل ..
مسألتنا اللي هي الرياضة واللي طرحت من مجلس الشورى بناء على تصويت المواطنين المتواجدين بفاعة التصويت والشيوخ والعلماء والوزراء ما طرحت الا وكان هناك من يؤيدها ويريد رعايتها والذي ترى فيه اللجنة كفائته لتحمل هذه المسؤولية .





بكل روح رياضيه اقولك غزيلنصيحه وياليت تقبليها
اقتباسك لردود العضوات والكاتبه والتهكم عليهم بشكل او بآخر شيءغير مقبول رغم انك منووهه بالبدايه روح رياضيه ووجهة نظر ماشفت اثر للكلمتيناحنامجبرين نحترم اراء الكل مهما كانوا اعضاء صغار اوكبار ..

تهكم ؟؟

التهكم هو : الطعن المدارك ، الهجوم بقوة وصوت مسموع وبكبرياء و الاستهزاء ، فالمتهكم متكبر ( لسان العرب لابن منظور ) ..
ألأني أبديت رأيي وناقشت كل عضو على حده أصبحت متكبرة ؟ طاعنة ؟ مستهزءة ؟

أم أنك لم تعي معنى الكلمة قبل كتابتها ؟

أنا أرى أنني ناقشت .. أخذت كل فكرة .. كل رأي .. لكل عضو وناقشته .. وأثر الروح الرياضية واحترام وجهات النظر مطروح في آرائي وليري من يرى .. ليست مشكلتي من لم يفهمها !!
ولم اجبر احد على آرائي .. ولازلت محترمة للكل ..

ولكن يبدو أن مسألة " النقاش " تعني شيء مختلف بالنسبة لك ..


وجهة نظر اتمنى تقبلها واخذها بروح رياضيه..

وجهة نظرك تم أخذها بالاعتبار .. لاني لو لم آخذها لما رددت عليها .