اعضاء اداره المدرسه :-
1- محمد الجهيم ( مدير المدرسه )
3- ابو طلال ( المرشد الطلابي )
مدرسات ومدرسين المدرسه فصل المجلس :-
1 – GivenChy ( اساذه ماده الانجليزي )
2- زرقاء اليمامة ( استاذه ماده الكيماء )
3- بيلســــــــان ( استاذه ماده العربي )
4- ملك روحي ( استاذه المواد الاسلاميه )
طلاب وطالبت فصل المجلس :-
1 - متيمة الهلال
2 - الشرقيه
3 - روح المرامـ
4 - ღروحـ الأمــلღ
5 - فَُـ عيوٍنهٌ ـيّ } ..
6 - وردة الهلال
7 – فــهـد الـسـهلـي
8 - O X Y G E N
9- "بيبرس"
10 – ابو نجوى السهلي
11- ندى الأيام
12 - هلالي إلى الصميم
13 - كــــليوباتــرا
14 - ريميه نجد
15 - !!..سـمـوالأميــرة..!!
16 - NooD.20
17 - **butterfly**
وقت الطابور :-
طبعن مشالله بنات فصل المجلس ممتازين والصباح عاد جايين بدري ومع المدرسات يقولن هذا جزء في الدرس مافهمناه .
اما شباب الفصل فيهم الي مايحب الدراسه .
كان عندهم اذاعه الصباح طبعن بعض الشباب مايحب الاذاعه يقول احس احراج 
هلالي الى الصميم وبيبرس وابو نجوى رافظين الاذاعه طبعن بيلسان هي مربيه الفصل وعصبيه بعد والمشكله انها تظرب 
المهم دخوا الفصل البنات والشباب باقي هلالي الى الصميم وابو نجوى وبيبرس
المدرسه متأخرين بعد مامسكهم الوكيل ابو يزيد
ابو يزيد : ليش متأخرين اليوم عن الطابور ؟
هلالي الى الصميم : انا كان عندنا عزيمه كبيره في البيت
ابو يزيد : ايه خير انشالله وانت يابيبرس وش عندك متأخر وبعدين لاتتلثم في المدرسه
بيبرس : والله انا اليوم كنت اودي اخواني للمدرسه بس وجيت متأخر اليوم
ابو يزيد : ونت يابو نجوى ليش متأخر اليوم وبعدين ليش متلثم على الصبح ؟
ابو نجوى : انا قمت متأخر بس
ابو يزيد : مشالله عذر اقبح من ذنب كل واحد يفتح يده عشان اظربه 5 ظربات ويروح الفصل
المهم طلعوا الى الفصل قال هلالي : شباب حصه بيلسان مهي حلوه شرحها طويل ويجب النوم بس عصبيه والحين عشان الاذاعه بتجلس تظبرنا بعد بلعصا 
ابو نجوى : معليكم بس ندخل مع انه فهد السهلي بظحك علينا شوي بس معليه نصبر لين ندخل الفصل 
طقوا باب الفصل الشباب ودخوا وبيلسان تستلمهم استلام : ليش متأخرين ؟
ابو نجوى : هذا السؤال سألنا ابو يزيد وجاوبه خلاص 
بليسان : لا والله تستهبل انت ابو نجوى انت لاسمع لك صوت لان انت مشكله عندنا في الفصل انت صاحب أي خراب في المدرسه .
فهد يشوفهم ويتبسم لهم مدري ليش
بيلسان : ادخوا انا مروقه اليوم ومابي اخرب الجوا على نفسي 
هلالي الى الصيم : استاذه لو سمحتي الشرقيه جالسه محلي خليها تقوم 
بيلسان : الشرقيه ليش جالسه في الاخير ؟ ارجعي مكانك اشوف بسرعه .
الشرقيه : اجرب مكان اخر الفصل اشوف بس
طبعن اخر الصف ابو نجوى في الزاويه وجنبه هلالي الى الصميم وجنب هلالي بيبرس وفي الزاويه الثانيه فهد السهلي 
فهد السهلي ممتاز بس مايعلم الي الي معه اخر الصف ابو نجوى وهلالي وبيبرس 
بيلسان : اليوم مراح اشرح لكم لان احنا تقدمنا في المنهج كثير
ابو نجوى : انتي احسن استاذه عندنا والله جد <<< نصاب كبير
بيلسان : ولاكمه الي اخر الصف وبس ولي عنده أي سؤال يسأل
O X Y G E N : انا عندي ثالث درس مافهمته شوي بس
بيلسان : ولايهمك اعيد لك الدرس كله
ابو نجوى : شكلها يبي لها نومه بس شكله في درس
بيبرس : هذا الي بصير 
خلصت حصه العربي والحصه الثانيه حصت ملك روحي دين ( فقه )
ملك روحي : السلام عليكم ورحمه الله وبركاته
طلاب وطالبات الفصل : عليكم السلام ورحمه الله وبركاته
ملك روحي معندها أي تفاهم الي مايجواب يطلع يطلع بري الحصه لدرجه معندها أي مشكله لو تطرد الفصل كله .
ملك روحي : راح اسألكم عن الدرس الماضي الي خذيناه
ابو نجوى : قصدها تسوي تصفيه على الي موجودين في الفصل
هلالي : ودنا نطلع عاد مالي نفس احظر الحصه كلها
ملك روحي : فهد السهلي ايش عنوان الدرس الي فات ؟
فهد السهلي : والله انا يمكن الزكاه 
ملك روحي : لا اطلع بري الفصل بس
ابو نجوى : والله انه ممتاز فهد بس مدري ايش صار فيه
ملك روحي : لانه جلس مع الشله الي في اخر الصف
ابو نجوى : اي والله صادقه الله يهديه بس
بيبرس : مسوي طالع من الشله الي في اخر الفصل 
ملك روحي : ابو نجوى وبيبرس اطلعوا بري لو سمحتوا بدون نقاش 
هلالي : لاترحون بعيد شوي واطلع معكم تسأليني ومراح اجواب وبطلع معكم
ملك روحي : ايش الدرس الماضي ياهلالي ؟
هلالي : مدري والله يمكن عن الاموال او شي زي كذا 
ملك روحي : أي اموال اقولك اطلع بري بس احسن لك
ابو نجوى : وين نروح الحين ؟ 
هلالي : نبي نفطر اول شي
بيبرس : والله اني الحين جايع مره
فهد : والله اني الحين مدري نست احضر الدرس امس 
ابو نجوى : نبي نسوي جريه نفطر بري المدرسه
بيبرس : والله فكره حلوه بس وشلون
هلالي : نطمر سور المدرسه ونفطر ونرجع عادي
ابو نجوى : عاد انا معي الجمس اليوم يعني كل شي اوكي
فهد : شف من الي طلع بري الفصل O X Y G E N وورده الهلال
O X Y G E N : وين ترحون شباب ؟
هلالي : بورح نفطر بري المدرسه ونرجع بس
O X Y G E N : طيب جيبوا لي معكم فطور بعد انا وورده 
بيبرس : مافيه روحي المقصف يمدحونه
O X Y G E N : اسمعوا بس اذاماجبتوا لي فطور معكم والله اقول لمدير المدرسه انكم طلعتوا من المدرسه 
فهد : ولايهمك نجيب مطعم بس فكينا من شكرك 
O X Y G E N : كذا ناس ماتجي الا بلعين الحمرا
ورده الهلال : قويه انتي O X Y G E N مشالله عليك 
O X Y G E N : الحين يجي الفطور لنا ونفطر عشان نعرف نفكر
طلعوا الشباب انحاشوا من المدرسه ( فاختوا ) ورجعوا
وجابوا فطور لـO X Y G E N وورده الهلال
هلالي: وشي الحصه الثالثه ؟
فهد : علينا الحين كيماء الاستاذه زرقاء المامه
ابو نجوى : الله يستر دايم تسوي لنا تجربه وتفشل ويصير في المعمل انفجار في الاخير
زرقاء اليمامه : السلام عليكم
الطلاب والطالبات : عليكم السلام
زرقاء اليمامه : اليوم مارح نروح للمعل لان فيه اصلاحات شوي
!!..سـمـوالأميــرة..!! : كنا نتمنا نروح للمعمل عشان نتعرف اكثر
زرقاء اليمامه : ولايهمكم اراح نسوي التركيبات في الفصل
بيبرس : الله يستر بس لايصير تفجير في الفصل
ابو نجوى : انا ودي اظمن نفسي اطلع احسن لي
ابو نجوى : ممكن ياستاذه اطلع شوي ؟
زرقاء المامه : لا اجلس ممنوع
هلالي : ودك تطلع وتخلينا لحالنا لا اجلس بس
ابو نجوى : ياخي زرقاء اليمامه معد بقي الا تسوي قنابل
زرقاء اليمامه : هدوء لو سمحتوا راح نبدأ الدرس
متيمة الهلال : اليوم الدرس صعب شكله .
ابو طلال : السلام عليكم زرقاء اليمامه المدير طالبك الحين
زرقاء اليمامه : الحين انا عندي درس
ابو طلال : لالالا صعب المدير يقول لازم تجي الحين الاستاذه زرقاء اليمامه
زرقاء اليمامه : حاظر الحين نازله اجلسوا بهدوء لاحد يطلع من الفصل
هلالي : الحين الحصه ظاعت والله
متيمه الهلال : كنا نبغا نستمتع في الدرس مع انه صعب بس احس انه حلو
ابو نجوى : وشرايك بيبرس نسوي جريه قويه ؟
بيبرس : ولايهمك انا معك وقدام
هلالي : انا معكم لاتنسوني اهم شي
ابو نجوى : محد يقدر ينساك الحين الخطه خلونا نتلثم بشماغ وبعدين نطلع ونا بصفر
وندخل الفصل وبعدها نشوف رده الفعل بس لاحد يعلم علينا .
فهد : لا ياخي غلط الي تسونه انتم
ابو نجوى : على فكره انت مجرم كبير بس مسوي نفسك علينا بس
فهد : انا مجرم خفيف بس مو زيكم
ابو نجوى : قام يصفر ودخوا الفصل بسرعه
ابو طلال : من الي صفر الحين يطلع
ابو نجوى : ماسمعنا تصفير من احد ياستاذ ابو طلال
ابو طلال : مدري فيه احد سمع تصفير من بري الفصل فيكم
الطلاب والطالبات : لا مسمعنا شي ياستاذ
ابو طلال : اجلسوا وسولفوا بهدوء بس لاحد يطلع
بيبرس : مشالله كذا حلو خلوانا نكن يد وحده مع بعض
**butterfly** : احنا نبغا ندرس وانتم ولاتبغون تدرسون ابدن بس ابغا افهم وشلون نتجحون وبدرجات عاليه بعد
ابو نجوى : هذا سر المهنه
بيبرس : الحين الحصه الي بعدها وشي ؟
ابو نجوى : الي بعدها انجليزي واختبار بعد
هلالي : لاتقول اختبار مدريت تصدق
ابو نجوى : نسيت انا معي لغه انجليزي يعني اسهل من شرب المويه الانجليزي عندي
فهد : ماوصيك انت ولد عمي ساعدني في الانجليزي
ابو نجوى : لا يعني لا تذكر يوم اختبار الكمياء اقولك ساعدني تقول لا ذاكر احسن لك
انا اقولك الحين ذاكر احسن لك بس بساعدك لانك رفيق دربي الدائم وكل اوراقنا مكشوفه لبعض تعرف عني كل شي واعرف عنك كل شي
فهد : انا داري قلبك طيب
هلالي : وش قنا لاحد ينساني بس انت يابو نجوى راعي لغه 
ابو نجوى : ولايهمكم انتم أي شي انا موجود لاحد يخاف الا من ربي <<< بدء الهياط
GivenChy : الحين راح تسمعون الدرجات الاختبار الي فات .
روح المرامـ : انا حاسه في اخطاء شوي عندي بس مو كثيره
GivenChy : مافيه غير ابو نجوى جاب 10 من 10 في الانجليزي والباقي فوق 7 من 10
هلالي : ابو نجوى والله كان حلو الاختبار
ابو نجوى : معليك اهم شي ننجح ونجيب درجات عاليه
GivenChy : قلنا الكلام ممنوع اكثر من مره لو سمحتوا اطلعوا بري الفصل وروحوا عند ابو طلال ونا جايه الحين
ابو نجوى : هلالي الحين وش نسوي طيب
هلالي : الاستاذه الحين بتنزل ورانا خلنا نروح عند ابو طلال ونعتذر زي كل مره وخلاص عشان السالفه ماتكبر بس
ابو نجوى : جبتها والله اجل تعال نروح له
ابو طلال : وش عندك انت وياه ؟
هلالي : والله استاذه الانجليزي نزلتنا
ابو طلال : وليش انشالله ؟
ابو نجوى : كنت مع هلالي نتناقش في امور الاختبار الي فات بس
ابو طلال : حلوه ذي تتناقشون
هلالي : وهي والله نزلتنا على طول عندك
ابو طلال : طبعن انتم راح تقابلون محمد المدير المدرسه يتفاهم معكم
هلالي : لا حل الموضوع من عندك الله تكفا
ابو نجوى : الموضوع مايستاهل نروح عند المدير يا بو طلال والله
GivenChy : يابو طلال والله هذولي شباب لازم تعاقبهم
هلالي : حنا نعتذر لك ياستاذه خلاص
ابو نجوى : والله الموضوع مايستاهل يكبر عاد ياستاذه
GivenChy : هذي اخر مره لكم وبعدها والله مراح اسامحكم
ابو طلال : سمعت انت وياه
هلالي : أي سمعنا
ابو نجوى : ايه سمعنا
ابو طلال : اطلع انت وياه الفصل بسرعه
طبعن هلالي وابو نجوى دخلوا الفصل كل واحد راع يده على علامه الانتصار
مدري على ايش
وكل الفصل يصفق لهم
بيبرس : الحمد لله على السلامه شباب
هلالي : الله يسلمك
ابو نجوى : الله يسلمك
فهد : قولي وش صار لكم تحت
ابو نجوى : حلينا الموضوع وجينا بس
NooD.20 : داوم المدرسه خلص ماتبغون ترحون للبيت
هلالي : لا ودنا نتغذا احسن شي في مطعم مندي
ابو نجوى : ولايهمكم اعرف لكم مطلعم والله رهيب
بيبرس : لا نبي غذا من هرفي احسن
هلالي : لا غذا رز احسن والله
فهد : فيه مطعم مندي لاكن بعيد شوي
ابو نجوى : المهم يكون رز وحركات
بيبرس : بسرعه احسب بدخوخ من الجوع
طبعن هلالي وابو نجوى وبيبرس وفهد راح المطعم وتغدوا رز وحركات وبعدها كل واحد راح على بيته عشان ينام
هذا حال شباب وبنات فصل المجلس
ملاحـــظه
الرجاء من الجميع تقبل اعتذاري اذا اخطيت في حق احد من الشباب او البنات
بقلم / ابو نجوى السهلي
21-04-2009, 07:15 PM
مـدرسـه مـنـتديات الـقنـاص ( فـصل المجـلس )
رد: مـدرسـه مـنـتديات الـقنـاص ( فـصل المجـلس )
العرض العادي
