*
*
*
السلام عليكم ورحمة الله وبركاته !
أخباركم إخواني أخواتي رواد هذا المجلس , أول طله لي بهذا
المجلس .. كان ودي من زمان أدخل معكم وأشاركم
لكن للاسف تمشي الرياح بما لا تشتهي
السفنُ !!
المهم ,, موضووعي اليوم متنوووع .. وشغل الرسمية تركته لأصحابه
اليوووم .. يعني مافيه أحلا من العامية في
المجلس الكرييم طبعا .. وراح أتكلم
بالعامية عشان كلامي يوصل دون أي عقاب
لعقوولكم الموقره ض1
..
[[ أمي وأبي وأنا وعمي .. وفوضوية فوضوي ]] !!
جدتي إلا هي أم أبوووي ولد أبوووي قبل حوالي [ 39 او 40 ] سنه وأول
ماجى على هذي الدنيا كان يمكن 7 فوقه من أخوانه .. المهم الولد ( إلا هو
أبووي ) كان يحب دينه بزياده , وكان وده يصير شييخ وطبعا كان أكثر
إخوانه تطوعاً .. كان يحب شيء أسمه " المسجد " وكان يوميا يروح
المسجد ,, المهم في يووم من الايام قال لأمه ( جدتي ) أبي أتزوج
على سنة الله ورسووله .. طبعا جدتي ( أم أبوي ) فرحت
لإن من قبل والى الان تقريبا [ الأم ] تفرح إذا ولدها
تزوج بدري عشان تشووف أولاده وأولاد أولاده , المهم
جدتي قامت تدوووور من بيت لبيت , من حاراه لحاره , من بنت لبنت
لييين ملت .. تذكرت !! أن عندها ولد أخوو يسكن بحاره بعيده شوي
وكان الولد ( أبوي الحالي ض1 ) متشووق من زمان يبي يشووف بيت
ولد خاله ويبي يشووف أولادهم ويتعرف عليهم .. المهم راح هو وأمه
يوم من الايام لبيت ولد خاله .. وبالغلط لقط [ بنت ولد خاله – أمي الحاليه ]
ويقووول أنها عجبته .. وطبعاً في نفس الساعه راح طيران لأمه يقوول لها
والأم فرحت .. وراحت طلبت أيد البنت من عند أخوها بالاول وتالي كلمت
ولد أخوها .. ووافقوا وتم الزواج ,,
وبعد سنتين !! .. حملت أمي بي , كان لسان حالها يقووول
: [ هذا الولد متى بيطلع ] , لإني قعدت حوالي سنه كامله مو راضي أطلع من
بطن أمي .. مافيه دكتوره ولا جابوها .. ولا ممرضه إلا وجابوها , مافيه فايده
ومافيه ممرضه ولا كتوره إلا حصلت [ رفسة ] مني .. طبعا !! أنتو تبون
تعرفوون السبب وليه ماطلعت في وقتي المحدد ,, أنا اقولكم .. وانا في بطن أمي
كنت أسمع بعض الناس يقولوون [ وش هالحياه , وش هالملل , وش الدنيا الغريبه ] .. طبعا أعطوني
فكرة سيئه بالبدايه عن الحياه ,, وتالي بعد بعض الرشوات طلعت من بطن أمي
وأمي كانت تقوول [[ الحمدلله .. أخيراً ]] , وبعد ما طلعت كنت أول
إبن يجي .. وكانت الناس والاقارب كلهم فرحانين بجيتي ,, مافيه أب , أم , صبي , صبيه .. طفل , طفله ,, إلا وجا
وحبني .. طبعا الخد كان حساس جدا , فأول ماكبرت
ووصلت للمدرسه .. ودرست وسجلت بالقناص وشاركت
وجيت هنا ض1 , خخخخ !!
[[ طبعا الموضوع للفرفشه .. وليس له أي هدف !! ]]
لإني قلت بحط أول موضووع ( خفيف ) !
عشان لا تقولون [ هذا ثقيل ] خخ
::
[[ عمي و أبوووي .. وسوالف أيام زمان ]] !!
(( 1 ))
بقولكم شيء بالبدايه .. عمي أكبر من أبووي بسنتين , وكانوا ولا زالوا
أصدقاء يحبوون بعضهم زي أي أخوان ,, وعمي ماكان مثل أبوي
( مطوووع ) , المهم بقولكم بعض سوالفه الحقيقيه أيام زمان
قبل لا يجيبوني ولا أتوقع جابووك يا قارئ الموضووع ..
قبل (( 25 سنه )) تقريبا , عمي كان يحب " التفحيط , و الدراجات النارية "
وهالحركات .. وكان يحب المعسل و يشرب دخان .. لكن ماكان
(( صايع )) حسب ماتتوقعوون ,, في يووم من الأيام عمي نوى يشتري
دراجه نارية من النووع البري ض1 ض1 , المهم يقوول شراه بـ (( 900 ريال ))
تقريباً .. المهم شراه الصباح وطار البر من أول ما شراه , وكان أبووه ( جدي الحالي )
مايحب هذي الحركات , المهم في نفس اليووم أبوه كان مواعده يرووح معه السووق
أنتظره أنتظره لين الساعه 3 او 2 تقريبا ما أتذكر ,, المهم جدي عصب وتالي
راح السووق وأخذ معه ولده الي أصغر منه ( أبوي ) وكمان رجعوا وعمي
في خبر كان .. إلى الان مارجع من البر ,,
المهم جدي أنتظره بـ (( عجره )) عند الباب خخخخخ , وماجاء إلا [ 9 الليل ]
ومعه الدراجه النارية .. المهم جدي لعن أبو خيره بالبدايه تالي سأله هذاي الدراجه
لمن ؟! , قال لصديقي !! .. تالي أبوي ض1 ( أخوه ) قال كذاب وقال :[ ماعليك
منه .. شراه الصباح من عند ولد الجيران ] , المهم جدي لعن أبو خيره مره ثانيه
وقاله ماتدخل البيت لين تبيعه ض1 ض1 , طبعا رجعه عمي لصاحبه وأخذ
نصف المبلغ لإنه أستعمله .. وأبشركم كسر الرفر تبعه !!
..
(( 2 ))
في يوم الأيام .. وقت الغداء كان , جدي قال لولده ( أبووي ) رووح الخباز
وجيب لنا خبز , المهم كان الخباز شووي بعيد .. يعني مشيا 10 دقائق .. المهم أبوي أنطلق
و بعد ماوصل طلب خبز بـ ( نصف ريال ) يقوول
.. أبووي دفع للخباز مقدما , وتالي الخباز بعد ماكان بيسلمه الخبز قاله
يا ولد وين (( الفلووووس )) ض1 ض1 , قال أبوووي : [ ياحبيبي !! ]
خخخ , قاله عمي أنا دفعت لك من البداية , قال الخباز " لا ما دفعت " وعلى
الموال هذا لين جدي جاء له الملل لإن ولده ( تأخر ) , وطلب من عمي يروح
له .. المهم عمي كان حار , يعني حق فزعه بالعربي , وراح له وشاف
أخوه قاعد يتجادل مع الخباز .. وعرف السالفه وكل شيء , وكل عمي للخباز
: [ بتجيب الخبز ولا أطلعه من بطنك ] , قاله الخباز : [ أعلى
مابخيلك أركبه ] .. المهم عمي أنتفض وراح جاب شلته الي كانوا قرب الخباز
و طقووا الخباز لييين طلعت رووحه .. وعمي ما أكتفى .. راح دخل المحل
ونثر الطحين و العجين كله في الارض , وأخذ خبز وأخذ كمان الفلووس الي
دفعت له .. ورجع البيت وراسه يشم الهواء , وسألهم جدي ليه تأخرتوا
عمي قام وقاله السالفه .. وقال لعمي : [ خيرا عملت ] خخخخخخ !!
..
أسئلة خفيفه ::
مالذي تتذكره من أيام طفولتك ؟
هل لك عم , كعمي ؟
..
سالفه أخيره , وختم بها الموضووع الخفيف الي أتمنى والله
أنكم أستمتعتوا و فرفشتوا فيه شوي , وعلى فكره فيه
بهارات شوووي !!
..
[ المدرسه .. وعداوتها لعمي !! ] :
في يووم من الأيام .. ماصار له كثير , يووم كنت أنا في صف [ 6 إبتدائي ] ,
كنت ما أشتهي ماده أسمها توحيد .. مو لها كماده " لا لا " بل للي يدرس
الماده , كنت كل يووم أطلع من الصف في حصته .. ما أقعد في
الفصل ,, ليين حسيت أني برسب بالماده .. وعهدت على نفسي أني أتأدب معه
, المهم في يوم من الايام قعدت مأدب , مأدب بكل ماتعنيه الكلمه .. وفجأه
قام " عريف الفصل " وكتب أسمي , قلت له : [ ما سويت شيء أنا .. ليه كاتبه ؟ ]
قال : [ أنت تكلمت ألحين ] !!
المهم قعدت ساكت لين وصل الاستاذ الفصل , وقلت له : [ أستاذ , العريف كتب أسمي بدون أي سبب ] !!
قام يضحك ويقوول : [ ههههه شيل أسمه خلاص .. الولد راسب مايحتاج ] , أنا
قمت شلت نفسي وطلعت من الفصل ومن المدرسه بكبرها , ومارتحت لا لوكيل ولا
لمديير .. على طوول للبيت , وصلت البيت إلا عمي أوله قاعد من النوم
وقاعد يضبط راس المعسل ض1ض1 , طبعا أبوي كان مو موجوود
عشان أكلمه بالموضووع .. قلت لعمي وفهمته السالفه .. وسألني كلمت
الوكيل أو المدير , قلت له : [ المدير غايب , والووكيل رحت له قال لي مشغول ]
أما عن المدير فيشهد الله كان غايب , لكن الوكيل ولا قربت قربه .. المهم
وصلنا المدرسه أنا وعمي , ودخل إلا شاف أستاذ الرياضه ( صديقه ) وسلم عليه
وحبه وكذا , وقال له : [ وين الوكيل الكلب ] , أنا من سمعت
الكلب وانا غاسل يدي من الي راح يصير خخخخخ , المهم دخل على غرفة الوكيل ..
بدون سلام ولا كلام .. قاله : [ ياكلب .. أنت مشغلينه للطلاب وجاي تقول
للولد مشغوول ] , قاله الوكيل : [ الناس تسلم بالاول ] , قال عمي :[ أنت مسلم
عشان أسلم عليك !! ] ؟ , قاله الوكيل : [ طيب ياخوي هدي بالك .. الولد ماجى لك ]
أنا قمت رديت عليه : [ أنا جيتك وقلت لي مشغوول ] , وربي اما وصلت
لغرفته أصلاً !!
المهم بعدين ركب فووق الطابق الثاني وسألني وين العريف , قلت له " هذا هو "
وقام مسكه وطقه طق لين الله أخذ روحه .. وسألني عن المدرس , طبعا قلت
له المدرس داخل الفصل .. دخلنا الفصل إلا والمدرس مجمع الطلاب حواليه
مسووي فيها يصحح واجبات , المهم عمي راح له وسحبه سحب لبرى
وقاله .. : [ بدل ماتكون للولد عون تصير له فرعوون ] , وعطاه من الكلام
لين سطره كف ,, وتالي هدوا باله المدرسين وفهموه الوضع ,,
وطبعا تالي عمي نزل قبلي , تالي جيت وراه .. ولا الوكيل قدامي يقول :
[ الله يهديك ياولدي ليش كبرت الموضوع ] .. أنا سكت وطلعت !
بعدييين سلمووني ملفي على نهاية آخرسنه لي بالمدرسه ونقلت
لمدرسة ثانيه !
..
طبعا الكل مستغرب ألحين من أفعال عمي , بقول لكم شيء .. عمي عنده
[ 9 أخوان ] .. وهوو الوحيد الي طلع حــآآر بينهم , وكان جدا عصبي
لكن الحين تغير ماشاء الله .. وحتى أقوله هذي السوالف يقووم يضحك !!
,,
وطبعا بعض السوالف مثل ماقلت لكم فيها " بهارات " شووي
عشان تخلي الموضووع أحلى و أحلى ,,
والموضووع كان للفرشه ومضيعه للوقت لا غيير ,, بس عشان
يكوون أول حضوور لي خفيف !
وأتمنى لو أخذ شيء من أستحسانكم ,,
ألف شكر لكم !
في أمان الله ورعايته !