العنوانـ .. لعيون " روح المرام " 
*
كـل مـآ .. [ طـِـيـفـه ]
علـى بَـالـي طـَـرى ..!
قـمـت ألـوم الـبُـعـد ..
منـي وشّـ.. خـَـذيـت..!
..
صباحكمـ/ مسائكم خير وبركه
*
::::::::::::::::::::::
*خليجي 19 يفضح مقوله " خليجـنا واحــــد "
عندما منعت الكويت من المشاركه في في خليجي 19 من قبل الفيفا
مافي ولا دوله تحركت , وقدمت إعتراضها أو إمتناعها
عن المشاركه ... تضامناً مع منتخب الكويت , بالعكس كانوا مسوين معسكرات
ويتناقشون عن الدول المرشحه ويحللون الجدول .....الخ
وأكيد المباراه مو شي بدون منتخب الكويت الشقيق .
ويوم فازت قناه الجزيره بحقوق النقل كامله لبطوله خليجي 19
تدف القنوات كما هو متعارف مبلغ معين للإعلانات ونقل المباريات
دبي .. طلبت النقل مثل أي قناه
ردت الجزيره .. أعطيكم ولا أعطي قناه أبو ظبي .....!
أبو ظبي تدفع من جديد...!! بسعر غير ...!!
طيب أنتم تقولون خليجنا واحد ...!
فمابالكم إذا كانت أبو ظبي ودبي قناه وحده .....!
ياخســاره المباراه بدون صوت فارس عوض >
الجمهور العماني حرق علم الإمارات وكان عذرهم
مثل ماسويتوا فينا في خليجي 17 في ابو ظبي نسويه
وبرضوا اللي صار في التدربيات يوم تأخرت عمان بالخروج
من الأستاد وتضايقت البحرين وتمرنت في حديقه الفندق
عمـان الدوله المستضيفه المفروض تتنازل لضيف
وبرضوو منتخب البحرين المفروض يسامح
مو يسوي ضجه إعلاميه
قال : أيش ؟ قال : خليجنا واحد .........>> 
::::::::::::::::::::::
*
في حرب غزه كنت مجمعه قناه القدس والأقصى
وCNN و BBC ,, وقنوات الأخبار الثانيه ,,,
ومرتبتها وراء بعض عشان مايفوتني شي .....
وبرضوا أشوف الحرب على غزه بعيون الغرب ...
لاحظت ملاحظه ... في CNN و BBC
لم تظهر الصوره بالكامل ,, كن أسرائيل تدافع عن نفسها .
أستغربت صراحه مافي نقل مباشر لجرائم الحرب أخر الليل ..
دايم اوباما ولا برامج واذا في شي عن غزه يجيبونه بأختصار
مو مؤثر أبد أو من خبر مراسل فقط…………!!
مع أن الغرب معروف مايفوتهم شي ...!
وللأمانه .. المظاهرات اللي صارت في أنحاء العالم
تأكيداً على أن قلوب البشر وحده لها أحاسيسه الأنسانيه .
أياً كانت الديانه ........!!
وشدني صراحه " شات " قناه الصحراء
القبائل كلها تطلب الأذن من أبو متعب للجهاد
مدري هم من صدقهم يتكلمون ......
أقووول .. ليتكم تجاهدون أنفسكم والشياطين بالأول ...!!
أنا مع الحرب لنصره غزه ....كجيش عربي .. لكن ...
تجمع قبلي .....!!!!! وأسلحه مو ذاك الزود .. مرفوض بتاتاً..!!
حتى لو أمدتهم الدوله بالسلاح ..!
أنتم مع فتح باب الجهاد ولا ...........؟!!
*
يارتني املك الافراح واتصرف بها وحدي
واعرف كم بقالي جراح وكم ساعة هنا عندي,
أخلي فرحنا دايم و أخلي عمرنا نايم
وأقول لشوق من انت توكل روح ياظالم
::::::::::::::::::::::
مواقف طريفه ... صارت هالاسبوع
وحبيت اعرضها ... في موضوعي
:::
هذا الموقف قبل مباراه الهلال وسبا باتري الإيراني
زرقاء تشجع .. بس ماتدري وش مباراته خخخ
حلفت أني احطها بوسط موضوعي خخخخ
::::::
هذا الموقف ... صار مع اوكسجين بس انا سويت برنت خخخ
عشان افضحها ...
تعرفون الموضوع المثبت في المجلس
ترانيم تراثيه عن تقاليد الزواج في الماضي لمناطق المملكه
الأخت أوكسجين .. جايه مدرعمه للموضوع
ولا تدري وش سالفته خخخخخ
كتبت عن التقاليد في الوقت الحالي
ولايفوتكم ... تقديم العصير خخخخ 
على قوله مرام ... عصير بالتمر خخخ
وقسم اني ضكت عليها دموووووع
الاخت غايبه مواصله وكاتبه ذي المشاركه الساعه 7
::::::::::::::::::::::
عــــدنا
* السعوديات يبحثن عن الجمال عبر الأعشاب
بياض الأيرانيات – بياض السوريات – بياض الثلج -
تصغير خشم – تطويل القامه - زياده وزن – رجيم -
ومدري وش بعد ....... ذكروني يابنات >> برا
لو تناظرون لصاحبات الأعشاب .....!
الأغلبيه تلقونهم مايحملون أبد شهاده مرخصه لها
مثلاً ... خلونا نتكلم عن زياده الوزن ,,,,,
يستخدمون حبوب منفخه مضره جداً ويخلطونها مع أعشابهم >
وذا مو كلامي قاله دكتور بالقناه السعوديه
وبرضوا طلعت بجريده الرياض
وفي ناس تتضرروا من الخلطات . لانها تجيب الفشل الكلوي
وبعدين ..ترا الصحه أهم شي .... !!
في مقوله لكاتب أمريكي تقول ...
" ليس هناك أمرأه قبيحه , بل هناك نساء لايعتنين بجمالهن "
أنا أعتقد أن المرأه جميله بالفطره .. لكن ..
أجمل مافي المرأه روحها ... ...!
المفروض الوحده ترضى بشكلها بيضاء , سمراء . نحيفه . سمينه
لأن الثقه بالنفس تعطي جاذبيه ....!!
ياما في بنات سمرات وقسم ملامحهم أحلى بكثير من غيرهم
ونفس الشي تنطبق عالصفات الثانيه ..!!
وترا الجمال .... جمال الروح والأخلاق , وليس الشكل
>>>>>>>>>>>> ماودكم أطول
::::::::::::::::::::::
*كلنا نعرف أن تغطيه "الوجه" واجب على المرأه المسلمه ..!
الحجاب هو الستر ... هو الحياء ,,, وليس ....
مجرد كشف الوجه وتغطيه الشعر .....!!
الحين صار لحجاب الوجه تصاميم تلائم الموضه …..!!
لدرجه وصلت بعضها أنها تغطي بس الشعر بقطعه صغيره !!
وذي القطعه الوانها صارخه وتلق تلمع ماتفتن احد أبد…….>>
والدليل طالعوا مجله سيدتي اللي نزلت قبل شهر يمكن
أنا مو ضد الحجاب بها الطريقه , لان بعض الدول تعودت على كذا
بس .. واللي يرحم امكم لاتفتنون خلق الله
لازم يكون فيه قليل من الادب والحياء ....!!
مو رافعين الشعر فوق تقولون مسويه تسريحه ...!!
والبعض تلقونها محجبه ولابسه بنطلون جنز !!
ولا بعد تروح تشجع في الملعب ...!! وين تجي ذي
على طاري حجاب الوجه .. .. ..
مدري وش فيه ذا الزمن تحس الفئه صاحبه حجاب الوجه
هي اللي لها حظوظ أكثر .... ومناصب أعلى ..!!
أول نائبه لوزير التربيه والتعليم ,, نوره الفايز مو محجبه .....!!
حتى الكاتبات في الصحف السعوديه .. أغلبهم مو متحجبات
وأخص بالذكر صحيفه الرياض .. اللي بارعه في ذا الشي >
إعلام مرئي ماقلنا شي ... لكن حتى المقروء ...!
وبرضوا كاتبه الروايه صارت ماتنجح الا بكذا
واكبر دليل رجاء الصانع ... صاحبه روايه بنات الرياض
والله يمكن لو الناعمه 20 كتبت ذي الروايه محد درا عنها<<
::::::::::::::::::::::
,’
.,
أقف إلى هنا .....
بإنتظارتعليقاتكم
سلامي بمقدار إحترامي
لكم جميعاً ...........
وجدانـ ..
لا تِكْترث مَا هُو . . [ حِـزنْ ] . . ْ!ْ
كِل الحِكايَه ومَا بهَا . .
" خفتْ الجَفافْ يعمّـنِي "
وسَخرتَها عيونِي . . [ مِـزن ] . .
...
13-03-2009, 07:18 AM
العرض الشجري
