عندمــــا كنـــت داشراً .. توثيق بالصــور ][ تيماوياتي ][ - الصفحة 2 - شبكة القناص

**عشقي تيماوي** · 03-03-2009, 02:53 AM

عشقي تيماوي يعود اليكم من جديد

مدخل
أحـــــلى من العقد لبّاســـــهـ ... يحـــلى بها العقد في جيدهـ
المـاسه تلبس لها الماسهـ ... مازادها الجوهــر تزيدهـ

تيماوياتي

** مابعنا بالكوم مثل اليوم صدز اني ماعمري جبت لكم صور بس اليوم جاي وجايب معي كل العفش

** شوفوا ترى اللي اوله شرط اخرهـ سعود كريري >> الى الماصلهـ ترى انا مانيب مصور واذا بغيت اصور استخدم كاميرا الجوال وتخب علي

** لم يظهر بالصور ايا من وجيه الشباب وذلك لان اجمل واحد فيهم اذا بغيت تشوف صورته لازم تجيب معك واحد يجسرك

** الموضوع عبارهـ عن صور و تعليق على الصور و سواليف و صور متحركه تقل بسطه من بسطات الحرم كل شئ موجود

** ترى فيه تيماويات ثانيه بنص الموضوع الوعد هناك ماودي اكثر هرج من اولها

الصـــــــور

تقدرون تقولون انها احسن شئ بتشوفونه عشان كذا حطيته بالاول زي حقين الخضار يحطون الزين فوق والخربان تحت

هذي كانت بجدهـ وكنا بعد صلاة الفجر ننتظر ( اللانش ) طبعا الكاميرا حقت جوال والميلان غير مقصود لاني وقتها دفني واحد من الشباب يعني صدفهـ

هذي بمحطة الرياض السريع وقفنا نصلي وتأخر واحد من العيال بالبقاله وكعادة الشعب السعودي قمنا نشخمط على الجدران

طبعا واضح على الجدار التاريخ كانت قبل 5 سنوات وكنا رايحين نشوف مباراه الهلال والاتحاد وعددنا 6 اشخاص طبعا كيس السمنت هذا واحد دب معنا

عاد مايحتاج اقولكم انه الكتابه على الجدران مر عليها وقت وصارت هواية الشباب ويقولون ان اول من اكتشف هذهـ الطريقه هو صاحب عبارة ( الحب عذاب )

الصورهـ هذي كانت بالبرحه اللي قدام بيتنا وهي المرهـ الوحيدهـ اللي قدرت اروح لم البقاله سباحهـ

تصدقون اني يوم تمطر اكثر شئ سويته ركبت فوق سيارتي وقعدت اتفرج على السيارات اللي تتعطل عند باب بيتنا وعيال الحارهـ قاعدين عندي اذا صاروا عوائل قمنا نتميلح ونساعدهم

عالم الثلج بجدهـ >> قلوب من هنا الين ملاهي العطا اللهـ على طاري العطا الله كنا نوقف عند الباب واذا مر احد ومعه بنات كثار نقوله بندخل معكم على اننا نقرب لكم وبعضهم يوافق وبعضهم يقول تقلع بس

درجة الحراره جوا 10 تحت الصفر وحنا فالين مرسولها اقل واحد من عندنا جته اضرار مفلوق ورجله منكسرهـ

كنا 9 اشخاص واي واحد نشوفه لحاله نسوي نفسنا مانتبهنا له وثمن ننبرش عليه انبراشه كنها من حقات خالد مسعد والضعيف يتكسر ويروح فيها وطبعا يكون واحد مننا يصور بكاميرت فيديو عشان تزين الشماته اذا رجعنا

هذي محاوله ثانيه عشان اثبت لكم انه عندي حس رومانسي خطير طبعا كنت راكب على دباب انا وواحد وماغطين عشان كذا الصورهـ طلع فيها شوية تمويه >> رومنسي اجل

على طاري الدباب ترانا اخذناهـ ربع ساعه وسحبنا عليه لمدة ساعتين >> الله من مره ومره سويناها

هذي شوقـ اختي اللهـ يحفظها لي طبعا انا ماجبت لكم الصورهـ عشانها هي وخشتها بس عشان اعلمكم اني كنت خاقـ مع اغنيه

ماني على فرقاك ياشوقـ ناويـ ... مير الزمن له وقفة بين الاحباب

وانا احلف على ابوي الا انه يخليني اسميها اذا صارت بنت وقال خلاص >> شكله كان واثق انها ولد عاد هو ابخص هو اللي دافع الرسوم ماهب انا

المهم ويوم صارت بنت وانا اسميها شوق واروح لم ابوي وابتسم ابتسامه خبيثه واقولهـ شكلك اخطأت بالتقدير

هذا واحد من العيال كان مبلشنا يبي يتعلم بلوت المهم وحنا نكتبها له بورقه ونقوله اذا حفظتها تعال >> طبعا كلنا خبرة براشيم عشان كذا طرت علينا هالفكرهـ

على طاري البلوت حنا مثل جمهور الشباب دائم مانلقى رابع يكملنا

هذا المقهى فوق الجبل الاخظر وانت جالس السحاب يمر من عندك والجو رومنسي الى ابعد درجه وشهد هذا المقهى المرهـ الاولى والاخيرهـ التي استخدمت فيها الشيشه بحياتي المهنيه والعمليهـ

وحنا هنا جاء واحد شيعي وشافنا نصور وقال ناخذ صوره جماعيه قلت له يالله تعال >> طبعا موب عشانه عشان البنت اللي معه

المهم ونصور ويوم رجعت الا والقى معنا بالصوره واحد اسمراني صغير مادري من وين طلع ماله علاقه لا بالشيعه ولا بالسنه واعتقد انه يمثل احد الطوائف الاخرى

الكر هذا اول مادخلنا لقينا فيه واحد لابس نظارات شمسيه قديمه امهات دوائر حقات الطنطاوي وسولفنا معه شوي يوم ركبنا الباص وكان معنا بنات باخر شئ بالباص

قالي بالله جنب شوي يوم جنبت على قولته وهو ينزل طرف النظاره ويغمز غمزهـ وحدهـ وقالي شكرا على الخدمات

بعين التفت مره ثانيه وقال : تقولي بالقصيم الى الحين يسوون تحظير بالصلاه والا بطلوا قلت لابطلوا ومير يدخل مطوع ويجي خوينا الحجازي ويقوله تعال استريح هنا ويلتفت لمنا وقال : ظمنا التحضير اليوم

تشوفون هالطاولات الى اذان الفجر بس كانت مليانه من العوائل واللي ماهب عوائل >> يعني عوائل بس بصفه غير رسميه

على طاري العوائل تصدقون فيه وحدهـ كاتبه بعقد زواجها اذا لم يتم الحمل خلال سنتين يتم الطلاق ولايرجع للزوج ولاريال من المهر >> والله مكسب

طبعا هذهـ الغرفه قدس الله سرها شوفوا هناك على يمين الستارهـ فيه ستيكر معلق على الجدار هذا كان على ايام كاس العالم 2006 كنا نجتمع يوميا من الساعه 6 المغرب الين اذا الفجر ونتابع المباريات وكنا نسجل النتائج على الجدول

وكانت صراحه ايام رايقهـ وفلهـ وكنا حاطين منقل عند باب الملحق بالحوش وشارين كباب من بندهـ وفاتحين الدريشه عشان تدخل ريحة الشوي وصاقعين المكيف واذا انتهت المباريات فرشنا السفرهـ بالحوش واحيانا عند باب الشارع مع رشه خفيفه بالمويه على الزفلت عشان نلطف الجو وتعشينا

طبعا الغرفه هذي ابوي يسميها ( الكنيسه ) مع التحفظ لدي على هذا المسمى ونظرلوجود اللون الازرق وهو نصراوي مايدخل الا وهو يقرأ المعوذات >> هبل فيه الازرق

تشوفون السحاب اللي جاي هذا تقريبا الساعه 11 من دريشه البيت اللي حنا مستاجرينه بابها ( طبعا عزاب ) والعيال كانوا نايمين

وانا اويق مع الدريشه واتفرج على جيراننا >> واذا احد انتبه لي اصرف واسوي نفسي قاعد اصور بس ترى وناسه الطلـطلـه على قولت لورانس

طبعا استمرت الرحله 15 يوم ولاكان عندنا نرجع بس العطله لصت وجاء رمضان وبدت الراسه وقرنا نرجع

تيماوياتي

** لاحظا ان بالصور مرت عليكم المصطلحات التاليه : ( بلوت - شيعه - ابها - جده - ملحق - كوره - سهر - طلطله - شيشه - كتابه على الجدران - كباب - ملاهي العطا الله - تزلج على الثلج )

** وكلها تعني لنا معشر الشباب انه لاشئ يقف بوجه الوناسه وعاد الوناسه تختلف من شخص لاخر , انا اعرف واحد يحب يجمع مناديل معطره وواحد ثاني يسمتمع بحمامات المطاعم يعني الناس اذواق

** عاد الحين يوم انكم شفتوا الصور وخلصتوا قوهـ نطمر سوا مع بعض لم الصورالمتحركهـ بس قبل نروح ابعلمكم شئ او نبذهـ مختصرهـ عن هذه الصور لعل الله يفتح على قلوبكم >> مايدري متى تستخدم

** كنا رايحين لم مكه شباب طبعا بالعطله الطويله وبينما حنا بالساحه جونا بزران صغار عددهم 6 واكبر واحد منهم عمرهـ 10 سنوات وفي روايه اخرى 9 سنوات

** صاروا اعز اصدقائي حتى ان اهلهم اذا جو يروحون السوق يجوون ويجيبونهم عندي ويروحون واذا مالقوهم اتصلوا علي وقالو وين عيالنا

** هم من مدينه بقلع وادرين عند الجنوب هناك وفيهم شقاوهـ وهسترهـ ماهيب عى احد وكنت اقولهم اطمروا لم فلان ولزخوه وتعالوا وكانوا يؤدون المهمه على افضل وجه

الصور المتحركهـ

هذا واحد من اصدقائي الصغار وهو يرقص >>> قايلكم مهابيل هالاصدقاء وعلى فكره هذا هو اطلق واحد بهم

هنا يسوون تقديم عملي لـ حبة الخشم حقت الجنوب وتظهر على محياهم وخصوصا الايسر علامات الخبث

قالي صورني ابوريك وشلون ترقص شاكيرا قلت لعنبوا بليسك انت اذا سرت باولى متوسط وش بتسوي واكتشفت بعد هذه الحركه لماذا انا حبيته

بوسط الاشارهـ يشيش وهو على رجلينه يعني ضاقت الاماكن كلها الا تشيش بالاشارهـ >> ترى الصوره هذي فوق البيعه

ملاحظهـ
اللي اتصاله الله بالخيرماطلعت له الصور يضرب لها بوري يمكن تسير ماسمعته واذا مانفع ينسخ رابط الصوره المتحركه ويروح يشوفها لحاله ويرجع مره ثانيهـ

خاتمــــه
** جميع ماسبق من صور هي من تصويري ومن الارشيف الخاص عندي ويوم حسيت ان الهاردسك قربت نهايته وعمرهـ انتهى قررت انزله لكم >> ماهب الواحد اذا بغى يموت يتصدق حتى الهاردسك تصدق علينا

** ترى ماتعودت اطول بالموضوع بس عاد قلت اذا اكلت بصل كثر وعشان كذا حطيت لكم اللي وراي ودوني كله ولاتتوقعون اني احط موضوع ثاني لاني وصلت لمرحلة الافلاس

** الشكر موصول لـ الغالي مجروح على تضبيط الصور ولـ الغالي ابو عليان على تضبيط الصورالمتحركهـ وذولا اطلق اثنين دائم راعين فزعات وعلى رسم الخدمه

** اذا الموضوع اعجبكم فالحمد لله والشكرواذا ماعجبكم فترى ماهيب واقفه عليكم >> نفسيهـ

مخرج
ترى ماجاء على بالــــي ... اشـــوفــ عيونكـ الحلوهـ

تيهـ نيهـ لكم

03-03-2009, 02:53 AM	#1
عشقي تيماوي ( صخَب المجلس )	عندمــــا كنـــت داشراً .. توثيق بالصــور ][ تيماوياتي ][ عشقي تيماوي يعود اليكم من جديد مدخل أحـــــلى من العقد لبّاســـــهـ ... يحـــلى بها العقد في جيدهـ المـاسه تلبس لها الماسهـ ... مازادها الجوهــر تزيدهـ تيماوياتي مابعنا بالكوم مثل اليوم صدز اني ماعمري جبت لكم صور بس اليوم جاي وجايب معي كل العفش شوفوا ترى اللي اوله شرط اخرهـ سعود كريري >> الى الماصلهـ ترى انا مانيب مصور واذا بغيت اصور استخدم كاميرا الجوال وتخب علي لم يظهر بالصور ايا من وجيه الشباب وذلك لان اجمل واحد فيهم اذا بغيت تشوف صورته لازم تجيب معك واحد يجسرك الموضوع عبارهـ عن صور و تعليق على الصور و سواليف و صور متحركه تقل بسطه من بسطات الحرم كل شئ موجود ترى فيه تيماويات ثانيه بنص الموضوع الوعد هناك ماودي اكثر هرج من اولها الصـــــــور تقدرون تقولون انها احسن شئ بتشوفونه عشان كذا حطيته بالاول زي حقين الخضار يحطون الزين فوق والخربان تحت هذي كانت بجدهـ وكنا بعد صلاة الفجر ننتظر ( اللانش ) طبعا الكاميرا حقت جوال والميلان غير مقصود لاني وقتها دفني واحد من الشباب يعني صدفهـ هذي بمحطة الرياض السريع وقفنا نصلي وتأخر واحد من العيال بالبقاله وكعادة الشعب السعودي قمنا نشخمط على الجدران طبعا واضح على الجدار التاريخ كانت قبل 5 سنوات وكنا رايحين نشوف مباراه الهلال والاتحاد وعددنا 6 اشخاص طبعا كيس السمنت هذا واحد دب معنا عاد مايحتاج اقولكم انه الكتابه على الجدران مر عليها وقت وصارت هواية الشباب ويقولون ان اول من اكتشف هذهـ الطريقه هو صاحب عبارة ( الحب عذاب ) الصورهـ هذي كانت بالبرحه اللي قدام بيتنا وهي المرهـ الوحيدهـ اللي قدرت اروح لم البقاله سباحهـ تصدقون اني يوم تمطر اكثر شئ سويته ركبت فوق سيارتي وقعدت اتفرج على السيارات اللي تتعطل عند باب بيتنا وعيال الحارهـ قاعدين عندي اذا صاروا عوائل قمنا نتميلح ونساعدهم عالم الثلج بجدهـ >> قلوب من هنا الين ملاهي العطا اللهـ على طاري العطا الله كنا نوقف عند الباب واذا مر احد ومعه بنات كثار نقوله بندخل معكم على اننا نقرب لكم وبعضهم يوافق وبعضهم يقول تقلع بس درجة الحراره جوا 10 تحت الصفر وحنا فالين مرسولها اقل واحد من عندنا جته اضرار مفلوق ورجله منكسرهـ كنا 9 اشخاص واي واحد نشوفه لحاله نسوي نفسنا مانتبهنا له وثمن ننبرش عليه انبراشه كنها من حقات خالد مسعد والضعيف يتكسر ويروح فيها وطبعا يكون واحد مننا يصور بكاميرت فيديو عشان تزين الشماته اذا رجعنا هذي محاوله ثانيه عشان اثبت لكم انه عندي حس رومانسي خطير طبعا كنت راكب على دباب انا وواحد وماغطين عشان كذا الصورهـ طلع فيها شوية تمويه >> رومنسي اجل على طاري الدباب ترانا اخذناهـ ربع ساعه وسحبنا عليه لمدة ساعتين >> الله من مره ومره سويناها هذي شوقـ اختي اللهـ يحفظها لي طبعا انا ماجبت لكم الصورهـ عشانها هي وخشتها بس عشان اعلمكم اني كنت خاقـ مع اغنيه ماني على فرقاك ياشوقـ ناويـ ... مير الزمن له وقفة بين الاحباب وانا احلف على ابوي الا انه يخليني اسميها اذا صارت بنت وقال خلاص >> شكله كان واثق انها ولد عاد هو ابخص هو اللي دافع الرسوم ماهب انا المهم ويوم صارت بنت وانا اسميها شوق واروح لم ابوي وابتسم ابتسامه خبيثه واقولهـ شكلك اخطأت بالتقدير هذا واحد من العيال كان مبلشنا يبي يتعلم بلوت المهم وحنا نكتبها له بورقه ونقوله اذا حفظتها تعال >> طبعا كلنا خبرة براشيم عشان كذا طرت علينا هالفكرهـ على طاري البلوت حنا مثل جمهور الشباب دائم مانلقى رابع يكملنا هذا المقهى فوق الجبل الاخظر وانت جالس السحاب يمر من عندك والجو رومنسي الى ابعد درجه وشهد هذا المقهى المرهـ الاولى والاخيرهـ التي استخدمت فيها الشيشه بحياتي المهنيه والعمليهـ وحنا هنا جاء واحد شيعي وشافنا نصور وقال ناخذ صوره جماعيه قلت له يالله تعال >> طبعا موب عشانه عشان البنت اللي معه المهم ونصور ويوم رجعت الا والقى معنا بالصوره واحد اسمراني صغير مادري من وين طلع ماله علاقه لا بالشيعه ولا بالسنه واعتقد انه يمثل احد الطوائف الاخرى الكر هذا اول مادخلنا لقينا فيه واحد لابس نظارات شمسيه قديمه امهات دوائر حقات الطنطاوي وسولفنا معه شوي يوم ركبنا الباص وكان معنا بنات باخر شئ بالباص قالي بالله جنب شوي يوم جنبت على قولته وهو ينزل طرف النظاره ويغمز غمزهـ وحدهـ وقالي شكرا على الخدمات بعين التفت مره ثانيه وقال : تقولي بالقصيم الى الحين يسوون تحظير بالصلاه والا بطلوا قلت لابطلوا ومير يدخل مطوع ويجي خوينا الحجازي ويقوله تعال استريح هنا ويلتفت لمنا وقال : ظمنا التحضير اليوم تشوفون هالطاولات الى اذان الفجر بس كانت مليانه من العوائل واللي ماهب عوائل >> يعني عوائل بس بصفه غير رسميه على طاري العوائل تصدقون فيه وحدهـ كاتبه بعقد زواجها اذا لم يتم الحمل خلال سنتين يتم الطلاق ولايرجع للزوج ولاريال من المهر >> والله مكسب طبعا هذهـ الغرفه قدس الله سرها شوفوا هناك على يمين الستارهـ فيه ستيكر معلق على الجدار هذا كان على ايام كاس العالم 2006 كنا نجتمع يوميا من الساعه 6 المغرب الين اذا الفجر ونتابع المباريات وكنا نسجل النتائج على الجدول وكانت صراحه ايام رايقهـ وفلهـ وكنا حاطين منقل عند باب الملحق بالحوش وشارين كباب من بندهـ وفاتحين الدريشه عشان تدخل ريحة الشوي وصاقعين المكيف واذا انتهت المباريات فرشنا السفرهـ بالحوش واحيانا عند باب الشارع مع رشه خفيفه بالمويه على الزفلت عشان نلطف الجو وتعشينا طبعا الغرفه هذي ابوي يسميها ( الكنيسه ) مع التحفظ لدي على هذا المسمى ونظرلوجود اللون الازرق وهو نصراوي مايدخل الا وهو يقرأ المعوذات >> هبل فيه الازرق تشوفون السحاب اللي جاي هذا تقريبا الساعه 11 من دريشه البيت اللي حنا مستاجرينه بابها ( طبعا عزاب ) والعيال كانوا نايمين وانا اويق مع الدريشه واتفرج على جيراننا >> واذا احد انتبه لي اصرف واسوي نفسي قاعد اصور بس ترى وناسه الطلـطلـه على قولت لورانس طبعا استمرت الرحله 15 يوم ولاكان عندنا نرجع بس العطله لصت وجاء رمضان وبدت الراسه وقرنا نرجع تيماوياتي لاحظا ان بالصور مرت عليكم المصطلحات التاليه : ( بلوت - شيعه - ابها - جده - ملحق - كوره - سهر - طلطله - شيشه - كتابه على الجدران - كباب - ملاهي العطا الله - تزلج على الثلج ) وكلها تعني لنا معشر الشباب انه لاشئ يقف بوجه الوناسه وعاد الوناسه تختلف من شخص لاخر , انا اعرف واحد يحب يجمع مناديل معطره وواحد ثاني يسمتمع بحمامات المطاعم يعني الناس اذواق عاد الحين يوم انكم شفتوا الصور وخلصتوا قوهـ نطمر سوا مع بعض لم الصورالمتحركهـ بس قبل نروح ابعلمكم شئ او نبذهـ مختصرهـ عن هذه الصور لعل الله يفتح على قلوبكم >> مايدري متى تستخدم كنا رايحين لم مكه شباب طبعا بالعطله الطويله وبينما حنا بالساحه جونا بزران صغار عددهم 6 واكبر واحد منهم عمرهـ 10 سنوات وفي روايه اخرى 9 سنوات صاروا اعز اصدقائي حتى ان اهلهم اذا جو يروحون السوق يجوون ويجيبونهم عندي ويروحون واذا مالقوهم اتصلوا علي وقالو وين عيالنا هم من مدينه بقلع وادرين عند الجنوب هناك وفيهم شقاوهـ وهسترهـ ماهيب عى احد وكنت اقولهم اطمروا لم فلان ولزخوه وتعالوا وكانوا يؤدون المهمه على افضل وجه الصور المتحركهـ هذا واحد من اصدقائي الصغار وهو يرقص >>> قايلكم مهابيل هالاصدقاء وعلى فكره هذا هو اطلق واحد بهم هنا يسوون تقديم عملي لـ حبة الخشم حقت الجنوب وتظهر على محياهم وخصوصا الايسر علامات الخبث قالي صورني ابوريك وشلون ترقص شاكيرا قلت لعنبوا بليسك انت اذا سرت باولى متوسط وش بتسوي واكتشفت بعد هذه الحركه لماذا انا حبيته بوسط الاشارهـ يشيش وهو على رجلينه يعني ضاقت الاماكن كلها الا تشيش بالاشارهـ >> ترى الصوره هذي فوق البيعه ملاحظهـ اللي اتصاله الله بالخيرماطلعت له الصور يضرب لها بوري يمكن تسير ماسمعته واذا مانفع ينسخ رابط الصوره المتحركه ويروح يشوفها لحاله ويرجع مره ثانيهـ خاتمــــه جميع ماسبق من صور هي من تصويري ومن الارشيف الخاص عندي ويوم حسيت ان الهاردسك قربت نهايته وعمرهـ انتهى قررت انزله لكم >> ماهب الواحد اذا بغى يموت يتصدق حتى الهاردسك تصدق علينا ترى ماتعودت اطول بالموضوع بس عاد قلت اذا اكلت بصل كثر وعشان كذا حطيت لكم اللي وراي ودوني كله ولاتتوقعون اني احط موضوع ثاني لاني وصلت لمرحلة الافلاس الشكر موصول لـ الغالي مجروح على تضبيط الصور ولـ الغالي ابو عليان على تضبيط الصورالمتحركهـ وذولا اطلق اثنين دائم راعين فزعات وعلى رسم الخدمه اذا الموضوع اعجبكم فالحمد لله والشكرواذا ماعجبكم فترى ماهيب واقفه عليكم >> نفسيهـ مخرج ترى ماجاء على بالــــي ... اشـــوفــ عيونكـ الحلوهـ تيهـ نيهـ لكم**

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي الانتقال إلى العرض المتطور العرض الشجري