//// دشـير في البنتاقون ////
________________________________________





/// دشير في البنتاقون ///


موضوع سياسي إجتماعي ناقد بسخرية للأوضاع السياسيه في المنطقة وبدون أي تفكيرات إرهابيه أو مشاركة في أعمال تخريبية (<< يعني عن قولة تراني لا أهش ولا أنش ) (<<< طراه هالمنتديات اللي كل يوم مختفي عضو ولا عضوين ) ألا ياجماعه ماتحسون انه كنه برد

<<<< محاولة تصريفيه من الكاتب لتغيير الموضوع قبل مايروح في خرايطها


فكرة الموضوع

نشأت في قهوة أبو هيثم وسط جلسه رومانسيه عائليه ضمتني أنا وتريلة شوق وابن خوري والعزيز على قلبي (الواد حقي ) ع م ر وعرضت عليهم الفكرة بكل بساطة ودلاخه لا اني واثق محدن زارف الفكرة بس اني اشوف تريلة قالب هاليومين قلت لايكون الولد ناوي يزرفني ولا شي فتسرعت لطرح الموضوع عنده في منتداه يقال لي بقهره



هذا الموضوع إهداء إلى

المباحث السعوديه

عبدالله جمعه

سعد جمعه
(<< شاكن انه أخو رئيسنا )



(<< يستخدم مبدأ ألحس مخه عشان يحطك مشرف << بيتسطر الله لايعوق بشر خخخخ )

وبس
(<< كم رقم عضويته ذا خخخخخ )


الموضوع مهدى لكل قناصي وله كامل الأحقية بنسخه أو طباعته (<< ترفق بس ) أو نقله لا اي منتدى ثاني مع الإشارة للمصدر (<< كذلك ترفق بس ) وأتمنى لكم قراءه ممتعه وياليت نستقبل انتقاداتكم وحشكم بصداره رحب (<< ياشين اللي يبتل ويخمبق بالأخير خخخ )

برايفت :

الموضوع سياسي وله هدف معين لحد يجيني يتفلسف ويقول ليه كذا وليه كذا والشي الثاني الموضوع طوووويل بقوة لحد يرد ويقول الموضوع طويل ولي باااك !! اقرى الموضوع وبعدين رد ولا احد يصير عجاز يمر ولا يقرى الموضوع اقرى الموضوع يا اخي وش وراك تكفى تكفى أقراه تكفون عاد اقروه عشان خاطري <<< أمحق موضوع اللي هذا أولها خخخخخخخ

قدرو اني تعبت بالموضوع و اقروه على الأقل حتى لو طويل يا اخي اقراه وش وراك

<<<<<< الشحاذه الإلكترونيه












رد : //// دشـير في البنتاقون ////
________________________________________


( صوت موسيقى حزينه وبنت تقول آآآآآآآآآه وشوي يخطم فتى رحيمه با اغنيه مع السلامه وشوي يخش عرض الزير وهو يقول يقول الزير أبوليلى المهلـهل وقلب الزير قاسي مايلينا )

<<<< ودك يتسطر المخرج على هالخلفيه الموسيقيه خخخخخخخ


بدايه أسطوره الدحمي وصنهات :


الدحمي و صنهات ومقبل شباب في مقتبل العمر تحت ظل إثله على أحدى الخطوط السريعه ويدور بينهم الحوار التالي:
الدحمي : صنهات وش ذا يا اخي يلعن ام الحظ
صنهات : يا اخي لاتلعن الحظ فا اذا لعنت الحظ كا انك تلعن الدهر وتخبر أبو عائشه يوم نشب لنا على ذا
الدحمي : بالله كل تببن انت وابو عائشه حقك الحين وش الفكه من ذا النكبه اللي حنا فيها
صنهات : يا اخي وش تبينا نسوي مالنا الا كذا النكبة الكدادي لف على المزاحميه وحنا ابتلشنا مالقينا من يودينا الدوادمي
الدحمي : مالنا الا نطقها كعابي !! ولا نركب لنا صاروخ
صنهات : يا اخي من جد مشتاق اشب لي صاروخ (<< يلعن ام التفكير مهب وقته خخخخ )
الدحمي : والله يا اخي هالديره طفشنا منها ودك من يهاجر بلشين با اعمارنا لا وظيفه ولا شغله ولا مشغله
صنهات : تكفى يامخترع المايكرويش (<< اطلق شي عنده والمشكله ماجابه صح خخخخ ) عشان يضفونك الدول الثانيه
الدحمي : يا اخي خلنا نطس لو نخلي كدادي يودينا لا امريكا لو يبي ميه عطيناه (<< مشكله اللي يحسب امريكا ورى ظلم بشوي خخخخخخخ )
صنهات : أما امريكا يا اخي بعيده يبي لنا تسع ساعات لين نوصل اذا رايحين بكامري (<<< حلوه مني خخخخخ <<<<< من عقب مماشاه لعموري وهو رايحن فيها خخخخخخ )
الدحمي : الا مقبل وراه مايبي يكلمنا
مقبل : أععععععع
صنهات : يا اخوي خله انا قايل له لاتشرب المويه اللي بموتر الكدادي مير ماطاعني وصفطني خله الحين يبلش بعمره
الدحمي ( بعد أن أستلم شكمان سياره باقي من حادث قديم ) : الظاهر يبي لي ألفعه بذا الشكمان كود انه يصحى.
مقبل ( بعد ما انلفع بالشكمان) : أععععععععععع
صنهات : لا حالته صعبه الرجال شرب اللي بالغرشة كله خخخخ
الدحمي : صنهات انت معزم على أمريكا !!
صنهات : قدام ماورانا شي بس من وين لنا الدراهم



( المخرج في هاللحظة يسحب صنهات والدحمي على جنب ويقول لهم خويكم ذا سكران صدق ولا يستهبل ويردون عليه العيال ماندري ويقط المخرج والمصورين والبشكه اللي في الاستديو كلهم اللي في مخابيهم وماطلع معهم الا ثلاث الاف ريال (<<< يلعن ابوهم استديو طفران خخخ ) حتى يقال انه احد المصورين نصى حراج ابن قاسم بيحرج على الكاميرا ولقطه المخرج مع علباه وقال ياثور خل الكاميرا هنا مهيب جايبه الا ألف بالكثير محتاجينها هي لو تجيب أكثر من الفين كان انا بايعها من اول (<<< لا ويبي يصور فلم بعد خخخخخخخ ) وهنا لمعت عين المخرج وقال للدحمي وصنهات خويكم ذا معزمين عليه وراه أهل يسئلون عنه !! ناظرو العيال ببعض قالو لا ذا مقطوع من إثله قال طيب عندي لكم فكرة أبيكم تقولون له دامه بوضع صحي غير لائق ان قطعت الشارع ورجعت خلال عشر دقايق رايح جاي بنعطيك غرشة ثانيه مثل غرشة الكدادي وهنا طلع المخرج غرشة من مخباه وعطاها احد المصورين وقال له عبها وجبها ناظر المصور بالمخرج وقال أعبيها وشو مامعنا مويه فا التفت عليه المخرج ورفسه وقال عبها يا اخي دبر عمرك انت فاهمني ( ويقال انه غمز له غمزة انبسط عليها المخرج والمصور وضحك صنهات والدحمي كثيرا ) ورفس المخرج صنهات والدحمي قائلا عطيناكم وجه عاد ارجع انت وياه مثل يالله قدامي )

مقبل بعد اقتناعه بفكرة الشباب واقفا على طرف الخط السريع وهنا صنهات والدحمي يضحكون كثيرا ويحترون سياره تمر بالخط عشان يصفرون للدلخ مقبل وينطلق وفعلا جات سياره من بعيد وبدأ صنهات بالصياح بقوله انطططط.... ولكنه ما امداه كمل الا المخرج مبلعه جزمه المصور ويقول انطططلق مين ياروح أمك انت وياه تستهبلون انتو شايفين السياره اللي جايه (<< يقال انها هايلكس 82 عليها جيزاني مع بنته المدرسه اللي ناقلينها لفيفا ورايح يوصلها وبا اذن الله يحاول يوصل قبل بدايه الفصل الدراسي الجديد خخخخخخخ <<< لعنبو مخك لاقي العالم انت ) والتفت صنهات و الدحمي الى السياره وناظرو قالوو صح السياره بطيئه ويمديه يروح ويرجع قبلها وياخذ الغرشه ونبلش بها وهو سكران (<< يعني هو وشو الحين خخخخخ ) وهنا اندبلت كبد المخرج وطمر قدام السياره محاولا الانتحار من دلاخه الممثلين اللي معه ولكن ابو لطمه كاتب الموضوع طمر عليه وانقذه وحب خشمه وقال ارجع تكفى ترى لو انتحرت ماعاد يمديني اكمل خخخخخخخخ (<<< ألعن ابو اللحسه ياشيخ خخخخ ) وهنا رجع المخرج وقال يا ابنائي انا عاوزكو تخلو مقبل يطمر قدام سياره راعيها كاش باهظة سياره تلمع من بعيد سياره تحس ان اللي فيها اقل شي بمخباه 120 الف فاهمين ولا لا ياحلوين قالو ايوه فاهمين وهنا رجع المصور بعد ماعبى الغرشة وجاء خخخخخخ (<<< طول الله يخسه خخخخخخخخخ )

وهنا انتظر الشباب يوم وبضع الساعات ومامرت ولا سياره فارهه وقفلت مع المخرج وبدأ الطعام ينفذ وبدأت الإمدادات تتوقف عن الشباب في المقطعه اللي هم عايشين فيها ولم يستطع المخرج تحمل انتظار سياره فارهه فشاف من البعيد باص نقل جماعي وش كبره جاي و صاح با أعلى الصوت على مقبل ( اللي واقف من يومين خخخخخخ الغرشه تسوي اكثر ) قائلا رووووح يامقبل وانطلق مقبل المخفه وصمخه الباص الى ان تناثرت عظامه تناثرا عظيما ويقال ان عظام الحوض وصلت عفيف بينما عظام القفص الصدري رجعت با اثر رجعي للقويعيه بينما الجمجمه طاحت برجول بزران يطقطقون عليها بملعب الشرائع بمكه خخخخخ وهنا طمر المخرج فرحا وتعانق مع افراد الجهاز الفني والطاقم والمدرب خخخخخ وثارت ثائرة الدحمي وصنهات وطبو على اللي في الباص وقتلوهم كلهم وحللوهم تحليل ودحدرو على سواق الباص ولكن المخرج نقز بوجيهم وطلبهم طلبه انه يفكون الرجال والتفت المخرج على سواق الباص وقال له ماتستحي انت صادم خويهم ورفيق دربهم ومقطعه تقطيع !! يالله قدامي يدك على الديه جب كل اللي معك ولا ترى بنحللك وبفك عليك الأخوان اللطيفين صنهات والدحمي وهنا قال الدحمي لسواق الباص ( حياك تشرفنا ) وفي هذه اللحظة بالذات أغمي على أحد الفريق الفني من دلاخه الدحمي وعدم حسن انتقاءه للألفاظ في اللحظات المناسبه وخق سواق الباص وجمع الدراهم اللي مع المسافرين المتوفين وعطاها للمخرج وبلغت مئات الألوف وهنا انطلق المخرج فرحا ولحقه صنهات والدحمي وهم يصيحون وفي الطريق اخذ الدحمي الغرشة ( حقت خوينا المصور ) والتفت عليه المخرج وفقعوها ضحك من دلاخته والمصور اللي عملها يأشر على نفسه ويقول أنا أنا Yes Yes وهنا ضحك معهم صنهات وقال بدلاخته المعتاده ياسلام شكل فيها شي الغرشة رهيب وغمز بعينه للمخرج يقال له فاهم وراح للدحمي وخذا منه المويه وكمل على الباقي وهنا وقع المخرج مغمى عليه دماغيا من دلاخه اللي معه خخخخخخخخ !!

واستقل الفريق الباص اللي قتلو العالم اللي فيه و استقلو طريق الرياض ناصين مطار الرياض للتحضير لرحلة أمريكا المزعومه واللي بتحفل بالعديد من المواقف الدلاخيه لبطلينا صنهات والدحمي !!




الطريق إلى المطار
صنهات: يا مخرجنا العزيز
المخرج ( عليه غذايات وكمادات بعد الإغماء اللي جاه ) (<<< كماده اجل عشان إغماء) : عاوز ايه
صنهات: الحين حنا راجعين الرياض ليه
المخرج ( ماخذ صنهات بروح رياضيه) : عاوزين ناخذ لنا اير بلين توصلنا لا امريكا يا ابني
صنهات: يعني يجي فيها مكيف أزين من ذا الكوامري وبعدين وشهي نيسان ولا تويوتا
المخرج : يا ابني جامبو جامبو يا ابني
صنهات: قد سمعت بذ الوكاله يا الدحمي
الدحمي ( وهو يتصفح مجله سيدتي بالمقلوب مسوي يقراها بالانكليزي خخخ ) : جامبو يا اخوي ماتعرفها ذي زي الشفر بس علامتها غير
صنهات: طيب ورانا راجعين الرياض ليه مانكمل من هنا
المخرج: يا ابني احنا راجعين الرياض نروح للمكان اللي فيه البتاعه دية اللي تودينا لا امريكا عشان هناك المط....
الدحمي ( طامرن على المخرج ): صنهات يا اخي إلى متى بتبقى خروف كذا ؟
المخرج : فهمه يا ابني يالدحمي فهم صاحبك صنهاات باللي انا عايز أئوله
الدحمي : الكداديه في نص الطريق ياخذ منك أكثر من اللي ياخذونه منك في الرياض وقسم يوصلك لا امريكا ب 300 ريال وفي الرياض 150 وتخب عليهم حنا راجعين عشان مايلعبون علينا الرجاجيل
المخرج :
صنهات والدحمي: وشفيك يا مخرجنا ألو ألو هيه هيه
المصورين : سوو له تنفس صناعي الرجال بيموت
صنهات: أخو نوره أمممممم (<<< منشب فمه بفم المخرج يسوي له تنفس صناعي )
الدحمي : كفو كفو شف الرجال بدى يتحرك يا أخو نوره
طاقم العمل ( بصوت واحد وتحميسا لصنهات و أمامهم الدحمي بسبحه ) : مش عايزين دكتور ولا دكتوره أيه مالكم دحنا معانا أخو نووره
المخرج ( يطق اصبع حماسا مع التشجيع ): آآععع آآععع
صنهات: يالدحمي الله ياخذه مخرجنا ماكل ثوم
الدحمي : تصبر يا اخي
صنهات ( وهو ملزق فمه بفم المخرج يسوي له تنفس صناعي) : أععععععععععععععععع (<<< طرش وهو شاربن الغرشه)
المخرج:



هنا نصى صنهات والدحمي وطاقم العمل الكاتب عضو متلطم وقالو له ( الحين ياللي ماتستحي علمنا من اللي بالضبط يسوق الباص عشان نقول له وقفنا عند مستشفى مخرجنا شويه وبيموت وهنا توهق عضو متلطم و قام يشرح لهم كيف الباص يمديه يمشي سيده اذا رصصنا كفراته صح وفي هذه الأثناء فطس المخرج العزيز بعد أن صفطوه الممثلين واستمعو لشرح الكاتب الروائي الكبير عضو متلطم عن ترقيعه الخلل في روايته العظيمه )

و حفاظا على وقت القصة أمر الكاتب الروائي ابو لطمه الممثلين برمي جثه المخرج اللي توفى اختناقا من الغرشة اللي جاب فكرتها هو وبنفس الوقت من دلاخه الممثلين العظيمين صنهات والدحمي وتم رمي الجثه مثل جثه اي تسلب في الخط السريع (<<< ياقل خاتمتهم هالممثلين وطاقم العمل خخخخخخخخ ) وهنا استلم عضو متلطم قيادة الباص (<<< يلعن ام الكاتب اللي قاط في القصة خخخخخ ) و نصى البطحاء وتقضى للشباب وطاقم العمل أشرطة فيديو و بدلات و أكياس **اله و بعضا من المزة والغراش الفاضيه اللي بيحتاجونها في أمريكا وخذا منهم القطة و وزع على كل واحد مصروفه وزرف الباقي ( <<< قصتي وبكيفي ) و نصى الجميع مطار الملك خالد الدولي استعدادا للسفر


الدشير في مطار الملك خالد الدولي

نزل صنهات والدحمي في مطار الملك خالد الدولي استعدادا للسفر إلى امريكا للهجرة هناك وحيث أن فرص العمل أكبر وتعذر كاتب القصة وطاقم العمل قائلين بنرجع الباص ونلحقكم اسبقونا وقصو التذاكر (<<< من أولها جحده ) وهنا درعم صنهات و الدحمي لوحدهم في المطار وبعد معاناة أربع ساعات عند الباب الكهربائي (<< يوقفون ولا فتح يتعازمون وكلن يطلق على الثاني انه يدخل قبل وفي كل مرة يطلق فيها النشمي الدحمي على الخايس صنهات اللي يجلس شوي يدور رجله اليمين يقال له مطوع الى مايقفل الباب في وجيههم وفي آخر مرة قفلت مع الدحمي ودخل وهمل صنهات اللي تبعه بس نشب في القزاز ومشى ولا كنه احد شاف شي ) دخل الشابين اللطيفين ببدلاتهم الأنيقه و لبسهم الكشخه (<<< حسبي الله على الكاتب مشتري لهم بدلات الخضري وناطلهم بالمطار وزارفن باقي الدراهم ) نصو اول عسكري في المطار وبادروه بالسؤال بالله يالغالي وين ألقى تكاسي أمريكا هنا ناظر بهم العسكري بنص عين وخذاهم على قد عقلهم و أشر لهم على جهه العفش نظرا لا انهم كراتين !! وهناك !! دخل الدلوخ بقسم العفش وجلسو يدورون وهنا ناظر صنهات بخويه الدحمي ويقول له وش ذا الاغراض يا خي وين أهل ذا الاغراض !! وش ذا الناس المهبل اللي مخلين اغراضهم عند هالكداديه ورايحين وفي وسط تلك الأغراض ثلاث صناديق خشبيه كبيره !! مكتوب عليها ( خاص ) ( أمريكا - USA ) ( التوصيل إلى أمريكا فوريا ) وهنا ابتسم الدحمي وناظر بصنهات وقال له: يا اخي ماقلت لك اني بطران !! شف الصناديق اللي قدامك هذي التكاسي حقتهم أركب ويوصلونك لا امريكا وهنا خم صنهات الدحمي من الفرحه وتخمخم الأثنين وبغو يقلبونها الى شي أكبر إلى أن طاحت عيونهم على جريده ملقاه بالأرض وعليها مكتوب ( هيئة الملز تقبض على شقه .... ) وهنا شك بعمره صنهات (<< يقال انه الزين حقهم خخخخ ) ودف الدحمي وقال بدال مانضيع وقتنا بها الامور خلنا نركب قبل مايمشون الرجاجيل ونصى كل منهم صندوق وقعد فيه فترة من الزمن وبعدين بعد فترة جاء الدحمي وقال لصنهات يا اخي معك ركاب انا جالس بلحالي ماجاء ولا راكب معي قال صنهات حتى انا مثلك الظاهر أمريكا مايروحون الا الكاشات مثلنا العالم ذولا حدهم الشرقية ولا عفيف وقال الدحمي طيب وشرايك اركب معك وهنا جلس الاثنين سويا في نفس الصندوق قصدي التاكسي وقفلو باب الصندوق و بدأو بالإنتظار !! وبنفس اللحظة طمر صنهات بسؤال آخر وقال للدحمي يا اخي وشلون تكاسيهم مالها كفرات وهنا طمر الدحمي بإجابه بديهية ومستغربا من غباء صنهات وقال له ماقد سمعت انت بالأطباق الطائرة ؟؟ (<<< لاتناظروني وشفيكم تناظروني كذا يا اخي مالي شغل صفقو الدحمي هو اللي ناشب لي بذا الذبه من اول مابديت اكتب هالقصة خخخخخخ )

ناظر صنهات في الدحمي وقال يا اخي تكاسيهم فله انت تشوف اللي انا اشوفه !! قال الدحمي ايه تقصد هالعصيرات و هالمزه قال صنهات ايه عادي ناكل منها فجاوبه الدحمي على طول ايه هذي هديه مع الروم السيرفيس (<< اعقب يالسيرفس ) وبدأ الاثنان في شرب العصيرات و أكل الحبوب اعتقادا منهم انها مزة وهم مايدرون انها صندوق من صناديق الكباريه اللي تروح مسكره وتوصل مسكره ولما كثرو الاثنين انسدحو في نوم عميق وهم مايدرون وش السالفه



الدشير في أمريكا

بعد بضع ساعات من النوم المتواصل والعميق أفاق أصدقائنا سنان و القصبي (<<< مدري ليه كل ماشفت السدحان اتذكر سنان خخخخ ) قصدي اصدقائنا الدحمي و صنهات أفاق الاثنان في مكان غريب وجو أغرب وعلى صخب الموسيقى الغربيه وعندما ناظر الدحمي بالجو وشاف الغيوم قال جملته المشهورة ( يلعن ام الحاله نايم من الصيف للشتاء ) وهنا بغى عضو متلطم يطق تذكرة ذهاب إياب لا امريكا عشان يتوطى في بطن الدحمي ويرجع بس هون وتعوذ من ابليس بالأخير وفي الطرف الآخر أفاق صنهات وناظر في الدحمي وقال يا اخي قايل لك من أول الثمامه حلوه بس ماتصدقني (<<< عقب هالجمله تخيل عزيزي القارئ عضو متلطم جاي كعابي من السعوديه عشان يتوطى في بطن الاثنين مع بعض خخخخخخ ) وبعد صراع مرير مع مقدرة استيعاب الاثنين التغير في الجو أرسل عضو متلطم مسج للدحمي مكتوب فيها ( تراك في امريكا يالدلخ كمل الفلم لا احوسك ) وهنا تنبه الدحمي للموضوع وصحا وصحى معه زميله صنهات و قامو يدورون في القصر الفخم اللي هم فيه !! وفي وسط الفخر شخصية بارزه واضح عليها الملامح الشرقيه وبجانبه حسناوات شقراوات وسمروات وسوداوات وحمراوات و حنطيواوات (<<< لا لا ارجوك ) ويوم شافوهم تروعو وقال صنهات: يلعن جده كل ذولا خوياته فنقز الدحمي على أحد الشقراوات يداعبها وتداعبه متوقعه انه مع** من المعازيب ولا يقرب لا احد المعازيب ولا خوي لخوي من احد خوياء المعازيب ولا مسافر على حساب المعازيب ولا يعرف واحد يعرف واحد يعرف خوي واحد مسافر مع المعازيب (<<< طراه انهم كل اللي يخاوونهم يحصلون خير وفله حجاج ) وبعد فتره وبعد مابدأ يفيق المع** ناظر بالجحلط اللي يتلاعبون بجواريه وقال ياسلنتح انت وياه تعالو هنا ونقزو الشباب وتسدحو عند رجوله وقالو تكفى ياطويل العمر ترى والله ماندري كيف دخلنا قصرك ولا ندري وش جابنا هنا بس ال**ده ان حنا جايين نبي ندور لنا شغل ونبي نتوظف ونترزق الله ونتوفق وهنا كع المجلس كله ضحكا و بدأو بالذب عليهم بالانكليزي وصنهات يضحك وهو مايدري وين ربي حاشره بينما الدحمي يستغل ذكاءه وقام بالبكاء بكاءا شديدا قدام المعازيب وكسر خاطر أحدى الجاريات وقامت بدفه بخمسه دولارات وناظرها وناظر بصنهات قال ياحليلها تبيني اخذ هالفلوس المزوره وهنا نقز صنهات يشكشك وقال للدحمي يلعن شكلك يا اخي انت ذكي وقال كفك وما امداهم يقولون كفك الا المع** مرسل لهم ثلاثه من الخويا الغامقين اللون واللي توطوهم وسدحوهم الين ماعرفو ان الله حق ومن زود الاستهبال دحشهم بباغات بلاستك ونطلهم برى القصر ليواجهو مصيرهم الصعب في الحياة في العالم الغريب

ولما طلعو الدحمي وصنهات ناظر صنهات بالدحمي وقال يا اخي فله بالله ماتحس ان فينا ريحة الوكاله الحين خخخخخ أول مرة احس اني جديد وهنا بغى ينتحر الدحمي بس تذكر ان وراه فلم وبنتاقون وفله و هون في آخر اللحظات. ركب الشباب مع تكسي بعد ماوقفوه وكلمهم انكليزي قائلا لهم Where to go قامو الشباب يتلفتون على بعضهم البعض مهب فاهمين وش السالفه بالضبط لكن الدحمي بكل ذكاء قال لسواق التكسي F U يقال له يدافع عن نفسه فضحك سواق التكسي واعجبه الوضع وغمز للدحمي ولما سواها شك بنفسه لمرة اخرى صنهات اللي كان راكب قدام ونقز ورى بعد حركات مشينه من سواق التكسي خخخخخخخخخ وبعد فتره تذكر الدحمي الكلمه اللي كانو يقولونها عن قصر الحكم حق امريكا واللي تعلمها في المدرسه وبعد مجاهدات مضنيه نطقها الدحمي نطق الكلمه المنشوده وقااال لسواق التكسي ( قوو توو كفر من انت ) (<<< يقال له Government) وهنا ضحك سواق التكسي وعرف ان الشباب مرتفعين وقال OK OK وثبت المرايه على صنهات وقام يغمز له خخخخخخخ آخرتها دخل صنهات تحت الكرسي من زود الشك بعمره ونصا بهم البيت الأبيض ونطلهم هناك وماخذا فلوس منهم بعد ما أعجبوه الشباب الزكرت وبعد ماخقو هم معه وقامو يسموونه الأجودي وخذو رقم تلفونه وكلش وقالو ذا خوينا خلاص ماعاد نبي أحد غيره


نزلو الشباب عند البيت الأبيض وجلسو يدورون حول القصر وهم يناظرون منبهرين مايدرون وش الطبخه ويدورون باب الدخول حق المواطنين بس لقو كل شي مسكر ومافيه أحد حولهم وصدقو الشباب انه مافيه شي الليله وعلى قولة الدحمي الصباح رباح وهنا طمر صنهات في محاوله مضنيه للتميلح والتنكيت خصوصا مع مرور أحدى الشقراوات بجنب العيال وقال رباح صقر ولا راشد الماجد هههعههعههعههع ولم يكمل جملته الا والدحمي في سبيل التميلح يتوطى في بطن صديقه صنهات وهنا نزلو العسكر يطاردونهم وهرب الاثنين المهبل مع بعضهم البعض يراكضون بالشوارع الى ما ابعدو شوي عن البيت الأبيض وهناك توهقو ماعاد فيه ليموزينات وبينما هم يمشون بالشارع لقو سياره محد حولها وشكلها فخم وناظر الدحمي بصنهات وقال هاه ودك ؟ قال صنهات هاه قال الدحمي ودك نزرفها قال صنهات تم يلعن ابو الحاله ديرتن محد يعرفك فيها خذ راحتك وطنش العالم فيها (<< وهنا ناظر عضو متلطم بصنهات وقال هاه بتركد ولا شلون <<< يقولها وهو ماسك المحايه بيمسح ابو دور صنهات كامل <<< انواع التهديد خخخخخخ ) وهنا طمرو الشباب على السياره وبخبرة اي دشير في الرياض استطاعو بمهارة تشغيل السيارة وزرفها على الخط ومسكو الخط اللي هم فيه سيده لين خلصت المدينه وطلعو على البر وهنا انبسط صنهات وقال يا اخي ابي اعرف الثمامه حقتهم وينها فيه وهنا ناظر الدحمي صنهات نظرة حقد وقال من جدك يا اخي انت ؟ (<<< في هذه اللحظة انبسط عضو متلطم من ذكاء الدحمي وكان شويويسوي حركة بيبتو يوم سجل قوول خخخ ) واكمل الدحمي بقوله طلع لي كبري الفحص حقهم الحين وانا اطلع لك الثمامه (<<< وفاة دماغيه لكاتب الروايه خخخخ ) و وقفو الشباب عند محطه بنزين و وقفو السياره بعيد يقال لهم مايبون احد يصيدهم انهم سارقين السيارة ونزلو يشترون دخان وعصيرات وبينما هم ناصين المحطه أنفجرت السياره انفجارا هائلا وفي غمضه عين صار المكان مليان شرطة وعسكر ومباحث وناس تتفرج وبنات يخمخمون صنهات والدحمي ويبوسون فيهم وفي هذه الأثناء وصلت كاديلاك مظلله فيها واحد كشخه و وحده لابسه تنورة تحت البطن بشوي (<<< الله من مراهق يبي اتاتشمنت صورة التنوره خخخخخ ) وقالو لصنهات والدحمي أركبو معنا وهنا ناظر الدحمي صنهات وقال له: انت مشبك أميرة ياولد ؟ وأمرهم سائق السياره با الانطمام ففعلو وبعدها دخلو قصر مسور من كل محل ويوم وصلو هناك استقبلهم شخص عربي وحياهم بتحية الإسلام السلام عليكم ورحمه الله وبركاته أما الآن حكمه اليوم مع الطالب فيصل دويحان خخخخخخخخخخ (<<< ياشيني لامسكت خط خخخخخ ) ودخلهم وقال لهم ياشباب أنتم اليوم فعلتم شئ عظيم للأمه الامريكيه واليوم بصراحه نبي نكرمكم ونبي نخلص كل شي تبونه ونسوي لكم اي شي تبونه لكم ثلاث أمنيات بنحققها لكم وهنا ناظر الدحمي خويه صنهات وقال وش حنا مسوين وبكل ذهانه قال صنهات يا اخي الظاهر مبطين محد شرى من بقالاتهم دخان خخخخخخ واشترط العيال الطلبات التاليه:
1) توفير وظيفه لكل واحد فيهم
2ِ) توفير ليموزين خاص لكل واحد فيهم (<<< الطفران طفران لو صار اللي صار )
3) توفير صديقة لكل واحد فيهم


وعندما سئلهم الامريكي العربي عن وظائفهم السابقه في بلدهم نصب الدحمي وقال ضباط وهنا لمعت عين الامريكي وقال بس مالكم الا البنتاقون وهنا تميلح صنهات وقال ذبته الشهيرة ( بن تاقون ولا بن تروحون خخخ ) ولم يضحك أحدا للأسف وتعقد صنهات بشكل كبير إلى نهاية المسلسل.

ولو تلاحظ عزيزي القارئ ان الزلايب ماطلبو سكن فتوهقو لا انهم بينامون بمكاتبهم الله لايعوق بشر خخخخخخخ



الدشير في البنتاقون

أستلم كل من صنهات والدحمي وظائفهم برتبة ( محلل سياسي ) (<< مايمديك عليها الا بعد 10 الاف مشاركه بالاقلاع << اخس يارشاش خخخخخ ) و أنبسطو كثيرا وصار لكل واحد مكتبه الخاص وتلفونه الخاص و ثلاجته الخاصه وعصيراته الخاصه وسكرتيرته الخاصه وتنورته الخاصه وصديقته الخاصه وكل شي خاص الا انهم أنسحب عليهم من ناحية الراتب حيث ان الزلايب رفضو انهم يستلمون بدل سمعه زي اللي عندنا يقال لهم سمعتهم كويسة ومايبون يغيرونها خخخخخخخخ وراح 35 بالميه من الراتب وكذلك رفض الزلايب استلام إي أجازة ظنا منهم انهم لا أجزو غصبن عنهم يرجعون للدوادمي زي مايصير بالصيفيات من اول خخخخخخخ

واستمر الشباب بتطنيش وظيفتهم وبالتسدح ليلا ونهارا حتى حدثت الطامه الكبرى بيوم من الأيام !!
الدحمي: بالله ياصنهات مافقدت شي
صنهات: الا يا اخي فاقد مقبل خخخخخ (<<< مهب مستوعبين ان راسه الحين وصل موريتانيا خخخخ )
الدحمي: لا خله يولي (<< ابوك ياقلة الخاتمه خخخ ) انا اقصد شي ثاني شي نلفه وندخنه ونرتفع عقبها
صنهات: بالون!! (<< الرجال مهب على خبرك يالدحمي من عقب امريكا خخخخ )
الدحمي: بالون والله العنزي يا اخي ابي احشش
صنهات: هي مهيب مشكله بس دبرني عاد بورق شام هنا لارحت اشتري وش اقول بيبر سميل !! خخخخخخخخ
الدحمي: لا انا اجيب لك اياه من المصدر
صنهات: رقمه ضاع
الدحمي: يادلخ المصدر افغانستان ماغيرها
صنهات: أها طيب وشلون نروح افغانستان التكاسي حقتهم وينها فيه
الدحمي: شف ياحبيبي حنا لازم نشوف لنا طريقة نخلي أمريكا تدحدر بجيشها على افغانستان وانا براسي هالطريقة وهنا لمعت عين الدحمي وكمل كلامه بقوله بس أنت تصمل معي ؟
صنهات: قدام


وبعدها راح الدحمي وسرق ايميل ابن لادن و ارسل رساله لبوش كاتب فيها Bush You are Zlabah وهنا قفلت مع بوش وصكه برديه وقال فيها You are the zlabah and you are blocked وهنا ارسل الدحمي ايميل ثاني على ايميل بوش وكاتب فيه Your email has been hacked by Ibn Laden Hacker وهنا قفلت مع بوش الزلابه و أمر بتحريك الجيوش الى افغانستان وطمرو العيال مع البعثه و هناك ضبطو جوهم معه افغاني وزرفو لهم أطنان من الحشيش تكفيهم وتكفي جميع الاجيال القادمه لعشرة قرون وبعد فترة ليست بالقصيرة وبعد ما انبسطو العيال من الحشيش اللي صفقوه لين أذنو دار الحوار التالي بين صنهاات والدحمي وهم يشاهدون البرتقاله:
الدحمي: ياويلي يا اخي على هالبرتقالات يازين من جابهم هنا
صنهات: خبل انت تحسب ابو عداي بيخليك كلهم عنده يا اخي
الدحمي: يا اخي ابو عداي ذا ناشب لنا لازم نقشعه ولا نشوف له طريقة ونطمر العراق ونخطف لنا كم برتقاله ونرجع ننبسط
صنهات: وش بتسوي بعد ناوي تسرق ايميله خبل انت ماتدري ان الزرقاوي هكرز وممكن يزرف ايميلك بالراحه ؟
الدحمي: لا يا اخي ناوي اسوي شي ألعن وهنا لمعت عين الدحمي
صنهات: وشو
الدحمي: جب لي صورة لبوش بس وانا اوريك



وبعد مادبر له صنهات الصورة دخل الدحمي ( الخبل ) الصورة فوتوشوب وفصخ بوش و دخل صورة لصدام وهو ينقط عليه و نزلها في الانترنت وكتب عليها صدام حسين عمك يا بوش خخخخخخ وارسل الصورة لا ايميل بوش من ايميل ابن لادن وكاتب فيها ايه تستقوي علي بس صدام كاسرن عينك وهنا قفلت مع بوش ودحدر بالجيش الامريكي كاملا على العراق والعيال كذلك طمرو واستطاعو بخبرتهم في البصره و بغداد من خطف أطلق ماجدتين عراقيات ورجعو بهم بسرعه لا امريكا وقلبوها فله حشيش وبنات وكل شوي يدقون على خوياهم بالسعوديه يخلونهم يشمون ريحه البنات و رقص الحشيش (<<< حشش المؤلف من السوالف خخخخخ ) وبعد فترة ليست بالطويله كان الدحمي جالسا لحاله ضايقن صدره وجاه صنهات وقال له
صنهات: الدحمي وشفيك صافط العراقيه وجالس هنا بلحالك سلامات
الدحمي: يا اخي اشتقت لحصيصه واشتقت للعبايات المخصره واشتقت للرياض
صنهات: طيب ليه مانروح
الدحمي: ايه والله ليه مانروح بس كيف نروح. وهنا بالذات لمعت عين الدحمي
صنهات ( متروع بقوة )(<<< اصبر شوي ويجيك متروع بن ساندرا يقول هاه خخخخخ ) : لا لا يالدحمي قل غيرها



وفي هذه الأثناء دخل بوش معصب و وراه ابن لادن و صدام و الزرقاوي وهم يقولون بصوت واحد ( الشرهه مهيب عليك يالدحمي الشرهه على اللي يمثلون معك مرة ثانيه ) اشوف عطيناك وجه ماباقي الا تقول مشتهي وحده تحبني وتقول لي ألتا لافيستا يعني أحبك بالاسباني وتقول دحدرو على أسبانيا من وين لنا نشوف برشلونه وريال مدريد مرة ثانيه (<<< تخيل عزيزي القارئ شكل الزرقاوي وصدام وبوش يتطاقون على مباراة لريال مدريد وبرشلونه خخخخخ ) وهنا رفسو الدحمي وصنهات وتم فصلهم من وظيفتهم وتوظيفهم كماجدات في أحدى القصور الرئاسيه لصدام حسين.


قصة كفاحية امتدت من خط الرياض الدوادمي السريع مرورا بالبنتاقون وانتهاءا بقصر صدام حسين!!

هكذا هم الأبطال دائما


مشهد ختامي :

ولتش ياتشلاب حق شنو ماترقصون زي الأوادم

ولتش هؤلاء التشلاب اشنقوهم وجيبو لي بدالهم ماجدات يرقصوو افضل منهم

راحو فيها المساكين

<<<<< اوصخ مؤلف في الكرة الأرضيه خخخخخخخخ


مايستفاد من القصة:

ولا شي

لا لا لا أمزح أمزح


1) بوش زلابه وكلمه توديه وكلمه تجيبه

2) الدشير اللي في البنتاقون واولهم رامسفيلد و كونداليزا رايس أدشر بقوة من الدحمي وصنهات !!

3) أبو عداي مايرحم


دمتم محششين




تحياااااااااااااااتي لكم


عااااااااااااااااااااااااااااااشق الفردوس


نشوف ردروكم تراه متعوب عليه

حراااااااااااااااااااااااااااااااااااااااااام عليييييك عيوني احولت ياخي كبر الخط شوي

وبعدين انت لك مستقبل زاهر بروايات الهبال


مشكووووووووووووووووور على التعب تعبناك

ودمت لمن تحب

هههههههه

واضح انك تعاب عليه .........

الموضووع يبيله قعده ........

نويفه

مشكووووووووووووووووووووووووووووووووووووووووووووووو ووووورين علي المروووووور


بس ترا من جد الموضوع متعوب عليه جدا جدا

المزن الهلالي وش يقرب لك ابو حديجان


تحيتي لك من رد علي مو النذاله دخلوا ولا وااااااااااااااااحد علق <<<<<<<<<< يبي يصيح من القهر


عاااااااااااااااااااااااااااااااااااااااااااااااشق الفردوس

تبي الصراحة أخوي الغالي ( ما فهمت شي ) لكن بحاول أقراه مرة و مرتين و ثلاث . . .
.
.
.
.
.
عساك على القوة إن شاء الله

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههه نحبك يا هلال


ما فهمت شيء والله مشكلتك صراحه


بس حاول تتمعن بالموضوع <<<<<<<<<<<< مصدق موضوع


موضوع ساااااااااااااااااااخلر يعني استهبال بس


تحياتي لك
ما يهمه الا دمعه امه