.. صبـاح الحب والجـوري ..
.. صبــاح فيــروزي ..
,
خخخخخخخخخخخخخخخخخخخخخـ
مب كأني صايره كثيره هاليومين بقوه في كل قسم ميخالف
تحملوني الظاهر الاختبارات تسوي كذا خخخخخـ ..
| رالــي حائي 2009 | أو | تحدي النفود الكبيـر |
{ تقـــريـر }
ـ السعودي يزيــد الراجحي ..
هو البطل الأول لرالي حائل الدولي 2009 مع ملاحـه الفرنسي ماثيو بوميـل وسيارته ( نيسان نافارا ) ..
ـ البريطاني مارك باول وملاحـه بول ريتشاردز حقق المركز الثاني في الرالي بعد السعودي يزيد بسياره ( باغي بمحرك هوندا ) ..
ـ التشيكي ميروسلاف زابليتال وملاحـه توماس أوريدنيتشيك حقق المركز الثالث مستغل تعطل سياره البطل راحج الشمري وسيارته ميستوبيشي ..
وطبعاً راجح الشمري تعطلت سيارته وخذا المركز الرابع بعد ماتقدم عليه ميروسلاف التشيكي ..
ـ راجح الشمري خخخخخـ قال شيء حلو لما سألوه عن سبب هزيمته وهو من أبطال 2007 قال وشلون تبونا نفـوز ويزيد الراجحي موجـود ..؟!
ـ أحد المتسابقين القطريين من الء ثاني سعيداً جداً بمشاركته رغم عدم
تحقيقه مركز متقدم وقال في تصريح له أنه نادم جداً أنه ماشارك في الراليات السابقه في حائل ومن 2009 عازم على المشاركه في كل رالي لحائل ..
ـ التنظيم شيء خيــالي ..
وسعود بن عبدالمحسن بنفسـه يشرف على التنظيم يعني يبي لنا أسبوع علشان ترتاح رؤوسنا من صداع الهيلوكبتلرات اللي 24 ثانيه بالجو لمتابعه التنظيم بالرالي
وسعود كان من فتره لفتره يركب الهيلوكبتر طال عمره ويشرف بنفسـه ..
بس من جد وربي شيء عالمي التنظيم هنا حتى المخيات ممنوعه من الناس مخصصين خيام في مكان ممتاز جداً ومجهزه بأمور السلامه تقدر تستأجر
يومي أو بالساعات أو مثل ماتبي ..
ـ الآمن أكثر ناس المفروض نقول لهم شكــراً ..
حتى الصبـاح تلقاهم عند الاشارات ومن شد الزحام مغلقين الاشاره
وهم ينضمون المرور في أغلب أوقات اليوم ..
بجـد شكراً شكـراً ..
مر رالي حائل 2009 الحمدلله بدون حوادث ومشاكل مروريه ..!
ـ يالرالي تكفى لاتقضـي ..؟ 
هذا لسان حال الحائليين بعد ماشافوا الجو كذا ..
خخخخخخـ ذبحنا البرد قبل أسبوعين وفجأه أنقطع وجانا جو خاقوقي
بالمره شيء سبحان الله صدق تساهيل وهالحين الله يستر لايرجع لنا بردنـا ..:(
ـ عفويه أهل حائل هنا وطبيتهم خلت الأجانب خصوصاً البريطانيين ينهبلون بقوه وكأنهم مو مصدقيـن وش يصيـر ..
وحتى الخليجيين هنا أكثر شيء عاجبهم بأهل حائل العفويه ..
ـ الأمير سعود بن عبدالمحسن كان حريص جداً على سلامه المواطنين والزوار
والمشاركين وشوهد سيارات الاسعاف ومخيمات خاصه مجهزه تجهيز طبي
كامل وفيها دكاتره خاصـه للرالي ..
فيه لقطه بأحد الصور لأحد سيارات الأسعاف ..!
ـ ( السعوديه , بريطانيا , فرنسا , التشيك , أمريكا , الامارات , قطـر
, الكويت ,لبنــان ) تقريباً كانت هي أغلب الدول
المشـاركه في هالرالي ..
ـ خخخخخـ ابراهيم الفريان ماخلى أستراحه بحائل ماراح لها وصور
معاهم وماخلى مسؤول ولاأعلامي جاي للرالي ماصور معه ونشب له .. :(
تصدقون أنه هالأدمي مايهاب ولايذل ..
لعنبوابليسه أمس واقف وراء سعود بن عبدالمحسن بالضبط وشوي يصير
الكتف بالكتف كأنه خويه .. 
الله يهديك بس ..
ـ قناه نايلات الفضائيه التابعه لحائل وقناه الرياضيه السعوديه واكبوا الرالي
بالنقل المباشر 24 ساعـه بينما قنوات العربيه والأخباريه و mbc كانت
متواجده بالمراسلين والتغطيه الميدانيه ..
,
,
أنتهى الرالي كسبــاق بس لازال موجود إلى بدايه الترم الثاني كفعاليات
وسباقات وتحديات وتنظيم وأمسيات شعريه فاللي ماجاء
لاتفوته الفرصـه يجي بالاجازه ..
وهذي مجموعـه صـور حصرياً للقنــاص من الرالي طبعاً ماقدرت
أصـور لكم المغواه لانها مشوار خخخخخخخخخـ المغواه هو مقر التكريم
اللي تم فيه تسليم الجوائز وأعلان الفائزين والسباق كان
في نفـود جبـه ..!
سمــوا هذي هي الصـور شوفوا العالم كيف ..؟!
كل ذولا متفرجين ترى وفيه غيرهم أعوذ بالله ..
{ متابعــه بالصــور }
خخخخخخخـ بالليل بس تشوفون أنوار السيارات ..
[ قبل الختـــام وبشكل عـــام ]
_ هو بالفعل تحدي كبير كان بين هالمسابقه من بدايتها وبين ملك الحائليين
سعود بن عبدالمحسن ..
كانت فكره صغيره تبلورت وتطورت إلى أن أصبحت رالي دولي
وبطوله مستقلـه بذاتها بل وأصبح المتسابقين يقصدون المنطقه
والمملكه العربيه السعوديه لإجل هذا الرالي ..
في حايل عندنا النفود والبر شيء ثااااني ..
وسعود أكد هالتميز وخلى النفـود لدى الكل شيء ثاني ..
بدايه صغيـره كان محلي بل ومايتجـاوز رقم معدود من شباب
المنطقه وخلال السنه الرابعه له الآن فيه حوالي 10 دول مشاركه
من مختلف العـالم ..
نجحــت يابوفيــصل نجحـــت ..
_ الرالي من سنه لسنه في تطور كبير وملحوظ ومب بس كذا
لا صار الرالي يعطي المنطقه مردود ممتــاز جداً ..
حتى في فترات الصيف تشوف زوار خليجيين جايين حائل مخصوص
من بعد ماسمعوا بالرالي ..
كانت حائل المدينه الهاديه تقريباً والآن أصبحت أكثر ضجيج وزحمه
وأنوار ومشاريع وعالم بجد بجد بحضـورك ياسعـود وبالرالي
صـار شيء مو معقـول ..
تصدقـون عاد ..؟!!
ماكنت أصدق اللي يقولون أن السياحه تغير من المنطقه وتخليها شيء
عظيم وتطورها وتدفعهـا ..
بس من بعد الرالي صـدقت ..!!
صـارت الشوارع زحمـه بقـوه ودي مره صور لكم الشارع فتره المغرب .. :(
صـارت المطاعم مزحومـه وأنتشرت وفتحت فروع متعـدده لها ..
حتى لهجه الحايليين أنفسهم أحسها صارت مادري شلون ..؟!
يعني تسمع يقـول شلونج / شلونك / شلونتس خخخخخـ
وحتى اللغه الانجليزيه هنا تطورت بقوه مع شباب وبنات المنطقه ..
صاروا يجيدون التحدث بطلاقـه أكبر من قبل لأن الرالي من
سنتين صار دولي ومختلف الجنسيات تجي وتتعامل معك ..
بصـراحه شيء مو معقـول وربي ..
وبعد اللي شفته أنا واثقـه بقـوه أن بعد سنتين بس بتشوفون
حائل ماتقل عن جده أو تفوقها يمكن بالزحمه والشوارع والمراكز والعالم
خلال المشاريع الموجوده يعني من بعد الرالي بعطيكم كم مشروع :
آممممم عندكم مثلاً سلمى مول هذا مول تجاري المهم أن المول
هذا يعتبر من ضمن 3 أكبر مولات في السعوديه ..
هو توه تحت الانشـاء تقريباً باقي له كم شهر ويخلص بس كبير
بقوه كبير وفخــم جداً راقي حيل بتصميمه ..
آممممم برضـو عندكم فندق طـي كان مع مجموعه موفنبيك كبير
حيل وفندق خمس نجوم ومساحته يمكن مخطط كامل وهو تحت
الانشـاء الآن جداً فخم من هيكلته واضح أتساعه ومساحته اللآمعقوله ..!!
آمممم برضـو المستشفى السعودي الآلماني أنشى في المنطقه أعتقد بعد
شهرين بالكثير بيتم الأفتتاح ..
ومايحتاج أتكلم فيه لإن المجموعه معروفـه ..
آممممم عندكم فكره الأمير سعود بن عبدالمحسن لحديقه الحيوانات اللي
بتنشأ ان شاء الله ..
الحديقه هذي مدينه كامله مش حديقه بس ..
تعتبر بعد دراسه مشروعها أكبر حديقه حيوانات في الشرق الأوسط..
أتذكر مره في الجامعه شفت أوراق تتكلم عنها كمشروع يعني الأفكار
اللي طارحها سعود لإجل رقيها كانت فريده / غريبه / هائله شيء
مو طبيعي ..
حتى الغرض منها يقولك أن العائله تقضي يوم مختلف ..
الحديقه ذي بتقولون وش فيها مختلف أو وش فيها يخليها أكبر حديقه
في الشرق الأوسط أقولكم وش مخطط يكون فيها :
/ بتضـم جميع الحيوانات وأشكالها شكل شكل وحجم حجم لدرجه أنه
بيتم تقسميها على أساس قسـم الطيور وقسم الأليفه وقسم الزواحف
وقسم الصيـد وأقسام ثانيه ..!!
ذا سلمكم الله يقول مخططين يخلون فيها مساحه كبيره لهواه التصيـد
بحيث يجي ويجيب عائلته معه ويجلس في منطقه التصيد
ويتصيد محاطه طبعاً بجوانب السلامه ..!
وهذا شيء أول مره يصيــر ..
/ بتكون شامله الدخول يعني مافيه يوم عوائل ويوم نساء ويوم شباب
لا الدخول فيها بيكون شامل تقص لك تذكره وتدخل سواء مع أهلك
أو لا وتتمشى وتتعشى وتتفرج وتتسوق وتتصيـد واللي يخطرعلى بالك ..
/ يقولك فيها أكبر سلسله المطاعم في العالم بتكون مطاعم مستقله
بذاتها تقدر تسمتع وتطلب اللي تبي وبرضو بيكون فيها تسوق
ومحلات تجـاريه وبرضو مدينه العاب يعني بأختصــار ( بتاع كلـه ) ..
وأشياء كثير بيكون فيها بس هذا أكثر ماشدني فيها ,,
تسـوق / تمشي / ممارسه هوايات / عشـاء ..
بجد يوم مختلــف ..
,
,
هذا بشكل عام يعني المنطقه صارت أكثر حركـه / أكثر صوت / أكثر ضجيج
من قبـل ..
قبل في أيام العطل بس تسمع الاصوات والضجيج الآن لا ..!
أختبارات / ظروف / ليل / نهار في كل الأوقات زحاااام وضجيج
وعالم كثيره مره ..
أتذكر الأسبوع اللي فات رحت بنده أبي لي كم غرض ..
المهم كانت مزحومه مره مره مره دخلت وإلا أشكال عجيبه غريبه ..!
أنواع الناس أنواع الجنسيات والله فيه أماراتيين وكويتيين وسعوديين
وفيه أجانب أمريكان وبريطانيين أنواع الزحام والقلق ..
حتى المطاعم كودو / هارديز / ماكدونالدز / بيتزا هت / ليتل سيزرز
ماركي / هرفي / كنتاكي / الطازج وغيرها
أحسها صارت تبكي من الضغط ..
ليل نهار ضغط وطلبات وناس وشيء مره نايس ..
الفنادق والشقق مستحيل تلقى شقق فاضيه وأنا طالعه الجامعه
أمر من شقق وفنادق أشوفها الصباح أشوف سيارات بعض
المشاركين واقفه عند الفنادق والشقق ..
شيء يونس صرت وأنت تمشي بالشارع يمديك تتفرج
على كل شيء تمر عليه ..
بقـي نقـول ونعيـد ونزيد ( شكراً سعود بن عبد المحسن ) ..
مر علينا أمراء مناطق كثيـر بس سبحان الله ماعشق الحائلين
كثر سعـود لإنه بأختصـار فيه حب متبادل بينهم ..!
وهذا اللي أكده طال عمره في أول أطلالـه له عندما قال
أنا سعيـد في حائل أنا مو غريب أنا عند خوالــي ..
حي سلمى الرشيـد وحي خوالك وحيك طال عمــرك ..
عشقتنــا وعشقنــاك ..
عفويته / بساطته / نزاهته / حبه لحايل بشكل جنوني
يعشق أهل حائل فوق ماتتصـورون / رفض النقل وطلب
التجديد ولازال يصـر أنه يبي حائل ويبي ديره خواله على قولتـه ..
شكــراً ياحبيب الكل ..
لنا لقـاء آن شاء الله في رالي حائل 2010 ..!
تصـوير / أعداد التقرير / تنسيــق :
حــ سعودي ــلاها
30-01-2009, 01:46 PM
رالي حائل 2009 { تحدي النفود الكبير } ( تقرير مصـور ) حصرياً ..!
العرض العادي
