مساء الخير والنور والسرور لحبايبنا معشر القناصين والقناصات ...
-
-
-
فيه حادثة مهمة صارت لي أنا ورفيقة دربي ريح المطر والهبايب لن أنساها ماحييت ..
جات في بالي فحبيت أقولها لكم وتعطوني رايكم .. :p
بس هاااااااااااااااااااااااااااااااه .. لاتقولون لأحد من شخصيات القصة ..بيقولون فضحتينا.. ثم يمحطوني واروح فيها..هذا سر بيني وبينكم .. وانا ماقول أسراري إلا للغالين وبس ... ;)
يالله أخليكم مع قصتي مع (ريح ...إلخ ) يووووووه ياختي دوري لك إسم ثاني أقصر من هذا الإسم تعبتيني .. (لوووووووووووول ) : :D
في يوم من أيام الإمتحانات النهائيه للفصل الدراسي الأول .. كان كئيب وزاد كئابته .. أنو كان علينا الرياضيات مرعبة البنات ( مثل مأقول دائماً ).. المهم طلعت كل وحده لاويه بوزها شبرين من صعوبة الأسئلة اللي كتبتها أستاذه ( ...) كالعادة الله يسامحها فانا طبعاً ما أعجبني الوضع وحبيت أسوي حركة وإثارة ( وحده متأثره بالأفلام الأمريكية)..أيامها كان الكابتن ياسر .. يلمع نجمه في السما ولازال طبعاً ..أو بمعنى أصح بداية شهرته خصوصاً بين الفتيات .. أنا ماحبيت أخلي الفرصه تضيع علي .. خصوصاً أنو أنا قحطانيه وأيضاً ريح المطر والهبايب .. المهم إتفقت أنا وريح المطر ..أنو نخترع فقشه محترمة :D ..فخليت ريح المطر تصير أخته الوحيده من أمه (بسم الله عليه منها) .. وأنو ياسر صديق أخوي ( أبوك يالفقشه المحترمه ) .. :D
المهم كلفت وحده من الربع المعروفة بـــ CNN المدرسه تنشر هالخبر ...
واااااااااااااااااااااااااااااو :eek:
ماتتخيلون أول ماشفت البنات تجمعوا علينا .. قلت في نفسي: ليتك يالمصرقعه مسويتها من زمان ...
لكن للأسف تجمعوا علينا لأنهم ماهم مصدقين يبغون دليل بنات( الذين )..
ومن سوء حظي ... ماجهزت نفسي لهالشيء .. لكن حبيبتي ريح المطر أنقذتني في الوقت المناسب وقالت لهم : يعني كذا ..مانتوا مصدقين .. طيب إما جبت لكم الدليل
وخليتكم تملون عيونكم منه ماأكون أنا بنت القحاطين .. :mad:
المهم أنا بغيت أخربها وأقولها من جدك ولاتمزحين .. من طريقة كلامها وأسلوبها
مع البنات جد تصلح تصير المشرفة الإجتماعية للمدرسة لقدرتها الفائقة على الإقناع ..
ال**ده / يوم تفرقوا البنات سألتها : من وين راح تجيبين الدليل ؟
قالت : ولايهمك بكره أنتي أول وحده بتشوفينه ..بأخليها مفاجأة لك..
وكان علينا اليوم الثاني أدب (ياااااااااااااه شكثر أكرهه) ..المهم ماعرفت أذاكر من كثرة التفكيرفي دليل ريح المطر.. :rolleyes:
وجاءت ساعة الحسم .. وخذتني ريح المطر لموقع الشله ( الركن الماسي )
ومن حسن الحظ أنو ماحد قد جا قبلنا .. وطلَعت من بين صفحات الشعر والنثر
والتراجم ..صوره تجمعها مع القناص ياسر ..
طبعاً شهقت من الصدمة :eek: وقلت : يالسكنيِه كيف سويتيها ؟ :confused:
قالت: الله يخلي الكمبيوتر فيه برنامج خيالي لتركيب الصور مع إضافة خلفيات ومؤثرات عليها .. كل اللي سويته ركبت صورة الكابتن ياسر على صورتي وزدت عليها بعض المؤثرات وانحلت المشكلة ؟
قلت لها :طيب أخاف يكتشفون أنها فقشة من ناحية أن الصورة مطبوعة على ورق A4
قالت : بقول لهم أنو هاذي صورة غاليه ومابي أجيبها للمدرسة أخاف تأخذها
المراقبة حصيصه أم قصيصه وابتلش ..
قلت أجل توكلنا على الله ..
ولا من زين الطبايع حاطة صورتها وهي تشرب شاهي ... مسويه فيها ماحد عنده شاهي
إلا هي .. لعنبا هالفره ..(لووووووووووووول). :D
رحنا لأول وحده وأهم وحده وهي اللي دخَلت فكرة الدليل في عقول الصبايا..
دلال أم الحسن والجمال .. أخذت الصوره شخصياً ووريتها لها ..
شهقت وقالت : يوووه أنا أسفه يا ريح المطر شككت في أخوتك لياسر تكفين سامحيني
ماكنت أقصد .. أنا ماراح أسامح نفسي .. ماراح أخليك تمشين إلا وأنتي مسامحتني ! :(
وأنا أقول في نفسي : يالله إطلعي على حقيقتك .. بدت المصالح تشتغل .. ياعمري
ياريح المطر ماكنتي تهمينها ولاتمثلين لها أي شيء قبل شهور ..صدق اللي قال:
ياما تحت السواهي دواهي.. :rolleyes:
قلت لدلال : إسمعي بتسامحك إذا أخذت الصوره ووريتيها للصبايا ..خليهم يملون
عيونهم ويصدقونها يالفتَانه .. بس هااااه الصوره ترجع لاتروح منَا ولا منَا .
قالت : أبشري من عيوني من عندي أغلى منكم ؟
قلت في نفسي : أبوك يالفقش يالله وش ورانا ..وأدندن في نفسي (على مين تلعبها)
[ والله شكلي أنا اللي قاعده ألعب]
وطبعا ًمن يومها وبنات المدرسه كلهم صاروا صديقاتنا .. ويسألون عن الكابتن ياسر :
سلمي يا ريح المطر على أخوك – وين ساكن ؟ وش يدرس ؟وش سيارته ؟ وش جواله ؟ وش الأغنيه اللي يحبها ؟ وش إسم إخوانه ؟ وخواته ؟ وش النادي اللي بيلعب فيه ؟
وش لونه المفضل ؟ فريقه المفضل ؟وش الحي اللي ساكن فيه ؟ .... إلخ
لا بعد يسألون تشوفينه ؟ يجيكم في البيت ؟ العلاقه اللي بينكم قويه ؟ وش رقمه ؟
والله وناسه أني صديقة وحده أخوها مشهور .. أرد بالنيابه عنها على أسئلة المعجبات..
( ماتلاحظون أني أكذب كذبه وأصدقها .. والله حالتي حاله ).. :D
طبعاً الوضع صار ممل .. وكالعاده المصرقعه حبت تغير وتجدد ..ففي يوم ثلاثاء
قلت لـCNN المدرسه : تدرين ياسر بيجي يسلم على أخته اليوم ويقعد معهم الخميس
والجمعه .. ماتشوفينها مستانسه ؟ مسكينه من زماان ماشافت أخوها .. الله يعينه
المنتخب والنادي ماخذ وقته ..عاد الــ CNN ماصدقت خبر ونشرته ..
يوم جا اليوم الثاني كنت قاعده أنا وريح المطر ندردش ونخطط ...
إلا جتنا دلال ومعها ورق ملون ومزخرف وحركات تهبل ...
مدته لريح المطر قالت ريح المطر : وش هذا ؟ قالت دلال :هاذي أوراق .
قلت أنا : عارفين أوراق أجل وشو .. وايت شفط ولا سكروب ؟ :D
قالت دلال : نبغى أنا والبنات من أخوك يكتب لنا إهداءات وبتوقيعه .وهاذي أسمائهم في هالورقه .
قالت ريح المطر : بسم الله من قالك؟ قالت دلال: عرفت وبس !
قلت : وهل يخفى القمر ؟
قعدت أضحك في نفسي وأقول : هذا إذا جا أصلاً أونعرفه من قريب أو من بعيد !
إما بدَعت في التوقيع ما أكون أنا بنت القحطاني . صدق إن الفقش وناسه !
يوم جا يوم السبت قلت للصبايا : ياااه تدرون أن ياسر يبي يتزوج ؟
قالوا : لا عاد من يقوله ؟ أصلاً ليش ريح المطر غايبه ؟
قلت : ريح المطر غايبه عشان أخوها ياسر مابعد راح منهم وماتبي تجي وتضيع عليها
فرصة القعدة مع أخوها هذا شي .. الشي الثاني قالت لي ريح المطر أنو ياسر طلب منها تدور له بنت الحلال اللي يكمل بها نصف دينه ( والله العظيم حاله المبزره صاروا بشتغلون خطابات لخوانهم ) قالوا : يوووه الله يهنيها اللي بياخذها !
قمزت دلال وقالت : وين الإهداءات اللي طلبتها من ريح المطر ؟
قلت : ولو في الحفظ والصون أرسلتها ريح المطر مع أخوها ياسر وعطاها أخوي وليد.. يووه يادلال نسيت أقولك مادريتي ياسر تعشى مع أبوي وأخواني يوم جانا البارح .. مير أنا قاعده 24 ساعه عند شباك غرفتي بس أطلطل عليهم إثرهم قاعدين بالحديقه ..
يالله خذي أوراقك ولاتجحدين أفضالي عليكم ! :mad:
ومن يومها وحنا على هذا لحال حتى جا أخر يوم من أيام الإمتحانات النهائيه .. قمت كتبت ورقه وصورت منها مجموعة نسخ وحطيتها بشنط الصبايا قبل ماأطلع أنا وريح المطر .. ونبهة وحده من الصبايا أنو إذا طلعنا تقول للبنات يفتحون شناطهم ويقرون الرساله وتدق علينا وتقولنا ردود الأفعال وكان مفاد الرساله كالأتي :
[ أخواتنا وصديقاتنا .. بدموع الفراق نودعكم على أمل اللقاء بكم في الحلقات القادمة.. :D
وبدموع تخرج من أعيننا الضاحكه على حالكم . :D . نقول لكم أنكم فزتم في الإختبار
وبنجاح أو بمعنى أصح أكلتوا المقلب وشربتوا بعده مويه بارده.. اللي إستمر مدة ستة شهور ..من الفقش والخنبقه.. ترا ياسر مايقرب لـــ ريح المطر من قريب أو بعيد ولايعرف أخوي ولا هم يحزنون .. والإهداءات اللي إستمرت طوال العام( تقول ماعنده شغله إلا يكتب لكم ) من توقيعنا المشترك .. نطلب السماح .. وعفا الله عما سلف ..
وهدوا أعصابكم ترا الدنيا ماتسوى :o ]
وما جا العصر إلا المكالمات اللي تحمل جميع أنواع السب والشتم وتنم عن أعصاب ثايره
من القهر ود راعيتها بمسكتنا وتمحيطنا :mad: .. لكن الله هونها علينا وراضيناهم بكم كلمة آسفه ( وش كم كلمة إلا ملاييييين )..
ومن بعدها تبت افقِش فقشه قويه مثل اللي سويتها وخصوصاً مع الجنس اللطيف..
والله إن كيدهن عظيم وأنا أولهم ...( رحم الله إمراءً عرف قدر نفسه ) .
يشرفني رؤية أرائكم ... :p
تنبيه : العذر والسموحة من الكابتن ياسر لأنو فقشنا على حسابه بس فقشات مفيده وخفيفه :p .