السلام عليكم ورحمة الله وبركاته ...
اول اطلالة لي في الصدى بموضوع خفيف عن شاعر ..
شاعر يحسب له الف حساب ...
سلطان بن حسين المسعري الدوسري شاعر صغير في سنه ابن الثامنة عشر
نجم صاعد وانطلق بقوة الصاروخ لساحة المحاورة ...
بدأ في مجال المحاورة فكون قاعدة جماهيرية كبيرة وفي مدة وجيزة ...
قد اشاد به وراهنوا على نجوميته كبار الشعراء في المملكة والخليح ...
من ضمنهم الشاعر رشيد الزلامي وفيحان القيعاني وسعيد الفهري وعلي ابن قحصان
هذي محاورة اختصرت ابياتها.. بين سلطان وفيحان القيعاني
فيحان القعياني
ياسلام الله على أهل الوادي اللـي مانمـره00غير في وقت المصيف اليا بغينا أبها وهلها
صاحبي سلطان ماله في طوارف هيت جره00لو يمر العاصمه في ربع ساعـه مانزلهـا
سلطان المسعري
مرحبا ترحيبة فيها المسرة والمضـرة00ياصحيبٍ ننقض بيوتـه ليامّنـه فتلهـا
كان يافيحان في تالـي ليالينـا تشّـره00دام جبت الكايدة من بدع راسك فاحتملها
_يجيد الشعر بنوعيه النظم والمحاورة وبمستوى مبهر ...
كانت بداياته منذو سنتان من الان ..
ورث الشعر من بيئة شعرية بحته ..
قال الشاعر في احدى لقاءاته : ان المسابقات الشعرية بااعتقادي انها للكسب المادي
ولكنها خدمة الشعر والشعراء في نفس الوقت ...
_ من اصعب المحاورات مرت عليه امام الشاعر رشيد الزلامي
الجدير بالذكر انه سلطان شارك بمسابقة شاعر المليون ..
بعدة قصائد وتأهل للمرحلة الثانية وخسر المسابقة
سلطان اثبت للجميع وعيه وادراكه للشعر جيدا...
وان الشعر لاعلاقة له بـ العمر ..اتوقع له مستقبل باهر
بعض من قصائده :
_ شارك بها بمسابقة شاعر المليون
_ وهذه ايضا
ماغير اهوجس بحبه سارح وضاوي
اي والله اهواه ماهو حب ومموه ...
وهذي قصيدة للملك والوطن:
واليوم فضل الله جعلنا تحـت قايدنـا الاميـن
القايـد اللـي صورتـه لاشفتـهـا حييتـهـا
حييـت يابومتعـب وحيـاك رب العالمـيـن
كـمٍ جـروح غـايـرة ياسـيـدي داويتـهـا
وحنا معـك وامـر وتلقانـا جنـود مخلصيـن
نقلـط علـى حمـر المنايـا لاقـدح كبريتهـا
ماهمنا هرجة مضـل ولا صيـاح الضايعيـن
اللـي تفجـر فـي المـرة والطفـل ديناميتهـا
يبغون عز الدين في ذبـح العبـاد المسلميـن؟
للـه درك يامليـك الـعـز يــوم انهيتـهـا
وقبل النهاية ودي انصح دام لـي عقـل فطيـن
وبقـول اربـع مـن ملكـت العقـل ماخليتهـا
افدى الوطن والدار واصلـي وابـر الوالديـن
هذي هي اللـي تبعـد الضيقـة ليـا سويتهـا
مع امنياتي له بالتوفيق والنجاح
سوري على القصور هذا الي طلع مني
اختم موضوعي ببيت محاورة من الشاعر :
ان كان ربي حماكم كلكم من شر الاقـدار
الشكر لله والعالم مـا تـدري بالسريـره..
......................................