قصائد الازرق
---لمحبي الهلال--
مع احترامي----لجميع الانديه
1
يبقى الهلال هلال مهما تقولون
موت قهر ياهل الكبود الغليله
جمهوره اكثر من ثمانين مليون
فديت لونه يا عرب والفنيله
ايه اعشقه والعشق طاغي ومجنون
وامشي على شانه دروب ٍ طويله
اموت بالتكتيك ، والفن ، واللون
نادي عريق وما ندور بديله
ابرك من اللي كنهم فلم كرتون
فشيلة ٍ يا كبرها من فشيله
ما عندهم يا كود قالو يقولون
امحق فريق وجعل ربي ......
اليا انتهى وقت المباراة يبكون
يصرخ مدربهم ويصرخ وكيله
واللي سكت اكيد ضايق ومغبون
ساكت وهو فالكبد زند وفتيله
2
مادام غصب ٍ علينا نتابع الكوره
في أي وقت ٍ ولو ليل السهر طالي
خلك مع السمعة اللي حيل مشهوره
ومع البطولات يعني خلك (هلالي)
جوك وطبعك ماراح يحيد عن طوره
وايامك تروح وانت الرايق السالي
تعبك مخلوف والاهات مشكورة
فوق المنصات دايم شكر الابطالي
3
ياهلال خف الوطا ياهلال
على المساكين سر بشويش
اعطي فرصه يابو الابطال
خل المساكين تاكل عيش
واذا العنب فوق ما ينطال
حامض حلو حكمة الدرويش
انته لك الغصن دنا وقال
كلت الغصن والقنا والريش
4
ياجماعة كيف الأزرق مايفوز
والفرق من هيبته تلعب دفاع
للبطولة اصدر القاضي نشوز
لين طاعت للأوامر بانصياع
من خطبها قلنا هذا مايجوز
الهلال اولى بها وامره مطاع
صفحة التاريخ تكتب لك رموز
في سجلات الذهب قبل الضياع
المشاعر بالفرح قامت تنوز
ثم صارت بالسما مثل الشعاع
حب الازرق مانبيعه بالكنوز
من عرفته فوق راسي مايباع
الهلال للشعر يبرز بروز
يسمعه من كان في شتى البقاع
لو بغيت انظم قصايد ماتعوز
للهلال أبدعت قدر المستطاع
5
أرعدت وابرقت وارتجت الأرض
وخرج من وسط نجد سيف صقيل
الكل قالوا وش هالصارم البتار؟
طلعت الشمس وتبين انه عبدالعزيز
صدى صوته يقول ماياخذ الكاس
إلا رجال يستحقون رفعته
من يد من وصيته على حفظ البلد
وهذي وصية مني توارثوها للأبد
إنتخوا مغاوير بني هلال
وقالوا وين يروح كاس أغلى الرجال
بنحط رمز البطل بقلوبنا ونسَكِّر عليه
ونضيع المفتاح ولا عاد أحد يلتقيه
ومن بغى يشوفه بنظره عابره
بنو هلال شهامتهم حاضره
6
_____
تمتع واشعل الليتات واطرب
بناديك المخضرم والعريقي
بناديك الذي اشقى واتعب
جميع من قال أنا خصم عنيدي
تمتع يا هلالي بالهلالي
ترى ذا اليوم لك حظ سعيدي
تمتع دام هذا اليوم يومك
بفوز غالي توه جديدي
بفوز مستحق وبجدارة
وتوج بالذهب بحق وحقيقي
هلال ضم في جوفه كواكب
ونجم هاوي مثل الحريقي
7
هذا الهلال اللي على الفوز معتاد
هذا الزعيم اللي يقولون وينه
له هيبة يرهب بها كل الاضداد
وارجال تصدق فعلهم خابرينه
الفرق واضح كل يوم ويزداد
بين النوادي والأسد في عرينه
الهلال ماله عن مشاهيه رداد
زعيم فوق الكل يمشجعينه
حقيقة بانت على روس الاشهاد
في ليلة تاريخها حافظينه
ليلة خميس وخير وبرق ورعاد
كأس الكؤوس اللي بقى جايبينه
اهلالها زاد المسافة والابعاد
بين الوطن واللي ترى امنافسينه
شلهوب موهوب لعب كيف ماراد
وصاه ذيب غاب يافاقدينه
نواف والجمعان للباب جلاد
له شوتةٍ حراسها خايفينه
وجمهور لون الموج ويهز الإستاد
واضعافهم في كل بر ومدينه
وابختصر قولي عن اهروج نِقاد
كبت المشاعر صعب يالايمينه
قول المثل معروف من عصر الاجداد
لعب الكعابة غلبة فيه شينه
8
ذيب على اسمك ما تهرول سماجه
تصغي لمدلول الهلال وتطيعه
الله يسمِّح غايتك بانفراجه
وتبسم لياليك باماني رفيعه
مجهود ربعك ماشكى من عواجه
ترجمته بصدق وفنون بديعه
رديت بالميدان قول السذاجة
روح احسود انهار يامن يشيعه
رسيت هداف بوجه العجاجة
واظهرتهم كل بجرم وذريعه
ذكرتنا بمحسن ومحلا انتهاجه
ليشاركه ناجي بهجمه سريعة
واعدت ابن مذكور بعز ابتهاجه
وجاسم ولد يعقوب ازهر ربيعه
جميعهم باسلوب سامي ومزاجه
اهزوجه اعجاب بالانفس وديعه
9
تفنن ياهلال المجد وغرد بأعذب الألحان
ملايين البشر لعبك بكل جنون يهوونه
نحب مشاهد الكوره من اجلك يا ازرق الالوان
على خضر الملاعب فن غيرك ما يجيدونه
تلقب بالزعيم و بالسفير وللوطن عنوان
ولاعمرك خذلت اللي املهم فيك يرجونه
جميع الاندية تلعب ولكن رفس بالسيقان
كبير الفرق بين إمتاعك ولعب يعكونه
أنا اشهد يرتجف خصمك الى طبيت بالميدان
تحشره داخل الملعب نجومه ما يسرونه
بخطة قايد ملهم تثور وثورتك بركان
تلفت خصمك المنهك عسى الحكام ينجونه
يعيبونك عصابة جهل خاوين الفكر بهتان
بزعم افكارهم فعلك عن العالم يحجبونه
اقول معاند الواقع ومشي بالخطا خذلان
شليله بالصحافة في بلدنا ما يطيقونه
ومعهم شلة التحكيم تميل بكفة الميزان
يهينون الزعيم بصافرتهم ويتحدونه
ولكن الامل معقود في فيصل وفي سلطان
يوقف كل عابث عند حده ما يخلونه
نبي من قاضي الملعب عداله للجميع إتبان
عداله ترضي المهزوم والفايز يهنونه
ترى ترك التعصب يا جماهير الرياضة حان
سفير المملكة مفروض يخجل من يعادونه
سفير لاغزا يجلب بطولات مع الكيسان
ويرجع ذايع صيته ويسعد من يحبونه
هلابه وين ما يرحل هلابه راجع نشوان
على البث الفضائي كل خلق الله يشوفونه
يهلي به بنوا يعرب ومن في آسيا سكان
وكل عيال حام وسام هلال المجد يغلونه
تفنن ياهلال المجد وغرد بأعذب الألحان
ملايين البشر لعبك بكل جنون يهوون
10
هللي ياتباشير الفجر وغردي للهلال
وارفعي شجو اللحن بأحسن نشيد
للزعيم اللي لكاس فيصل شال
جابه هلالنا اللي عنده يوم عيد
صفقوا للازرق ياجماهير يارجال
وارفعوا الاعلام فوق عاليات البيد
موج ازرق يوم تحرك كالجبال
صال وجال وجاب اللي نريد
الف مبروك ياجماهير مني تقال
وللادارة والجهاز واللاعبين بهم نشيد
الله اكبر ياهلال كل ماجاء مجال
قالوا ماغير هلالها ذاك العنيد
11
ما هي غريبة يا هلال البطولات
إنك تهز شباك كل النوادي
العب مثل ما تحب وقت المبارات
مضمون رفع الكأس بين الأيادي
أميرك محمد معك كل الأوقات
ولعيبتك ترفع رياضة بلادي
بكل دوري ترفع العز رايات
وغيرك بوادي وأنت بحر بوادي
ومن يقرب لموجك دخل في متاهات
ومن فكّر انه يهزمك كان غادي
لعيبتك تلعب بفن ومهارات
واللعب وقت الجد ما هو بعادي
صعب على غيرك وغيرك سهالات
وبعيون صدقي أحلمك مع رقادي
تبقي الوحيد اللي بوقت المهمات
تبقي الزعيم اللي تشرف بلادي
بلسان قلبي قلت أنا اعشقك بسكات
وجيتك على صدقي قبل ما تنادي
أنا أحبك وأعشقك عشق بالذات
لانك قيادي واميرك قيادي
واللي رفع قدرك لسبع السماوات
انك بطل وانك زعيم النوادي
12
جبت البطولة وانتشى الشوق يا هلال
شوق القصايد قام يرقص محله
كأس وذهب يلمع واقوال وافعال
تشفي خفوقٍ فيه ستين عله
يا هلال يا هلال الذهب دمت يا هلال
درب الذهب دايم تدله تدله
بأميرك النبراس ورجالك رجال
عالي سماك اليوم محدٍ وصله
عز وفخر انته يا عز ياعز الابطال
اسمك سما بالمجد المجد كله
انته فخر بحر انت يا هلال
زعيمهم غصبٍ على كل شله
الفال طيب وانت يا طيب الفال
نادي عريق ولا تعرف المذله
تأخذ بطولاتك انواع واشكال
تاج البطولة لابسه مستحله
اكتب قصيد فيك مسرور يا هلال
هذا قصيدي فيك يفداك كل مختال
احبك والله احبك يالهلال
=======
وسلامي لكل هلالي وهلاليه
26-12-2008, 10:40 PM
قصائد الازرق
العرض العادي
