السـلام عليكمـ ورحمـه الله وبركاتـه

سبحـان الله وبحمـده سبحـان الله العظيـم

مالـي ومـال المقدمـات بـ ادخـل بالموضـوع علـى طـول

مـدري وش اخلـي اسـم الموضـوع قـلت اخليـه قريـب علـى اول نقطـه اقولهـا واتكلـم عنهـا


..{ 1
احيانـا يصيـر لـي موقـف اقـول يـوووه هـذا الموقـف صـار لـي قبـل انـا متأكـده لكـن ويـن ..؟؟!! ماألقـى اجابـه لكـن متأكـده مليـون بالميـه انـي شفـت الموقـف وكثيـر تصيـر لـي قبـل يوميـن او اكثـر كـذا قاعـده مـع بـنت والمكـان اللـي قاعـده فيـه اصـلا اول مـره اقعـد فيـه بحياتـي وصـار لـي مثـل هـذا الموقـف كأنـه مـر علـي قبـل سكـت قلـت لـ صديقتـي الموقـف هـذا صـار لـي قبـل مـع ان المكـان اول مـره اجلـس فيـه ..؟؟!! قالـت عـادي حتـى انـا تصيـر لـي كثيـر وان هـذا الموقـف شفتيـه يـوم كنتـي بـ بطـن امـك انـه يمـر علـي المواقـف هـذي لكـن مادخلـت مـزاجي المعلومـه هـذي ..!! وفيـه نـاس يقـولون انـه عالـم اخـر وفيـه نـاس يقولـون انـه والله ناسيـه المعلومـه بـس الزبـده ان الاشـارات ارسلـت بالمخيـخ مـدري المـخ الايمـن قبـل الايسـر ..!! والله اعلـم

2 }..

وفيـه بعـد احيانـا فجـأه ينتفـض جسمـي احيـانا الكتفيـن مـع اليديـن واحيانـا الرجليـن ونفـس الحالـه تصيـر مـع صديقتـي خصوصـا بالبـرد كثيـر تصيـر وقريـت بعـد معلومـه انـه زي الموجـب اذا تقابـل مـع الموجـب يتنافـر وكـذا اشيـاء تصيـر بالجسـم بعديـن تتننافـر وينتفـض الجسـم

..{ 3

عـاد هـذا الشـي اليـوم صـار لـي اخـر شـي منسدحـه بـ انـام غمضـت عيونـي لكـن كأنـي نايمـه ومـب نايمـه زي الغفـوه نايمـه واسمـع اصـوات اللـي حولـي زي مثـلا مسويـه الظهـور دون اتصـال واللـي يدخلـون اسمـع اصواتهـم المهـم اليـوم كـذا منسدحـه واسمـع صـوت المسـن ولكنـي دخلـت بـ حلـم مـب حلـم لا لا اقـل مـن الحلـم لحظـه بسيطـه امشـي وكأنـي طحـت بعديـن اقـوم غصـب عنـي مـن النـوم ومنفجعـه واحـس كـأن الدنيـا دارت اهـم شـي فهمتـوا اللـي اقصـده ..؟؟

4 }..

فيـه حركـات نفسيـه مانرتـاح اللـي اذا سوينـا الحركـات مثـلا انـا ماارتـاح الا والبـاب مسكـر ليـه مـدري بـ أي مكـان اقعـد لازم اسكـر البـاب ولا ماارتـاح حتـى لـو انـي نايمـه وفتحـت عيونـي لقيـت البـاب مفتـوح اقـوم اسكـره نفسيـه صـح ..؟؟ ولا الشاهـي مثـلا بـنت صـبت لـي شاهـي وحطـت سكـر ماتحركـه بالملعقـه اجـيب الملعقـه واحركـه لازم ولا مااحـس ان الشاهـي لـه طعـم حتـى بـنت خالتـي ماتحـب تلقـى أي غطـاه بيبسـي مثـلا ماانقسمـت نصيـن لازم قبـل ماترمـي الغطـاه تقسمهـا نصيـن ؟!

..{ 5

الحيـن بـ اشطـح بعيـــد انـا احـب فيزيـاء علـم الفلكـ بـس باقـي الفيزيـاء الـى الجحيـم المهـم اقـرى ذاكـ اليـوم عـن الكواكـب وصلـت لـ كوكـب المريـخ يسمونـه بالكوكـب الاحمـر ليـه ..؟؟!! لـ كثـره الحديـد فيـه وسبحـان الله كـان فيـه مسطحـات مائيـه وبحـار ؟؟!! هـذا اعتقـاد العلمـاء يقولـون كـان فيـه مـاء قبـل 4 مليـارات سنـه وكـان سـبب التسـرب لأن كـانت تتبخـر بشكـل دائـم وفيـه اكبـر بركـان بالمجموعـه الشمسيـه ولـه قمريـن وفيـه اعلـى جبـال اعلـى مـن جبـال الارض وسبحـان الله اذا وزنكـ علـى الارض 70 بالمريـخ 27 يعنـي توقعـون لـو رحـت المريـخ يصيـر وزنـي سالـب 1 اصيـر زي جسـم شاكيـرا استغفـرالله بـس لاجـد يعنـي توقعـون كانـت فيـه حيـاه << كـل ماجلسـت تفكـر قامـت تفكـر هـذا التفكيـر انـه فيـه حيـاه بـ كوكـب غيـر الارض لاصـدق والله احـس فيـه حيـاه بغيـر الارض والنـاس اللـي بالكوكـب الثانـي اشكالهـم غيـر ولهـم طبايـع وعـادات غيـر عننـا واحيانـا احـس لهـم ديـن بعـد مـب لازم بالكواكـب هـذي بـ المجـرات الثانيـه لا سبحـان الله يعنـي مثلـث برمـودا وماحـد وصـل لـه والقمـر يالله وصلـوا لـه والكواكـب مااحـد وصـل لهـا واحنـا بـ مجـره وفيـه غيرنـا ملاييـن مجـرات يعنـي جـد اشيـاء تخـوف عـاد كيـف كـل العالـم وكبـرها وحنـا ذرات ونسـوي ذنـوب بالهبـل يـارب ترحمنـا

والحمـدالله خلصـت افتكيتـوا اخيـرا

الزبـده بكـل الكـلام اللـي قلـته
1\ قـد صـار لكـم مثـل اللـي يصيـر لـي بـ اول ثـلاث مواقـف..؟؟
2\ لكـم حركـات نفسيـه مثلـي اذا لكـم وش الحركـات ..؟؟
3\ اخـر شـي تحسـون مثـل اللـي احسـه فيـه حيـاه بـ كوكـب غيـر الارض او مجـره غيـر درب التبانـه ..؟؟

..




موضوع شيق وجميل جدا




باتكلم أول شي عن اللي يصير لك بالموقف الأول ,
أذكر إني قد بحثت عن الموضوع هذا , وقريت أشياء كثيرهـ عن هالظاهرهـ هذي

الظاهرهـ هذي اسمها ( الديجافو )

طبعا حتى الآن ما أحد توصل لسر وأسباب هذي الظاهرهـ
كل ما في الأمر أن هناك فرضيات طرحت وكلها تحتمل الصواب والخطأ

أحد هذي الفرضيات والتي صدرت من المحللون النفسيون
يقولون لك إنه ناتج عن الرغبة الشديدة بتكرار ماضية

الأطباء قالوا إنه يحدث مايسمى بـ ( mismatching ) في الدماغ
يتسبب في جعل الدماغ يخلط بين الاحساس بالحاظر والماضي


طبعا علماء ما راء الطبيعة , افترضوا افتراضات مصلعه شوي
يعني ناتج عن خبرة في حياة ماضية عشناها , ومن الكلام الي ماله نهاية ... etc

على العموم ما أبي استرسل بالموضوع أكثر وأكثر
لأنه في أشياء كثيرهـ جدا جدا شيقه عن هالموضوع وهي فعلا تحتاج موضوع منفرد !


,

خلينا نبدأ بالأسئلة ,

انتفاض الجسم ,. كثير جدا يصير لي
مادري وش السر , ليت أحد يفيدنا بالموضوع هذا !

بالنسبة للي يجي وإنتي نايمه , كأني فهمت قصدك
يعني تكونين نايمه لكن تحلمين بالأشياء الي تصير حولك بنفس الوقت !

أنا عن نفسي أحيانا إذا كنت نايم وفيه حولي كذا واحد يسولفون مثلا
أحيانا أحلم بسوالفهم , أحس إنهم يسولفون علي بالحلم , طبعا أنا ما
أكون بوعيي لكن أذكر كل الي قالوهـ ومايخلو من الزيادات طبعا
فعلا ظاهرهـ غريبة جدا !

أقتباس

2\ لكـم حركـات نفسيـه مثلـي اذا لكـم وش الحركـات ..؟؟

فيه فيه , لكنها غريبة جدا ونادر أسويها
وما قد شقت أحد يسويها مثلي

أقتباس

3\ اخـر شـي تحسـون مثـل اللـي احسـه فيـه حيـاه بـ كوكـب غيـر الارض او مجـره غيـر درب التبانـه ..؟؟

شطحتك أليمة جدا ,
لكن أذكر إني قد قريت عن حياة سابقة قبل خلق آدم
والدليل على هالشي قوله تعالى " وإذ قال ربك للملائكة إني جاعل
في الأرض خليفة قالوا أتجعل فيها من يفسد فيها ويسفك الدماء "

يعني فسرها بعض العلماء إنه كيف علمت الملائكة أن بني آدم سيفسد في الأرض ,
نلاحظ أيضا أنهم قالوا ( خليفة ) وهو قول يدل على أنه يخلف من سبقه ,

طبعا البعض ذكر أنه فعلا يوجد حياة قبل البشر ,
والبعض الآخر فسر الكلمة على أنهم يتوالدون ويخلفون بعضهم ,

فعلا شي غريب ومن الصعب جدا إن لم يكن من المستحيل
التوصل للجواب على هذا السؤال , وهو هل كان هناك حياة قبل البشر ؟

,



بنت كاتلونيا
موضوع غاية في الروعة
وهو موضوع شيق جدا



..

هلا باليوفاويه

صباحك ورد

الموقف الأول اتوقع صار للكل شي محير صراحه

الموقف الثاني اممممممم تصير لي احياناً بالبرد بس انا كنت متوقع انه من البرد

الموقف الثالث على حسب اللي فهمته ايه يصير لي احس اني ابي اطيح واحرك ايديني واقوم مفزوع : ( تصير لي بالغفوات
واللي يصير لي دايم لا تقلبت ابي انام وجاني بداية النوم افكر بحاجات غريبه ولما اركز الا افكر بشي مدري وشو خرابيط
مدري شلون اشرح لكم بس انه شي ما ينشرح --> اسكت تكفى

أقتباس

2\ لكـم حركـات نفسيـه مثلـي اذا لكـم وش الحركـات ..؟؟

ايه لابد منها

انا لا طلعت ابي اداوم او رايح معزوم عند أحد وانا ماشي بالسياره اناظر الله يكرمكم نعالي مثل بعضهم أو لا

مدري ليش عجزت اتركها يمكن لاني شفت المرشد ايام الثانويه جاي وكل نعله شكل خخخخخخخ وتفشل بالطابور لاحظوه الطلاب المهبل

المشكله قبل اسبوع تقريباً وانا في السكن بالقريه اللي ادرس حولها طلعت من غرفتي ورايح للشباب جيراني
ودخلت وسلمت وجلست وجيت برجع اجيب شي من غرفتي واناظر نعالي الا وحده منهم الشبشب والثانيه الاصليه
وخذ تعليق عاد مدرس اخر زمن
ً
طبعاً فيه حاجات غير اللي ذكرت اسويها

أقتباس

3\ اخـر شـي تحسـون مثـل اللـي احسـه فيـه حيـاه بـ كوكـب غيـر الارض او مجـره غيـر درب التبانـه ..؟؟

لا هالمره انا مو مثلك


تشكراتي على هيك موضوع يالكاتلونيه

ما تلا حظين اللي ردوا يوفاويين وش هالتحيز
امزح موب لانك يوفاويه رديت بس رايق هالصبحيه وفاضي

؛


؛


روعه ..


بصرآحه .. فيه اشياء تصير لي ..

مثل الاشياء اللى تحدث بهالوقت وانا ادري وش بيصير بلحظتها .. ولا ندري وش السبب والكل يقول ويقول ..!

؛

ولا على الغفوه ولا النوم .. والله اليمه من جد .. :(

مثلا احس بضربه بتجيني ( بالنوم ) .. واقوم وانا شوي وباموت .. من الموقف وخوفي على نفسي

،


والحركات النفسيه .. اممممممم مدري بس لا موب ملازمه لي ..

؛


يعـآفيك ربي ..

<-ما علقت على الفضاء ولا درب التبانه لاني اموت فيها ولا ودي اتكلم ولا اسكت

يــآبت موضوعـك بطـــل...

الاسـئــله
....

آول موقف ..كثييير يصير لـي حـتى احيانا اروح لامي اقول سمي يمه شبغيتي >>وهي مانادتني
آتوقع خيـآلنا واسع

..
آلثــآني..كثييير تصير لـي
يعني مررآ كنت بغفوه ابغى انام وشي تخيلت نفسي اطيح من الدور الثالث >بالمدرسه
عاد سبحان الله مايجيني النوم ولا اتهنى بنومتي الا ازا انتفض جسمي..
ويآ تجيني بوقت النوم آو بالاسواق تشوفيني ناادرآ مـآروح للسوق
إزا شفت شله شباب متجمعين يجيني حاله غرررريبه مع انهم ماقالوا اي شي لي
بس مدري ليه تجيني

أقتباس

2\ لكـم حركـات نفسيـه مثلـي اذا لكـم وش الحركـات ..؟؟

آكيييد ياعوومري كثيير يصير لي آشيــآء غرريبه وماشوف احد من اهلي مثلي>>حالتي مستعصيه

أقتباس

3\ اخـر شـي تحسـون مثـل اللـي احسـه فيـه حيـاه بـ كوكـب غيـر الارض او مجـره غيـر درب التبانـه ..؟؟

بهالسؤال اتركه للمختصين>>ماتدري وين ربي حاطها

كل الود لقلبكـ

واخيراً القى احد مثلى ....

صراحه كثير تصير لى الاشياء الى ذكرتيها والمشكله ودى اصيح يوم اشوف نفس الموقف يتكرر

وبنفس الاحداث ، وكثير يقولون لي انى مبالغه

لدرجه انى بعض المرات احلم بالشء ةالقاء مثل الحلم وهذا مره يتعبنى

ومرات يتكلمون عندى وانا نايمه واسمع سواليفهم وكانى ارد في الحلم ومشاركتهم وانا اصلا نايمه ولايسمعون صوتى

واللى عرفته انك يوم تنامين فجاه تحسين انك بتطحين وتقومين بسرعه وهذى دايم تصرلي
يقولون هذا فيه احد حاسدك

أقتباس

\ لكـم حركـات نفسيـه مثلـي اذا لكـم وش الحركـات ..؟؟

الخير عندنا وعندك

احب دايم اكلم الأشياء الحين يقولون مجنونه

وبعد احب اقول لنفسي ايش ابس اسوى بصوت مسموع يعنى اقول مثلا الحين بابنت افتحى اجهاز وبعدين روحى اكلى وبعدين ارجعى وكذا يعنى >>>لا من جد بتقولون مجنونه

أقتباس

3\ اخـر شـي تحسـون مثـل اللـي احسـه فيـه حيـاه بـ كوكـب غيـر الارض او مجـره غيـر درب التبانـه ..؟؟

الله اعلم ومهما توصل الانسان لمعلومه يجد نفسه جاهل

ولكن الى اقدر اقوله الله يرحمنا برحمته ويفغر لنا تقصيرنا


شكرا لكـ بنت كتلونيـا

أخيرا لقيت أحد مثلي
س1/قـد صـار لكـم مثـل اللـي يصيـر لـي بـ اول ثـلاث مواقـف..؟؟
حتى أن مثلك أحس ان أغلب الاشياء قد صارت لي قبل كذا
واحيانا أتخيل أني طحت من على السرير وأقوووم خايفه اقول واي وش صار لي
ج3/فيـه حركـات نفسيـه مانرتـاح اللـي اذا سوينـا الحركـات مثـلا انـا ماارتـاح الا والبـاب مسكـر ليـه مـدري بـ أي مكـان اقعـد لازم اسكـر البـاب ولا ماارتـاح حتـى لـو انـي نايمـه وفتحـت عيونـي لقيـت البـاب مفتـوح اقـوم اسكـره نفسيـه صـح ..؟؟
صح* حتى أن ما أرتااح الا والباب مسكر مدري ليه حتى مره بنت عمي نامت معي تقول لي أنا ما أحب أنام الا والباب مفتوووح قلت لها نامي واسكتي

..


اهلا بنت كتلونيا

صراحه موضوعك شي
نخش دوغري بالاسئله

الموقف الاول :اووووه ياكثر مايصير لي والله اموت من القهر بعدها اقعد افكر وافكر وين شايفته وين بس ماش مااطلع بزبده

أقتباس

وان هـذا الموقـف شفتيـه يـوم كنتـي بـ بطـن امـك انـه يمـر علـي المواقـف هـذي

ايه صح حتى انا سمعت بكذا بس مني مقتنعه فيها

الموقف الثاني:تجيني بعد وصادقه خاصه في الشتاء
الموقف الثالث:مافهمت قصدك بس على حسب اللي فهمته بقولك.. احيانا توني ماغفيت مااحس الا وانا انتفض ههه كني طايحه من شي عالي جبل اودرج هذا ياكثر مايصير لي بعد

أقتباس

\ لكـم حركـات نفسيـه مثلـي اذا لكـم وش الحركـات ..؟؟

ايه والله عندي حركه او بالاصح عاده غريبه شوي اذا لمست اي شي لازم اروح اغسل يديني مثلا يعني امممممم
وش اقولك يعني الاشياء العامه مثل باب او الكراسي في الجامعه او ستاره مثلا<- - موعارفه تشرح
واذا ماغسلت احس شي فوق يدي <- - موسوسه ض1

أقتباس

\ اخـر شـي تحسـون مثـل اللـي احسـه فيـه حيـاه بـ كوكـب غيـر الارض او مجـره غيـر درب التبانـه ..؟؟

انا والله ماكنت مقتنعه بها السالفه ابدا بس اذكر يوم اني في الثانوي كانت معلمتنا تسولف علينا فيها وهي مقتنعه بهالشي من جدها يعني الى مااقتنعت انا لا وبعد قمت اتخيل اشكالهم خخخخخخخـ


بنت كتلونيا
موضوعك ممتع
كل الشكر
لك


..

يعطيك العافيه موضعك قيم .......

النقطه الاول / في عالم سعودي يقول انه الانسان اول مايطلع من بطن امه

يمر شريط حياته قدامه عسان كذا يقول كني شايفه من قبل

1\ قـد صـار لكـم مثـل اللـي يصيـر لـي بـ اول ثـلاث مواقـف..؟؟

الموقف 3 ونا نايمه اسمع صوت الاذان عاد آخر مره سمعته سويت شي مت

على نفسي من الضحك انا نايمه احين ماعلي شر سمعة صوت لاذان ونا منسدحه

اكبر وربي قريت صورة الفاتحه بعدين اسوعبت

2\ لكـم حركـات نفسيـه مثلـي اذا لكـم وش الحركـات ..؟؟

مستحييييييييييييييييييييييييييييييييل انام الا اذا مسكت الغطا

ليه مادري من يوم ما انا صغيرهـ امي تقول كاني عندي غطا صغير وين ماروح

معي اسحب وراي واذا حد بس يجرب يلمس اقوم الدنيا


3\ اخـر شـي تحسـون مثـل اللـي احسـه فيـه حيـاه بـ كوكـب غيـر الارض او مجـره غيـر درب التبانـه ..؟؟

هو بيني وبينك كل شي جايز يمكن بعدين نحول المريخ بس كيف نعيش

على كوكب مافيه جاذبيه نجلس نطير على طول ...

عســاكـ ع القــوهـ

اهليـن تـواق

اقتباس:

المشاركة الأصلية كتبت بواسطة تــوّاق .. الظاهرهـ هذي اسمها ( الديجافو ) طبعا حتى الآن ما أحد توصل لسر وأسباب هذي الظاهرهـ كل ما في الأمر أن هناك فرضيات طرحت وكلها تحتمل الصواب والخطأ أحد هذي الفرضيات والتي صدرت من المحللون النفسيون يقولون لك إنه ناتج عن الرغبة الشديدة بتكرار ماضية

كثيـر كثيـر تصيـر لـي وش ابـي بالماضـي مابـي الماضـي يتكـرر

أقتباس

على العموم ما أبي استرسل بالموضوع أكثر وأكثر
لأنه في أشياء كثيرهـ جدا جدا شيقه عن هالموضوع وهي فعلا تحتاج موضوع منفرد !

يلـه تشيطـر ونـزل موضـوع تـرى والله نستفيـد مـره تبـي اساعـدك عـادي

أقتباس

بالنسبة للي يجي وإنتي نايمه , كأني فهمت قصدك
يعني تكونين نايمه لكن تحلمين بالأشياء الي تصير حولك بنفس الوقت !

أنا عن نفسي أحيانا إذا كنت نايم وفيه حولي كذا واحد يسولفون مثلا
أحيانا أحلم بسوالفهم , أحس إنهم يسولفون علي بالحلم , طبعا أنا ما
أكون بوعيي لكن أذكر كل الي قالوهـ ومايخلو من الزيادات طبعا
فعلا ظاهرهـ غريبة جدا !

هـذي بعـد حالـه ثانيـه لكـن اللـي اقصـده اللـي اصيـر تـوي نايمـه مابعـد استغرقـت بالنـوم فجـاه لحظـه زي الحلـم امشـي واطيـح مثـلا امشـي بـ مزرعـه واطيـح بـ حـوض نخـل واقـوم منهبلـه لكـن اللـي تقـول عنـه هـذي ايـه تصيـر لـي اهـرج معهـم لكـن انـا نايمـه

أقتباس

شطحتك أليمة جدا ,
لكن أذكر إني قد قريت عن حياة سابقة قبل خلق آدم
والدليل على هالشي قوله تعالى " وإذ قال ربك للملائكة إني جاعل
في الأرض خليفة قالوا أتجعل فيها من يفسد فيها ويسفك الدماء "

يعني فسرها بعض العلماء إنه كيف علمت الملائكة أن بني آدم سيفسد في الأرض ,
نلاحظ أيضا أنهم قالوا ( خليفة ) وهو قول يدل على أنه يخلف من سبقه ,

طبعا البعض ذكر أنه فعلا يوجد حياة قبل البشر ,
والبعض الآخر فسر الكلمة على أنهم يتوالدون ويخلفون بعضهم ,

فعلا شي غريب ومن الصعب جدا إن لم يكن من المستحيل
التوصل للجواب على هذا السؤال , وهو هل كان هناك حياة قبل البشر ؟

هالشطحـه مسويـه ألغـاز بـ راسـي
الله اعلـم وبيصيـر مستحيـل التوصـل للاجـابه اكثـر اذا كانـوا بـ مجـره غيـر مجرتنـا

نـورت تـواق ونـزل موضـوع عـن الظاهـره اللـي تبـي موضـوع منفـرد >> احـس انـي نشبـت لكـ



؛؛

هـلا باليوفـاوي

اقتباس:

المشاركة الأصلية كتبت بواسطة فرحان الشمري هلا باليوفاويه صباحك ورد

هـلا باليوفـاوي

أقتباس

الموقف الثالث على حسب اللي فهمته ايه يصير لي احس اني ابي اطيح واحرك ايديني واقوم مفزوع : ( تصير لي بالغفوات
واللي يصير لي دايم لا تقلبت ابي انام وجاني بداية النوم افكر بحاجات غريبه ولما اركز الا افكر بشي مدري وشو خرابيط
مدري شلون اشرح لكم بس انه شي ما ينشرح --> اسكت تكفى

ايـه صـح فهمتـك والله تصيـر لـي واحيانـا اصـلا اقـول كـلام مـدري وشـو وحتـى اكـتب كـلام وانـا اسولـف احيانـا مـدري وشـو ذاكـ اليـوم بـ ارد قلـت بيلعـب ترزيجـه لكـن مصـاب نيدفيـد وش دخـل تريزيجـه بـ نيدفيـد علينـا طلعـات مـدري وش تبـي

أقتباس

ايه لابد منها

انا لا طلعت ابي اداوم او رايح معزوم عند أحد وانا ماشي بالسياره اناظر الله يكرمكم نعالي مثل بعضهم أو لا

مدري ليش عجزت اتركها يمكن لاني شفت المرشد ايام الثانويه جاي وكل نعله شكل خخخخخخخ وتفشل بالطابور لاحظوه الطلاب المهبل

المشكله قبل اسبوع تقريباً وانا في السكن بالقريه اللي ادرس حولها طلعت من غرفتي ورايح للشباب جيراني
ودخلت وسلمت وجلست وجيت برجع اجيب شي من غرفتي واناظر نعالي الا وحده منهم الشبشب والثانيه الاصليه
وخذ تعليق عاد مدرس اخر زمن
ً
طبعاً فيه حاجات غير اللي ذكرت اسويها

ههههههههههههههههههههههه علـي حركـات مـدري وش تبـي اذا مشيـت اشـوف الارض احـط عينـي علـى شـي معيـن بالارض لازم اطـاه طفشـت مـن هالنفسيـه هـذي ابـي تـروح ولا حالتـي حالـه عـند كـل مبـاراه اجلـس طـول المبـاراه جلسـه وحـده احـس احـد يقـولي اذا غيرتـي الجلسـه بـ تنهزمـون

أقتباس

تشكراتي على هيك موضوع يالكاتلونيه

ما تلا حظين اللي ردوا يوفاويين وش هالتحيز
امزح موب لانك يوفاويه رديت بس رايق هالصبحيه وفاضي

ههههههههه لا تـواق ميلانـي متعصـب لايغـرك انـه يتعاطـف مـع اليوفـي بـس ياهـو مايطيقهـم

نـورت ياليوفـاوي وهـاردلك الخسـاره



؛؛

اهليـن ايامـي بوجودهـ

اقتباس:

المشاركة الأصلية كتبت بواسطة أيامي بوجوده الموقف الاول : يوهـ يا كثرها تصير وتقهر بس اللي اعرفه ان العين اليمنى مرتبطه بالجزء الايسر من الدماغ والعين اليسرى مرتبطه بالجزء الايمن ومرات العين تشوف الشيء قبل الثانية وترسله للجزء المرتبطة فيه ويتخزن في الذاكرة و تجي العين الثانية ترسل هالشيء للجزء المرتبطة فيه فـتلقاه موجود عاد مدري هو صدق ولا !

هـذا اللـي اسمـع فيـه بعـد لكـن الله اعلـم مانـدري وشـو

أقتباس

الموقف الثاني : الانتفاضـة مو الشيطان بسم الله علينا

بسـم الله علينـا وشلـون يعنـي >>

أقتباس

المواقف الثالث : تصير لي اكثر شيء وقت المحاضرات
يعني مثلا انا نايمة بس اسمعها وش تقول
ومن احس انها تدق بالكلام اقوم بسرررعة
بس انا نايمـة ،

تصيـر لـي هـذي لكـن اذا كـان ذابحنـي النـوم بمجـرد احـد يعلـي صوتـه افـز واصحصـح لحظتهـا

أقتباس

الشطحة أليمـة بشكل
وانا أقرأ جاء فبالي عندهم نت او لا !
مرة قريت كتاب عن المخلوقات الفضائية وحاطين صور وكذا
من جد هالكتاب رعب قريت حقائق علمية و اشياء غريبة وبعضها تخوووف
يعني فيه مخلوقات مثل اللي تجي في الرسوم المتحركة
وفيـه حياة ثانية بالكواكب الثانية والفضـاء ..
عاد لو قريت الكتاب كله يمكن تلاقيني في شهـآر ،
ما نقول غير سبحــان الله

هههههههههههههههه نـت نبـي نعـرف هـو فيـه احـد غيرنـا ولا لا بـس
هههههههههههههههههههههههههههههههه شهـار هههههههههه بـس ياليـت تجيبيـن لـي اسـم الكتـاب

أقتباس

بنت كتلونيـا
موضوع حـلو وممتع
عوافي’

الاحلـى مروركـ حبيبتـي مشكـوره ونورتـي