,
مساء / صباح .. تتناغم بـ ألحان العندليب .. 
،
هناك !
على جدار ذلك الزمان !
ينزف لكم ما يخبئه في ثنايا قلبه ..
بينما نتسائل هل هو القلب النازف .. !
ام هو صوت الحب القادم .. !
بصم هو .. و قال بـ كلمته .. !
إنّه صوت الحب الأول .. و صوت الوله .. !
,
إحساس عالي في الغناء .. !
إبداع .. و ذوق في كلماته .. !
إمتلاك .. لـ القلوب بـ رومنسيته .. !
,
لقب بـ " عندليب الخليج " و " سيد الاحساس " و لكن جميع هذه الالقاب لا تكفي لوصف هذا
الفنان الذي دائماً ما يعبر عن بعض ما يسكن في قلوبنا . .
فنان يمتعنـا بـ ادائـه . . احساسه . . اختياراتـه . .
يملك خامـه صوتيه لا يملكها فنان آخر في الخليج او الوطن العربي و يكفي انه يجيد اختيار
الاغاني التي تناسب صوته ويعرف تماماً ما يريده الجمهور منـه . .
,
سعد بن لطيف بن دحام بن فهيد القشعم الشمري
[ نبذهـ عن حياته و مسيرته الاجتماعية و الفنية ]
كان سعد الفهد إنسان بسيط يسكن بمنطقة الجهراء في منزل متواضع وكان يحلم منذ الطفولة
بالغناء لأنه كان مطرب في المدرسة وقد تعلم العزف على آلة العود بإجادة تامة وقبل أن يدخل
الوسط الفني كان معروفاً على المستوى الشعبي وكان صوته محبب للنفس وقريب للقلب وقد
امتدحه عبدالله الرويشد ونبيل شعيل وعبدالرب إدريس وعبدالمجيد عبدالله فعلق هذه الشهادة
على جدار أمنياته تمهيداً للمنافسة واللعب مع الكبار .
كان لسعد 4 أخوان أكبرهم شلال وترتيبهم كان شلال وفهد وهلال وسعد ومساعد ، كانت بدايته
الفعلية بالفن من خلال السمرات التي كان يحيها بين أصدقائه وقد كسب جمهور كبير من خلال هذه
السمرات وبعد قام سعد الفهد بتوقيع عقد احتكار مع شركة الخيول حيث غنى الفنان سعد الفهد
أول ألبوم له في سنة 1996 وكان بعنوان ( عين الحسود ) ونجح هذا الألبوم و كان بداية جيده في
مشوار هذا النجم ثم قدم البوم ( عابر سبيل ) ثم البوم ( الضحكة الحلوة ) وقدم البوم آخر في 1999 بعنوان ( يا شاطر بجرحي ) وبعدها بشهور توجهت إليه تهمه وسجن على أثرها 6 شهور وبعدها
طلع براءة ولم يصدر سعد الفهد ألبوم لمدة 3 سنوات فحرم عشاقه من صوته بسبب هذه القضية .
ولكن أعادت قطر لهذا العندليب قواه مره ثانيه باحتضانه بين أبنائها واعتباره من سفراء الغناء بقطر ولم يخيب أمالنا فقد قام باختيار أجمل الكلمات والألحان ليخرج في سنة 2002 بألبوم حمل عنوان
( إسحاق ) وكان من إنتاج شركة روتانا و حقق هذا الألبوم نجاح كبير ومن الأغاني التي لاقت أصداء جميله " أيام و ليالي " ، " وش تبي فينا " ، " تعبت " ، " إسحاق " وصور أكثر من أغنيه على طريقة الفيديو كليب وهي " أيام وليالي " ، " تعبت " ، " وش تبي فينا ".
وتعد ابرز مشاركاته في المهرجانات الغنائية هي المشاركة في مهرجان [ الدوحة الغنائي ] وشارك ايضاً في عدد كبير من الاحتفالات والمهرجانات الموسيقية منها مهرجان [ جده غير ] و سعد الفهد أعزب و عمره 33 سنه ويعمل في إذاعة دولة قطر وهو متفرغ للفن ومن هواياته كرة القدم و السباحة والسفر .
,
كلمات أشهر أغانيه :
[ مسرحيه ]
ادري بس ودك تشوفه قلبي متكدر و طايح
و ادري مثلك لا لقاني طحت ما سمى عليه
روح اذا ودك تروح ما يهمني وين رايح
لا تمثل دور عاشق لا تسوي مسرحيه
لا تعلمني الحياه لا تقدم لي النصايح
يعني فاعل خير تتمنى لي العيشه الهنيه
حيل ضحكني كلامك ما تحب انت الفضايح
و انت لو تقدر ثواني كان تخلق لي الاذيه
بارع في صف الكلام و عيشتك كلها مصالح
لا تسوي لي حكايه قيس و ليلى العامريه
وفر اعذارك و كذبك غيري محتاج النصايح
يمكن اسلوبك يفيدك و تخدع احساس الضحيه
طاح غيرك من عيوني شي عادي وانت طايح
وانتهى الفصل الاخير من فصول المسرحيه
[ نصيب الغير ]
اقدر موقفك و اعذرك و اذكر عشرتك بالخير
و اكرر شكري و تقدير قلبي يا بعد قلبي
و اقول آسف على حزنك على بعدك على التقصير
امانه عش حياتك و اترك همومي تسافر بي
حياتك تستحق التضحيه و الصبر و التفكير
حرام يضيع حلمك يا رفيق الدرب في دربي
بلحظه كيف صرت اقسى من الفرقا بلا تبرير
و انا اللي ليلة فراقك بغيتك تاقف بجنبي
تصاحبك السلامه و الاماني يا نصيب الغير
انا كل الكلام اللي بقوله يحفظك ربي
و تبقى اكبر و اكبر بعيني و الزمان صغير
ولو ما قلت احبك كل يوم يقولها قلبي
[ توّك تجي ]
توك تجي وش ترتجي
عقب السنين وش ترتجي
جا الفرح من عاشق منك انجرح
آه يالفرح معذور و الله يالفرح
فيما مضى كنت احتمل منك الجفا
فيما مضى كان لي أمل اصادف بحبك وفا
يا حبي يا حلم السنين ضيعت انا حروفك
عيشتني طول السنين باكي على كفوفك
و اليوم قولي وش جرى
اليوم شوقك فيك سرى
ليش تاخذ العمر و تجي
وش باقي عندي ترتجي
جا الفرح من عاشق منك انجرح
آه يالفرح معذور و الله يالفرح
لو طاوعت انا نفسي و سلمت لك قلبي بيديك
تقدر ترد امسي و عمري اللي ضيعته عليك
ياحبي قولي ليش تمر في غفلة اشواقي
و انا بربيع العمر تتساقط اوراقي
خايف على روحي من صحوة جروحي
ليش تاخذ العمر و تجي
وش باقي عندي ترتجي
جا الفرح من عاشق منك انجرح
آه يالفرح معذور و الله يالفرح
[ الناس ]
الناس تسأل عن بعض
تشتاق و تحن لبعض
و انا و انت للاسف
ما كنا حبينا بعض
كل الامور تغيرت
و ايامنا الحلوه اختفت
حبيبي ليش قلوبنا
على البعاد تعودت
ما عاد للهفه طعم
و قلوبنا تنزف الم
و الحب نتحسر عليه
صرنا حبايب بالاسم
[ علامك ]
علامك يا حبيب القلب ناسي
غرام ضمنا يوم سويه
عذاب القلب خلاني اقاسي
و نار الشوق في روحي قويه
اهلي بك الين اقبلت ماشي
تطالعني و لا ترد التحيه
هلا بك يا بعد عمري و ناسي
تصد بلا سبب هذي خطيه
مكانك في عيوني و فوق راسي
و قدرك فرض مكتوب عليه
انا المجروح ينادي احساسي
و صوتي ذاب في عشق بدويه
[ اذا ناوي ]
اذا ناوي على الروحه و حاسب للغياب حساب
ابي اسأل قبل لا تروح قلبي وين خليته
انا ما ادري من المخطي و لا اقدر ازيد عتاب
عطيتك قلب يا قلبي يا ريتك بس داريته
نويت تروح يالغالي و لا ادري وش الاسباب
و نور الشوق في عيني دخيلك ليه طفيته
خلاص اشوف ما ودك تعاتبني عتاب احباب
حرقت القلب في بعدك و اشوفك حيل مليته
ترى قلبي مثل ورد ٍ كساه الرمل و صار تراب
ياليتك بس بيدينك هذاك الورد ضميته
مدامك بايع العشره و ناوي تقفل الابواب
ابي اسأل قبل لا تروح قلبي وين وديته
[ شوقك غلبني ]
شوقك غلبني و انت مجنني
ياللي محيرني آخرتها ايه وياك
بعدك تاعبني اقرب تبعدني
لو لحظه تجيني تلاقي روحي معاك
آه حيره و الم فيا
اداري اتشوفها فيا عينيك
آه انت و زماني عليا
ازاي هوايا هان عليك
من صغر سني بأحب اللي يحبني
و اللي محيرني قلبي ليه يهواك
ارجوك طمني ما بلاش تجرحني
انا احبك لاني هوايا هو هواك
آه ياقلبي و يا عينيا
ناديني تلقاني ملك ايديك
آه انت و زماني عليا
تعالا تحضن ايديا ايديك
[ عشرة ]
عشرة ترى غيرك عندي يتمنوني
بس عيبها اختارت حبك انا عيوني
سلمت لك روحي و سلمت لك عيني
عرفت لي فعلا ً من وين انا تجيني
ساحر حبيبي انت و الا الهوى ساحر
من شفتك و قلبي على البعد مو قادر
عشره و لا هزوا في داخلي شعرة
و انت بشر واحد ضيعت لك عشرة
[ ياهي قويّه ]
لو جت من غيرك ترى كان هانت
اما تجي منك ياهي قويه
كذبت فيك احساسي و ناس قالت
ما كنت اصدق ان حبك خطيه
الحمدلله نية الغدر بانت
اشكرك يالجاحد على اغلى هديه
و ابشر بصبري و عزة ٍ ما تهاوت
و نفسي برغم الجرح ماهي رديه
كنت احسب الدنيا معي تو زانت
و اتري معاك ازرع شقاي بأيديه
ما الوم الا نفسي و كيف لانت
مع واحد ٍ مثلك و كانت عصيه
[ جيت أشتكيلك ]
جيت اشتكيلك من على الوقت ابي ارتاح
لقيت نفسي اشتكي من همومك
يا عونة الله ما بقى شي ما راح
مدري الوم الوقت ولا الومك
جيتك و قلت بعالي الصوت يا صاح
بالله ساعدني ترى اليوم يومك
لا النفس مرتاحه ولا القلب مرتاح
حسيت نفسي واحد من خصومك
اثريك صاحب بس في وقت الافراح
وبكل سهوله ترخص من يسومك
الله يعين القلب و شلون يرتاح
لو كن على همومي تحمل همومك
[ تناديني ]
تناديني و اجي ملهوف و اقول امر حبيبي سم
اثاري ما تناديني تخيلتك تناديني
وانا اللي جابني صوبك احسايس بكت من هم
تخيلتك بدون شعور ابيك انت تواسيني
انا من غيرها عيونك احس الكون ذا مظلم
حرام تغيب بسماتك يكفيني الذي فيني
ابيع العمر من اجلك ولا انك بس تشوف الهم
انا والله من غيرك حبيبي ما ابي سنيني
[ مهما شكيت ]
مهما شكيت و مهما توسلت
انا نهيت كل شي وانا اتحمل
نعم ضحيت في حبي و تماديت
و عن الدينا و ما فيها تخليت
انا مليت حتى من حياتي
انا وياك كل لحظه اتدمر
و تبيني ارجع بلحظه و اسامح
خساره كل شي فينا تغير
نعم قلبي بلا رحمه ظلمته
عديم احساس قلبك ما رحمني
وحنيني اااه ضيعني حنيني
عطيته كل شي لكن خدعني
[ اسحاق ]
اسحاق مالك كذا دوار بالاسواق
اسحاق جسمك غدا ناحل من الاشواق
في مشيتك بركان توقف على البيبان
ازعجت اهل الحي بالصوت و الهذيان
كل يشاور عليك و الناس تنظر اليك
وتقول يا اسحاق مالك كذا
باين عليك التعب ضعيت محبوبك
دمعك سقى وجنتك سايل على ثوبك
في نظرتك احزان في كلمتك اشجان
متهالك الخطوه اااااه ولا معاك عنوان
مالك و مال الهوا كم ناس من قبلك
يا اسحاق ضاعو سدى و اتجرحو مثلك
تغربو ازمان و عاشو بلا اوطان
في الهم و البلوى اااااه و الشوق و الحرمان
[ يا قلبي ابتسم ]
لا خذلك الوقت يا قلبي ابتسم
الزمن طبعه كذا فرحه و هم
لملم جروحك و خل ما فيك فيك
يوم لك يا قلبي و عشره عليك
من قديم الوقت و الدنيا كذا
الفرح متبوع دايم بالاذى
مستوى وضع الاصابع في إيديك
يوم لك يا قلبي و عشره عليك
للاسف ما طعت شوري العنيد
كل يوم تزيدني جرح جديد
انت باليني و حظك مبتليك
يوم لك يا قلبي و عشره عليك
[ عابر سبيل ]
ان عدل خلي زماني ما عدل
و ان عدل يفرض علينا المستحيل
اطلبه لحظه و يطلبني بدل
العمر يمضي وانا عابر سبيل
عيشتي في احزان و وجدان و ملل
ابتسم للناس و الخافي عليل
اتظاهر بالسعاده و الامل
و العنى و الهم في عيوني دليل
يا هموم كبرها كبر الجبل
يا هموم ما تحملها صميل
اتحملها علشانه و اهل
دمعتي و اناجي الليل طويل
[ لو ما تبيني ]
لو ما تبيني كان ما تسأل وراي شصار فيا
لو ما تبيني ليه تحرق روحك وقلبك عليا
مو نصحتك لا تعاند لا ولا كنك سمعت
خليت ورحت عني ابتعت وهذا إنت بالآخر رجعت
جالك كلامي قلتلك اصبر حبيبي ولا اتسرع
مهما بتبعد بالنهاية يضيق فيك الوقت وترجع
مو نصحتك لا تعاند لا ولا كنك سمعت
خليت ورحت عني ابتعت وهذا إنت بالآخر رجعت
لو ما تبيني كان ما تسأل وراي شصار فيا
لو ما تبيني ليه تحرق روحك وقلبك عليا
برحم شعورك وراح أسامح بالهوا طيشك واصدق
لكن تأكد ثاني مرة إن عتها انسى أردلك
مو نصحتك لا تعاند لا ولا كنك سمعت
خليت ورحت عني ابتعت وهذا إنت بالآخر رجعت
لو ما تبيني كان ما تسأل وراي شصار فيا
لو ما تبيني ليه تحرق روحك وقلبك عليا
[ هجر الحبيب ]
هجر الحبيب طول علي مدري متى مثل الأول يعود
مدري قسى ولا نسى ولا تعلم على الصدود
وين إللي كان عايش على ضحكت حبيبه
وين إللي يقول إن نصيبي من نصيبه
ليه تغير قولولي ليه واهوا إللي بعده ما أقدر عليه
ردولي قلبه ردولي حبه يا ناس أبيه والله أبيه
هجر الحبيب طول علي مدري متى مثل الأول يعود
مدري قسى ولا نسى ولا تعلم على الصدود
فيني غرام للي نساني وما ذكرني
ذابحني حيل هجره يا ليته ما هجرني
من راح وقلبي عايش حزين مليان شوق ولهفة وأنين
ردولي قلبه ردولي حبه يا ناس أبيه والله أبيه
[ لا تضايق ]
لا تضايق وتزعل ما جرحني خطاك
ولا تأسف لجرحي وأنت جرحي تبيه
غلطتي كل لحضة من حياتي معاك
اتذكر خطاياك واتحسف عليك
راح عمري أدور بالسعادة رضاك
وأنت همك عذابي بالشقى تشتريه
لا عذابي ولا جرحي وهمي كفاك
الخيانة صفاتك والغدر لك شبيه
ابتعد عن عيوني كان هذا وفاك
لا تحاول عقب نسيان قلبي تجيه
منك قلبي خذا حبه مثل ما عطاك
وإيش بقى عقب هذا معك وارتجيك
[ نعم تقدر ]
نعم تقدر تفارقني وتنساني وتلقالك في هالدنيا أحد ثاني ما تقدر
ولكن مثلي ما تلقى وإذا تقدر معايا الحين يجيلك يوم ما تقدر
نعم تقدر تقول إني مجرد حلم أو قصة انتهت في يوم
ما تقدر تمشي في العناد أكثر ومهما طالت الأيام مصيرك يوم ترجعلي
أنا وياك واتحداك والأيام ما بينك وما بيني ما تقدر
كل صبر صبرته يوم كل لحضه قضيناها بتندم مهما طال الوقت
[ كان زمان ]
كان زمان بينا غرام من دبنا فيه نتحدى بيه ونعلموا
كان عشان نعشق كمان إللي انجري الناس عليه يتكلموا
شوف كنا إيه وبإينه إيه من أحباب
كتير غراب عايشين عذاب وبيتألموا
لا حبيبي ولا لي كلام معاك راح حبي ماضي ألبي إنساه
ده حبيبي إللي عرفتوا زمان كان هواه غالي عليه ما عشت جرح معاه
حد تاني هو إللي ألبي هواه قي ليه بعد إيه
إللي بينا إنساه ما راحش
شوف كنا إيه وبإينه إيه من أحباب
كتير غراب عايشين عذاب وبيتألموا
[ حبيبي لا ]
حبيبي لا جاك مني يا منى الروح زلة
ليه اتبلى ليه معطيك روحي ومالك القلب كله
فيني اتسلى ولا غرامي قلبك اليوم مله
الشكوى لله الغيد بيدك اعقد الغيد وفله
حبيبي لا جاك مني يا منى الروح زلة
ليه اتبلى ليه معطيك روحي ومالك القلب كله
قلت اتغلى وبعدين صغير وتجهل الحب وأهله
القلب عله حبيبي لا تزيد الطين بله
[ وين المحبه ]
وين المحبة كيف قلبك نسيها
وين المشاعر إللي كنا عليها
وين العواطف كلها يا حبيبي وين .. وين
أحلى الليالي إللي عشناها نبيها
كل السنين إللي مضت عشمتنا
غرتنا الدنيا وتالي خدعتنا
أمنا للأيام وإهيا فرقتنا
دنيا غريبة الله أكبر عليها
كيف اتبرى مني يا أعز غالي
كيف اتجاهل حبي وانشغالي
ولا الزمن نساك حالك وحالي
نسيتي عشرتنا وقلبك نسيها
ارجع تعال نكمل إللي بدينا
ذاك الغرام وحبنا إللي بنينا
حرام نهدم ما بنينا بدينا
ترى العمر واحد وتمضي سنينه
[ آخر أحبابي ]
متى حسيت في غيابي يا أول وآخر أحبابي
عطيتك روحي ما حسيت عشاني يهمك عتابي
صغير ومهما علمتك ترد تخطي وسامحتك
خطاي وذنبي أستاهل بيديني قلبي سلمتك
متى حسيت في غيابي يا أول وآخر أحبابي
عطيتك روحي ما حسيت عشاني يهمك عتابي
حسبتك راحتي ودنياي وتعيش لفرحتي وارضاي
كفاية يا عمري إللي راح تبي تنهي على إللي جاي
متى حسيت في غيابي يا أول وآخر أحبابي
عطيتك روحي ما حسيت عشاني يهمك عتابي
[ عودتني ]
عودتني كل يوم اسمع انا صوتك
وعودتني لا ضاق صدري ماتخليني
والله وغيابك طال مدري وش اسبابه
وان غاب صوتك خيالك باقي في عيني
ان كنت زعلان قلي وش هي ذنوبي
الكون يزعل ولا تزعل يا محبوبي
اضيع من دوونك واضيع اجمل دروبي
ياخوفي تنساني وتنسى كل عناويني
عودتني .. لا ضاق صدري ماتخليني
بالحيل محتاجك تعال قدر ضروفي
فيني هموم مالقيت الي معي يوفي
وينك تعال ابعد همومي وضني وخوفي
صوتك يا اجمل حب ياعمري يكفيني
عودتني كل يوم اسمع انا صووتك
وعودتني لا ضاق صدري ماتخليني
,
إنتهى
إن شاء الله أكون وصفت شي بسيط من جمال و روعة سعد .. !
و ننتظر ألبومك يا سمي على أحر من الجمر .. !
سي يوـو .. ’ 
11-11-2008, 08:56 PM
رد: | ~ سعد الفهد .. الخليج لا يزهو إلا بـ عندليبه .,’ ~ !
رد: | ~ سعد الفهد .. الخليج لا يزهو إلا بـ عندليبه .,’ ~ !
العرض العادي
