الجزء الثالث,,
كان الحزن يعم أرجاء البيت.. أم ياسر بـ غرفتها تصلي وتدعي ربها يهون على زوجها.. يثبته عند السؤال.. يرحمه بـ رحمته..
بعد ما اعترف أبو عبدالرحمن بـ غلطته وإنه ذبح أخوهـ قرروا تكفين أبو ياسر...
ياسر بغرفة أمه: بنروح ندفنه بعد مانغسله..
أم ياسر وهي تحاول تتماسك عشان ولدها: الله معك وأنا أمك انتبه لأخوانك.. وتصبر ..
ياسر: إن شاء الله..
بـ المقبرة..
الكل حزين على فقد أبو ياسر.. موقف مؤثر خصوصاً إنه كان بـ كامل صحته.. وانفقد فجأة..
عبدالرحمن وبـ طهارة قلبه المعهودهـ قرر بعد ماعرف إن الصلاة عليه اليوم يروح ويسوي واجب العزاء مع عيال عمه..
لكن المفاجأة إن ياسر ماتحمل شوفته..
ياسر: إنت شالي جابك.. تتشمت فينا.. تشوف سواة أبوك
عبدالرحمن بـ حزن: هذا عمي .. وواجب علي أجي أوقف معكم..
ياسر: مانبي لكم شئ.. وعزاك مرفوض.. اطلع مانبي منك صلاة مايكفي ذبحتوه..
أبوخالد: لا ياولدي .. مايجوز لك هـ الكلام..
ياسر: ويجوز لـ أبوهـ يذبح أبوي.. طلعوه ما أبي أشوفه..
طلع عبدالرحمن بـ إنكسار ..هم الدنيا كله فوق راسه.. هذي بداية الفرقى بينهم وبين عيال عمه..
ودهـ لو الزمن يرجع لحظه ومايصير اللي صار..
دخل البيت بعد ما لقى ذكرى جالسة بـ الصالة..
عبدالرحمن: السلام
ذكرى: وعليكم السلام .. صليتوا على عمي.؟!
عبدالرحمن منزل راسه: لا
ذكرى: شفيك؟
عبدالرحمن: ياسر معصب ورفض أصلي..
ذكرى بـ قهر: لا تلومه هذا أبوه.. ياسر قلبه كبير وبينسى إن شاء الله..
عبدالرحمن: ريم نايمة..؟
ذكرى: ايه ومن أمس وهي تبكي..
عبدالرحمن: أنا مدري شاللي جانا..؟!
ذكرى: قدر ربك.. بيختبر فينا الصبر..
عبدالرحمن: كلمتي أمي وقلتي لها..!
ذكرى بـ حزن: ايه
عبدالرحمن: وش قالت بتجي..؟
ذكرى: هـه كانت بـ قمة الحنان.. تقول مابغيتكم قبل أبيكم وأنت عيال قاتل..!
عبدالرحمن يرفع صوته: وحنا مو عيالها.. ليش هي قاسية علينا..!
ذكرى: تصدق مرة قالت لي ريم كلام وتوني أفهم معناته..!
عبدالرحمن: وش قالت..؟!
ذكرى: الي باعتنا وحنا صغار ومانفهم.. مب عاجزة تبيعنا وحنا كبار ونفهم..!
عبدالرحمن: يكفينا أنتي ياذكرى معنا.. ومن اليوم ورايح أنتي أمنا وأبونا..
ذكرى: ههههههه لاتكبرني وأنا توني صغير..
ضحكة يتيمة.. وسط جو حزين.. أيام صعبة.. أبو ياسر راح.. وبيته امتلئ من المعزين.. أما أبو عبدالرحمن فـ كان مرمي خلف القضبان.. نادم من الي سواهـ ومتحسر على أخوهـ.. يدعي ربه يرحمه ويغفر له ذنوبه..
أما عياله فـ كانوا الضحية الكبرى من الي صار.. ..!
/
أم خالد كانت الأكثر حزن بينهم.. لأن القاتل والمقتول إخوانها.. ماتقدر تكون لا مع هذا ولا مع هذا..
أم خالد: الله يرحمك يا أخوي عمري ماشفت منك الشينه..
أم ياسر: وأنتي الصادقة.. الله لا يوفق راشد ولا يسامحه لا بالدنيا ولا الآخرة..
حز في نفس أم خالد دعوة أم ياسر لكنها سكتت حتى ماتشب النار زيادة..!
/
ذكرى: إنت وش تقول.. تترك الدراسة عشان تصرف علينا؟
عبدالرحمن: وش تبيني أسوي.. دوام أبوي بيوقفون عنا الراتب..
ذكرى: حتى ولو ماتترك دراستك؟ إنت بـ آخر سنه وآملنا فيك يا أخوي..
عبدالرحمن: آآآآه.. طيب بحاول أدور دوام بعد العصر ..
ذكرى: بـ راحتك بس دراستك لا تفرط فيها..
عبدالرحمن: الله يعين بس
ذكرى: طيب ممكن توديني لـ بيت عمي..
عبالرحمن بـ عصبية: ليش ناقصة ذل واهانة؟
ذكرى: شفيك نسيت إننا ماعزيناهم ؟
عبدالرحمن: انتي شلون تفكرين.. أبوك هو الي ذبح ابوهم افهمي.. بيطردونك مثل ما طردوني..
ذكرى: يمكن عشانك رحت على طول.. بس الحين عمي صار له اسبوع متوفي وأكيد مضى وقت ..
عبدالرحمن: بكيفك امشي يالله وش بينقص يعني؟
بـ خوف دخلت بيت عمها.. ومرت في بالها ذكريات حلوهـ .. من غير شعور نزلت دمعتها تعزيها..!
لكن بـ دخلتها للبيت انهدمت كل ذكرى حلوهـ بعد الي جاها..!
أم ياسر: شتبين جايه.. تتشمتين.. مستانسين؟!
ذكرى: ياخالة مهما كان هذا عمي الي وقف معنا وساعدنا..!
أم ياسر:وليتكم قدرتوا الجميل وحفظتوه
ذكرى: ياخالة حنا مالنا ذنب باللي صار .. نزوة شيطان..!
أم ياسر: نزوة شيطان خلتنا نفقد الغالي؟!
ذكرى بـ حسرة: مابيدنا شئ قدر الله ولازم نصبر؟!
أم ياسر: والله لا أنتقم منكم.. والله لا أخذ بـ ثار عيالي..!
تفضلي اطلعي برا بيتي..!
لمى كانت واقفة وهي ساكته .. الحسرة ماكلة قلبها على أبوها وذكرى الي تعرف شكثر طيبة وإن مالها ذنب باللي يصير..!
طلعت ذكرى بـ مكابرة لـ دمعتها.. وركبت السيارة بـ هدوء..
عبدالرحمن يحرك السيارة: قلت لك بيطردونك..!
ذكرى: لا بـ العكس ماقالت لي شئ بس أنا ماتحملت وطلعت..!
عبدالرحمن الي حس بـ كذبت أخته: الله يجزاهم خير..!
/
كان ياسر قريب للبيت لما مشى عبدالرحمن وشاف سيارته.. دخل للبيت بـ كامل عصبيته..
ياسر: يمممممممممممه
لمى: هلا شفيك
ياسر: عيال راشد كانوا هنا
لمى: ايه ذكرى؟
ياسر هدت أعصابه شوي: وش كانت تبي؟
لمى: تعزينا .. بس أمي طردتها.. حرام رحمتها..
ياسر: وعمتي مشت؟
لمى: ايه اليوم العصر..!
ما رد عليها وراح لـ أمه..!
أم ياسر: شفيك تصارخ صوتك واصل لـ عندي..
ياسر: من اليوم ورايح أنا رجل هـ البيت.. وكلمتي بس هي المسموعه..
أم ياسر بـ هدوء: أكيد أنت رجال البيت وماحنا طالعين عن شورك..
ياسر: عيال عمي لا عمري أشوفهم داخلين لي بيت.. وقولي لـ عيالك أي واحد بيطلع عن شوري ماراح يردهـ إلا الشارع..
أم ياسر: تعوذ من ابليس عيال عمك توني طارده ذكروهـ .. ولا تخاف مب جاين غير ماجوا..
طلع ياسر من عند أمه بعد ماحس إنه قدر يسيطر على الراس الكبير.. وبـ داخله غليل وحقد يبي بس يشفيه ؟!
بـ الشركة..
ياسر: أنا أدري إن أبوي يثق فيك وعشان كذا أنا معتمد على الله ثم عليك..
سلطان: لا تخاف.. الشركة بـ عيوني والوالد علمني كيف أحافظ عليها..
ياسر: أنا بكمل دراستي بس بعد العصر بجي هنا
سلطان: أحسن بعد حتى تعرف كيف الشغل هنا..
ياسر: حلو..
سلطان: ايه بقولك ان أبوك الله يرحمه كان كل شهر يعطي عمك بـ الي يقدر عليه..!
قاطعه ياسر: لا من اليوم ورايح ولا ريال ينصرف لهم..
سلطان: بس...
ياسر: لا بس ولا يحزنون.. قلت ولا ريال يعني ولا ريال..!
سلطان: إن شاء الله..
ياسر: يالله أنا أسترخص..
سلطان: الله معك..
/
في بيت أم خالد..
أبو خالد: أبو ياسر وراح.. وأبو عبدالرحمن أكيد بيأخذ جزاهـ بس ما رحمت إلا عياله..
أبو خالد: ساعديهم وقفي بـ صفهم مايستاهلون؟
أم خالد: عشان كذا أنا بساعدهم كل شهر بـ ألف ريال..
أبو خالد: تسوين خير فيهم..
أم خالد: أبيك تفتح حساب لـ عبدالرحمن وكل شهر تنزل له ألف ريال.. وإن كان الخير واجد خلها ألفين ريال..
أبو خالد: تآمرين آمر طول عمرك كريمة..
خالد: هلا يبه.. هلا يمه
أبو خالد: هلا وأناأبوك.. سلامات شفيك؟
خالد: لا بس توني مكلم عبدالرحمن .. وحالته مرة تعبانه.. كسر خاطري الضعيف..
أبو خالد: ان شاء الله ما راح يجيهم شئ..
خالد: طيب أستأذنكم بروح أنام..
أم خالد.. أبو خالد: الله معك..
\
لمى: ماتتخيلين شلون البيت من بعدهـ طافي.. وربي فقدته..
خلود: كلنا والله حاسين فيكم.. وفاقدينه.. وصدقيني بـ مكانة أبوي..
لمى تبكي: ودي بس أعرف ليش عمي ذبحه.. عشان الفلوس.. بس فلوس تخليه يذبحه..!
خلود:....... الله يعين على هـ الدنيا..!
/
في بيت أبو عبدالرحمن..
ذكرى: ريم .. ريم شوفي الباب.. يديني كلها صابون..
فتحت ريم الباب.. وهي مستغربه من الي تشوفه؟!
/
تتوقعون شـ الي شافته ريم؟!
وكيف بـ تكون حياتهم من اليوم ورايح؟!
وعبدالرحمن بيلقى وظيفة تسد حاله وحال خواته؟!
وش آخر تطورات قضية أبو عبدالرحمن وش بيصير عليه..!
/
بـ الجزء الرابع راح نعرف كل شئ؟!