كان ][ الرجـولة ][ بالمظاهر والأشكال .. عز الله أني ما عرفت ][ الرجولة ][
وكان ][ الرجولة ][ بالمواقف والأفعال .. عز الله أني مرتوي يـ ][ الخجولة ][ ..
<- هيــاط 
الا مير صح تعالوا ،،
وش عندكم داخلين << اجل وشوله حاط الموضوع 
قسم إني طفران يعني ما أوزع دراهم 
<< تبي تبين لنا انه عندك فلوس
طيب دامكم دخلتوا كل واحد يتحمل عواقب لقافته
شروط قرائة الموضوع ،
أول شرط : يكون إتصالك dsl لأن الموضوع صامولي محشي بالجبن قصدي بالصور <- اعذروني على الخربطه
قسم إني جوعان : /
* تحس بس مجرد إحساس إن فيه فايده ارعص الإكس الأحمر فوق على اليسار 
مافيه لاسلام ولانيب ممسي ولا مصبح عليكم بالخير 
عشاني مانيب أحب الرسميات 
ترا من أندر الأندرين إني أروح لعزايم رسمية إلا إن قالوا فيه عشاء <- يعني ظنك شغل عبيد عزيمه بدون عشا 
أروح أتعشى وأطلع لأني انسان ساحبين علي اهلي 
مدري ليه كذا يمكن يحسون إني آكل بشراهه فـ عشان كذا مابغوني
<-
انا أوضح لكم هالحستي عشان ماتلوموني ان قلت جوعان
يعني تخيلوا قسم إني أصير جالس بغرفتي أتضور جوعاً
أنتظر أحد يطق الباب يقول دحيم يالله الغدا 
بس ماحولك أحد : /
لين ينقطع نفسي ويلزق بطني بظهري من قوة الجوع 
أطلع أقول فيه غدا
ابوي من يشوفني وهو يتعوذ من بليس ويقرا على نفسه المعوذات 
مدري وش به علي يعني وشسمه عشان فيني لحسة مخ
مافيه بالبيت الا الشغاله اللي ترحمني ومن أطلع من غرفتي والقاها مسنتره عندي بـ خبز توست بوسطه جبن
وتصير حاطتها بالحمايه وتجيب لي كاس ماء عشان ما أغص ،
بعد هالحركه حسيت إني بديت أميل للشغاله وصرت أحبها 
البلا إنها عجوز طاقه الـ 45
بس الحب مايعرف لاكبير ولاصغير 
لكن أخاف يمسكني زوجها ويلعن جدفي
بفاتحه بالموضوع وبقوله إني أحب زوجتك يمكن نوصل لـ حل <- منجلد منجلد 
بيقولك خذها مابيها هههههههههههههههههههههههههه
إيه وين وصلنا
معليش إثري شاطح بكم من محل لـ محل وهذا دليل إن مافي راسي أي موضوع
الحين أنتم وش مدخلكم .. !!
وش تبون مني
خلون بجلس أحاتسي نفسي وأقرق مع روحي ودي أفضفض 
لاحد يخرب علي جوي ولاحد يشوش حبل أفكاري
بدينا بالطفش والطفح والزهق والوشسمه اللي هي الإجازه الصيفيه : /
الحين حنا قبل تبدا ننتظرها بشوق وحماس 
بس ليه إذا جت وشسمه تضيق صدورنا ونطفش 
لكن أحسن شي النـوم
متى ماحسيت بـ ريحة نوم تعض المخده (( وجه يناظر وافي الخصايل ))
خاصة ][ أمي ][ هي الوحيده اللي تطقها الفرحه إذا نمت تسن واحد من عيالها معرس
قايلكم إني مظطهد مررره
][ على طاري النوم ][ : /
الحين في مدن العالم حاطين رجال أمن <- والمشكله الخوف منهم
الحين وش فايدتهم إذا مريت بآخر الليل وشفت رجل أمن ][ بنك ][ متكي على الكرسي وطاق أمها نومه
لا ولا يجيك واحد مثل هاللي تحت فاج إفمه يدخل ذباب ويطلع وهو ماجاب خبر 
أنا مدري وش يحس به
لعنبو بليسك خلاص يكفي المفروض تتقاعد ،
شلون ينام ذا
اي والله المفروض يتقاعد خلاص شيب
][ التقاعد ][
قبل فتره أبوي لف وجهي بـ طراق : /
والسبه إني غبي ولا أعرف احتسي
جالس أتقهوا معه ، قلت هالحين أنت وراه ماتتقاعد خلاص شيبت .. !
مير أبوي عصب p10
يوم قلت له إنك شيبت ويلف وجهي بـ مخمس يعني طراق ( بالعربي كف )<- لغير الناطقين باللهجة النجديه
الخطوط اللي في إيده طبعت بخشتي
صار وجهي ( مخطط العمارية )
يعني مافيه أمل أحد يبوسني ولا بريال
يعني قبل الكف يمكن تجي بوسه بالغلط .. !
بس الحين حتى الغلط مافيـه .. ؟!
هههههههههههههههههههههه حطمت ابوك الله يهديك
][على طاري الريال والفلوس ][
أنا ماقد شفت أحد يقدر شي إسمه فلوس مثل المصري واليماني
وبالذات الثاني راعي الوزره والجنبيه (( وجه يماني مايخزن أبد ))
ايه صح جبنا طاري اليمن وجا في بالي رئيسهم اللي مايخزن قات أبد
فيه صوره له مع بوش متحمس واجد مدري وش يحس به
لسان حال بوش يقول : سلامـآتـ؟ 
الميانه زايده
ودامنا لين الحين على قناة اليمن ورئيسهم المصون
أخليكم مع قناة اليمن للأطفال
أنا وريت الصوره أخوي عزوز ( السبيكه )وهو سبيكه ضحك عليهم وحامت تسبده
كرتون و مباشر
واحد يمسكني قبل ألعن اللي جابه هاللي حاط مباشر
مباشر ..؟ ودي امشيها عيت جلست اشوتها ماش مارضت
دامنا مازلنا حول القات وأهله
فيه حشيش ترا
اللي يبي يقولي تراني أعين وأعاون بهالإمور 
مير إني أكلت تبن لأني بعت على ناس وسحبوا علي ماعطوني دراهمي ،
اللي يجيبهم لي له حزمة حشيش مجاناً 
الله يهديكم ليه تدخنون
قسم بالله لو تاخذ خشة واحد منهم توديه لـ حراج بن قاسم ماجاب لك ولا تبن : /
ومازلنا في الممنوعات
فيه طريقة للتدخين جديده وحلوه مااااره
ههههههههههههه يشبه باباي
شرايكم بس
خصوصا الأخيرة اللي مع السر لها رونق خاص <- انعن شكلي على رونق
هههههههههههههههههههههههههه حلوه الحركه
][ لا للسرعه .. نعم للـبشويش ][ << حلوه الحكمه
هذي عبارة مكتوبه في توقيف مرور الناصيريه على جدار
أخليكم مع صورة الجدار
شكله تعَقّد من كثر المخالفات
اللي كاتبها حسيت إن مامعه الا شهادة 6 إبتدائي
حتى من القهر بالشهاده حاطين له بدال ختم المدرسه
صورة جزمه ( الله يكرمكم )يعلمونك إنه ماطلع الا ممزوع
<< فهمتوا شي ؟؟
هذا أبد حول خويه اللي كاتب على الجدار
][ وش حيلة اللي موتره راح ( تشليح ) ][ < تاكسي
موتري تعفط تقول وجه هندي حاطه بـ فرامة لحم 
عشان كذا أبيكم تجهزون قطتكم وتشترون لي موتر
القهر إنك تنصدم في أحد أخوياك ويسحب عليك
ولا يصير يمرك بعد ماكنت أنت تمره
بصراحه الحين أنا عرفت معنى الصداقه (( صوت موسيقي حزين ))
بعد ماجتني خيانة كبرى من المدعو ( وافي الخصايل ) <- مادريت إن الحوادث .. غيرت قلبك علينا
يعني أقوله تعال ودني للمرور أخلص أوراقي وزي كذا لكن شوفو رده لي
ام السحبه بس
المهم بس ، ماعلينا من وافي الخاين ، 
الحين يا جماعة الخير، إذا شفنا واحد ضايق خاطره ،
أو إنه مهموم فـ لازم إننا نوقف معه ونساعده صح .. ؟
إيه صح : $ <- ماتلاحظون إنه يسلك لعمره واجد
المهم هذا مهموم وهو بأمس الحاجه لوقفتنا ،
شايل هموم الدنيا كلها
وش فيك ضايق خاطرك ،،
أشوف بعيونك كلام ،،
يفضح خفايا ناضرك ،،
يحكي معاناة الغرام ،،
إذا على ظروفي فلا ،،
يشغلني عن حبك ملا ،،
<- ملحوس لين يوم الدين << اي والله
][ على طاري ضيقة الخاطر ][
أنا أبي أحد يواسيني
أتقدم بكل حزن وأسف وأبارك للمخيس فيصل ومن هم على شاكلته بفوز المدريد بالليجا <- بدا الموسم الجديد وانت توك تبارك : /
وإن شاء الله خيرها بغيرها يالبرشا
وشسمه بس أهم شي الرود ما أخذ الحذاء الذهبي 
إيه دامنا طبينا بالكوره
تخبرون إن رونالدو راح للميلان
وهو خلقه سمين وبعد روحته بدا يظرب من هالمفاطيح
ماودي أحرق عليكم الفلم
7
7
7
7
موب تسنه البلوي ..؟ << يشبهه
بس فيه إختلاف بالملامح شوي ولا .. ! <- الله يلعن من علمك شلون تشبه
نسيت أقولكم
فيه فريق جديد بيدخل الممتازه على طول
فريق مطعم بخاري << شكلهم يقربون لـ جاكي شان
إيه صح 
فيه أحد يهايط ووده يباريني بالسوني عشان أكسر راسه <- يلعب على عمره
قبل فتره مر علي يوم حافل ومضحك صراحه
جالس بالإستراحه أنا وكم واحد وفيه المشرف الخايس ( لاست نايت الزلابه )
المهم قلت له أمش اكسر راسك
أنا وقتها أهايط وأنا ادري إنه بيصكني بـ 4 مع العطف والرحمه لأني أعرف ولد عمي عطوف ورحوم
(( لكن بنفس الوقت لعين ))
وحنا اللي نبدا نلعب
جلس يتفنن ويسحب قال لعبت فيك
قلت أنا : العبره بالخواتيم <- أهنيك على هياطك
وأنا اللي أجيب هدف ،
وجاب هو التعادل ، <- أعطيه على جوه
المهم وبآخر الوقت قلت حسافة إني العب أشواط إضافية مع واحد
زلابه فـ جبت هدف وأنهيت المباراة
وهو اللي يغدي وجهه كذا
ويضيق صدره
ويطلع من الإستراحه 
راح لبيتهم و جلس على سريره ويكلم نفسه
حرام إني أنهزم من واحد دلخ
طيب ليه تقول دلخ 
حرام عليك تنعتني بهذه الكلمه يافتى
<- قايل لكم أول الموضوع إن أبوي اذا شافني تعوذ مني بسبب لحسة المخ
مسكين
<- وش فيك
: برب بروح للحمام
< روح الله يسهل دروبك وترجع بالسلامه
إيه على طاري الحمام ( وأنتم كرامه ) بقولكم قبل أطس
اللي يبيني أزين له مثل هالحمام يدق على ********05 ولا يصير خاطره الا طيب
عرض جديد ترا مافيه احسن منه
بوقت الزحمه تفك أزمه
حمام نفرين
شرايكم بس
موب يصلح يحطون مثله على خط مكه وأبها
خصوصاً في ضل وجود إجازة صيفية وعندنا شعب لو تقوم القيامه ماجلس في بيته وقت الإجازات
موب عن شي بس عشان نفتك من الزحمات
أبد وكل واحد يتصدد عن الثاني
فأنا جلست أدور حل لزحمة الحمامات
وجلست أفكر وأفكر وأفكر ولقيت حل ،،
وترا فيه ناس دروج مثلي يفكرون على دراجة <- مقتنع إنه درج <
حتى شوفو صندوق الجزيرة وين حطوه
قَلّت الجدران
][ الموضة وحركات النص كم ][
شفنا الموضة اللي طايحين فيها إن السروال يكون تحت السر بـ نص متر
يعني لو مافيه فنيله الله يخلف طلعت علوم
وأنا أعتبر اللي يسوي هالحركات إمعة
لأنه يقلد كفار <- برائة طفل فقد حنان والدته <- بدت اللحسه
أخليكم مع صورة إثنين خبول مابقى الا ويفصخون السروال بعد
انا ابي اعرف شلون يمشون كذا ؟
][ تنكس ][
كثير مانسمع هالكلمه وخاصة في الحفلات ،،
وبالذات حفلات المرتفع رابح
وأغلب ماتنطق عليه على ناس يرقصون <- باللهي ؟
لكن أنا لا غيرتها ونطقتها على ... ما أخرب عليكم ،،
تنكس
عليهم
على قلبي
هذي كلها قطاوة حارتنا
بس للأسف قطاوتنا ماتدق رقبة وتهز وسط
هههههههههههههههههههههه داجين هـ القطاوه
][ العيون العسليه ][ << يعني زي عيوني << برااااا
الحين الواحد إذا صار منبطح على بطنه بالملحق ولا عنده أي مشروع : /
وجا وفتح التلفزيون على قناة روتانا وجلس يسمع محمد عبده وهو يقول :
يالعيون اللي تصيب ولاتسمي
منك أحب الجرح لو ماينتجارى
وجت الكمرا على وحده طاقه اللثمه وعيونها تطير العقل
تلقونه بيصحصح وتبدا سعابيله تقوطر
لكن لو تشيل اللثمه أجزم لكم إنه بيتحسف على كل قطرة سعبوله طاحت
أخليكم مع هالعيون ،
عني انا فإني خاق حتى الثماله
7
7
7
7
ياويل حالي بس
<- الله يرحم حال اميمتك بس
على طاري الحمير
تدرون الحمير أنواع وأكبر دليل
حمار بدون استماره
حمار مرسيدس 2007
لكن المراتب آخذينها من هايلكس تقصم الظهر
][ صور إحترافيـة ][
بصراحه أنا أول ماشفت هالصوره قلت شلون ذا له راسين
لكن بعد التدقيق عرفت إن هالمصور محترف أحرف شي 
حركتااااااااات
وحتى هذي بعد ،، طايحين فيها هالأيام ،،
آي ياراسي
بصراحه حلو إن الواحد يكون محترف في أي مجال مثل مجال التصوير
لكن البلا إنه يصير زلابه مره <- مايقصد نفسه
ولا يعرف لايصور زي الناس ولا يصمم ،
لكن بيجي يوم بصير أطلق من ماجد الصيخان << صح انا حاس بشعورك
وأطلق من غربة إنسان
لايطلع لي واحد مع طرف الشاشة ويقولي تبطي
عشان ما ألحقه زمزمية الشاهي اللي جنبي
أنا لي طموح ويحق لي أطمح
مع إني أجزم إن هالطموح بيمر عليه مية سنه ماتغير لأني زلابه مع مرتبة الشرف
][ قصيدة ][
قبل فترة وانا جالس أفتح بالجهاز جيت وفتحت المستندات
وجلست أتفرج على اللي فيه ، لأنه أثري
فيه أشياء من عرفت النت وهي فيه
ولقيت قصيده مدري وش يحس به اللي كاتبها ،
تنبيه عاجل والخبر يعرض الآن
والبث في همس القوافي وحصري
احذر تجيك مكالمة صوت نعسان
وتقول خالد او محمد ويسري
والا تقول آسف انا شخص غلطان
لك اعتذر وانت اقبل الحين عذري
وشوي توصلك رساله بعنوان
صوتك ملكني!! داخل الدم يسري
ممكن تدق اكلمك يااروع انسان
وان كان ماودك مهو شي جبري
وبلا شعور تقول طاحت وسبحان
رب(ن) يسوق الحظ من دون مدري
فرصه وجت لي صدق ماني بخسران
اعيش جوي وابسط اليوم فكري
وتبدا علاقة حب وافراح واحزان
وتقول انا عاشق ولله دري
وتنظر لجوالك على نار ولهان
وان دق قلت اهلين يابعد عمري
يافرحة الماضي ويانور الاوطان
مستقبلي انتي ولو طال صبري
وتسمعك فالحب انواع الالحان
وتذوب حتى يصبح الوضع مزري
وتقول احبك واعشقك دوم يافلان
لكن لي عندك طلب قد ظفري
ان كان لي عندك معزه ولي شان
ابي بطاقة شحن واهتم بامري
هذا غرام اليوم من جد ياخوان
البنت باسم الحب باعت وتشري
واللي يبي نصيحتي يعلن الان
الجنس الاخر يهجره مثل هجري
صح لسااانك ولسان اللي كتبها
واللي يبي نصيحتي يعلن الآن
كاتب هالقصيده ملحوس من بدري .. ؟!
][ القرد بعين أمه غزال ][
الحين مهم الجمال ولا .. ؟
أقصد جمال الوجه
وبالأخص الشهبان مثلي
مدري ليه لامني شفت خشته أروح للمرايه وأناظر وأتمقل
ماش ودي أفك خشتي وأحطها بخلاط مولينيكس
نشوف صورته يلعن بليسه
انت احلى منه ماظنتي << تحطيم
مره كنت جالس أنا وأمي نتقهوى العصر وعلى النت
شافته أمي قالت منهو ذا ؟
قلت واحد يطير العقل لو يسلفني خشته يوم بس مايقصر
قالت هوو والله إنك أملح منه
انا عيوني كذا 
قلت : إقتنعت الحين إن القرد بعين أمه غزال
][ طلعات الأهل ][
الحين إذا الواحد طلع هو وأهله للبر وكان فيه ناس حولهم
مايقدر ياخذ راحته زي مايبي ،،
لكن إذا أبعد صار مافيه أحد يمديه يسوي مثل هذا
فالها الرجال
ــــــــــــــــــــــــــــــــــــــــــــــــــ ــــــ
والله وسعت صدري الله يوسع صدرك < حلوه صح < تزوجها
ارقـ تحيه