الشعر ..
عالم باحساس اخر عالم كلمات يرد صداها الى قلبك فهو ترجمان احساسك يحكي ماقد يجول بخاطرك
الشعر ..
جيش من الاحاسيس تلتحن اما غرام ومحبه أو جرح خيانه لم يلتأم
الشعر ..
لغة القلوب لسانها .. بل كل جوارحها
الشعر ..
بحار لايجيد الكل أن يسبحها وشاعرها هو من يغوص في بحور المشاعر ينتقي لنا من الدرر مانجبر به الخواطر.
وكان لأعضاء القناص نصيب أبدعت أقلامهم قصائد تستحق الاشاده والتشجيع أعجبني الكثير من هذه القصائد اخترت لكم بعضها أحببت ان تشاركوني متعة الاستماع الى فيظان حبرهم وبوح مشاعرهم ..
((( تــايـــه )))
للشاعر : قحطاني الواديين
تايهٍ وسط الشوارع وجد من مثلي سواتـــه
قصتي مثل الخيال .. ويمكن اقرب للخرافه
الله واكبر يازمانٍ فات واتعبني فواتــــه
ياحسافه ياخساره .. ياخساره ياحسافه
مابقى لي غير حزنه مابقى إلاّ ذكرياته
آآه ياقل الفؤاد .. وآآه ياكثر إنتزافـــه
أعترف بنّي خسرة الغالي اللي ياغلاته
واعترف بنّي أحبه .. وان قلبي مايعافه
واعترف بنّي هملته .. آآخ ياقلبي وقساته
واعترف بنّ (كبريائي) ذنب(ن) وتم إقترافه
آآخ ياقلبٍ تعذب ماتهنّي في حياتــــــه
وآآخ .. يانهر العنا ياكم تربّعت بضفافه
ياعيون الخلق صدّي بالنظر يكفي شماتـــه
ماني اول عاشقٍ يشكي .. ويدلي بإعترافه
هو صحيح إن كبرياء الرجل من اسمى صفاته
بس والله كل شي يزيد عن حده ؟.. ((قرافه))
لوزمنّا مثل .. فلم ..آعيد وانظر مجرياته؟؟؟
كان باعيده .. واقدم عذر قلبي وانكسافه
وكان اخلّي كبريائي .. وأعترف له في حلااته
وكان أقول .. إني احبه حب ..ماعاشه وشافه
بس كل شيٍ تهدّم .. واختفى اللي .. ياغلاته
واكتفى حزني وأصبح (شئ لا يقبل إضافه)
وهذا أنا نادم .. بعد ما فات واتعبني فواااته
ياحسافه ياخساره ... ياخساره ياحسافــه
وصرت مثل التايه اللي ماعرف وش هي سواته
((شفتو اني عشت قصه .. يمكن اقرب للخرافه ؟؟))
الحبيب الأولـ ِ !! ..
للشاعر : مقناص الشعر
يا لايمي قلب المعنّى به غوى = والنار في قلب المعنّى تصطلي
لا قلت هانت عوّدت يمّي سوى = كل الجروح الي تسبّب مقتلـي
سارح بقلبي بس ما والله ضوى = والقلب يشكي وين أبلقى صيدلي
يا صيدلي يا صيدلي بدّي دوى = بدّى دوى إلها وأنا دوى إلـي
الهم ّ في داخل ضلوعي إنطوى = مخرج ملـي ..؟ ماعاد به مخرج ملـي
ماهوب همّ المال لا مالك لوى = هم ّ الحبيب الي أبد ماله حلـي
من بعد راح القلب ضامي ما روى = والكون كنّ الكون من غادر خلـي
الي ليا منّه نطق له محتوى = كنّك تسمّع في صفير البلبلـي
إيه أعشقه والعشق فالقلب إنزوى = بين الضلوع العوج يلقى منزلـي
المشكلة فالصقر يومه أنشوى ..؟= وإلآ الستاره كيف بـدري تسدلـي..؟
وإلآ على ذيب الجبل يومه عوى ..؟= وإلا على ذاك الخمار المخملي ..؟
يا لايمي تسأل وقلبي في غوى = إسمع وأنا ناري تراها تصطلـي
في غيرها قلبي ليا منّه نوى = يعشق .. أبو تمام ينطق يا هلـي :..؟
نقـّل فؤادك حيث شئت من الهوى = ما الحب إلا للحبيب الأولـي
يبطــــي ابو نــــورة وتبطـــي أصالـه
للشاعر : ياحبني لك ..
ياصاحبي واشفيك ياهيـّه واشفيك
ماجاني منك لااتصال ورسالة
ان كنت زعلانٍ ولك حق نرضيك
والحق حق وراعي الحق نالة
والله لو تأمر على الروح بعطيك
بفديك فدوة منهو يحب خالة
مشتاق لك وينك على كثر ماابيك
ماابيك تبطي حالتي اليوم حالة
ويم الرياض اظاهر اني ابجيك
عقبك ترى الحالة غدت في بيالة
ياصاحبي لاصرت مجنون اخليك
غلاك مغْـبر مثل موتر وكالة
لايابعد كل (....) اشري واشريك
وابيع كل الناس وتقول قالة
تكفى وتكفى قلتها لك وبرجيك
عجل على بالصوت والا بدالة
ياللي بصوتك انطرب كني البيك
يبطي ابو نورة وتبطي اصالة
حتى عبادي بعزْفه يبطي يجاريك
ولو هو بكيفي بصوتك ازين ألة
ياراس مالي وعد مااني بناسيك
وش فائدة تاجر خسر راس مالة
ابيات شعري كلها لك وتعنيك
وغيرك يموت من القهر ماعنالة
ياوجودي كلما هب نسناس العصير.
للشاعر : االنايف
ياســلام الله على اللي لهم قـــدر كبيـر*** وسط قلبي حفها الشوق وأيضا سادها
أنا ماقلت القصايد لاجل عقل الصغير *** قلتها لاجــــل المطاليق واللـي جادهـا
حظي اللي في دبور وكل أمره عسير*** كلما حاولت أغيـــــــــر طباعـه عادهـا
تكفى ياحظي تعدل ترا وضعك خطيـر *** بين هـــــــم وبيـن بـــأس شديـد زادهـا
أنت ياحظي جناحك على الدنيا كسير*** انفض الجنحان واقهـــر حسود صادهـا
ياوجودي كلما هب نسناس العصيـر *** وجـــد من سود الليالي قبســـه زنادهـا
وياوجودي وجد من ضاع له مال كثير *** بين الأسهم ماتفيده وهو اللي فادهـا
وياوجودي وجد من غادر دياره عسير *** بعد ماذاق المـراره رجــــع لبرادهـا
وياوجودي وجد من فارقه شيخ أميـر *** هذه حكمة ربنا الله وهــو اللي رادهـا
أنا ماأشكي إليكم ومن صمتي أسيـر *** أشتكـــي لله وحـــده يحــــل عنــادهـا
×× ثمـان العجايـب ××
للشاعر : نايف السعود
يادرب أمشي بك من سنين وشهور = ياللي توصلني دروب الحبايب
أمشي وأنا هايم من الحب وشعور = خلى قليبي طول الاوقات ذايب
يادرب لا تبطي ترى مانت معذور = طولت عن شوف المحبين غايب
أشتقت ألّم اللي من الليل منثور = وأشتقت أشم اللي حوت من عجايب
والخد سبحان الولي نور في نور = والا البياض اللي يفوق السحايب
والمبسم اللي محتضن لول منثور = والريق أسكر به ولاني بتايب
والجسم متناسق بلازود وقصور = وان جيت اعدد زينها صرت خايب
رمانها في جنّة الصدر محشور = وده يفوح بريحته والهبايب
أشوفها مدري وش الصين والسور = وأعد بوش من الربع والقرايب
قالت تحب وقلت أنا هايمٍ (شور) = قالت بغيب وقلت كل المصايب
قالت تروح يعالجك كم دكتور = وتصير من حبي وفرقاي طايب
قلت البلا حبك مع الدم محشور = ماينفصل حبٍ مع الدم رايب
كأنك على هجري وفرقاي مجبور = أطلبك حطي فوق قبري نصايب
لولاي أخاف من الولي قلت من نور = أصلاً معك صارن ثمان العجايب
شفت الهدب كني على يخت وبحور = وغرقت في بحرك ونجلك سبايب
شوفك يبدل حالة الضيق بسرور = وقربك ينسيني جميع المصايب
:: باقي دقايق ::
للشاعر : توقيع
باقي علــى كشف الحقيقه ( دقايق ) ........................
........................ والوقت ما هو فــــي حسابك دقيقه
الوقت عـــــــــدّى والمصايب حقايق ........................
........................ والموت لا مــــــــن صار صدك حقيقه
اشعلت فـــي قلبي ( لهيب الحرايق ) ........................
........................ وابرد ما عندك صــــار عندي حريقه
( الحب ) فــي شخصك مناسب ولايق ........................
........................ وجروح صدك فــــــي حشايا عميقه
طرقت حرفي فـــي وصوفك رقايق ........................
........................ لكن ماهي مــــــــــن معاني رقيقه
طرقت لك فـــــي وصف حبك طرايق ........................
...................... ( آيق ) و ( إيقه ) شفت أحلى طريقه
ما تمنع ( حروفـــي ) جميع العوايق ........................
........................ الحرف يلمع وانــــــــت شايف بريقه
سرّبت حبك بين كـــــــــــل الخلايق ........................
........................ لا لا بـــــــــــــل اعلنت ورب الخليقه
الحين رايق قبل مـــــــــا كنت رايق ........................
........................ هذي دموعي فــــــوق خدي طليقه
( زعلان قلبي مـــن بعادك وضايق ) ........................
........................ عادي انا معشـــــوق ينطر عشيقه
ان كان قلبك لي مـــــا هو بطايق ........................
....................... عطني ( بقايا حـــب ) وانت بحريقه
تـبـيـن أصـيـر مـجـنـونـك00
للشاعر : هلالي للموت
تبين اصيـر مجنونـك الا ياكبر هالشرهـات000طعنتي لعنبـو حيـك خفـوق لحضرتـك وافـي
حميتك من جنون الوقت حميتك من قسى الاهـات000عطيتك روحـي وقلبـي عطيتـك حبـي الدافـي
جمعتك من شتات الكون جمعتك يوم كنتي شتـات000وأردد دايمـا لاجلـك انـا جنبـك فلاتخـافـي
واذا قلبي انطعن مـره فمنكـي انطعـن مـرات000سيوفـك يـوم سليتـه سيوفـن صقلـن رهافـي
خلاص انسي وانا بأنسى باعيش الوقت لو لحضات000ابي اسلى وابـي انسـى سنينـن مـرت إعجافـي
وابي قلبك يعيش الهم ابي فـي داخلـه حسـرات000ابيـه يقـول خسرانـه اريـده يظهـر الخافـي
وبأضحك طول مانتي نادمـه وتزيـده العبـرات000واذا قلتي ابي ارجع بأقـول القلـب لـك عافـي
((حقيره)) قالها قبلي ابو مشـاري كريـم الـذات000وقـال لمعدنـك يصـدأ ابـد ماينوجـد صافـي
..حبيب الجرح ..!!
للشاعره : بنت الخاجه
ألا يامن سكن فيني وسط هالقلب وهذي العين
, , , , , , , , , , سكنت الروح من قدك ترى لك داخلي أوطان
يطول الليل في بعدك ترى صعب الفراق الحين
, , , , , , , , , , أنا والليل ولقمرا .. أنا ولهم ولأحزان
أنا دمعي يسليني كوى من حره الخدين
, , , , , , , , , , أهوجس في قسى ليلي أنا ياهاجسي تعبان
حبيب الجرح انا ضامي أبي كاس الوصل يازين
, , , , , , , , , , تعبت اشتااااق لك وولـه فقدت الصبر والسلوان
أحبك كثر ماحبك وانا وافي ليوم الدين
, , , , , , , , , , كثر ماهلت دموعي كثر مالك انا ولهان
كثر ماخفت انا لفرقى احن اللمسة الايدين
, , , , , , , , , , انا مالي سواك انته يافاهمني من العنوان
اشوف الكون في عينك ألا يامن سكن هالعين
, , , , , , , , , , أحبك كثر ماشوقي ذبحني لشوفتك يافلان
أحبك كثر ماعيا الوصل يجمع عيون اثنين
, , , , , , , , , , كثر ماعيت الدنيا تجيبك ياضوى لعيان
وانا مالي سوى ربي أبدعي وارفع الايدين
, , , , , , , , , , عسى الله لا يفرقنا ويجمع شملنا الرحمن
.. وانولدت اليوم [ ميلادي ] معك ..
للشاعره : عطر الرحيل
::
و ابتدى عمري و حياتي من جديد
و انولدت اليوم ( ميلادي ) معـك
بين يدينك أنـا طفـل ٍ وليـ ـد
أنتظر حبك وأداعب مسمعـ ـك
انت ياملهم شعوري والقصيـ ـد
كل حروف القلب جت بس تسمعك
ادري أن القلب غيرك مايريـ‘ـد
.وان رحلت لوسط عينـي مرجعك
انت درعي و انت ركنـي هالشديـد
في زوايـا القلب ساكـن موقعـك
لا تخليني ترانـ ـي ما تريـ ـد
انت بـس أطلب و تلقانـي معـك
بامنحك قلبي و إحساسي وازيــد
و افتدي ما ينثره لي مدمعـ ــك
لك خفوق ٍ ينبض و لك هالوريــد
وان بغيت الـروح هـي لك تتبعـك
أنـ ـت يـ اللي حبك بقلبي فريـد
جنتي قلب ٍ سكـن بين أضلعــك
كل ما تبعد انا شوقــي يزيـ ـد
وان بغيت تغيب شوقـي يمنعـ ـك
BBP