. . يالله حي صديقينـي وصديقاتـي موضـوعي قمـة فـي المصالـة اللي داخـل يحس إنـه بيستفيـد أنصحـه يعطينـا عرض أكتافـه واللـي إتصالـه دايـل اب يلقف نعاله ويحط رجله عدة مواضيـع تـدور براسي وصراحـه شدنـي موضـوع المستشفيـات الحكوميـه وخاصـة مستشفـى الأمـن والشميسي أخيس مستشفيـات على وجـه الأرض لافـرش تفتـح النفس ولا أكـل يفتـح النفس حتى الفلبينيات يسدن النفس مايجيبون مملوحات موقـف صار لي فـي المستشفـى المخيـس قوى الأمـن رحت أودي جدتي تزور ولد أختها وبعد ماطلعنـا منه يوم حطيتها في البيت قالت لاتروح اصبر بعطيك غرض توديه للمستشفى قلت خليه بعديـن قالت لا الحيـن ضروري وتطلع لي معها شرشـف وبطانيـه ومخده تقول فرشهـم مخيسه رح عطه ينام على هالفرش قلت يايمـه مايصلح ممنوع لازم ينام على فراش مخيس ولا مايصلح قالت لا انا اسنعهم بروح معك واعلمهم وش الممنوع <- صح يالهيـاط رحنا وفيه رجل الأمن يقول لجدتي ممنوع قالت ممنوع عند امك موب عندي وخر بس وتدخل بالغصب وترقي الفراش وتدخل على ولد اختها وتحط عنده الفرش والله يانوير منتب عاقلـه موب سهله وقسم ابن ام احد يهايط عليها بعـد هالموقـف المخيس واللي نصه هياط عجوز س1/ رأيـك بالمستشفيـات الحكوميـه .. ؟ س2/ رأيك بخدمتهـم للمريـض وتعاملهـم معـه .. ؟ س3/ ماذا برأيـك كي تتطور هذه المستشفيات المخيسه .. ؟ مرتني الدنيا .. بتسأل عن خبر .. مابه جديد .. عشاق ليلة تفارقوا .. وصاروا بعيد .. لا طاحت نجوم السما .. ولا تاه في الظلما قمر .. لا تاقف الدنيا .. وتسأل عن خبر .. مابه جديد .. اسهل من الكذبة .. على شف الطفل .. فرقى الأحبه يا هوى .. أحلى من الحلم اللي ودي لو كمل .. كانت ليالينا سوى .. لا طاحت نجوم السما .. ولا تاه في الظلما قمر .. لا تاقف الدنيا وتسأل عن خبر .. مابه جديد .. لا تاقف الدنيا .. على أول طريق .. فرقى الأحبه يا هوى .. لا تسأل جروحي متى خان الرفيق .. عهد المحبه والهوى لا طاحت نجوم السما .. ولا تاه في الظلما قمر .. لا تاقف الدنيا وتسأل عن خبر .. مابه جديد .. وقفـة مع أسبك انسان شافتـه عيني عزوز أخوي أول شي أعرفكـم عليـه إنسان منتهي الصلاحيـه أغبى من الهندي الغبي عليـه حركات تدل انه بيطلع ذهين إذا كبر إنسان يموت وينهبـل على الجسلة بالشارع يعني عادي تمر من عند البيت الظهر تلقاه جالس عند الباب ولابس سروال وفنيله مصفـره وحافي ويقامز من حرارة الزفلت مره من المرات يشوفنـي اسمع اغاني يقول ربي يدخلك النار وأنا اسلك له وأسكت ولا تسنه يحتسي وبنفس الوقت جالس انا على النت وهو جنبي انا اخذت نفس عميق وقلت : لا إله إلا الله يوم جت امي من المدرسه قالها يمه تصدقين إن عبدالرحمن قال لا إله الا الله طبعا أمي ماتت من الضحك لعنبو بليسك شايفني يهودي يعني اللي يسمع أغاني تطببه صاروخ بجهنم بس صراحـه انه تحفه بالبيت ونكتـة تمشي على القشرة الأرضية صور وتعليق مشكلـة عيال المتوسـط هاجيـن مـن الفصـل واحـد يدخـن والثانـي يراقب صدق من قال الحمار حمار مصري غبي حتى الثمالـه يلعـن أم السبيكـه اللي مايعرف يسوي دعايـة فنان قادم بقوه للساحـه الفنيـه عليـه صـوت وشريطـه اللي نزله كله بطل مافيـه ولا أغنيـه ما أعجبتنـي وتوقعاتـي يسرق الأضواء مـن بعض الفنانيـن الكبـار ويغطي عليهـم وهذي أغنيتيـن لـه على الروابـط .. نسيت الناس تجرحني بروحي كاركتيـر خشـه ماتنباع ولا بسـوق الحلـه ذا وجـهه وجـه زواج معذور أبوك يومـه يقول مايحتاج تشوفهـا حال شباب الريـاض ياما تكلمنـا عـن هالموضـوع ليـن طقـت تسبودنـا بس لامجيب لمن تنادي <- هي صح علي العباره .. ؟ قصمان الرياض اللي صدق قصمان من قلب اربعاء وخميس تلقاهم في الثمامـه ولا أم دكه يطاعسـون ووسـط الإسبوع فـي ثلاثيـن القصمان يدورون اما القصمان اللي مثلي عاديين يعني تشوفهم تقول ايطاليين لا إله الا الله مايدرون وين يطسـون لـه بيت - مسجد - استراحه ولا تمسـك ونروح لمقهـى ياربيييه ملينا وقسم ملينا كل شي عوايل عوايل <- حسيت اني ماصل بقوه يعني بنروح للمنتزهات نتمشى يقولون عوايل لعبنو بليسكم الأسواق ماتكفي للعوايل طيب حطو لنا حدايق خلونا نجيب الشاهي والقهوه كل جمعه ونتكي فيهـا مـع ذالمصاريـا اما الصنف الآخر .. حقين العليا والله مساكيـن ارحمهـم من القهر والطفش تشوف الشعـر تقول لابس باروكـه وطول وقتهم بالتحليـه دوران ولا قهاوي العليا ولا بلياردوا يعني مهما كان مافيه ترفيـه مناسب لشباب الرياض وإن رحنا للشرقيـه ابلشونا الشرقاويين قراوا الرياض لحوج الرياض على طاري الشرقاويين مره كنت عند واحد بالشرقيه الزبده انه كان يوم خميس وكنا جالسين في بيتهم قلت له امش خلنا نطلع للبحر نغير جو قال لا اليوم خميس قلت طيب أحسن شي قال لا الاربعاء والخميس مانطلع نخلي لحوج الرياض يستانسون شفتو كيف جرح المشاعر بس على الأقل لو يحطون لنا سينماعزابيه اهم شي نلقى شي نلهي انفسنا فيـه س1/ وش برايـك الحل السليـم لشباب الرياض الملاحيـس س2/ وش من مشروع أو أفكار تجعل الشباب يستغلون وقتهم صح .. ؟ <- درج سؤالين بنفس المعنـى صور وتعليـق حالياً بالأسواق وش تتوقعون طعمه احس يكهرب اللسان شوفـوا اللـي على اليسـار يصلح لهـا كامري وشريـط كسرات أبو فيصـل والمسجل آخر الصوت وابو فيصـل يبدا الكسـره بس هذا الإخلاص والتشجيـع بحماس ولا بلاش فيـن ياعمي الحاج مسيكيـن طفران وخياله واسـع : / أدري لسان حالك ياللي تشوف الصوره الحين تقول يوووه مسيكين صادم بس شف الصوره اللي بعدها ودك تلعن خيـره يعني معقولـه .. ! الشارع كبـر قريـح وظاقـت الا تمطخ هالزاويـه أدري صوره عاديـه مافيهـا أي شي لكـن أقولك انت وياه أنزل وشف القراده حرام عليك ياخي : / حتى العمـى يشوف هالكبري اللي مثـل ذا ودك تنزله من موتره وتردح فيـه ليـن يعض لسانه هذي تصلح للمصوريـن والقناصين بنفس الوقـت لأنه مسدس وكاميرا بنفس الوقـت يصلح للظبان ترا ملاحظـة هامـة .. اللي بيرد الردود التقليديـة مثـل : يعطيك العافيـة .. مشكور .. ماقصرت .. أتمنى يحتفـظ بالرد لنفسـه .. كفارة المجلس سبحانك اللهم وبحمدك .. أشهـد أن لا إله إلا أنت .. أستغفـرك وأتوب إليـك .. إلى اللقاء في مصالة أخرى