ســــــــلامون عليكم تصدقون لو قلت لكم اني فاتحه الصفحه ولاادري وش اكتب بس اللي اعرفه اني اسمع هلي لاتحرمني منه ومروقه وبنفس الوقت زهقانه=====>كيف ماتزهقين وانتي عايشه بالسعودية س1...لمن تهدون اغنيه هلي لاتحرموني؟ تصدقون نسيت اسألكم عن اخباركم كيفك انت وياه؟...كيفك انتي وياها؟ اخبار مدرستكم والمدرسين؟ تصدقون ليه ماأسأل الا عن طلاب المدارس ...تعاطفا مع قضيتهم اللي فاقت قضيه فلسطين ......... الشبـــــه بين المدرسة وفلسطين ـالمدرسة محتله من قبل المدير والمدرسين وحتى الفراش ـالمدرسة في معظم الاوقات يمنع التجول بها وياويله اللي يشوفوه ـالمدرسة تفرض الانظمه والقوانين عالطلاب وغصب عنهم يخضعوا لها _المدرسة اذا الطالب خالف نظام بسيط يتعرض لأشد العقوبات ـالمدرسه في معظم الاوقات المدرسين يعاملون المحتلين قصدي الطلاب اسوأ معامله وبس فالحين يجرحوهم ويحطمونهم المدرسة تصدر اوامرها من قبل السلطات العليا===>الوزارة وياويله اللي يتنفس قدام هالاوامر مهما كانت مشقتها عالمحتل ـالمدرسة تشتت الطلاب مثلا تخلي الصديق في فصل والصديق ==>موكأنها جمله تستخدم للنداء عالهنود الثاني في فصل وتمنع زيارة الصديق صديقه بين الحصص ـطلابنا في حاله اكتئاب نفسي ودمار وتعب دائم مثل اخواننا في فلسطين ^ ^ ^ علــــــى طاري كلمه صديق فوق هذا شي ذكرني بالهنود في بلدنا...والله شي غريب .... تجيــــــــك حرمه مع زوجها وتنادي الهندي صديق اورفيق==>استغفر الله احين انتوا ماشفتوا الا هالكمله من قله الكلمات الموجوده بالدنيا وين راحت لو سمحت ادري الشباب مايقولونها للهندي بس ارحم من انهم يقولون له محمد والرجال يطلع هندوسي او بوذي وبداخله الف حقد وعداوة عالنبي محمد_ص_ .......ترا مو ذه موضوعي............ ....الهنود غي بلدنا.... مثــل ماعدنا بترول وخيرات وثروات عندنا هنود ..تدرون ليش حطيت هنود والبترول مع بعض لان احسهم صاروا جزء من اقتصاد الدوله البترول احتمال يوم من الايام ينفذ كميته بس الهنود ماضنتي ينفذون في بلدنا من كثرهم صرت ماافرق انا في الهند او السعوديه ترا مو ذه موضوعي==>تحس بيجيها طراق موضـــــــــوع يدور بـــــــراسي ....ليش حنا مانعطي الهنود وجه ومانعاملهم كويس صراحه اللي اشوفه يتعاملون معهم مساكين بدون رحمه مثل اي شي صعب وخطير قالو جيبوا هندي ليش الهندي مو بني آدم اعصاب الاحساس عنده ميته مثلا..جيب..ودي..كنس..نظف..غسل..اشتغل.. او مثلا 4شباب في شي ثقيل عليهم ومو قادرين عليه يجيبوم لهم هندي تعال وديه داخل البيت ليش ثقيل عليكم والهندي مو ثقيل من غير الاضطهاد واللي يجننوهم مني ومني.. اكبر مثال يوم انا صغيرة عندي هواية اجنن الهنود... ـكان في هندي يبيع في بقاله ويربط سيكله بسلسله بعمود ==>خايف عليه ينسرق وكل مرة انا ولد خالتي نشوف السيكل نروح طيران عالسيكل ونفقع كفرة==>نذول ومسكين ويرد ينفخه ونرد نفقعه لين ماصادنا وكنا بنروح بستين داهية ـوفي مرة كنت بعد انا وولد خالتي نسوي نفسنا ماسكين هوز ونزرع الحديقه حق بيت جدي وحنا فاتحين باب الشارع وبس يمر هندي نسبحه من فوقه لتحته س1..ماهي نظرتكم لهنود البلد..احتقار ..تعاطف...الخ؟ س2ـهل حصلت لكم مواقف او قصص مع الهنود في طفولتكم او غيره..اذا عندكم ياليت تذكرون لنا؟ س3ـايش رايكم في معامله الناس للهنود؟ ...جامعاتنا سبب معاناتنا.. اعتقد الكل سمع بالبعثات الخارجيه اللي سوتها ديرتنا للشباب والشابات الطموحين والمثابرين اللي حبوا الغربه هي للعب او للدراسه ..الله اعلم..المهم موضوعي كيف مجتمعنا المحافظ الكريم يرضاها لبناته كيف يسفرون بناتهم لدوله اجنبيه كلها كفر وفساد وهم بس مراهقه وين راحه عقول الناس اترك شباب وشابات بهالسن الحرج لوحدهم ببلد غربه احين حنا نسوي لهم مقاطعه لمنتجاتهم واخر شي نصدر لهم عيالنا ...ونعم المقاطعه.... والقهر مايلتقون بنا لابعاده ولاتقاليد ولادين وولاشي..حنا بشرق وهم بغرب..... لا ومسويين فيها كشخه ابعثوا اولادكم لبرا وحنا علينا الحساب وكل شي طيب المبالغ ذي اللي جاي تنصرف عليهم لو تبنوا فيها جامعات داخل المملكه وتخلون الشباب والشابات تحت نظر اهلهم موب احسن ...وبعد في شي معصبني....حتى لو فتحوا لنا جامعات في شي بالله عليكم جامعه الملك سعود مو بنات الرياض اولى يدرسون فيها وجامعه الملك فيصل مو بنات الشرقيه اولى انهم يدرسون فيها من بنات الرياض مو لكل منطقه المفترض تكون جامعه يدرسون فيها اهلها وبكذا نريح بناتنا من البهذله والروحه والجيه مثال قدمت بالفيصل ..للمعلوميه انا ساكنه بالشرقيه...وقدمت بجامعه الملك سعود ليه الرياض يقبلوني والشرقيه ماتقبلني وتقبل بنات الرياض مو المفروض كل وحده وديرتها ..والقهر اذا بتنقلين يرجعوني سنه وغير الاجرائات والبهذله وقالو ايش سوي اخلاء طرف ... بالعربي اجلس استحمل 7 سنين ==>انقضا من السبع3 سنين بالرياض وكل ويكند ارجع الشرقيه لين مايفرجها الله.. . ..شرايكم بالبعثات اللي سوتها المملكه؟ ..بتقبلون ان وحده من خواتكم او اخوانكم يلتحقون بالبعثه ==>اني اشوف الاولاد روحتهم ارحم من البنات؟ لو حصلت لك الفرصه هل التحقت بالبعثه؟ ايهم الافضل يبنون جامعات داخل المملكه..ام البعثات الخارجية؟ خارج خارج ابو الموضوع ايش احلى اغنيه عجبتكم بألبوم راشد الماجد الجديد؟ صراحه عجبني..هلي لاتحرموني...سلامات..وصيه..تنحط عالجرح بااااااااااااااااااااااااااااااااااااااااااااااااا اااااااي ... تحياتي لكم....يوري..او...رورو...او..يرٌو...واذا عندكم غيرهم اعطوني هالله هالله بالردود
* ................................