هلا وغلا بقناصيني وقناصاتي الغالين والغاليات على قلبي
من اسبوعين أو اكثر ماني متذكره متى بالضبط
اهوجس هواجيس قاطعتن قلبي قطع <بسم الله على قلبي>
وانا في عز النوم اقوم وأهوجس بالموضوع
وأقلبها يمين شمال ماتجي
واقول يابنت الحلال اذكري ربك والدنيا ترى لسا بخير
ثمن إلى انقلبت على الجهه الثانيه رجعت نفس الهواجيس
احس بيشيب راسي منها
اللي هي <من جاك وابتلاك وانت تمشي بجنب الحيط >
اما بمعرفه مسبقه منك او جتك على غفلة منك
وانا مانقول غير <اللهم قناهم بما تشاء>
ذبحني هالتفكير
اللي اثار هواجيسي فيه
هو مستوى متدني من نا س الخبث والحقد
والأخلاق الوسخه تجتمع فيهم
وما كفاهم كذا
صاروا يبلون الناس معهم
ساعات اقول بعد التعب في التفكير
وانا وش دخلني اجلس احلل وافكك
قضايا هالداجين
بس اعود واقول هم ناس حتى لو ماقربوا لي هم أخواني في
الإسلام ولحديث الرسول عليه الصلاة والسلام فيما معنا
<المؤمنون كالجسد الواحد إذا إشتكي منه عضو تداعى
له سائر الجسد بالسهر والحمى >
وهؤلا من الناس مهما كانوا هم مجتمعي اللي أعيش فيه
وابنا جلدتي لازم احس بهم ولا ماأكون مؤمنه ..
كل هالكلام مقدمه لمشكله قريبه مني حدثت
واثارت الرعب والخوف فيني
كنت اسمع بهالقصص بس كنت
أقول لاتخلو من البهار
وخصوصا لما أسمعها من حرمه
لكن لما سمعتها قريبه
أيقنت بها وبصدقها ..
الحدث<بنت خالتي بسم الله عليها مهيب رجه إلا الرجه بأمها وأبوها
وانا كلما قلت لخاتي وش بلاها بنتك هالخبله فيها رجاجه مب صاحيه
قالت لي وييين تروح انت بنت خالتها
اعود اضحك لأني ادري اني مرجووووووووووووجه ومطفوووووووووقه
والعرق دساس
المهم مره جت بنت خالتي اللي عمرها لا يتجاوز 14 ربيعا من مدرستها
وقبل لا تشيل عبايتها ركض ومخابط لأمها اللي هي خالتي
يماااااااااااااااااااااااااااااااااااااااااااااااا ااااااااااااااااااااااااااااااااااه
يماااااااااااااااااااااااااااااااااااااااااااااااا اااااااااااااااااااااااااااااااااااااه
يماااااااااااااااااااااااااااااااااااااااااااااااا اااااااااااااااااااااااااااااااااااااااااه
ماترين وش صار بمدرستنا اليوم ؟؟؟؟؟
جت الشرطه والمباحث ومسكوا بنات مهعم مخدرات وان المدرسه تبي تفصلهم
وووووووووووووووو..............
قالت خالتي وش ذاالكلام وش دراك ؟في خاطرها انت صغيره وش عرفك بهالكلام
خالتي مسكينه ماتدري وين ربي حاطها فيه
ماتدري ان عيال اليوم يفصفونك فصفصه
<بس على العموم بنتها خبله طالعه على......>
المهم
قالت لا يمه معنا وحده بالفصل اليوم مسكوها
وهي معها زي غرشة المويه والمويه اللي فيها لونا أصفر أوشي يشبه كذا
وطلعوها الإداريات وحبسونا بالفصل
وماأدري وش سوو فيها
ويوم طلعنا من الفصل درينا إن مدري وش صار مع الإداره والشرطه
وبعدين نزلوا البنات اللي معها هم صديقاتها
ولا عاد شفناهم جايين للمدرسه
يمه ترا هي في فصلنا وكل شوي تنطل علي دفاترها تقول حلي لي
زي واجباتك
وإلا بوريك <أساسا بنت خالتي على نياتهاماترفض توها جايه من الإبتدائي
صح انها عاشت سنه بالمتوسط بس ولو تظل على وجهها انا ياللي هي انا
احيانا كثير أجد أني مغفله وعلى وجهي اتعمل مع الناس بكل طيبه
واثاريهم ملاعين جدف>
المهم
هواجيسي اللي تودني وتجيبني بنت خالتي ذا الخبله
لو انهم ماسكين البنت وورطوا بنت خالتي معها
ولا تبلوا عليها بشي أهي وصديقاتها
الدنيا والله ماتنضمن
وعلى قولتهم< الدنيا امان إلا ساعه >
يعني بنت مابان عليها أي شيء سواء انها مهمله في واجباتها
تصير تجيب هالأشياء في المدرسه
انا اقول العامل الأول مافيه رقابه من أهل
ووين جابت هالأشياء منه ؟اكيد لها علاقات مع شباب
العلاقات تعودنا عليها وصارت لا مدرسه تخلو من العلاقات
لكن مخدرات أوغيره ابد ماتعودنا بس الله يستر
وعلى الطاري مره وحده تقص لي قصه مضمونها
بنت لها علاقه مع شاب وهالشاب يشرب اللهم كافنا الشر
المهم مره البنت قالت ودي أشرب
الحمد لله انها طاحت في واحدن حبيب
قالها ولا يهمك بس راح أعطيك أخف نوع لأنك ماقد شربتي
وبقولك على طريقه قبل لاتشربينه سويها علشان محد يكشفك
من أهلك ..
شوفي قومي خذي لك ورقه أكتبي فيها انا حاطه المفتاح بالمكان الفلاني
ولزقيها على باب غرفتك من جوا وقفلي الباب وروحي حطيه بالمكان اللي كتبتيه
وانا بحط لك كميه بسيطه من أخف الأنواع وبخلطاه مع علبة ميرندا
بس انتبهي تشربين الميرندا كلها قالت ok..
وخذت العلبه وسوت نفس ماقال وتقول أول ماشربت ماحيت ان في الميرندا
شيء واشرب علبة الميرندا كااااااامله من زود الإخلاص في العمل
تقول ماوعيت إلا اني عند الباب طايحه
ومنطقة الجمجمه والدماغ تقول أحس انها فاضيه مافيها شيء فراااااااااغ
أحس ان راسي طاير ..ويوم فتحت جلست أدور المفتاح مالقيته
وأشوف اني كاتبه ورقه على الباب وأروح لنفس المكان المكتوب وأطلع المفتاح...
آآآآآآآآآآآآآآآآه
من جدآآآآآآآآآآآآآآآآآآآه
على هالحال وش وصلوا له البنات ماأعمم لكن الشرذمانه وش لون نشل هم من المجتمع
ونقضي على خبثهم
ويخوفي يبتلون اللي نايم ومتهني في داره
لكن مانقول غير< حسبي الله ونعم الوكيل >
<اللهم قناهم بما تشاء >
<اللهم أجعل بيننا وبينهم سدا ومن خلفهم سدا>
وإبعد عنا الشر يااااااااااااااااااااااااارب
خلاصه القول
مدري وش أقول بس بقول موضوع لا يخلو من النقاش
بنات صغيرات في عمر الزهور يتعلمن ويمارسن هذه
الأشياء يااااااااااااااااااااااارب عفوك
المهم
س1\هذه الظاهره التي بدأت تتسرب لا أقول انتشرت ولكن تتسرب
بين أوساط الفتيات مارأيكم فيها ؟وكيف نحد من إنتشارها؟
س2\هل تجدون فرق بين ممارسة الأولاد لها اخف من ممارسة الفتيات ؟
<لاتقولون شيء مهما يكون الفتاة يجب ان تكون أعقل لأنها هي الأم مستقبلا وهي مربية الأجيال ..
الأسئله عندي كثيره بس عجزت لأطلعها من كبر الصدمه اكيد يدور ببالكم نفس
الأسئله اللي بوجها لكم ناقشوها وخذوا راحتكم فيها..
أخيرا ..كيف الحال ؟ عل قولة ابو يعقوب
هايله صايره مرشده إجتماعيه تناقش مواضيع أكبر منها
وش رايكم أصلح مذيعه ومقدمة برامج ترى جايتني عروض
كثيره من القنوات مدري وش انقي منها قلت اصبروا بشاور
أعضاء منتداي الغالي وبردعليكم وش تقترحوووووون ؟
ههههههههههههههههههههه
والله لأصير أفشل مذيعه واخر شيء بينطلوني على قناة اشقائنا في السودان الحبيب
دمتم بود أحبائي BBP BBP
والله الله بالردود السنعه
وه تعبت وانا أكتب
مع السلامه أشوفكم في قضيه ساخنه للحوار
بااااااااااااااااااااااااااااااي