هلا بالطخمان كلهم ياخي كثير يلخبطون بيني و بينك اتوقع هذا لملحنا الزايد .. و خفة الطينة .. <<برا مميز والله صاير صدقي و انت تكتب حسيت بمعاناتك و أنا في أقاصي بلاد الغرب ياخي راشد تكفى من جد هالإنسان بيموتني من جد يعني هالإنسان هو اللي تحس إنه فاهم الناس هذا ليه هو ذكي ..دايم يجيبها على الجرح ياخي حاس في معاناتنا بالنسبة لعلاقتك بالنت والله إني أخس منك ما كنت أعرف ايش يعني منتديات قبل القناص أقسم بالله يا شيخ مرات نكون في جلسة زمان و الشباب يتكلمون عن المنتدى الفلاني و المنتدى الخربوطي و أنا ضايع .. أحسبهم ميد منتزهات ولا قهاوي يعني منتدى القناص له فضل كبير علي و الله علمني كيف اكتب و أعبر و إدارة ياخي رايقة خلوقة BBP اعضاء محترمين حبوبين حلوين زيي يعني من جد ترتاح فيها و بالنسبة لكروت المزن الحمر صدقني ما فيه احد ما تضرر منها انا يا محسوبك انلطشت كم كرت على الطاير بس ياخي فكر فيها الحمدلله لولا الله ثم ذي الكروت كان قعدنا دلوخ ماغير نسخ و لصق بس الكروت سنعتنا و علمتنا و بالنسبة لخويك ذا الكويتي الدبشة اللي يطلع بالراي اول مرة أشوفه ولا ادري من هو ولو شفته بالشارع متعطل ما وقفت له <<نذل بس معك حق شكله يدبل الكبد و دمه ثقيل ولا أشوفه شخص قابل للظهور على التلفاز يعني لازم اللي يطلعون بالتلفزيون يعني شوي يكونون ذربين مقبولين يا رجال الحمدلله التلفزيون العربي من زمان عنه و قاطعه و يوم قطعته لاقيت خير ستار اكاديمي وش ذا البرنامج ياخوي حق مبزرة و بثارة يعني ما اقول لك اني ما تابعت الجزء الاول شوي من حلقاته اما بس الباقي والله ما ولهت أشوفهمن ثقالة الدم بعد ذاك البثر بشار الشطي ما عاد قدرت اشف ذا البرنامج اللي يخرج ذا الأشكال !! ياخي تصدق اني مرات في السعودية اتفادى أحط على روتانا أخاف يطلع لي ذا بشار هو وجهه اللي تقول كنه حلاق تركي شين حرمني من روتانا الوصخ حرمني من اليسا و مايا نصري و نانسي يرحم والديك يا مميز تراك طلعت ماش ماش اجل ساندرا زينة وش تعريف الزيون عندك تراها دبدوبة و وعندها شحم مب صاحي برقبتها مرات احس لها وجهين و لا فيها زود عادية جدا !! إسمح لي انا أدري إن حالي بيتوطاني بس ساندرا ترى مش ولا بد نعنبو اليسا يا ناس وجه صوت ملابس كل المتطلبات ذوق ولا عندك مايا نصري ذاك الجمال الطبيعي ولا بلاش و دينا حايك يعني كذا الاذواق ترى على فكرة ساندرا من مواليد الرياض يعني كان يمديك تلحق عليها قبل ما تشتهر و هي صغيرة بس الحين رجعت لبنان بس يمكن ابوها و امها باقي بالرياض وش رايك تسير عليه و تقرا الفاتحة أما الطفش والله رحمتك يغيت ادف لك تذكرة على حسابي توسع صدرك عندي و ترجع و الله فيه كل شيء تبيه هنا بس السر انت وش تبي ..لا جد الحمدلله فيه السينما المجمعات المحلات الترفيهية الحدايق كل أبوشيء يرجع نسبه إلى قبيلة الوناسة والله و الجو بدا يزين و الناس طيبين يعني حتى مرات تلاقيهم فارشين برا بدلالهم ياخي ما تلاحظ ان ثلاث ارباع موضوعك اغاني راشد يعني كن ما عندك شيء تقوله و كثرت من راشد بس والله راشد مريض من ما يحبه و مسكين اللي ما عنده راشد .. مميز حبيب البي موضوع بطل و صراحة أعجبني و لا تأخذ بخاطرك اذا تعليقاتي جرحت من ذوقك لأني احسك زيي وسيع بطان و عايش حياتك .. تراني طالع اشوف فيلم الحين في السينما <<يبي يقهره أدري العالم بستغرب ردي اللي غير هالمرة و غلب عليه التعليقات الماصلة و يحسبون احد سارق يوزري بس إنما هذا للتغيير عشان ما تملون شفتوا اني اهتم في شعوركم و أحب اغير