مــساء الــكتكات..

.
.


والبـاونتي..والجلاكسي..معـاه تـوكس..
بإخـتصار مـساء كـل الــشوكـلتات..<< مــا يـعرف يـجمع
..
وأنــا تـوني قايم مـختبص..,,أرتب دروسي عـلى عجل..
أطــلع مـن الـبيت..وأدق سـلفة أنـا و ولـد جـيرانا للــبوفيــه..طــبعا الـمعدات مـعنا كـامله..جـوال..<<الله يـستر دايما أنواع الـقفط..
وفلوس..وفصفص..وعــلوتس..<<لـغير الناطقين بالقصيمية..
هـشوم: محمـد فـطورك عـلي..
أنـا: لا لا..أمس كان دوك الـيوم دوري..
هـشوم: خـلاص الي تـشوفـه..
أنا: وش تـبي..؟
هــشوم: سندويشتـين بيـض مـع شاهي..
أنا: مـن عـيوني..

بــعد مـا أكلنا أنا وصديـقي..ومـلينا كروشنا..أناظر الـساعة..
انا: هـشوم والله تأخرنا..
هشوم: عاادي.بس مسؤول الغياب المهم لايـجي عندنا ويقول ريحتكم بوفيـه..
أنا : وأنت هـذا الـي همـك..؟ قـم يلا..
طبعا وحنــا بالطريق للمدرسة..داقين لطـمة..<<هـذي مــا يـختلف عليها اثـنان..
بـعد مـا وصلنا للمدرسة ودخـلنا..الا مسؤول الغياب يـنتظرنا..
أنا: الله يستر.
هشوم: هالحين ســلك لــه..يعني دبر تـصريفه..لا تقـول كنا بالـبوفيه..<<ملتقى الدشير..
أنا: مـن عـيوني..
مــسؤول الغياب: تـعال أنت وياه..وين كنتوا..
أنا: والله يــا أستاذ أنا كنت نايم..
هشوم: وأنا مـثله..
مـسؤول الغياب: افتح يدك..<<أكثر كلمة أسمعها بالمدرسـة..
بـعد مـا دخـلنا الـفصل..,,وتمر الـحصصص..بلمح البرق..
وفي نهاية يومي الدراسي..أسلم على هشوم..وأقول أشوفك عـلى خير..
هشوم: وش دعـوة كـل يوم أشوف خشتك بالمسجد..
أنا: أقول لايــكثر..
ــــــــــــــــــــــــــــــــــــ
طــبعا الـقصه الـي فوق كل يوم دراسي تـصير معـي..

س1/ عـطنا قـصتك وانت رايح الجامعـه أو المدرسه او التمهدي..

س2/ مـا رأيك بــصديقك بالمدرسه ..

هــذا وتـقبلو تـحيات محدثكم .:
أبــو طــلو..