بسم الله الرحمن الرحيم اولا :كيف الحال ؟ان شا الله تمام ثانيا :انا من زمان ما كتبت لكم فاياليت تردون ردود يحبها قلبي<<معليش على الوثوق رحنا الويك اند هذا للبحرين قعدنا هيناك 5 ايام ما بين النوم والاكل وروحت السيف والسينما يوم من الايام الخمس رحنا للبحر قعدنا على الشاطي وجبنا زوليه وشاي وفصفص وسنارات صيد((قراوى اول مرره نروح للبحر )) المهم ان رفعنا بناطيلنا وقمنا نراكض على البحر كننا مهبل انا وبنات خالتي نسوي شجعان عند المبزره ونقرب لم الغميق والبزران يصرخون ((تشجيع)) المهم ان رجلي صقعت بحجره احس ان رجلي تخدرت ما دريت الا وانا داخل المويه وراسي صاقع بالحجر انا حسيت ان على ابواب الموت((بدت الفلسفه<<لا يكثر هاه)) وطبعا ما شا الله على بنات خالتي من كثر ما يحبوني طنشوني تحت المويه بعدين لما خلص تصفيق الجمهور تذكرو انو انا تحت المويه بعدها قوموني وانا ما اعرف راسي من كرياسي بعدين شافتني امي وعطتني ذيك التهزيئه اللي يحبها قلبك رحنا للشقه بعد التهزئ والصراخ ووجع الراس انا دخلت الحمام اتروش الا اشوف راسي الا انه واصل السقف من النفخه يطلعلي ذاك الصعرور اللي احس اني قومت كل اللي في العماره من الصرخه ((انا ما صرخت من الالم صرخت من الشكل المرعب)) حسيت وقتها اني عبقريه من كبر راسي ((ايه رقعي الموضوع )) بعدها دخلت علي امي ولما شافتني سليمه بدا التهزئ جعلك الجدري وراك تصرخين احسب دخل عليك حرامي روعتيني جعلك الطاعون ((هذا كل التهزئ وانا اطالع صعروري )) قلت لامي ناظري صرت مشوهه قالتلي يعني انتي اول كنت حلوه روحي الله يستر علينا وعليك نومي انا جلست اربع ساعات بدون انقطاع ولا نوم ولا تعب قبال المرايه اناظر صعروري واتامل فيه بعدها نمت وانا اعاني من الصداع التعب والإكتئاب وحالتي لا يرثى عليها دخلت الغرفه وانا مطنقره كل واحد حجز مكان ينوم فيه وانا اللي مصابه وداخله حاله اكتئاب ما عندي مكان المهم رحت الصاله وانسدحت على الكنب الا تطلعلي ذيك النحله اللي ما عرفت وش اسوي ((ليله مشؤمه بالنسبه لي )) قمت اراكض بالشقه ((كاني العب حبشه)) وطلعت وفتحت الشباك بسرعه وطلعت بره الشقه وسكرت الباب((والله لو ان داخل الشقه ديناصور ما سويت كذا)) بعد نص ساعه فتحت الباب بشويش ولا القا النحله بعدين ارتاح قلبي ونمت وبعد ساعه الا ربع يقوموني الشباب قومي ننزل نتسبح انا قمت وانا انافخ واطق واهاوش انا لما تذكرت انهم ما ساعدوني قلت لازم ارد الحركه ما ارجع للرياض وانا بس اللي عندي صعرور لازم احد معي نزلنا تحت ورحنا للمسبح طبعا كانت الساعه 7 ما في احد فا كانت فرصتي جت بنت خالتي تبي تاخذ شاور قبل ما تطب وهي ماره من جنب المسبح الا وانا ادفها ذيك الدفه اللي خلتها تروح وطي لما طلعت وهي تصيح مكسور ضرسها فيها صعرور وحالتها العن من حالتي انا هذاك الوقت مت من الضحك بعدين جا وقت بنت خالتي الثانيه دخلنا للمسبح وبعد خمس دقايق شفت حصا مرميه خذيتها وفلقه بنت خالتي فيها كانت الاصابه مو طبيعيه في الجبهه مباشرا ساعتها انا انسدحت من الضحك بعدها طلعنا فوق وغيرنا لبسنا ورحنا للرياض والكل مفلوق اهم شي اخذت حقي منهم وبعدها كرهت البحر واكيد بنات خالتي كرهوا المسبح ويلا ما اطول عليكم بس الله الله بالردود يا الربع بااااااااااااااااااااااااااااااااااااااااااااااااا ااااااااي