هذي كم قصيده للشعرااااااء اللي لقيت قصايدهم مكتوبه
,لــــــــذة الفـقر,,
للفقر لذة في عيون الهوامير
شوفوا شلون بفقرنا شاركونا
دينارهم يستنسخونه دنانير
ولو هو طلبناهم ترى ماعطونا
حسرة قليل المال بكفوفهم غير
لو هو ذهب يمدي خذوه وخذونا
الله لايجزى هاك الطالع بخير
اللي عليه بعافيتنا حسدونا
تجمعت شرابة الما على البير
ياحليل عنه الجماعة حدونا
جونا شتات أصفر تلفقهم الطير
بلوى ياليت بشرهم مابلونا
طاوع معهم من لقى (دهنة السير)
وألا وش اللي سكته يوم جونا؟!
ذقنا على يديهم هوان المشاوير
ضيعهم الله زي ماضيعونا
وش صار فينا بعد باقي يصير؟
يافاهمين السالفة فهمونا
المشكلة ياحبنا للمعاذير
والناس وصلوا للقمر وسبقونا
دايم نسوي للخيانات تبرير
والظاهر الخاين طلع (كل أبونا)
عبد الرحمن الشمـــري
../السعودية/..
&ولدت ساطي&
ولدت ساطي ومتغطرس وأحب الخصـام
ولا أعترف في إدارة طبـع والا مديـر
...
أوجدت نفسي مـن اللاشـي والانعـدام
ونبذت فالمجتمع لانـي صريـح وفقيـر
...
ماكان تفكيري الا كيف أخطف السنـام
والحمد لله خطفت اليـوم كـل البعيـر
...
إن لم يكن مركزي بالصف الاول أمـام
ماعاد تفرق معي لو كنت قبـل الاخيـر
...
الله أكـبـر ولله البـقـاء والــداوم
وهو الإله الأحد وهو السميـع البصيـر
...
أخذت من مدرسة أحمد عليـه السـلام
مالا خذيته من مخـاوى وزيـر وأمير
...
وأخذت من تجربة عبدالعزيـز الامـام
وش يصنع العلم لاخاواه سيف شطيـر
...
واخذت من فلسفة هتلر عـدم الالتـزام
وكسبت نفسي وريحت القلق والضميـر
...
وابشرك حالتـي دايـم علـى مايـرام
من ركعتين الفجر اليـن بعـد الاخيـر
...
صحيح عندي تحفظ على بعض الانـام
مثل معمر وابو مـازن وتونـي بليـر
...
لكـن انـا مااحـب اقلـل الاحـتـرام
واذهب ضحية طموح الغرب وانا صغير
...
قومية المسلمين اللـي عليهـا الكـلام
راحت معا خالد وعمرو وعلي والزبيـر
...
الله ولا الذل والتخـويـن والانـهــزام
ياعابدين العروش الوضع جـدا خطيـر
...
يابو خلف كيف حالك عل حالـك تمـام
انسى القصيدة وهات علوم اخوي الكبير
...
شيخ عرفته وتقريبا لي اربـع اعـوام
يومنـي اجيـه لا جايـر ولا مستجيـر
...
يشوقني له نشوق الوسم عقب الحيـا م
في صفرة جوهـا ماهـو بفيـة هديـر
...
الشيخ ابو خالد محمـد عـداه المـلام
اللـي يصيـر مـن الإصرار مالا يصيـر
...
حـد الثمالـه اعـزه لاعلـي الحـرام
انـي احبـه وحـبٍ لو درى بـه يطـيـر
...
يطير مثل الوحش لاضف ريشه وحـام
وحول على الذايره بالجو مثـل المغيـر
...
ان الملوك اذا اعطـوك حـب وغـرام
خلوك من سائر الخـدام يعنـي خفيـر
...
الا انـت ياراعـي التقديـر والاهتمـام
ياللي رحمت الصغير وشلت هم الكسيـر
...
اذا البـلاط الاميـر والكنـب والرخـام
له شاعر يدهله في صبح والا عصيـر
...
فانا دهـلـت الثريا والقـمـر والغـمـا م
وحولت أدهل طرف مشلحك مالي خشير
...
كفـرت بالناقصـه والغـدر والانتقـام
وامنت باانك حزامي بالنهـار العسيـر
...
من لايقدر ثباتك مـع عكـاك الزحـام
ماهو بوالله مقدر ويـش معانـي جريـر
...
يارا س عيطا يمسك البدء قبل الختـام
يالنادر اللي على صيد المكـارم شهيـر
...
يالمهدي المنتظـر بالحاجتيـن الجسـام
المدة المسكته والاخـذ بيـد الضريـر
...
ياسيدي ودي افهق لك ضلـوع العظـام
واعطيك شي بصدري وانت رجل خبير
...
انا تراني اعانـي نـوب مـن انفصـام
يوثرعلى البرمجة في راسي المستديـر
...
واصير احس اني البارود والا الحسـام
في ساحة الشعر من تبوك لاقصى عسير
...
ممايسبـب لبعـض اعدائـي الاحتـدام
اللي يحسبون قرض الشعر مثل الشعير
...
والشعر وان كانه المقصود بـاول مقـام
فالله يرحم ابو الطيـب ويرحـم زهيـر
...
روح التنافس وحب الشيخ والانضمـام
ماهي بتعني لدى الكثرة نهايـة مصيـر
...
والشاعر اللي معه عزوة خوال وعمـام
تفداه وايـل وترقـب مستعـدة مطيـر
...
والله فلا ينقهـروالا يضيـق ويضـام
لاجاء اللززوالملاقى والقبـس والنذيـر
...
وجمع الدراهم ماهي باكبر طموح الغلام
اللي جمع من قلوب الناس شـي كثيـر
...
من حبني رغم تفويتـي لـه الانخـدام
واللي كرهني فهذا شخص ملعون صيـر
...
دام المعـارك صغيـره ماعلينـا لـزام
ينوب عن سيفـي البتـار اصغرجفيـر
...
قرات فيما قراتـه مـن بلـوغ المـرام
اللي ترك شي لله عاضه الله بخير
...
يااسر التويجري /السعودية/
(ياقو قلبك)..
ياقو قلبك على الصّـده ويـا صُبـرك
وياوسع صدري على صدك وياصُبري
...
وياطـول عمـرك بذاكرتـي وياكُبـرك
وياشيب عيني بشيّب عـاد ذاكُبـري
...
والله لون حمل صبري فوقك..ان تبرك
والله ولو تعتذر منـت بعلـىخبـري
...
ان ما جبرك الغلا ما اقدر على جبـرك
ياللي على ارض الوفا ما شبركبشبري
...
تزعل وترجع وتلقانـي علـى خبـرك
وانا انكسر لك واجيـك ادوّرلجبـري
...
طيفك وذكراك طيلـة غيبتـك سبـرك
وشوقي لشوفتك طيلة غيبتـكسبـري
...
امحق وليف ومحبة...والا اقول..ابرك
حسبي عليك اعشقك وانت اتحفرقبري
محمد فطيس المري /قطر/