|| تمهيد ||
المكان : أحد المقاهي بشارع التحلية بالعاصمة " الرياض " . 
التوقيت : تشير الساعة آنذاك إلى الحادية عشر مساءً .
المناسبة : اجتماع شبابي بريء .
...
وليد: شف شف ذولي بالله . 
نواف: ايه وش فيهم . 
نواف : تدري اني شايفهم و انا جايك عالدائري الشرقي . 
نواف : و اذا يعني . 
وليد: مهابيل هالشله و الله العظيم . 
نواف : ليه وش مسوين ؟!
وليد: قاعدين يتزلجون ..!
نواف : وين فيه ؟!
وليد: عالدائري .
نواف : نعم .. لايكون عالرصيف بس ؟ 
وليد: لا لا .. بوسط الطريق .
نواف : انت صاحي .. أكيد تستهبل .
وليد: شكلك ماتدري وش الطبخه .. استقبل المقطع اللي بارسله لك وشوف . 
نواف : يؤيؤيؤ .. وش هالهبال .. أحد يروح للنار برجليه .
وليد: على فكرة هذولي مجموعة متخصصة بهالشي .. مثل الفرقة يعني ما تشوف اشكالهم كيف .!
نواف : الله يعافينا و لا يبتلينا .
هواية اقتحمت الأوساط الشبابية مؤخراً
مجهولة المصدر و الهوية
عفواً
أنا لا أسمّيها هواية بل محاولة انتحار لا محالة
ما الدافع ؟!
ضعف الوازع الديني
حب التجربه و اكتشاف كل جديد
تقليد أعمى
محاولة انتحار
بحث عن الشهرة و الأضواء
و مالخسائر من ممارستها ؟!
بالتأكيد .. هدر للوقت و للمال
و التفكير فيما لا صالح منه
و الأهم تعريض النفس للخطر
و النهاية
إما النجاة و مواصلة المشوار بقوه
و إما الموت و الهلاك
..: أسئلتي بخصوص هذا الموضوع :..
سـ 1 / هل رأيت مثل هذه المحاولات الانتحاريه على الطبيعة ؟!
ســ 2 / ما رأيك في من يمارسها ؟! و هل أتتك رغبة بممارستها ؟!
ســ 3 / من وجهة نظرك .. مالدوافع و الأسباب خلف هذه المحاولات الانتحارية ؟!
ســ 4 / الحل المناسب لهذه المشكلة ؟!
ســ 5 / نصيحة توجهها لهم .
قضية اطرحها بين ايديكم
منكم و إليكم
دعوة للنقاش معاً
فالموضوع يبعث لدي كثيراً من التساؤلات
و من خاض هذه المحاولة فلا بأس بطرح تجربته .. لعلّنا نثنيه عن إعادتها مرة أخرى 
// المشكلة شبابية بحتة .. لكن لا نستطيع الاستغناء عن أراء الجنس الناعم //
تنبيه آخر //
لا للردود التقليدية ( مشكوره - يعطيك العافيه .. الخ )
|| أرق التحايا ||
.. أختكم / ريح المطر و الهبايب
BBP