مساااااااااااااااااكم ورد وقرنفل ايها القناصين والقناصات BBP BBP
ندخل الموضوع دغري وبلى مقدمات <<صايره جديه بسم الله علي هذا والله من اللي صارلي
اليوم انا وامي الغاليه على قلبي <<دارين غيره
المهم طالعين عندنا مناسبه ورايحن نشتري مواعين سنعه<أواني للمطبخ>
طبعا ولا أحد يخفى عليه ان هاالمواعين اللي بنشتريها
تصل إلى الآف مؤلفه فلازم نأخذ الإحتياط وزياده
غير عن كذا امي جايبه طقمها الألماس تبي تسومه
المهم صار ان طقم ماما ماطاح سعره يعني إلى الأن غالي <<إلا الأن مافيه مشكله
وهنا تبدأ المشكله ماوصلنا للسوق إلا قبل أذان المغرب بشوي
حدنا سمنا الطقم وأذن
طبعا لازم تقفل المحلات وهذا شيء لاغبارعليه
وطلعنا انا وامي وصلينا وجلسنا نستنى
المسجد يخلص صلاته
وطبعا مكان محلات المواعين في الشيطان في أخر السوق
وأخر السوق مكان شبه مهجور ومع وقت الصلاة كملت
مافي هالمكان غيري انا وامي وحرمتين ومعهم ولدهم
رجال يمكن انه في الثنوي أو الجامعه بس الله يهديه ماراح يصلي ..
المهم
هم شبه داخلين في الممر ..يعني شكلهم مختفي شوي عن الأنظار
وانا وأمي جالسين على الكرسي على الشارع ومعطين الشارع
ظهورنا ونسولف ونضحك وانا في عز موتي من الضحك على امي
اللي طالعه جبهتها كلها من النقاب قامت أمي تصلح نقابها
وفجأه ومن غير سابق إنذار يدي وذراعي تجر إلى الخلف
انا ماجاعلى بالي شيء ظنيت شيء ما إلا انها وبسرعه فائقه
تسحب بقوه ثم بقوه ثم بقوه وما ان التفت حتى صرخت صرخه مدويه
خطر انها بتزعزع وتهز الجدران من حولي
رايت يد وأصرخ ثانيه وثالثه وإلى الخامسه
واقوم من مكاني زي المهبوله وانا أصارخ
يااااااااااااااااااااااااااااااااااااااااااااااااا ااااي
يمااااااااااااااااااااااااااااااااااااااااااا ااه
يااااااااااااااااااااااااااااااااااااااااااي
يماااااااااااااااااااااااااااااااااااااااه
الحقيني
ولا امي تقوم منفجعه ماتدري وش فيني
بس في إعتقادها انه نطت علي قطوه اوما شابه
لاني اكرهم مووووووت واخاف منهم كذلك مووووووت
وش فيك وش فيك
انا:يمه شوفي شوفي ولد صغير لايتجاوز عمره 7سنوات
يسحب شنطتي من يدي الحمد لله انها كانت متعلقه بيدي مانزلتها جنبي
وأشوف الولد ولا هو يركض ماقدر ياخذ شنطتي وأنحاش يركب الونيت اللي موقف له يستناه
المشكله انا وامي ابدا ماسمعنا صوت وقفة السياره ورانا ولا شيء من ذلك
ويفحط الونيت ولا نشوف غير غباره
شنطتي والمحتويات اللي فيها لا تقل عن 15ألف كاش غير عن طقم أمي
اللي حاطته بشنطتي
وجوالي وجوال أمي
وكل هذا بغى يروح في غمضة عين
وأروح اركض كني مهبوله بالسوق وامي تلاحقني
وطلعنا توم اند جيري ماغير مراكض بهالسوق
اللي يشوفني فعلا بيضحك
يقول وش هالخفاش الاسود اللي طاير
والحمد لله على سلامتي انا وماما
وهانا اسطر بين يديكم قصتي
وماذا حدث لي ..
زبدة الموضوع خذوها
اكتب وانا محروق قلبي على اللي بغي يسرقني
طفل صغير لا يتجاوز عمره 7سنوات يجبره من هم أكبر منه
لتلوث يديه بالسرقه وهو صغير
س1\ماهو ذنب هؤلاء الأطفال الصغار تلوث ايديهم من قبل الكبار ؟
س2\ هل للفقر والحاجه دخل في معمة هذا الموضوع ؟
س3\ماذا لو صادفكـ..كي هذا الموقف واستطعت القبض عليه تتجاهله وتحاسب من المتسبب ؟
ام تعاقبه حتى لايعاود مهنته ؟
وبس وهذا موضوعي وانا أكتيب ارتجف من الخوف لأن لسا الوضوع فرش
اليوم صاير لي
وأخيرا وليسا أخيرا
أعدولي ان الله يثبت قلبي لأني خوافه شديد قوي
حتى لوتمر بجنبي قطوه اموت من الهلع