صبح خير جميع والله ما أحد يقــوم 
مساؤكم كله هواش وطقاق
مساؤكم زعتر وليمون وتفاح وبقدونس وكراث
وجميع ما في بقاله ابو فيصل للمواد الغذائية
<< تراك مصختهـا
عاد ما ابي أخربها من البدايه على قولهم الزين يبان من
أوله بس ارجع وأقول إن الزين ما يكمل
بس أدري إن كلن جاي مقلع عشان يشوف وش سالفه الطالب [ الذيب ]
إلي متربع على بطن المدرس
بس حقيقه مو متربع بس إلا حاشرنه في الزاويه
ومعه سكين بلاستيك
أكيد إن كلن عرف وش سالفه موضوعي هذا وهو
عن العنف ضد المدرسين [ من قبل الطلاب ] كثير ما صال وجال هذا
الموضوع على لسان كثير من الناس وخاصه
يكون حوار محزن لكثير منهم وبالضبط في مجالس [ الرجال ] أما مجالس
النساء فكلن يعلم ما تتحدث عنه
أنا لا أرى في هذا الشئ خطـأ فأنا درست
في 7 مدارس << نص المملكه أخوياي
ورأيت من المدرسين عينات كثيره حتى شاب الرأس ومنهم من
يكون [ طقه ] ظربه بالشئ القليل فالقتل هو الأفضل
لا أحد يناظر بعين فأنـا أكون وللأسف دائما في مواقع تكثر فيها
التكلم عن هذا الموضوع ومن خلاله يخرجون المدرسين ببراءة
بالرغم إنه رأس البلوه واللوم يرجع على الطلاب .
لنذكر لكم قصه حدتث معي في نهايه الإختبارات السنه
الماضيه 1427 / 428 1
كان عندنا مدرس [ مصري الجنسية ويفتخر ] << على وزن سعودي ويفتخر
إلي هو إسمه جمعه << هو ورأسه تقول دفايه
كان هذا المدرس بتاع الفيزياء والأحياء <<المصاريه البتاع كله
وطبعا ما يدرس إلا فصلنا وفصل ثاني
قبل الإختبارات بأسبوعين جانا المدرس جمعه وبدأ يتكلم عن
أهميه ثاني ومن ذا الكلام إلي نسمعه كل يوم وفي نهايه الحصه
قال بأعطيكم مذكره مكونه من 40 صفحه إلي يذاكرها
يأخذ 30 درجه وهي المطلوب
أخذنا المذكره وحفظناها [ يا عيال الفصل ] زي ما يحفظون طريق
مستوصف الهيثم قصدي قهوه الهيثم [ مخرج 18]
وحفظناها [ صم ] وجاء يوم الإختبار وأما حافظها حفظن مو
بصاحي حتى المذكرة تقطعت من كثر ما فتحتها طبعا أول
مرة أدخل إختبار فيزياء وأنا حافظ
دخلنا القاعه وكلن ظامن 30 والدليل إن القاع أكتملت بعد
3 دقايق فقط والعده إنها تكتمل بعد 15 إلى 20 دقيقه
وأنا في القاعه وقبل توزيع الورق يسألني الكريه إلي جنبي << فيه حب إستطلاع
ويقول وش عليكم إختبار ؟
أنا : فيزيــــاء 
الكريه : وش رديت علي 
أنا: إيه مو مصدق
الكريه : لا مصدق بس العاده تسفهني خخخـ
أنا : ههههههه
الكريه :كيف المذاكرة ؟
أنا : يه يه أوكيـه مان << قلب خال
وبدأ توزيع الورق وبدأ المدرسين كلن يفرك عيونه وإلي
يلبس نظارة شمسيه مسوي ذيب
ووصلتني الورقه وأفتحها بثقه واكتب إسمي سداسي بعد مو رباعي
وأقرأ السؤال ألأول !!!
وش ذا الكلام أول مرة أشوفه ومن كثرت ما فتحت عيني أحس جاها تمزق
وأقرأ السؤال الثاني !! والثالث !! والرابع !! 
شئ غريب !!
وقعد اقلب الورقه أدور على الصفحه الولى عشان اشوف الماده
وش مكتوب لقيت مكتوب فيزياء
طيب الصف وشو ثاني !!
قلت إيه أكيد معطينا إختبار الشرعي
أنا : يا اأستاذ نصر << على طارئ النصر نحيي جمهور النصر من هذا المنبر
نصر : خير عاوز إيه
أنا : << قاعد اتذكر السؤال
نصر : يله عاوز إيه
أنا : إيه .. أنتم غلطانين معطينا إختبار الفيزياء حق ثاني شرعي
نصر : يله شرعي ما عندهم فيزياء حل بس واترك الغباء !!
[يناظر واحس إنه يقول الله لا يبلانا ]
اللحسه مسيطره علي حتى كنت أقرأ إسمي وإذا خلصت قلت والنعم
ورفعت رأسي وقعدت أناظر أخوياي إلي نايم وإلي مسوي طيارة بورقه الإختبار
وإلي يلعب xo مع نفسه
رجعت رأسي وشي واحد يناديني من العيال طااااااااااااااااااااارق
ناظرت فيه وقلت خير
قال : ناظر رسمت ياسر وش رايك
أنا : كفو يا ذيب قسمن تقول هو << أعطيه جوه
خلص والوقت وطلعنا وكلن يسحب رجله يبي بس يشوف المدرس
وشي إلا المدرس طالع ورايح مقصف المدرسه [ الدكـان ] ونلحقه
أستاذ وش ذا الأسئله الله يصلحك ّّ!!؟؟
جمعه : هذا عشان تعرفون إن ما أحد يقدر يلعب علي
واعطانا ظهره
قلت في نفسي [ قسمن ما تمر على خير والله لأخليك خميس يا جمعه ]
المهم إجتمعوا عيال الفصل وكلن يقول رأي
الأول يقول إن المدرس لابد إن يروح عليه عضو يا عينه يا يده يا رجله
الثاني يقول لابد من إهانه المدرس
الثالث يقول إننا ننتقم من المدرس إنتقام يدرسّونه المخابرات الأمريكيه
والرابع يقول يا حنا يا المدرس و .. .. و
وطلعت لواحد من العيال فكره جهنميه يوم قالي إياها قلت قسمن إنه
غطى على إبليس
ولافكره تقول إننا نتفق مع المدرس جمعه على إنه يعطينا حصه
خصوصيه في المدرسه قبل إختبار الأحياء لماده الأحياء [ علما إن
إختبار الفيزياء كان يوم السبت في الأسبوع الثاني وألأحياء يوم الأربعاء ]
وتكون القطه من 100 ريال في 30 طالب
3000 ريال << إبن أم مصري يلقاها
رحنا عند المدرس وكلمناه ووافق بس قال لازم الفلوس
تجي قبل الحصه
أنا : وين نبيع حشيش ,, قصدي من عيوني
جمعه : خلاص يوم الثلاثاء الساعه 6 وأنتم هنا ..
والفلوس معكم .. من زمان كده يا أبني
أنا : اجل تبي تنطق من زمان قصدي أبشر
يوم الثلاثاء 6 المساء
والفصل كامل بس فيه شئ غير بالعيال كلهم منتفخين
بس علموني إنهم شاركوا بنادي بناء أجسام خخخـ
دخل المدرس جمعه وبدأ يشرح وقام طالب دبا
وراح تكأ على الباب
ونطوا عليه العيال وطاح طيح والمدرس يصارخ بس يحفر
أحد يسمعه ما فيه في الدور إلا حنا نيهاههههها
بس ما ظربوه بقوه واحد قاعد يظفر لحيته وواحد قاعد
يدق رأسه وواحد يمط إذنه
والباقي يرفسونه بس \انا الوحيد إلي ما ظربته بس
يوم تذكرت الإختبار
نطيت عليه وأموه برجلي على ظهره وأضطره بيدي على
جبهته وأناظر في جبهته
قاعد أبي أشوف الظربه جت أوكيه بس شفت علامه
tn على جبهته !!
قمت أناظر يدي أشوف وش ذا .. طلع الخاتم حقي
مكتب عليه tn [ الله لا يرد ذاك الخاتم ]
وبعد كلن ما برد غله حطينا رجولنا ودزه كلن على بيته وتركنا
المدرس يصارع الموت لحاله
ويوم الثاني ألأربعاء رحنا المدرسة ونشوف المدير واقف عند
الباب ينتظرنا يبي يعطينا حنان 
أنا ما ابغى اذكر وش صار لنا مع المدير والشرطه بس عذبونا عذاب
لكن ما علينا أهم شئ طلعنا إلي في راسنا
The end << يبي يقلد الأفلام
وبعد هذا كله يقولون المدرسين بريئين مدري ليه !!
والعكس صحيح أن الطلالب هم عنوان البراءه
وصدق عادل إمام يوم يقول :
إما ده أصبحت مدارس يا قدعان ؟
وبما أن النسبه الأعلى من اعضاء المنتدى طلاب يا ليت يشاركونا أرائهم 
س/ هل عمل [ عيال ] فصلنا مع المدرس صحيح بوجهت نظركم ؟
س/ ظاهرة [ طق ] المدرسين هل هي وسيله لأخراج ما في قلب الطالب ؟
س/ هل تؤيد إنشاء وزارة دفاع للمدرسين ؟
س/ إذا أنطق المدرس من قبل الطلاب لأجل غرض الإمتحان فرضا
من يتحمل ذلك الطالب أم المعلم أم المدرسه ؟
سؤال أخير بالله وش رايكم في جمعه ؟ وأنا ؟
