*
*
~moon-light~

وعليكم السلام ورحمة الله وبركاته ..

في البداية يالغالية أهنيك على طموحك ماشاء الله ..
المشكلة يا عزيزتي المجتمع اللي تعيشين فيه ..
واللي واضح عليهم من خلال القصتين انهم مغلقين كثير ..
يعني بنت تبي تكمل دراستها برا ومعها محرم
ومحافظة على سترها ..وش فيها ؟؟
تراها رايحه تدرس مو تلعب وتستمع بالسفر ..!!
مشكلة العادات والتقاليد اللي مسيطرة على عقول الكثير مشكلة ..
والله اذا الشئ ما يتعارض مع الدين وش فيها ..؟؟
سفر لغرض طلب العلم ومعها محرم وش اللي ناقص ؟؟

المشكلة أحيانا الأهل يكونون متفهمين لهالشئ ولكن
يضعون لكلام الناس ألف حساب ..
ما اقول الا الله يصبرك ..
ونرجع ونقول لازم ترضين باللي ربي كتبه لك ..
( وعسى أن تكرهوا شيئا وهو خير لكم )

بالنسبة للزواج من ولد عمك ..
فوالله شئ غريب انه للحين فيه ناس مسلمه بهالقاعده الغريبة ..
يعني هذي على ايام الجهل اوكي موجوده ..
لكن الحين لا ..!!
يعني ولد عمي على عيني وعلى راسي لكن اذا والله ما احبه ..
أو انا اعتبره مثل اخوي من حقي اني ارفضه ..
واذا زعلوا من الرفض هذي مصيبة ..
يعني هالشئ قسمه ونصيب ولازم يقدرون الموقف ..

يالغالية ..

لازم ترضين بالواقع اللي انتي عايشته احسن لك ..
لان كثرة النظر لمساوئ المجتمع والتدقيق على كل كلمة بتتعبك ..
ولا انتي قادرة تغيرين عقليات متحجرة من سنين ..
أنا ما اقول لك هالكلام انو اضعفي واستسلمي ..لا !!
لكن حاولي تعيشين لنفسك وتكيفين نفسك لراحتك لاغير ..

الله يسهل لك أمرك ..
ويكون معك بكل خطوة ..BBP