. . . وعليكم السلام ورحمة الله وبركاااااته... هلا والله بعنود وانا سعوديه... ايه كذا المواضيع والا بلااااش... ((البيبسي)) ايه والله انك صادقه... وفيه ناس الله يهديهم يحسبون ان البيبس دايت ينحف... وانا اقولهم هو ما ينحف هو ما يسمن... اليوم في المدرسه كل البنات جايبين تشبسات وشوكولاتات بالاضافه للبيسي عادي وعصير... الكل ما ذاق البيبسي وشربوا العصير.... ليه؟؟ عشان البيبسي يسمن... والله بغيت اطيح فيهم "طق" بس اشوااا قدرت امسك نفسي... اجل قاعدين يزطون بالهشبس وما يشربون بيبسي... بس احب اقول الله يرزقنا وياكم وكل المسلمين الاجسام الزينه <<احلى دعوه في الدنيا اللي يبي يدعيلي لا يدعيلي غيرها ((الاختبارات)) تبين الصدق انا احلى ايام حياتي الاختبارات... والله انها سعت صدر وفله... طبعا لا تقولون ذي ما شاء الله عليها راعية دراسه... لا بس انا احب الاختبارات في المدرسه... كله سوالف ولعب ووناسه... مافيه استاذه تجي تقولك اسكتي او شئ من هذا القبيل... بس في البيت وع مااحب الاختبارات اذا رجعت البيت.. ليه؟؟ لان اهلي ما يعطوني فرصه اتنفس... كل ما شافوني قالوا لي: روحي ذاكري/اذا جبتي درجات شينه بنذكرك وش سويتي/لاحقه على القعده الاجازه مقبله......الخ من الكلام اللي ما ينتهي... اذا جت الاختبارت ليش تنسد أنفسنا للدراسه مع اننا نقول نبي نذاكر ونبي ونبي وفيالاخير ولا شي...؟ اممممم <<تفكر بعمق... انا قبل الاختبارات ادعم نفسي بكل الكلمات اللي تدفعني للدراسه بجد... والكلمات اللي ادعم نفسي فيها هي الكلمات اللي يقولونها اهلي لي اللي مذكوره اعلاه... وتنسد انفسنا بسبب اننا ناس متعودين على البلاده وعجازين وما نحب شئ اسمه جدول نمشي عليه... ليش كل شي شين في عيونا...و أيام الاختبارات يكون احلى شي ...؟ نتهرب من الدراسه... انا ما يحلى لي اللعب مع اخواتي الصغار الا ايام الاختبارات... واصير احب النظافه بشكل كبير... بدال ما اتروش مرتين في الاسبوع تصير 4 مرات ... وتبدى القريحه الشعريه تنفتح واعبي كتبي من الكتابت اللي ما لها معنى... واحب الاكل واي شئ من انواع الاكل ان شاء الله بسكوت اولكر الشاهي... سؤال قوووي... ليش نختبر...؟ ابد سلامتك مب عشان شئ... بس يوسعون صدورنا ونغير جو.. <<فاهمه الاختبارات غلط تحسبها باريس ... ************ عنود الغيد... انا ان شاء الله السنه الجايه راح احدد مستقبلي ياهو ادبي او علمي... بس حبيت اطرح لك اللي مريت في خلالي هاذي السنه "اولى ثانوي"... كل ما سالني احد يقولي فراوله:انتي بتدخلين ادبي او علمي... انا اجاوب باني بدخل ادبي... يقولون: لي ليه تظيعين مستقبلك بالادبي... قلت:انا ميولي ادبيه ليه ادخل علمي واسوي زحمه..؟؟ وبعد ما مرت الايام... اكتشفت ان ميولي علميه وليست ادبيه كما زعمت في بادئ الامر... ومايندرا يمكن اغير رءيي وادخل ادبي... كل شئ في علم الغيب..!! ليه الناس يعتبرون اللي داخلات ادبي غبيات : / والا مالهم و الدراسه؟ السبب انه يحسبون ان المواد العلميه صعبه واللي يدخلها هو الذكي واللي يقدر يمشي فيها... شوفيني افكر ادخل علمي لاني خايفه من البلاغه... لاني عارفه اني ما اقدر امشي فيها... واعتبر اللي داخله ادبي ما شاء الله عليها... تقدر تمشي في البلاغه... واعتبر ان الرياضيات والفيزياء والاحياء والكيمياء اسهل من البلاغه... ((الاحلام)) انا احلم احلام الله لا يوريكم بس... وحلامي هاذي الايام كلها تقريبها عن المنتدى ومواضيع المنتدى... وهــ بس لهدرجه احب المنتدى حتى باحلامي... بس انا ما افكر اني اقول احلامي لاحد... ليه؟؟ لاني اخاف يقولي كلام او يفسره بطريه تخليني اروح فيها... عشان كذا خلي احلامي لي احسن لي... ((الرجيم)) آآآآآه بس ودي انحف... انا ودي انحف بس امي تقولي ليه تنحفين انتي جسمك حلو ما فيه شئ... تبون الصدق انا جسمي مو سمين بس يمكن التقليد الاعمى وحسب... ان كل الناس تسوي رجيم لازم اصير مثلهااا... عندنا بنت في المدرسه "عصاقيل"... وتقولي:احس اني سامنه... انا بس قالت احس اني سامنه جلست ادور على اقرب جزمه وعلى راسها... هاذي البنت والله ما اطيق اناظر فيها لما فيها من النحف... حتى اني اخاف اسلم عليها... اخاف تنكسر بيدي.... تراني ما ابالغ... عنود الغيد وانا سعوديه... اشكركم على روعة الاسلوب... ودقة العرض.. تحياتي... علبة فراولة... . . .