بسم الله الرحمن الرحيم الأخت /ملك روحي عافاك ربي على هالموضوع و منورة BBP (1) والله يا اختي مو بس إنتي لا والله كلنا نشتكي من ضيق و ضياع ( الوقت ) و المشكلة مرات تحس إنك ما بعد أنجزت و هنا الغبنة يعني مرات تنقهر بس الشكوى لله .. السؤال الاول... والله هذا اللي عجزت ألقى له حل يعني مدري تدرين اختي عندنا مبنى و إدارة و مبنى مختصة في إستثمار الوقت في ( الجامعة ) إسمها Time Managment ولها بروفيسور متخصص و لازم تسوي معه موعد اول ما جيت هنا سويت معه موعد و بالموت قابلني من الزحمة اللي عنده قلت له : أنا عندي مشكلة اروح الجامعة و ارجع و ابي ألعب كورة ساعة و نص و ابي اذاكر و أبي أستانس قال لي : انا برتب لك جدول تشوف فيه كم وقت ضايع عندك و يمديك تسوي كل هالشغلات و الله و رتب لي جدول مب صاحي أنهبلت لما شفت كمية الوقت اللي يضيع مني و أنا أفكر او أروح أسرح في فكري و فعلا نظمت و قتي لمدة أسبوع و التزمت بالجدول و كنت أنجز الكثير بس بعد أسبوع زهقت من النظام و رميت الجدول حنا بطبعنا ملولين من (الروتين) وهذي مشكلة عندنا!! (السؤال الثاني) اعتقد إجابته أعلى و مرتبطة (بالسؤال الاول) لاني يضيع مرات وقتي و أحس ما عندي وقت زيك.. (2) الزحمة والله علة انا أشهد إني ما اطيقها مدري احس يضيق صدري من الزحمة و الا عاد أقدر اتنفس و أحس حر بعد .. نعم حنا هنا نعاني من الزحمة بقوة تهون عندها زحمة الرياض و الشرقية والله جد و أذكر كم مرة كنسلت طلعة أو مشروع عزيمة من الزحمة أول ما أطلع يضيق صدري و أرجع و أقول ما تسوى الشغلة ههههههههههههههههههههه بالنسبة للموقف الطريف أذكر مرة دكتور عندنا شباب و نمون عليه معطينا جواله و دايم ندق عه إذا عندنا اسئلة المهم إنه Cool كنت متأخر على محاظرته ودقيت عليه قبل لا تبدأ و أنا عالق في الزحمة و قلت له: هلا دكتور ترى أنا في المستشفى عند واحد من أخوياي ولا أتوقع إني بحضر اليوم لأنه مريض مرة و انا عنده طبعا هالكلام كله بالإنجليزي قال لي طيب أوكي بس خذ المذكرات من أخوياك ولا تنسى .. أنا الحين احسبه في الجامعة هو قد وصل و مشت الزحمة شوي الا الاقيه جنبي في السيارة عالق في الزحمة هو بعد و شافني انا عاد ما عرفت وش اقول قلت ما فيه إلا أسلم طالع فيني هو و أبتسم يوم رجعت أشيك إيميل الجامعة الا هو مرسل لي إيميل و حاشرني فيه تهزيء بس هذا الموقف اللي صار لي أختي الكاتبة ملك روحي.. عافاك ربي على هالموضوع و يعطيك العافية .. و مثل ما تفخرين بهذا المنتدى نفخر نحن أعضاءه بتواجد بيننا عساك على القوة .. CC أنا أشهد إني مشتهي دلة قهوة زايد هيلها بعد شهيتيني الله يهديك