. . . السلام عليكم وشلونكم .. عساكم طيبين عندي تبيهين لو سمحتوا قبل مانخش الموضوع أولا : ترا من راسي للكيبورد لاضافه موضوع مامسحت شيء أبد ولا ادري وش كتبت تطبيقا لنصيحه [رجفة قلب] ثانيا : ترا كيبوردي منضول يعلق عند الالف واللام ..يعني اذا حسيتوا ناقص حروف زيدوا أ أو لا والعنوان ماله دخل في موضوعنا انا جاي أسولف عليكم وأمشي .. أخذ ردوكم ونسولف ونعين من الله خير ونشرب الشاي... ونسولف بلا تكلف و بلا رسميات بتكلم عن عده نقاط واانتم عقبوا عليها وعطونا رايكم وترا الموضوع انتم نجومه <==سباق المشاهدين الـصـداقـه بـيـن الجنسين رجفة قلب : يعني تلعب على نفسك مسوي صداقه power : ليش العب على نفسي ياخي صديقه مثل ما انت صديقي رجفة قلب : أقول كل تبن بس ... قال أيش قال صداقه .. الا يا انت تحبها ولا ذئب بشري والعياذ بالله power : ياخي ليه مضيفها لي الحين اربع سنوات .. وأعدها مثل صديق وصديق وفي بعد رجفة قلب : لا تلعب على نفسك يا **** <== كاتب أسمي الله يهديه power : ياخي فيه أشياء مااحد يعرفها عني الا هي .. ولا قد فكرت تفكير غبي ياخي رجفة قلب : شف يا انت ثور ... ولا ثور ولا تزيد بربره بس هذا كان نقاش بيني وبين الرجعي الاخ رجفة قلب يقول اهاا بس وش صداقته .. مافيه صداقه بين جنسين .. مافيه تفكير زي كذا الا عند العلمانيين بس واللعلم أن هالاخت ياطويلين العمر .. لها 4 سنوات مضافه عندي .. وكانت مضيفتني تبي تهاوشني <== والله ماسويت شيء وقصم ومسكانها سواليف الين صارت صديقه بمعنى كلمه صديقه حتى اني شكيت انها ولد في البدايه لكن مع الايام اكتشفت انها انثى وفهمتني و صارت تناقشني .. توجهني في أشياء ... تحل بعض المشاكل المعقده .. يعني صديقه وفيه ... اوفى من الكلب بعض الاحيان وانا نفس الشيء يعني .. بس صدداقتنا ماتعدت النت.... الا شف نتيجي .. اخاف فالسؤال المطروح هنا .. هل انا نصاب مهيب صديقه .. أو اني لي مطامع اخرى مثلا .. او لها مطامع اخرى فيني هل أنا على غلط ... ولا هي على غلط .. علما بأن ماعندنا الا مايرضى الله ورسوله هل أنا علماني ؟ وتراها تتابع ووناسه وتقرا موضوعي ذا جعلها الضربه لتس بلحالتس العلاقه بين الجنسين في المجتمع سين سؤال وش يمنع اني ارسل رساله لبنت خالتي ولا بنت عمتي ولا بنت خالي ولا بنت عمي <== في المناسبات .. أبارك لها بزواج ... اقول عيدتس مبارك ... مبروك ماجاكم يعني الحين لو تدق علي عمتي من جوال بنتها ماعرفته ولا رديت من القطاعه يعني وش يمنع مثلا .. أذا تزوجت .. أرسلت لي تهنئه ( احلى يا باور بتعرس ) بتقولون وش يمنعك أنت ماترسل أنت !! بقول بلا التفكير البايخ عندنا .. أخاف ارسل ثم ( وش عنده مرسل بور .. وش يبي ) يعني علاقتنا بالجنس الثاني من اقربنا .. أنتهت بمجرد ما قالوا بور لاعاد تدخل علينا يعني مثل اللي ماتوا ماعاد فيه سلام ولا كلام ولاشيء أبد مافيه الا بنت خالتي ترسل تقول الله يعافيك ..ورا امك ماترد 1. ليه أنقطعت العلاقه بين الجنسين نهائيا .. والدين ماقال لا تسئلون عن الرجال قال أذا سلمتوا لاتسلمون باليد بس ؟ 2. عادي ارسل اذا جت مناسبات لصديقاتي منول ولا لا يصطروني ؟ 3. ليه اذا ركبوا معنا ماتسمع الا ( أسس ) <== يقالها سلمت هالحين ؟ 4. قلت شيء غلط .. ولا يمس الدين .. ؟ ولا العادات في قريح وابو زنه التعلق بأشياء حولنا انا عندي مشكله صراحه ... يعني اتعلق بأشيائي اللي حولي جوالي سيارتي .. الرياض .. المنتجع ..هيك أشياء يعني .. يعني لو فقدت شيء ولا غبت عن الرياض .. العن الساعه اللي طلعت منها ومشاكل .. واخلاقي زفت .. وامش والعن لكن اول ماارجع الرياض أرجع لطبيعتي واصير وش ملحي وقيسوا مثلا على الاجهزه والجوالات وكل شيء اول مااشتري الشيء اصير كارهه ولا احبه أبد بس بعدين وااااااااك ماينفك مني اللي خربان هل انتم مثلي ولا أنا المريض بس ؟ هل هذا مرض ولا لا عادي ? وش اكثر شيء ماتقدر تستغني عنه ابد .. ولا يفرقكم عن بعض الا الموت <== جهاز بس موقف وعلقوا عليه : أنت خبل تخلي اهلك يدخلون نت وش فيها ياخي ... ماسنجر ومنتديات وقضينا ياخي !! اقول كل تبن والله مافيك غيره ولا فيك نخوه .. أنتم ... والله...... وجهوا رساله الى هذا الشخص بما يمليه عليكم ظميركم ؟ وفي نهايه المطاف .. لابد من الوداع داري انكم بتقولن تكفى ياخي اقعد عندنا لكن ورانا نوووم ..نوووم .. نووووووم اتمنى ان تبربون وتكثرون بربره لان البربره مفيده هالايام كتبه الفقير الى الله power كيف تنسق الالوان بس