في زمن محد فيني يبالي أعيش لوحدي في غربة الليالي أبكي .. أصيح .. أشكي همي ولا أشوف أحد يمي أمشي بهالدنيا ما أشوف دربي على نياتي .. و الوفا طبعي .. .. .. فرق .. لما كنت تبكي وانت صغير .. تبكي باي مكان وقدام أي شخص او اشخاص .. وتبكي على اتفه الاشياء والكل يهتم فيك ويحاول يرضيك ! اما اللحين .. مو عادي تبكي قدامهم بالذات اذا كنت تبكي عشان شي من مشاعرك أو غيره من خصوصياتك لانهم ( أغلبهم ) بينتقدونك ! انا بالذات ما احب اصيح قدام أي احد .. حتى ( امي ) .. لاني دايم ابكي على سبب ( ما احب احد يعرفه ) .. يمكن يكون تافه .. لكن بالنسبه لي العكس .. مع اني اغلب شي اكون متضايقه وابكي عى أي شي وبعض الاحيان ( من دون سبب ! .. .. لما كنت صغيره .. كنت اتمنى اكبر بسرعه .. وما كنت ادري وش بتسوي فيني الدنيا ! واللحين .. كبرت .. وكرهت الدنيا !! وليتني ( توني صغيرهـ ) هو انا اصلن صغيرهـ بدنيتي تايه و فيني ضيقه اواسي اوجاعي بـ أحزاني احاول انسى همومي وترجع لي ثاني ! حاولت ابعد الغم عن طريقي لقيته يرجع ويقول انه يبيني ! .. .. هي احلى دار أعشقها واهواها هي غرفتي .. وكل دنيتي كل وقتي يحلى فيها وارتاح لا تنفست من هواها فيها اشكي همومي و تواسيني دمعتي لا حسيت بضيقه تضمني جدارها تفهمني وتنسيني غربتي لا بكيت تحتوني بظلمها والله ما امانع لو فيها احبسوني بس يمانعون وجودي فيها وعلى فرقاها اجبروني حتى غرفتي بيحرموني منها حتى من ابسط حقوقي يمنعوني ؟ لا حريه .. ولا راحه .. كرهت دنيتي بصراحه .. ما اعتقد احد يقدر يعيش بعيشه كلها نحاسه .. فحياتي لا اعرف اليوم ولا ليله ولا صباحه .. اقوم تعبانه .. وارجع انام هلكانه .. لا صباحي ولا ليلي وناسه .. .. .. على ضحكاتي و وناساتي يقولون : انك والله فله ما يدرون ان لي همومي و مأسآتي وان ليلي اقضيه بالبكاء كله ! ... يحسبون ان حياتي كلها ( وناسه ) وانا حياتي أغلبها أوهاااااااااااااااااااااااااام .. مو أي شخص يضحك وخفيف دمه يكون اسعد واحد بالدنيا < على قول بعض الناس كل شخص له غمومه وهمومه بس يمكن ما يحب يظهراها .. ما احب يسألوني اقول تمام .. وما احب اكذب اقول تمام وانا اصلن مو على بعضي ؟؟ بس اظطر اقول .. اني بخير كنت احب افضفض واشكي واللحين احب اكتم .. لان محد حاس بهمومي مثل ما انا حاسه فيها .. كلن له همومه .. و كلن أدرى بحاله لا تقول يا رب عندي هم كبير .. قل يا هم عندي رب كبير .. .. ودي أشوف حياتك .. أحسك تعانين .. وش فيك متضايقه يا عمري قول لي وش فيك اذا بخاطرك شي ترا ما عندي مانع سمر فيك شي منتي طبيعيه تعبانه ؟ احس حياتك جحيم شفيك صايره سرحانه كثير هالايام .. < ما لقت مني رد ، راحت عند اللي جنبها وقالت : شكلها تحب ؟! 8 8 كثر ما يقولون ويكررون هالكلام .. ما احب اتكلم فيه .. تعتبر من خصوصياتي .. و صعبه صعبه صعبه اقولها لأحد معين لـــيه ؟ مادري !! ودي أشوف حياتك .. حياتي زي ما قلت ( اغلب وقتي بغرفتي ) ومع هذا ما يخلوني اجلس فيها !! أحسك تعانين .. مافي احد بهالدنيا ما يعاني .. وش فيك متضايقه يا عمري قول لي وش فيك ممكن اقول ( هم ) لشخص لكن مستحيل اقول نفس الهم لشخص ثاني .. كل واحد وعلى حسب معرفتي فيه ... بس عمري بحياتي ما قلت همومي كلها لشخص واحد .. اذا بخاطرك شي ترا ما عندي مانع ما بي شي من بشر .. انا ابي ( رحمه ) من رب البشر .. ابي ربي .. يرحمني برحمته ابيه يهديني ويثبتني ابيه ما ينساني ابي لا سالته يعطيني ابي لا دعيته يستجيب لي مستعده اخسر كل البشر بس ما اخسر ربهم مستعده اترك كل الناس بس ما اترك اللي خلقهم مستعده انسا كل الدنيا بس ما انسى مالكها .. مستعده اعصي كل اللي حولي بس ما اعصي رب مدبر الكون وخالقها سمر فيك شي منتي طبيعيه دووووم مو يوم .. مستحيل احد يشوفني على حقيقتي .. حتى اللي اعرفهم ما مره شافوني على حاله وحده .. تجيني حاله وتروح بعد فتره .. يتغير اسلوبي ويرجع زي اول وبعد شوي ينقلب ما عمري شفت نفسي بحاله وحده !! يعني لو يسالني احد عن شخصيتي .. قلت : مادري !! تعبانه ؟ جسديا < بعض الاحيان نفسيا < أغلب الاحيان عقليا < نادر !! احس حياتك جحيم بكيت لما قالولي كذا فعلا حياتي قاسيه بس مو لدرجة انها تكون جحيم ؟؟ دام لي الله .. حياتي بعيده عن الجحيم ان شاء الله شفيك صايره سرحانه كثير هالايام .. < ما لقت مني رد راحت عند اللي جنبها وقالت : شكلها تحب ؟! سالوني : امانه امانه امانه تحبين .. سكت عشان استر جع معلوماتي .. يرجعون مره ثانيه : اماااااااااااااااانه .. فقلت : ايه .. سالوني : مين جاوبتهم بثقه : ربي وامي وابوي كشرو وراحو عني !! واذا احب وش بيسوون ؟ وش بيستفيدون لو عرفو ؟ انا كلمة حب خلاص ما عاد صرت احب اسمعها ولا اطيقها اللي يقول : أحبك .. كنه يقولك : اكرهك .. اما انا لما اقول لشخص أحبك .. كني اقول اغليك أغلي بشر ايه لكن احب ( صعبه علي ) بيني وبين الحب ابحر وجبال .. صخور وتلال .. وفي الاخير .. اوهام لا محال ! مالي و مال الحب يابشر والله ما استاهل حب احد واللي يحبني بيندم ماله امل أحبك < ما اعتبر لها أي اعتبار تجي وتروح ولا كان شي انقال الحب شلته من بالي ما عاد احب احد ما عندي حبيب بس عندي ناس غالين يعلم ربي شكثر اغليهم .. الحب في قلبي ماله سيره .. حبي بس لـ ربي و امي وابوي ما في احد غيرهم يستاهل الحب وتقديره الغلا .. ما عندي مانع لو زادو الغالين اهم شي يكون شخص يستاهل غلاي لا غليته ما ابيه ينسا و يجفا ولا اتمنى أي غالي يغيب عني ويرحل ولا ابي احد سكني بقلبه .. ولا ابيه يحطني بخياله .. ولا ابيه يحظن طيفي .. ولا ابي اشغل باله .. انا مو محتاجه .. الا ربي هو اللي اخشع له و اخافه .. أهـ يا ربي .. انت تدري بحالتي .. انت تدري وش اللي يدور فبالي .. يا ربي والله احتاجك .. وروحي فدا لك .. انت ربي خالقني رازقني راحمني .. وانا مجرد مخلوق من مخلوقاتك عبده ضعيفه ما بيدي حيله .. يا رحمن يا رحيم .. أرحمني وارحم جميع المسلمين .. رحمتك واسعه .. فلا تحرمني .. واغفرلي ما تقدم وما تاخر من ذنبي .. يا رب هذا دعائي ابي الاجابه .... لو ان الموت ما وراه حساب .. كان كل البشر تحت التراب .. بس الموت وراه حساب وعقاب .. لا أصلحت دخلت الجنان .. ولا عصيت حصلت العذاب .. اللهم نسألك العفو العافيه في الدنيا والاآخره .. .. كل اللي انكتب فوق .. بقلمي .. يعني لو الكلام مب على بعضه ( اعذروني ) ســـمــــر الـجـبـيــــل ..