* * وافي الخصايل .. موضوع بطل و يحكي معاناة الكثير من أخواننا وأخواتنا الطالبات .. نعم .. نعم .. خلني ابرد حرتي واحكي لك قصة حياتي .. طبعا انا هالترم أشين جدول مر علي بحياتي .. ساعة محاضرة ساعة بريك ساعة محاضرة بعدين خلاص البنات ينرزعون في الجامعة الين ما يفتح الباب وأنا أبوي الله يخليه يجي ويطلعني ما اقدر اتحمل انطق في هالحر .. << هذي مصيبة نعاني منها يالطالبات مير انتم ما جا الاستاذ شغل السيارة وارجع البيت لكن احنا تنطقون <<هم انا لا الين ما يفتح الباب الساعة 11:30 , 12 الا ربع على حسب مزاج اللي عند الباب اذا طنقروا طولوا عناد .. الاسبوع اللي فات كان فيه يوم مفتوح مدري احتفال تراثي <<مالها اي علاقة بالنشاطات والتخلف الجامعي المهم ان الدكتورة حقت المحاضرة الثانية اعتذرت يعني نروح عشان محاضرة من8_9 وينطقون <<هم الين 12 مهبل فقررنا نغيب .. يوم جينا واللينها الدبه معطيه اللي جو بونس على الحضور .. تخيل ذي الاستاذة 8وربع اللي يدخل بعدها بدقيقة ما يدخل .. ذاك اليوم قمت متأخر شوي طلعت من البيت 7ونص .. ركبت السيارة قلت للسواق طيراااااااان يا فلان .. وانواع السرعه عاد هو يعرفني اذا قلت هري بليز يعني الله لا يهينك قطع اشارات عادي ..لو هي بنفسجي اقطع !! وشوي ادخل حارات واحوس عشان ما اوقف في الاشارة والحمد لله وصلت بسلام الساعه8بالضبط .. << حسبي الله على بليسهم طيب لو مت وش بتفيدني <<توها تنتبه انها غامرت بحياتها .. أقتباس وأنا جدولي 15 سـآعه .. : / ألا وش رايتس أشق نص جدولي وأقول لهم ماعندي الا 10 ساعات ..؟! خطأ شق ثلثه يبقى لك الثلثين .. نصه يطلع 7ساعات ونص .. << ابو الاستقعاد .. أقتباس *أبو وجهه يجيب الهم : ايه اصبـر اذا جت وربع معناتها مب جـآي .. *انا : وش اللي مب جاي ..؟! كم أكره هذا الموقف .. اذا جيت وقالوا معتذره ممكن يجيني انهيار عصبي !! أقتباس لان الاسبوع الأول تسجيل المستجدين واللي بيعدل جدوله ( بوآسطـه : / ) أنا الحمدلله ما قد عانيت من هالجدول كل ترم اسوي اللي ابي استاذتي مرة احبها وهي تحبني .. تناديني وتعدل جدولي زي ما ابي وصديقاتي معاي بعد .. بس المشكلة هالترم ان ما فيه الا شعبة وحدة ( كبرنا وصغرنا ) هههههههههههههه<< حلها !! فمالي الا اللي ربي بلاني فيه !! أقتباس ولمدة أسبوع مسوي فيني أفلام أكشن مع الدائري .. أحس ان عيون القطط حقت الدائري تقول وش تبي انت تراك قلق .. ههههههههههههههههههههههههههههههههه أنا كل يوم اسلم على قصر الوليد بن طلال .. حفظت مواعيد الرجال والنساء اللي يجون يشحذون عنده خخخخخخخخخخخخخـ .. واتابع بناء القسم الشرقي من بيته ضاق عليه يا عمري !! أقتباس واحد يقـول لي اني جيت بدخل القاعه والا انا والدكتور سوى .. يوم وصلنا الباب .. فتحت الباب وقلت له تفضل .. من باب الأحترام يبي الدكتور يدخل الأول .. يوم دخل الدكتور سكر الباب عليه وقال انت غايب :/ قلت له المرهـ الجايه اذا شفته بيدخل عكر له خله يمسط وأدخل .. حسبي الله على بليسه عمى وش ذا التعامل .. لا الله يحلل اللي عندنا صحيح علل بس محترمات .. أقتباس س/1 ليش الرقابه على الطلاب / الطالبات بس ..؟! والدكتور/هـ مايحاسب ..؟! يقالك معاه دكتوراه يعني انسان كبير ما حد يحاكيه ولا احد يساله وين رحت وين جيت .. واذا معاه الدكتوراه صار ملاك .. ما يغلط !! <<ياعمري احنا وساكتين أقتباسس2 / توافق / توافقين مقولة الغرب عننا اننا من دول العالم الثالث ( دول نامية) ..؟! الا نامية ونص !! والله يا البلاوي اللي شفاناها بس في المجال التعليمي لو نحكي عنها من اليوم الين بكرة ما تقضي .. أقتباسس3 / قد صار لك موقف مع دكاترة الجامعه وكنت بحاجه للشكوى ..؟! أذكر الموقف . ايه ياكثرها ..قلت واحد فوق وتذكرت الحين دكتور حسبي الله عليه .. درسني ماده تافهه مادة معدل على قولتهم ..المهم انه هو يخوفني كأنه نمر << موب يوسف نعم حقيقي يخوف .. كل محاضرة ما اقدر اشوفه اغمض عيوني ولا اسولف مع البنات والله بدون مبالغة كل الترم اصيح ولا ضايق صدري .. المهم انه ما اعطانا لا درجات الفصلي 1ولا2 دخلنا النهائي ما ندري احنا ناجحين ولاراسبين .. واخر شئ قسم بالله انه اعطى معدلات على كيفه ..وحده شاااااااااطرة عطاها دي وصديقتها تغش منها بي بلس .. بس ابشرك اشتكوا عليه وهالترم ما درسنا .. من الترم اللي فات وانا ادعي ربي ما يدرسنا هالترم لانه كان يعطي ماده من موادي .. أقتباس س4 / وش رايك في وافي وهو صدقي يعني وهو يكتب موضوع نقاشي جدي ..؟! صراحه خطير ولو تستمر في هالطريق يمكن نحل ازمة دارفور << فاهمة غلط أقتباس وهل ترى انه وفق ولا لا ..؟! الا وفق ونص ..الله يسهل امره ويوفقه يارب .. برايفت وافي .. هالرد كأنك اول مرة تقراه صح عوافي ..BBP