ُ
ُ
ُ
أوووف
وش ذا الحر اليـوم .. :/
يالله عجلوا حطوا الغداء ..
: هه وش جابك ..؟!
قضت محـآضرآتك .؟!
*انا : لا .., بس عندي بريك ساعتين ..
وش تبيني اسوي ..؟!
اجلس كاني ملحوس في ذا الجامعه .؟!
يالله عجلوا حطوا الغداء ..
يالله يمدي اتغداء ثم اريح شوي وارجع ثانيه .. :/
.
.
الحمـد لله ..
يالله انك تديمهـآ من نعمـه .. : )
قمب قمب قمب ..
<- يشرب لبـن 
..
يالله انا برجع للجامعـه ..
: كم عندك من محاضرهـ ..؟!
*انا : مـآعندي الا وحـدهـ ..!!
: طيب بتبتل كيذا ؟!
رايح جاي ..
*انا : وش تبيني أسوي ..؟!
يقـولون مانعدل ولا نضيف ولا نحذف مواد ..
إلا لازم يكون جدولك أقل من 13 سـآعه ..!!
وأنا جدولي 15 سـآعه .. : /
ألا وش رايتس أشق نص جدولي وأقول لهم ماعندي الا 10 ساعات 
..؟!
: يامحلك .. 
اللـه يعينك ولا تسرع ..
ترفق ..
*انا : يـآلله فمـآن الله ..
.
.
.
*انا : السـلام عليكـم ..
هـآهـ مـآبعد جـآ الدكتـور ..؟!
*طالب وجهه يجيب الهم : لا والله لسـى ..
*انا : طيب الحين الساعه 2 وعشـر ..
*أبو وجهه يجيب الهم : ايه اصبـر ..
اذا جت وربع معناتها مب جـآي ..
*انا : وش اللي مب جاي ..؟!
أرجع من الجـآمعه للبيـت ..
ثم أرجع ثـآنيه للجـآمعه ولاعندي الا هـو ومـآيجي ..؟! :/ ..
*أبو وجهه يجيب الهم : وش بتسـوي يعنـي ؟!
هذا دكتـور ..
*انا : والدكتـور مب آدمـي ..؟!
*أبو وجهه يجيب الهم : ألا آدمي بس فل كامل ..
*انا : هههههههه وش عنده المملوح ينكت ..!
...
.
...
هاه الحين 2 وربـع مشينـآ بس ..
شكلـه مب جـآي ..
سـوآهـآ أبن اللذينـآ ولا جـآ ..
ٍ
ٍ
وعلى هالحـآله لمـدة أسبـوع ..
طبعاً أول أسبوع كل الدكاتره مايحضرونه ..
ولا الطلاب أيضاً
لان الاسبوع الأول تسجيل المستجدين ..
واللي بيعدل جدوله ( بوآسطـه : / )
ثـآني أسبـوع جلست سردا مردا على هالجامعه ..
يعني اطلـع من هنـآك الساعه 12 ..
وارجع للبيت اتغداء وثم ارجع ثانيه ..
علشان خشت ذا الدكتور ..
ولمدة أسبوع مسوي فيني أفلام أكشن مع الدائري ..
أحس ان عيون القطط
حقت الدائري تقول وش تبي انت تراك قلق ..
ٍ
ٍ
( وش السالفه ..؟! )
السالفه ياطويلين العمر والسلامه ..
ان الدكاتره في الجامعه الداوم على كيفهم
يعني مافيه رقابه عليهم ..
الرقابه علينا حنا يالطلابـ / ـات
يعني الدكتور يغيب محاضره محاضرتين أسبوع بعد ..
محد يقول له ليش غايب ..
والطالب لو يغيب محاضره وحده سجل عليه غياب واذا وصل نسبة غيابه
25 % يحرم من دخول الامتحان النهائي ..
يعني راسب ..
وخصوصا ان الحرمان يسجل عليك في الوثيقه ..
يعني ترسب من نفسك أهـون ..
وبعضهـم اذا دخلت بعدهـ علطول يقول لاتدخل .. :/
واحد يقـول لي :
اني جيت بدخل القاعه والا انا والدكتور سوى ..
يوم وصلنا الباب ..
فتحت الباب وقلت له تفضل ..
من باب الأحترام يبي الدكتور يدخل الأول ..
يوم دخل الدكتور سكر الباب عليه وقال انت غايب :/
قلت له المرهـ الجايه اذا شفته بيدخل عكر له خله يمسط وأدخل ..
<- ياخي انت ظريـف
ٍ
ٍ
( الشكوى لله مو للبشر )
ياصدقها ذكرى الله يرحمهـآ .. :/
لمين تشتكي ..؟!
ٍ
ٍ
( الرقابه الإداريه )
ندرسها تقريباً كل يوم ..
وفي كل مقرراتنا ندرس عن الرقابه الاداريه ..
وانها احد أهم الأسباب في نجاح المنظمات الحكوميه ..
بس مدري الظاهر ان الجامعه قطاع خاص
ٍ
ٍ
( أنا ولا أنت يادكتور )
طيب الحين لو غاب طالب .. طالبين .. ثلاثه .. عشرهـ ..
وش بيضـر الدكتـور ..؟!
بيجي ويلقا طلاب يشرح لهـم ..
بس اذا غاب الدكتور كل الطلاب بيرجعون ثانيه ..
وتصير روحتهم كانهم ماسوو شيء ..
وكأنك يبو زيـد مـآغزيـت ..
واكبر دليل ان المحـآضـرهـ هذي ماحضرتها ليومكم هـذا :/ ..
صـرت اخاف أروح ولا يجي .. :/ ..
يعني غياب الدكتور أو المحاضر تأثيرهـ سلبي اكثر ..
ومع هذا ماعليه ( رقابه إداريه) ..
ٍ
ٍ
( وش تبي ياوافي ..؟! )
س/1 ليش الرقابه على الطلاب / الطالبات بس ..؟! والدكتور/هـ مايحاسب ..؟!
س2 / توافق / توافقين مقولة الغرب عننا اننا من دول العالم الثالث ( دول نامية) ..؟!
س3 / قد صار لك موقف مع دكاترة الجامعه وكنت بحاجه للشكوى ..؟! أذكر الموقف .
س4 / وش رايك في وافي وهو صدقي يعني وهو يكتب موضوع نقاشي جدي ..؟!
وهل ترى انه وفق ولا لا ..؟!
ٍ
ٍ
(قفلـه)
والله ما أشتكي لأنسان ..
الشكوى .. [ لله ] .. وغيره ما اشتكي .. [ لانسان ] ..
نفسي .. [ بعزها ].. وأداري .. [ دمعتي ] .. لا تبان ..
.
.
.
