سلام عليكم ...
بعد طول الغياب الخارج عن الإراده
عدت لكم بحلمي العفوي ...
اقبلوه بعفويته ...
ياعـيـن يالـلـي سكبتـــي صـافــي الـدمـعـه
الفاتـنـه جــات .. مــن قــدش ومــن قـــدي
إنـســي مـــدام الـحـظـوظ الـيــوم مرتـفـعـه
مــات الـلـذي فــات .. لـــدي للـحـيـا لـــدي
إنسي منيـره .. وحصـه .. وانتسـي رِفعـه
هـــذي تـغـطـي عـلــى الــثــلاث وتــعــدي
فـتـنـه وآيـــه .. تـخـيّـب هــقــوه ورمــعــه
مـالا نهايـه .. لـو أوصـف ويــش بـاابـدي
الـشـعــر ؟.. مـاكـنــه إلا لـيـلــة الـجـمـعــه
والسبـت .. صبحـه بوجـهٍ مـشـرق مـنـدي
والعيـن عـيـن النـعـاس الـلـي تـبـا الهجـعـه
والـخـشـم سـيــفٍ مـهـنـد بـــارع الــحــدي
والــخــد لـبـيــه كــنــه مـنـصـفـع صـفـعــه
والـفــم جـمــره وهــــب الــنــود مـشـتــدي
اليـا اضحـكـت ؟ سنـهـا يجـهـرك باللمـعـه
بـــارق وعـقـبـه عـذوبــة مـــزن مـتـنــدي
وسنـونـهـا .. يـذهـلــك ترتـيـبـهـا جـمـعــه
(صفـة رجــالٍ لـفـوا فــي زامــل امـهـدّي)
والجـيـد لامــن نظـرتـه ؟ جـاتـنـي خـلـعـه
لا يجـرحـه عقـدهـا الألـمـاس ..يـاوجــدي
و الصـــدر رمــــان ماأحلـى بـــــرزه وطـلــعــه
واليا تراكـت ؟ نسيـت اسمـي واسـم جـدي
انظر خصرهـا ؟ وأقـول : احليلهـا جوّعـه
وبعد الخصر .. لا ..ماكن به رحمةٍ عندي
تـمـشـي ولا كـنـهــا الا كـسـلــه ووجــعــه
تـهـمــس ولا كـنـهــا الا طــايــرٍ يــشــدي
مـن راسهـا لساسهـا روعـه علـى روعــه
والأروع انـهـا لـفـت تـمـشـي لـيــا حـــدي
فكـرت .. قلـت : ابشـري يانفـس بالفزعـه
يـــاذا الشـقـيـه بـحـقـق حـلـمـش الــــوردي
انـتـي هـويّـه واعـرفــش بـالـحـلا طـمـعـه
لا لا تـخـافـي وقـولــي صـــادق وجــــدي
قـلــت الـخـبــر يـابـنـيـه اذعــنــي سـمـعــه
انـتـي مـنـى النـفـس وانـتـي كــل مـــاودي
ومـن حـام حولـش ؟ فأنـا بسـارع بردعـه
منـتـي لغـيـري وانــا لـــه الـعــن امـحــدي
أقفت ... ؟؟؟؟ وكن مالها نيه على الرجعه
والرجل عجـزا ... وحيلـي صـدق منهـدي
والـلـي قهـرنـي وزوّد خـاطــري لـوّعــه؟
امـــد يـــدي لـهــا ؟ ثـــم تـنـقـصـر يــــدي
فجأه اختفت عـن عيونـي واختفـت سرعـه
وآثــار أمــي تـصـب الـمـاء عـلـى خـــدي
.
.
.
.