اهلين اخوي ابراهيم،،
كلامك ع العين والراس
ومحل اهتمامنا كمشرفات للمجلس،،
بتكلم عن الفترة القصيرة لي بالإشراف،،
اغلب المواضيع اللي قفلتها او نقلتها للكرت الاحمر
تكون منقوله نقل حرفي
او مكررة المضمون
او فيها الفاظ غير لائقة على عائلة او قبيلة معينه،،
اما بالنسبة للمواضيع الدينيه
مانمنعها لكن هذا
مايعني ان العضو ينسخ من مواقع ثانيه،،
ممكن يكتب بإسلوبه
وان كان ماعنده المقدرة على الكتابه
يسوي زي البحث،،يعني يجمع معلومات من مصادر مختلفه
وينسقها بشكل سلس وحلو ومفيد،،
وغالبا المواضيع الدينية اللي ينقلونها الاعضاء
ماتكون جديده بمعنى انها حدث او فتوى جديده <<اقصد القضايا المعاصره
الا تكون من عهد هارون
اسمح لي على هالتشبيه
لكن بما انك فتحت هالموضوع بكون صريحه مع الاعضاء
فيه بعض الاعضاء موب معجبهم قانون منع المنقول،،
طيب بما انك دخلت المنتدى لابد منك التقيد بتعليماته
ولو موب عاجبتك،،
ففيه بعضهم يلمز
وهذا اقتباس لاحد ردود الاعضاء على عضو كاتب موضوع منقول
لاحظ الكلام اللي بالاحمر،،
بالله مو استهتار بقوانيننا!!
طيب اذا موب عاجبك ما نجبرك تجلس بالمنتدى
فيه منتديات تقبل بالمنقول
وعضو اخر تم طرده من قبل الاداره لاصراره على كتابة المواضيع المنقوله
واللي اعتقد انها تجاوزت 15 موضوع خلال اسبوعين
ياليت نحترم القوانين ولو ما جت على مزاجنا وهوانا،،
اخوي احترم وجهة نظرك واقدر لك اهتمامك وحرصك
وكلامي موب موجه لك لانك من الاعضاء الملتزمين بالقوانين وملفك يشهد لك هالشئ،،
عوافي
BBP