^
^
^
قوليها و انا اكمل عنك
باكـ
جيتكم باحلى الاكلات الشعبيه الشقراويه .. BBP
1 / المخامير
لعبتي هـ الاكله
< - اشوا ان كل اللي تسوينه تصبين الحليب وتاكلين
هي قريبه من المراصيع اللي تكون بالحليب او الطماطم تعرفونها ؟ ..
لكن هذي نسويها بالحليب .. و هي حاره بعد .. يااوتش اشتهيتها ..
لكنها غالباً ما تكون فطور .. وليست وجبه رئيسيه ..
2 / الجريـش
طبعاً الجريش غني عن التعريف
وانا اشيد بالخطوه العاشره و بقوه ..
و الله الله بالحجز
< - يتطاقون ع المعصاد ..
وهذي صوره لمعصاد جريش جدتي تهاوشنا عليه انا وولد خالتي
بس اتفقنا في النهايه كل واحد له لحسه
< - بالاصبع اوب بالسان
3/ الحنيني
هذا الشي مجنوون .. و يمدحونه مع الشاهي في الشتا ..
وغيرها من الاكلات مثل :
" اضغط ع الاكله للحصول على الوصفه "
/
الجدير بالذكر .. ان اهل الشقراء
واخص بالذكر أهل القرائن " غسله و الوقف "
ما زالوا يحافظون على عاده جميله .. و هي :
الاحتفال بالعيد كـ اخوه متشاركين في المأكل و المشرب ..
ففي كل عيد تظهر هذه العاده الجميله ..
وتتسابق ربات البيوت في التفنن في طبخ اشهى الاكلات الشعبيه الشقراويه ..
كـ السابق ذكرها ..
حيث تقوم هذه العاده على التجمع في مكان قديم .. " الديره القديمه "
و تحظر كل عائله طبقها .. و يتشاركون في الغدا مدري فطور
انا هذا اللي محيرني .. اللي ناكله يوم العيد غدا و الا فطور ؟
يعني معقوله فطور مفاطيح ؟
و معقوله غدا الساعه 7 الصبح ؟
حلـّوني
عموماً هذي صوره تصور هذه لعاده .. و جمعت بين الماضي و الحاضر ..
ولحد يسألني من وين جبت الاولى ..
لانها من ارشيف صور خالتي
و ياكلون بيديهم طبعا
اخوي الصغير مره اقنعته ياخذ ملعقه معه
ويوم طلعها من جيبه قاموا يذبون عليه العيال
و صاروا يسمونه " السيده ملعقه " يا ويلهم من ربي ..
وسلامتكم .. و ان قدرت افيدكم بشي ثاني بافيدكم .. حسيتني كثيره
.. BBP ..