جيتكم باحلى الاكلات الشعبيه الشقراويه .. BBP

أقتباس

أولاً : يوخذ شوي من الطحين في الليل ويعجن بلبن < - اهم شي في الليل والا تخرب الطبخه

ثانياً : يصب عليه ماء في الصباح ثم يصب على الطحين اللي علىقدر مايبي الواحد ويصب عليه ماء ويعجن به عشان تخمر الخميرة

ثالثاً : ثم تترك حوالي ساعتين ثم ( تمَط ) وتترك نصف ساعة لينيحضَّر التنور

أ- إن كان تبغى مخامير تعمل العجينة قطع صغيرة ثم توضع دوائر في التنور حتى الاستواء ثم تقشع
ب-ان كان تبغى خبرٍ مرشش توضع دوائر كبار في التنور وترششينه يجهز بصل ويحمس بخلط وسم نويصب عليه شوي يحلب ويرشش به الخبز0
أما المخامير فتصب عليهم حليبٍ مفوَّح ومعك بصل محموس محركن بسمن تكبه عليهن ثم ترقلهن عشان يخالطهن0

أقتباس

أولاً : أفضل أنواع الحب للجريش هو اللقيمي وهو نوعين الطيارة وهو الأفضل أصفر اللون ، واللقيمي العادي أصفر أيضاً ، ولكن الطيارة أكثر صفات وتنتفش في القدر أكثر
ثانياً : يتم جرش اللقيمي في مجارش حصى مثل الرحى ولكنها تختلف سطحها أكثر خشونه من الرحى
ثالثاً:يوضع القدر على الناس ويوضع فيه الماء حسب المقاس المطلوب ويجدع فيه قطعة شحمه أو لحمه
رابعاً: كلٌ ورغبته يشب التنور وإلى صرَّمت ضو التنور ( إلاه فايح )
خامساً :يكب الجريش في القدر على قدر مقاس الماء وتكون ضو التنور هاديه0
سادساً :يوضع في أسفل التنورة مركب صغير حتى لايرص القدر الجمر، ويصلت القدر فيه < - مدري وشي يصلت ذي
سابعاً: يطبَّق التنور علشان ينكتم القدر وتموع حبَّة الجريش
ثامناً : بعد ساعتين يفتش إن كانه يبي زيادة ماء
تاسعاً : ثم يطبَّق التنور والقدر مرَّة اخرى ويترك حتى يجي وقت النكب
عاشراً : وقت النكب يستخرج القدر ثم يفتش ويقلَّب بالمعصاد
احدى عشر : ينكب على حسب الأكل

أقتباس

أولا: يجيبون تمر المسكاني ويفقّشونه ويوخرون فصمه أو عبسه وقموعه ويعبطونه لمدّة اسبوعين كل ليلة يعبطون فيه لين يصبح مثل العجينة بلون أصفر فاقع ( يختارون تمر المسكاني لصفار لونه ) وذلك وقت الصرام يخزنونه في صفاري( قدور ) نحاس مربوبة حتى الشتاء .

ثانياً: إلى بغوا يحنحنون " يعني يسوون حنيني " ياخذون من العبيط قدر حاجتهم ثم يقرصون القرصان على المقرصه وعندهم حليب طازج يغطون القرص فيه ويشيلونه بسرعة ويجمعونه فيقدر ، وإلى خلصوا وإلى عندهم صينيّة نحاس مخصصة للحنيني ، يوخرون المقرصة وياضعون الصينية على الجمر ويفركون القرصان فيها0

ثالثاً: ثم ياخذون من العبيط على قدر الحاجة ويعبطونه مع القرصان في الصينية على النار وأثناء الفرك يصبّون سمن توّه مموّع على حسب الحاجة معقشدة .

رابعاً: يفركون الخليط لين يصير ناعم.

خامساً: يشيلون الخليط ويضعونه في صينيّ التقديم زبره واحده أي كتلة واحده .

سادساً: يكونون محررين قشده ويدورون بها عليه.

سابعاً: وإلى صاروا يخافون يبرد يحطّون تحته في صينيّة ثانية جمرُ خفيف
ثامناً: يقدم بالهناء والعافيه 0