ياحبي للقصيم واهلها وريحتها وكل شئ فيها هذي بعض المصطلحات القصيميه .. فيها كلمات قديمه مانقولها الحين .. وفيه كلمات نستخدمها الى الحين تسذا : المعنى واضح يعني كذا ولازم تقولها وانت ماد براطمك لتحت ..! اغديه او اغديها : يعني كوده او كودها < يعني بيفهمون الثانيه : مثل مايقول الأبو لولده التسبير "رح ادرس كود اخوانك يغارون منك ويذاكرون" او رح ادرس اغديك تنجح باتسر وتطلع دختور ..! صزز : يعني صدق .! منهو : من هو وانتهينا ..! اشبك البلا فشكلك : عفواً هذي حجازيه مهيب لنا مهيب ولا مهوب : بالعربي ( ليس) مثل "هذا التفترمهوب لتس يانوير هذا التفتر لأختس منيـّر " هقوتي : يعني (أظن) مثل "هقوتي انه هنيا" توحي : تسمع .. اذا جيت تسلم على شايبن من شيبانكم تهز على راسه وتقوله مساك الله بالخير بيقولك وشووووو ؟! بتقوله أنت توحي (وسط اذنه على يسمعك) وبيقولك من انت ولد...الخ" جغمه : يعني جغمه ..! امصع : يعني اسحب بقووووه مثل الأم اذا قالت لولدها تراني بمصع اذنك اذا ما درست ..! يدربي : يعني يدحرج .. مثل واحد من الشباب اسمه مدربي رويسه زبوريه : نوع من النعال ( الله يكرمكم ) وهو أحسن مبيد للصوارير والبعارصى والحشرات الزاحفه الأخرى سرسري : يعني سربوت يعني داشر .. يعني صايع في الشوارع وهو أسهل واحد يطيح في التتن ..! برندا : ميرندا سماط : يعني سفره ملاس : ننتسب به الغداء .. ويُستخدم بعض الاوقات لجلد البزارين ..! اولاااااه : اداة ترجي << لاحظ لازم المط يويدز : يعني يويدز .. يعني يطل بالعربي ..! ترم ترم : فلم كرتون نسميه من أول ترم ترم وبعض البزران يسميه أبو تتنه (اللهم لك الحمد ) وغيرهم يسميه أبو ذنب(اللهم لك الحمد ) وعيال النعمه يسمونه النمر الوردي ..! انقلع + اذلف : فارق وشذا : ماهذا ؟ جغفه : يعني بوسه تسبيره مخلوطة بشوية سعابيل ..! ويعطيكـ العافية محاسبة ماقصرتي BBP