في بداية موضوعي انا اقول لكم ان الموضوع طويل يعني جهزوا نفسكم عيال حارتنا قلبت مواجعنا << صرت شاعرة وانا ماادري يعني يسير اشترك بشاعر المليون http://songs.njom.net/music/gulf/ram/ali/ali117.ram انا من الناس اللي اثرت فيني هالقصيدة واكيد كثير منكم اثرت فيه لكن انا رحت اقارن بين الطفوله والبراءة والكبار و عكس البراءة مااقدر اعطيها تفسير واحد يمكن يكون الاصطناع او اللؤم والله ماني لاقية لها تفسير , وسرت الاحظ تصرفات الاطفال و تصرفات الكبار وقمت اقارن بينهم في بعض التصرفات وانا بذكر بعضها اللي من وجهة نظري انها من ابرز التصرفات اللي لاحظتها عليهم وتستاهل التركيز عليها انا موضحتها تحت بس لكن لو بقارن كل التصرفات بين الكبار والصغار ماخلصت وهذي اهمها من وجهة نظري ... التصرفات هي ... شي يشغل فيه نفسه ؟ الاطفال : ايش العب الحين يعني مايفكر الا باللعب حتى الاكل والنوم ينساهم ولا يفكر فيهم من كثر اللعب الكبار: 1) اتفرج على التلفزيون 2) اجلس على النت 3) شلون اطلع من البيت 4) وفيه ناس تشغل نفسها بشي نافع وناس تشغل نفسها بشي ما منه فايدة شي يهمه اذا امه وابوه خارجين من البيت ؟ الاطفال : يفكر شلون يروح معاهم ماله الا الصياح باعلى صوت الكبار: والله بعضهم الساعة المباركة عشان يسوي اشياء ماكان يقدر يسويها بوجودهم اذا شاف شي عجبه مع احد ويش يسوي؟ الاطفال : ودة يكون عنده زيه << يما ابي مثله الكبار: ودة يجيب احسن منه عشان يقهر اللي شاف معه الشي << يالطيف اذا جلس طفشان ومع عنده شي يسويه ؟ الاطفال : تجلس تمسك شنطة الخياطة ونفسها تخيط اي شي او يشغل نفسه بالعابه ويكلمها الكبار: ماسكتها او ماسكها طقطقة بهالجوال طول اليوم اما مع اصحابه او مع …… الله يستر علينا وعليكم اذا صرخ فيه امه او ابوه او اخوه او اخته الاكبر منه ؟ الاطفال : يصيح على طول وما يرد و ممكن يتاسف الكبار: يرد عليهم وبقوة وممكن يصيح اللي صرخ فيه ومو هوا للي يصيح اذا احد زعله وهذي اهم شي؟ الاطفال : يرضى بعد خمس دقايق اذا كثر الكبار: يرضى بعد خمسه ايام اذا قلل ومن الاشياء اللي ودي انزلها بهالموضوع هي قصة صارت امام عيني بحاول اختصرها لانها هي صارت امامنا حوالي ساعتين او ثلاث وهي من هموم بعض الكبار اللي ماء وجهه راح او ماسحه وجهها بالتراب وهي والله انها حقيقه من بعدها كرهت الدنيا وصرت اتمنى الموت ولا اشوف او اسمع مثل هالاشياء واعتقد ان البعض منكم شاف توقيعي اللي كنت اتمنى الموت فيه بخاتمة حسنه المهم القصة هي في يوم من الايام كنت انا وحدة من صحباتي جينا دخلنا قاعة كانوا فيها بنتين جالسين يهرجوا مع بعض عشان اوضح لكم القصة اوضح لكم بعض اوصاف البنات وهي وحدة متينة وصوتها الحمدلله والثانية وسط والله مااعترض على خلقة ربي ولا عشان اعايب عليهم لكن اوريكم الى فين وصلت فيهم قلة الحياء المهم السمينه تحكي الثانية عن الشباب اللي تعرفهم ويش تقولهم ويش يقولوا لها والله وبصوت عالي عيني عينك قدامنا ولا همها هالناس اللي يسمعوا لاحياء ولا حشيمه انا وصاحبتي استحينا وسرنا نطالع في بعض انا شفت بنات يكلموا شباب لكن بالدس لكن هذول مجاهرة بالمعصيه يالله زادوا الطين بله ومن الاشياء اللي قالتها تحكي عن الولد اللي جاء الى بيتهم وجاب له وردة في عيد الحبBBP واللي كلمته وقال لها تعالي نتقابل في الملاهي وهذي الملاهي فيها كباين للعوائل استغلوها لقلة الحياء وقالت لا والله هذا ناوي على شي كبير وتركته اصلا هي ماتقدر تقابله لانه لو شافها حط رجله والله مو كذب وشوي الا دق جوالها واحد من الشباب اللي تعرفهم والله صوتها تغير مو 180 درجة تغير 360 درجة تحول من الخشونه في الاصل الى نعومه مطلقه والله لو تسمع صوتها بنعومه ما تعطوها هذاك الشكل وقامت تحكيه عن انها كانت تعرف واحد قبل متزوج بس ما يكلمها كل يوم وتركته وحكته اشياء كثيرة والله صعب اني اقولها كلها هنا وهذا الولد عادي عنده بيكلمها ماعنده مشلكة الحمد لله يارب خلصت مكالمة الا راحت دخلت في موضوع كان نفسي اعرف عنه زي ما يقولوا جبتها على الجرح جابت سيرة ابوها الله يفكه من شرها ويعطيه خيرها ويهديها له والله حكت عن ابوها طلع طيب الى اقصى درجة والله العظيم قهرتني انه كان نفسي اقوم اضربها واكسر الجوال على راسها كمان وهو كمان يدرسها بالجامعه على حسابه بفلوس يدفع عليها يهمه مسقبلها وهي ما همها ابوها يالله في اكثر من كذا . معليش طولت عليكم بس بالله ابيكم تقولون لي ايش ممكن تاخذ فكرة عن هذي الصورتين اول ماتشوفها من ناحية الشخصية ايش اللي تعكسه الصورتين ؟؟ 1) 2) وابيكم بعد تقولوا لي اللي هل كنت مشاغب (هـ)وانت(ي) صغير(هـ) ولا لا ؟ هل تتمنى ترجع ايام الطفوله ولا لا ؟ وهل تحب حياة الاطفال ولا لا؟ ملاحظة : مو كل شخص يقرا الموضوع يعني هو المقصود اكيد بس كل شي كتبته كان عن تجربه انا شفتها بعيني . CC و تحيـــــــــــــــــــــــــــــــــــــــاتي لكــــــــــــــــــــــــــــــــــــــم CC